Hjúkrun: tímarit Hjúkrunarfélags Íslands - 15.05.1990, Page 15

* félagsmál
félagsmönnum að loknum full-
trúafundi. Endurskoðandi félags-
'ns, Victor Knútur Björnsson, hef-
ur unnið mjög vel ásamt sínu liði og
ég tel ársreikninginn gefa mjög
skýra mynd af fjárhag félagsins.
Sérsjóðir félagsins, Bókasjóður
°g Minngarsjóður Guðrúnar Gísla-
dóttur Björns, eru mjög fátækir
sjóðir og hafa ekki verið hreyfðir,
en einu tekjur sjóðanna eru árs-
vextir. Á þessum fulltrúafundi
verður lögð fram tillaga um að
leysa upp Minngarsjóð Guðrúnar
Gísladóttur Björns.
Minningarsjóður Hans Adolfs
Hjartarsonar, sem er námssjóður
félagsins, hefur aukist talsvert síð-
nstu ár, með framlögum félagsins
°g minningargjöfum. Á árinu 1989
var hægt að veita 214 þúsund krón-
ur til styrkja og verður sama upp-
hæð veitt í ár. Einu föstu tekjur
sjóðsins eru minningargjafir en fé-
Hgssjóður lagði fram rúm 294 þús-
und krónur til sjóðsins á árinu. Til
Rannsókna- og vísindasjóðs var
famlag félagsins rúm 235 þúsund
krónur á árinu 1989. Var það sam-
kvæmt samþykkt fulltrúafundar
1989 ákveðin prósenta af félags-
gjöldum. Vegna fjárskorts verður
ekki lögð fram tillaga um framlög í
sjóðinn á árinu 1990.
Minningarsjóður Kristínar Thor-
oddsen, sem var í umsjón Hjúkrun-
arskóla íslands, var afhentur HFI
til varðveislu 22. febrúar 1990. Fjár-
eign sjóðsins er rúmar 354 þúsund
krónur, eins og fram kemur í árs-
reikningi.
Lokið var við að skrá bókasafn
HFÍ á árinu 1989 og voru skráðir
um 700 bókatitlar. Bókasafnsfræð-
ingar, sem unnu verkið, munu
koma til starfa árlega og skrá þær
bækur sem félagið eignast. Fyrir-
hugað er að tölvufæra skjalasafn fé-
lagsins í haust og á næsta ári.
Nefnd sú, sem annast útgáfu
Hjúkrunarfræðingatals, hefur unn-
ið í hverri viku árið um kring og er
þar um geysimikið starf að ræða.
Fyrirhugað var að þriðja bókin
kæmi út sl. haust á 70 ára afmæli
félagsins. Upplýsingaöflun gekk
mjög hægt og um mitt ár 1989 var
sýnilegt að ekki væri hægt að gefa
bókina út á árinu, þar sem svo stór
hluti hjúkrunarfræðinga hafði ekki
sent inn upplýsingar eða allt að 1/3.
Þetta er e.t.v. ekki réttur vettvang-
ur til að átelja þá hjúkrunarfræð-
inga sem ekki hafa svarað en ég get
ekki látið hjá líða að senda þeim
kveðju og vænti þess að þeir létti
nefndinni störfin.
Væntanlega kemur bókin út
haustið 1990.
Offsetprentun Hjúkrunar-
kvennatals fór fram á árinu 1989.
Ég vil að lokum óska Hjúkrunar-
félagi íslands og félögum þess góðs
gengis og þakka gott samstarf á ár-
inu.
Ingibjörg Gunnarsdóttir,
skrifstofustjóri
Guðrún B. Hauksdóttir:
Handklæðaböðun
Árið 1989 kynntist ég nýrri tækni
Hð rúmböðun í Sheffield í Eng-
londi. Ég hreifst mjög afhraðanum,
ebifaldleikanum og hversu þœgileg
athöfn þetta var fyrir sjúklinginn og
ákvað í farmhaldi af því að kynna
'nér þetta nánar.
Líssa E. Wright hjúkrunarfræðingur hafði
Hóað þessa tegund böðunar við Royal Hall-
amshire Hospital í Sheffield með góðum ár-
j'ngri á árinu ’85-’86. Hún hafði kynnst þessu
1 námsferð í Bandaríkjunum. Síðan hefur
handklæðaböðun breiðst út á fleiri sjúkrahús
°g stofnanir og fær mjög jákvæða dóma þar
sem það hefur verið kynnt og tekið í notkun,
b*ði af sjúklingum og hjúkrunarfólki. Þessi
tegund rúmböðunar þykir hafa ýmsa góða
k°sti fram yfir venjulega rúmböðun eins og
v'ð þekkjum hana, t.d.:
L Það tekur minni tíma að framkvæma
nandklæðaböðun og er því ekki eins þreyt-
andi fyrjr sjúklinginn.
2- I mörgum tilfellum getur einn hjúkrun-
arfræðingur framkvæmt handklæðaböðun án
þess að gæðin minnki fyrir sjúklinginn.
3. Líkami sjúklings er ekki eins afhjúpaður
við baðið, því verður honum síður hrollkalt.
4. Tímasparnaður er mikill og dregur það
úr spennu sem oft skapast vegna mikilla anna
á deildum, 3 mín. á móti 20 mín.
5. Sjúklingar virðast njóta handklæðaböð-
unar og láta það mjög í ljós. Verkar það mjög
hvetjandi á hjúkrunarfólk.
6. Hefur róandi áhrif á fólk og því líður vel
á eftir.
Handklæðaböðun er einkar hentug:
a) Eftir aðgerð.
b) A gjörgæsludeildum.
c) Fyrir krabbameinssjúklinga. Víða í
Bretlandi er farið að nota handklæðaböðun á
Hospice eða heimilum fyrir dauðvona. Þar
fléttast gjarnan saman við baðið Aroma
therapy (þ.e. þegar náttúruleg efni eru notuð
til lækninga. Hægt er að hafa áhrif á t.d.
verki.
d) Fyrir sjúklinga sem þola litla hreyfingu.
e) Við frágang á líki.
f) í flestum tilfellum þar sem rúmböðun er
nauðsynleg.
Stofnkostnaður er ekki mikill. Það sem
þarf að kaupa er:
Handklæði 2 m x 85 cm., venjuleg frotté.
Infacare sápa:
Þetta er sápa sem ekki þarf að skola af
líkamanum. Öll þau ár sem hún hefur verið
notuð í Bretlandi hefur hún ekki valdið
neinni húðertingu svo vitað sé. Ph. gildi er
6.0. Er góð við neðanþvott yfirleitt og út í
baðkar við böðun. Pað þarf mjög lítið af sáp-
unni. Hægt er að kaupa Infacare í gegnum
Íslensk-Ameríska.
4 lítra könnu undir vatn.
Þvottafat.
Annað sem þarf er yfirleitt til á deildum.
Afar mikilvægt er að framkvæma hand-
klæðaböðun á réttan hátt. Ýmis atriði skipta
öllu máli s.s. brot á handklæði, hitastig o.fl.
Pess vegna vil ég mjög gjarnan koma á stað-
ina og kenna ykkur rétt handtök. Einnig er ég
með video-mynd undir höndum sem mjög
gott er að sjá.
Guðrún B. Hauksdóttir
Hjúkrunarforstjóri Garðvangs
250 Garði.
v.s. 92-27151, h.s. 92-27228.
HJÚKRUN 2/»—66. árgangur 15