Dagblaðið Vísir - DV - 05.02.2016, Blaðsíða 40
Helgarblað 5.–8. febrúar 201632 Menning
Amazon sagt opna 400
bókabúðir á næstunni
Opnuðu fyrstu bókabúðina í Seattle í nóvember
V
efsölurisinn Amazon stefn-
ir á að opna allt að 400
bókabúðir í Bandaríkjun-
um á næstu árum. Þetta er
haft eftir Sandeep Mathrani, fram-
kvæmdastjóra GGP.N, eins helsta
rekstraraðila verslunarmiðstöðva í
Bandaríkjunum, í The Wall Street
Journal á þriðjudag.
Frá stofnun hefur Amazon boðið
bækur á mun lægra verði en bóka-
búðir í raunheimum hafa getað gert
og hefur verið gagnrýnt fyrir að gera
rekstur hefðbundinna bókabúða
nánast ómögulegan. Nú virðist fyrir-
tækið hins vegar ætla að stefna inn
á þennan markað. Fyrsta bókabúð
fyrir tækisins opnaði í Seattle í nóv-
ember í fyrra. Þar er hægt að kaupa
valda bókatitla auk þess sem vegfar-
endur geta fengið að prufukeyra og
fá hjálp með tæknivörur fyrirtæk-
isins Kindle, Echo, Fire TV og Fire
spjaldtölvur. Talið er líklegt að hægt
verði að fá bækur sendar samdæg-
urs í bókabúðirnar þegar fram líða
stundir.
Í grein bandaríska veftímaritsins
VOX er bent á að fyrirtækið virðist
stefna leynt og ljóst á algjöra einokun
á bókamarkaði, og raunar sem flest-
um sviðum smásölu. Allt frá stofnun
hefur Jeff Bezos, eigandi Amazon,
frekar notað hagnað fyrirtækisins í
að auka markaðsforskot sitt og sækja
inn á nýjar lendur frekar en að greiða
út arð til eigenda. Fyrirtækið byrjaði
sem vefbóksali fyrir tuttugu árum en
hefur á undanförnum árum fært sig
í auknum mæli yfir í almenna smá-
sölu, framleiðslu, tæknigeirann og
mörg fleiri svið.
Þótt talsmenn Amazon segist
ekki svara „vangaveltum og sögu-
sögnum“ féllu hlutabréf í helsta
keppinaut fyrirtækisins á bóka-
markaði í Bandaríkjunum, Barnes &
Nobles, um fimm prósent við frétt-
irnar. En B&N reka um 640 bóka-
búðir í Bandaríkjunum. n
ATN Zebra 16
Z-spjótlyfta • Fjórhjóladrifin
• Diesel
• Vinnuhæð: 16,4m
• Pallhæð: 14,4m
• Lágrétt útskot: 9,3m
• Lyftigeta: 230kg
• Aukabúnaður: Rafmagns-
og lofttenglar í körfu.
• Til afgreiðslu strax
Ýmsar aðrar ATN spjót- og
skæralyftur til afgreiðslu
með stuttum fyrirvara.
Þ
að kannast líklega flestir við
sögu Jules Verne, um yfir-
stéttarspjátrunginn Filias
Fogg, sem árið 1872 veðjar við
klúbbfélaga sinn um að hann
komist hringinn í kringum jörðina á
80 dögum. Filias er leiðinlega smá-
munasamur karakter, afar stoltur og
upptekinn af breskum siðum og venj-
um. Í upphafi leikritsins ræður hann
til sín franskan þjón, Passepartout, og
saman ferðast þeir í kappi við klukk-
una, með tösku fulla af peningum, í
kringum jörðina. Á hæla þeirra fylgir
rannsóknarlögreglumaðurinn Fix sem
er sannfærður um að Filias Fogg sé eft-
irlýstur bankaræningi.
Boðskapur verksins er víðsýni og
umburðarlyndi gagnvart siðum og
venjum fólks af öðrum kynþáttum.
Hinn þröngsýni Filias breytist á ferða-
laginu, hann finnur meira að segja
ástina í lífi sínu á fjarlægum slóðum.
En söguþráðurinn er gamaldags,
persónurnar einfaldar og ferðalagið
lítið spennandi. Verkinu er haldið
uppi af fjórum leikurum ásamt tveim-
ur sviðsmönnum og hljóðfæraleikur-
unum Baldri Ragnarssyni og Gunnari
Ben. Það voru kannski þeir tveir síð-
asttöldu sem voru hvað ferskastir á
sviðinu, maður bjóst hálfpartinn við
því að þeir mundu brjóta allar reglur
og gera eitthvað alveg rosalega óvænt
og hættulegt. Það gerðist því miður
ekki en það var áhugavert að sjá þá
spila á öll þau hljóðfæri sem gripið
var til. Reynt er að fjölga andlitum á
sviðinu með því að draga fram brúður
í líki ýmissa þekktra einstaklinga frá
þessu tímabili en það mistekst. Brúð-
urnar eru of litlar, texti þeirra klisju-
kenndur, túlkunin óspennandi og
tengingin óskýr.
Ekki veit ég af hverju þetta verk
rambaði á stóra sviðið. Í kynningar-
efni frá leikhúsinu frá því í haust var
gert ráð fyrir að það yrði sýnt í Kassan-
um. Það hefði sannarlega farið betur
á minna sviði í meiri nánd við áhorf-
endur. Þetta er löng sýning, rúmlega
tveir klukkutímar, og undir lokin var
orðið meira spennandi að sjá hvort
ungir áhorfendur héldu sýninguna út
heldur en hvort Filiasi Fogg tækist að
komast í tæka tíð til London. Það er
ekki annað hægt en að setja spurn-
ingarmerki við erindi þessa verks á
stóra svið Þjóðleikhússins og jafnvel
erindi þess yfir höfuð. Margreyndur
leikstjóri og þekktir leikarar standa að
sýningunni en það dugar ekki til. Fátt
kemur á óvart nema þá helst hversu
hratt leikurunum tekst að skipta um
búninga. Frumleiki og töfrar eru hins
vegar víðs fjarri. n
Lítið spennandi heimsferð
Bryndís Loftsdóttir
ritstjorn@dv.is
Leikhús
Umhverfis jörðina
á 80 dögum
Byggt á samnefndri sögu Jules Verne.
Leikgerð: Karl Ágúst Úlfsson og Sigurður
Sigurjónsson Leikstjórn: Ágústa Skúladóttir
Leikarar: Sigurður Sigurjónsson, Örn Árnason,
Karl Ágúst Úlfsson og Ólafía Hrönn Jónsdóttir
Tónlist, hljóðfæraleikur og ýmis hlutverk:
Baldur Ragnarsson og Gunnar Ben
Sviðsskiptingar og ýmis hlutverk: Jón
Stefán Sigurðsson og Stella Björk Hilmars-
dóttir
Leikmynd: Högni Sigurþórsson
Búningar: Leila Arge
Lýsing: Ólafur Ágúst Stefánsson
Sýnt í Þjóðleikhúsinu
Heimsborgari Siggi Sigurjóns leikur breska yfirstéttarspjátrunginn Filias Fogg sem ætlar sér að ferðast í kringum jörðina á aðeins 80 dögum.
Mynd Hörður SveinSSon
Brúðuleikur Brúður léku hlutverk þekktra samtímamanna Filiasar Fogg í verkinu, en
gagnrýnanda fannst brúðurnar of litlar, texti þeirra klisjukenndur, túlkunin óspennandi og
tengingin óskýr. Mynd Hörður SveinSSon
„Fátt kemur á
óvart nema þá
helst hversu hratt leikur-
unum tekst að skipta
um búninga.
1 Meira blóðJo Nesbø
2 Þrjár sekúndurRoslund & Hellström
3 DauðaslóðinSara Blædel
4 Tvöfalt glerHalldóra Thoroddsen
5 Konan í blokkinniJónína Leósdóttir
6 Fávís mærIda Simons
7 GildranLilja Sigurðardóttir
8 Fram hjáJill Alexander Essbaum
9 Víga-Anders og vinir hans
Jonas Jonasson
10 Spámennirnir í Botnleysufirði
Kim Leine
Metsölulisti
Eymundsson
Íslenskar kiljur
27. jan.–2. feb. 2016
Jo nesbø