Fréttablaðið - 13.04.2017, Side 34

Leikhús
Fyrirlestur um eitthvað fallegt:
gamanverk um kvíða
HHHHH
Tjarnarbíó
Höfundur: SmartíLab-hópurinn
Leikstjórn: Sara Martí
Leikarar: Agnes Wild, Guðmundur
Felixson, Hannes Óli Ágústsson,
Kjartan Darri Kristjánsson og Sigrún
Huld Skúladóttir
Leikmynd og búningar: Brynja
Björnsdóttir
Ljósahönnun: Arnar Ingvarsson
Hljóðmynd og myndbönd:
SmartíLab-hópurinn
Árið 1950 söng Judy Garland eitt af
sínum frægustu númerum í kvik­
myndinni Summer Stock. ‘Get
Happy’ átti eftir að verða eitt af
hennar lykilnúmerum og dans­
atriðið goðsagnakennt. Það sem
færri vita er að hún var svo djúpt
sokkin í lyfjaneyslu á þessum tíma
að atriðið var tekið upp mánuðum
eftir að upptökum lauk. Langvar­
andi kvíði hennar og óánægja með
eigin líkama varð henni að lokum
að falli, og dó hún fyrir aldur fram.
Kvíðinn getur nefnilega bæði
verið lamandi en líka uppspretta
fyrir listræna sköpun. Þetta er línan
sem SmartíLab hópurinn reynir að
dansa á í sýningunni Fyrirlestur
um eitthvað fallegt, frumsýndur í
Tjarnarbíó síðastliðinn sunnudag.
Baldur er listamaður á kafi í vinnu
að sínu nýjasta verki en er beðinn
um að halda ræðu á versta tíma og
í miðjum ræðuhöldunum fær hann
óstjórnanlegt kvíðakast.
Hópurinn allur er skrifaður fyrir
handritinu þar sem mismunandi
kvíðasögur þræðast saman í bland
við kómísk innslög. Sara Martí
leikstýrir og finnur oft vandaðar
lausnir til þess að láta atriðin flæða.
Forvitnilegt verður að fylgjast með
hennar listrænu þróun á næstu
misserum. Vandamálið er að sýn­
ingin og handritið á það til að vera
heldur bókstafleg og og lopinn er
teygður óþarflega.
Sem dæmi má nefna leikmynd­
ina en sýningin á að gerast inni í
heilanum á Baldri. Leikmynda­
hönnuðurinn hæfileikaríki Brynja
Björnsdóttir smíðar tilkomumikla
grind sem trónir á sviðinu miðju en
spyrja má hvort hún hafi verið besta
lausnin fyrir sýninguna. Búningarn­
ir eru því miður ekkert sérstaklega
spennandi heldur frekar samtíning­
ur af misfallegum rauðum flíkum.
Hljóðmyndin og myndbandsvinnan
er líka í höndum hópsins og glímir
við sama vandamál. Stundum er
hún virkilega áhrifarík en í öðrum
atriðum, s.s. þegar ein persónan
líkir kvíðanum við ljón, alltof ein­
föld. Aftur á móti er lýsing Arnars
Ingvarsson einstaklega vel heppnuð
þrátt fyrir einfaldleikann og skyggir
leikmyndina fallega.
Leikararnir Agnes Wild, Guð­
mundur Felixson, Hannes Óli
Ágústsson, Kjartan Darri Krist­
jánsson og Sigrún Huld Skúladóttir
vinna vel saman og fá öll tækifæri
til þess að skína. Öll leika þau mis­
munandi útgáfur af Baldri, þar á
meðal raddirnar í höfðinu á honum,
en einnig persónur sem takast á
við kvíða á mismunandi hátt. Sig­
rún Huld er grátbrosleg sem unga
konan að undirbúa sig fyrir stefnu­
mót, Guðmundur bráðfyndinn sem
Kvíðamaðurinn og frammistaða
Kjartans Darra oft á tíðum virki­
lega góð. Hann hefur bæði taktinn
og einlægnina til að vaxa enn frekar.
Hannes Óli hefur alveg einstak­
lega traustvekjandi sviðsveru og á
auðvelt með að vekja samúð áhorf­
enda en á sama tíma kitla hlátur­
taugarnar, oft með fáum orðum. Eitt
af áhrifaríkustu atriðunum er undir
tónum ‘Get Happy’ sungið af Judy
Garland á meðan Agnes klemmir
þvottaklemmur á líkama sinn. Ekk­
ert er sagt heldur er áhorfendum
gefið tækifæri til þess að upplifa
kvíðann á sínum eigin forsendum,
nánast á sínu eigin skinni.
Fyrirlestur um eitthvað fallegt
rokkar á milli þess að hitta beint í
mark og jaðra á öðrum stundum við
áhugamannaleikhús. Aftur á móti er
rík ástæða til að hvetja fólk til þess
að gefa SmartíLab tækifæri til að
koma á óvart, fræða og skemmta.
Sigríður Jónsdóttir
Niðurstaða: Skondin sýning
um mikilvægt málefni en listræna
dirfsku skortir.
Hinn kómíski kvíði
Það er rík ástæða til að gefa SmartíLab tækifæri til að koma á óvart, fræða og
skemmta, segir í leikdómi. Mynd/Geirix
tóNList
Freyjujazz
HHHHH
Greta Salóme, Gunnar Hilmarsson
og Leifur Gunnarsson komu fram á
Freyjujazzi.
Listasafn Íslands
Þriðjudagur 11. apríl
Ég kom við í Listasafni Íslands í
hádeginu á þriðjudaginn. Leiðin lá
fyrst í kaffiteríuna, en á meðan ég
var að ganga upp stigann heyrðist
ofsafenginn hljóðfæraleikur. Hann
barst að neðan og var vægast sagt
framandi. Þetta var auðheyri­
lega sígaunatónlist. Laglínurnar
voru flúraðar, sterk austurlensk
áhrif voru greinanleg, takturinn
var skoppandi, hljómagangurinn
líflegur og mikið um svokallaða
minnkaða hljóma. Til að kóróna
allt var fiðlan í forgrunni.
Þetta var Greta Salóme sem var
að hita sig upp. Hún var að fara að
koma fram á tónleikum. Lands­
menn þekkja Gretu fyrst og fremst
sem fulltrúa þjóðarinnar á Euro­
vison fyrir skemmstu. Hún er þó
ekki bara poppdíva og lagasmiður,
heldur hámenntaður fiðluleikari
sem á m.a. heima í Sinfóníuhljóm­
sveit Íslands. Hún er augljóslega
ákaflega fjölhæf.
Með Gretu spiluðu Gunnar Hilm­
arsson á gítar og Leifur Gunnars­
son á kontrabassa. Dagskráin ein­
kenndist af sígaunastíl. Slík tónlist
er sjaldheyrð á Íslandi, en þó ekki.
Haydn, Brahms, Mozart og félagar
eru fluttir hér í hverri viku á hinum
og þessum tónleikum, og þeir voru
hugfangnir af tónlist sígauna. Kaflar
í verkum þeirra eru innblásnir af
slíkri músík, og maður heyrir þá
oft. Greta var hins vegar ekki að
spila klassík heldur djass og henni
fórst það einstaklega vel úr hendi.
Leikstíllinn minnti mjög á Steph­
ane Grappelli, tónarnir voru tærir
en samt dásamlega tvíræðir, eins
mótsagnarkennt og það hljómar.
Hrynjandin var hárnákvæm og alls
konar hröð tónahlaup voru létt og
leikandi.
Tónleikarnir voru hluti af röð
sem hefur vakið töluverða athygli.
Hún ber heitið Freyjujazz og er
hugarfóstur Sunnu Gunnlaugs
djasspíanista. Markmiðið, fyrir
utan það að skemmta áheyrendum,
er að auka veg kvenna í djassinum.
Það kemur því alltaf fram a.m.k. ein
kona á tónleikum raðarinnar.
Sem fyrr segir var sígaunastíllinn
þema tónleikanna, en það voru
undantekningar. Moon River er
ekkert sígaunalag. Það var þó ákaf­
lega fallega spilað, fiðlan var draum­
kennd og ljóðræn. Eitt lagið á dag­
skránni var eftir móður Gretu, það
var fjörlegt og grípandi.
Meðleikararnir voru magnaðir.
Gunnar Hilmarsson á gítarnum var
frábær. Hann spilaði af gríðarlegri
fimi og innlifun, svo mjög að það
var alveg einstakt. Leifur á bassann
var líka afar rytmískur og kröftugur.
Samspil þeirra þriggja var vandað
og samtaka, þau spiluðu eins og ein
manneskja.
Þetta var skemmtileg stund.
Hádegistónleikar eru notaleg leið til
að brjóta upp daginn og hverfa frá
amstrinu. Oftast er talað um flótta
frá veruleikanum sem eitthvað nei­
kvætt, en svo þarf aldeilis ekki að
vera. Stundum er gott að gleyma sér
aðeins og hvað er þá betra en lifandi
og safarík tónlist?
Jónas Sen
Niðurstaða: Sígaunadjass í Lista-
safninu var flottur.
Greta Salóme fór á kostum
ALLTAF VIÐ HÖNDINA
Þú getur lesið
Fréttablaðið í heild
sinni á Vísi og í
Fréttablaðs-appinu
... allt sem þú þarft
Þú færð appið á visir.is/fbl eða beint í gegnum
Urðarhvarfi 4 / 203 Kópavogi
Sími 557 4848 / www.nitro.is
FERMINGAGJAFIR
Bensín- og rafmagnsvespur á góðu verði
199.900,-
Svört, rauð eða grá
149.900,-
Svört, rauð eða hvít
KEMUR
1. APRÍL
Þarf ekki próf,
tryggja eða skrá!
ára
s. 511 1100 | www.rymi.is
...fyrir alla muni
SMÁVÖRUHILLUR OG SKÁPAR
Hágæða amerísk heilsurúm
sem auðvelt er að elska
Sofðu rótt í alla nótt
1 3 . a p r í L 2 0 1 7 F i M M t u D a G u r26 M e N N i N G ∙ F r É t t a B L a ð i ð
menning
1
3
-0
4
-2
0
1
7
0
4
:3
5
F
B
0
4
8
s
_
P
0
3
4
K
.p
1
.p
d
f
F
B
0
4
8
s
_
P
0
2
7
K
.p
1
.p
d
f
F
B
0
4
8
s
_
P
0
1
5
K
.p
1
.p
d
f
F
B
0
4
8
s
_
P
0
2
2
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
C
A
9
-3
B
2
8
1
C
A
9
-3
9
E
C
1
C
A
9
-3
8
B
0
1
C
A
9
-3
7
7
4
2
7
5
X
4
0
0
.0
0
1
4
A

F
B
0
4
8
s
_
1
2
_
4
_
2
0
1
7
C
M
Y
K