Norðurslóð - 24.04.1980, Blaðsíða 5

Hótel
Krosshóll
Hver vill
teggfa hönd
á plóginn?
í september síðastliðnum var
hér í blaðinu sagt frá gjöf
Gunnars Jónssonar, bilstjóra,
til Svarfaðardalshrepps og
Ferðafélags Svarfdæla, en það
var stór vinnuskúr, sem hugsað
var að breyta í sæluhús /
gangnaskála.
Á miðjum vetri var húsið
selflutt frá Skáldalækjarmelum
fram á Beitarhúsahólinn fyrir
framan Krosshól, þar sem lengi
hefur staðið gangnabraggi
Svarfdælinga.
Nú stendur til að hefjast
handa um setja húsið á grunn og
lagfæra það eins og þurfa þykir,
setja á það ris í stað skúr-
þaksins, innrétta svefnpláss
o.s.frv..
Blaðið hefur fyrir satt, að
ráðinn hafði verið verkstjóri
með þessari framkvæmd Árn-
við Hansen á Dalvík, sem kvað
vera smiður góður. Ætlunin er
að hefja verkið fljótlega eða
jafnskjótt og hægt verður að
aka bíl með efnivið, möl,
sement, timbur o.s.frv. fram i
Afréttina.
Nú er það von allra viðkom-
andi, að ýmsir áhugamenn um
göngur og ferðalög sjái sér leik á
borði að leggja fram dálítið
sjálfboðastarf til að gera þessa
framkvæmd ódýra. Mönnum
hefur dottið i hug, að margir
myndu hafa gaman af að fara
þarna frameftir að kvöldi til og
einkum unv helgar og leggja
hönd á’ plóginn í vorblíðu
framan við byggð. Þetta verður
varla fyrr en komið er fram í
maí.
Norðurslóð vill endregið
hvetja áhugamenn bæði í sveit-
inni og á Dalvík til að aðstoða
við að koma upp þessum
gististað í Skíðadalsbotninum.
Þá ættu menn að fylgjast með
gangi m álsins og hafa samband
við verkstjórann. Einnig er gott
að fá upplýsingar hjá Þórarni
Qallskilastjóra á Bakka, hjá
Gunnari fjallbílstjóra eða hjá
þeim Ferðafélagsmönnum
Trausta Þorsteinssyni skóla-
stjóra eða Gunnari Hjartarsyni
sparisjóðsstjóra.
skeiði hörðu

Vinur Helga Indriðasonar á flugskeiði á ísnum.
Knapi er Reynir Aðalsteinsson.
Myndina tók Rögnvaldur Friðbjörnsson.
Hestamenn hafa notað vel hina
góðu tíð og færi í vetur. Óvenju
mikil svellalög hafa verið á
vegum og flatlendi en sléttur ís
og traustur er einmitt hið
ákjósanlegasta reiðfæri vel skafl
ajárnuðum hestum.
í vikunni fyrir páska var efnt
til reiðnámskeiðs á vegum hesta
mánnafélagsins Hrings. Fór
námskeiðið fram á ísilögðum
flæðunum austan Dalvíkur-
bæjar. Um 30 manns sóttu
námskeiðið og var þeim skipt í 3
flokka. Kennari var þekktur
hestamaður og reiðkennari,
Reynir Aðalsteinsson frá Sig-
mundarstöðum í Borgarfirði.
Almenn ánægja ríkti með
námskeiðið og alltaf var talsvert
um áhugasama áhorfendur.
Reynir sagði, að sér kæmi
nokkuð á óvart, hve hér væri
mikið af góðum hestum, en
hestar frá Hring hafa staðið sig
vel á hestamótum að undan-
förnu.
Á.G.
Landa-
brugg
og ást
Eins og auglýst var hér í síðasta
blaði var haldinn fræðslufundur
um loðdýrarækt í Víkurröst á
mánudagskvöldið 31. mars.
Á fundinum voru 20-30
manns, bændur og bæjarmenn,
og gestir að sunnan þeir Haukur
Jörundarson fulltrúi í land-
búnaðarráðuneytinu og Sigur-
jón Jónsson Bláfeld ráðunautur
Búnaðarfélags íslands í loð-
dýrarækt.
Sigurjón hélt yfirlitserindi og
sýndi myndir um loðdýrarækt
hérlendis og erlendis. Taldi
hann notkun skinnklæða „elstu
tísku í heimi“ og eina hina
stöðugustu. Skinnamarkaður
heimsins er „ómettaður" um
þessar mundir um það sem
nemur einni milljón skinna og er
þá átt við mink og ref aðallega.
Skinnaverð er hátt á Lundúna-
markaði (Hudson Bay) en hefur
þó dalað frá í fyrra.
Arðsemi refa, blárefa, sem nú
hafa verið fluttir inn í Höfða-
hverfið, og ekki síður silfurrefa,
er furðumikil. Normalt má selja
er furðumikil. Normalt má telja
að ein læða gefi brúttósölu-
verðmæti til jafns á við 6 ær.
Hinsvegar er byggingarkostn-
aður nærri helmingi lægri fyrir
eina tæfu og tilheyrandi skyldu-
lið heldur en 6 ær. Sem sagt, vilji
eða þurfi bóndi að draga bú-
skap saman um jafngildi 180 áa
(vegna kvótans eða annars) þá
getur hann bætt sér skaðann
Fræðslufundur um
loðdýrarækt
Svarfaðardalur hentugur
staður fyrir refabú
með því að koma sér upp 30
læðu refabúi.
Haukur Jörundarson greindi
frá því að áhugi væri í landb.
ráðuneytinu fyrir frekari þróun
loðdýraræktar í landinu og
hefði ráðherra beðið þá tvo
(H.J. og S.J.B.) að gera tillögur
um opinbera stefnu í málinu.
Þessar tillögur eru nú tilbúnar.
(Ekki vildi H.J. skýra náið frá
þeim, þar eð ráðherra hafði
aðeins fengið þær í hendur
þennan dag. Hinsvegar mátti
skilja, að þar væri gert ráð fyrir
að ráðuneytið skyldi greiða fyrir
stofnun nýrra búa, þ.e. minka-
og refabúa með bústofni frá
núverandi búum og með nýjum
innflutningi.
Það kom fram í umræðum að
áhugi • ráðuneytisins beinist
aðallega að nokkrum, fáum
byggðarlögum, í þessu efni,
þ.á.m. Okkar svarfdælska
svæði vegna tilveru minka-
búsins á Böggustöðum og þeirr-
ar ágætu fóðurgerðaraðstöðu,
sem þar er nú. Mátti skilja á
Þorsteini Aðalsteinssyni for-
stjóra þar, að ekki myndi standa
á búinu að annast fóðurgerð
fyrir hugsanleg ný loðdýrabú í
nágrenninu.
A fundinum kom fram greini-
legur áhugi manna á þessu
málefni og muiiu nú liggja hjá
ráðuneytinu 2 umsóknir héðan
um stofnun refabúa (þó ekki frá
bændum).
Hrossa-
ræktar-
félag
Svarfdæla
Snemma í síðasta mánuði
komu nokkrir áhugasamir
menn úr sveitinni saman í
Þinghúsinu á Grund og stofn-
uðu með sér nýtt félag, sem
nefnist Hrossaræktarfélag
Svarfdæla.
Félagið er stofnað og er ætlað
að starfa samkvæmt ákvæðum
búíjárræktarlaga. Starfssvæðið
er Svarfaðardalur og Dalvík og
Hugsanlega einnig Árskógs-
hreppur.
Tilgangur þess er að kynbæta
og rækta reiðhross í héraðinu
einkum með því að nota aðeins
bestu, fáanlegu kynbótahesta á
hryssur félagsmanna. Enn-
fremur er að því stefnt að
einungis verði alin hross undan
völdum hryssum, þ.e. sýndum
og ættbókarfærðum hryssum,
sem þannig hafa verið viður-
kenndar af hrossræktarráðu-
naut Búnaðarfélags íslands.
Slíkar hryssur eru nú 15 talsins
á félagssvæðinu (Svarfd. Dal-
vík.)
Á fundinum á Grund gerðust
6 menn stofnfélagar, en síðan er
ætlunin að boða til framhalds-
aðalfundar á Dalvík við
fyrstu hentugleika og bjóða þá
fleirum að gerast stofnfélagar.
Fyrstu stjórn félagsins skipa
eftirtaldir:
Hilmar Gunnarsson í DæíÍ,
formaður.
Ármann Gunnarsson í Lauga-
steini, ritari.
Ingvi Baldvinsson á Bakka,
gjaldkeri.
Leikfélag Dalvíkur hefur sitthvað á prjónunum um þessar mundir.
Áður hefur verið frá því skýrt hér í blaðinu, að félagið væri að æfa
gamanleikinn LANDABRUGG OG ÁST. Nú er ákveðið að fyrsta
sýning verði föstudaginn 2. maí n.k. Leikstjórinn er Rúnar Lund.
Meðfylgjandi mynd er tekin á æfingu. Á henni eru frá vinstri:
Björn Björnsson, Ósk Sigríður Jónsdóttir, Jón R. Hjaltason,
Guðrún Tómasdóttir (hvíslari), Lárus Gunnlaugsson, Aðalbjörg
Snorradóttir, Rúnar Lund leikstjóti, Guðný Ólafsdóttir og
Þorsteinn Aðalsteinsson. Sitjandi eru Kristján Hjartarson og
Emelía Sverrisdóttir. Á myndina vantar einn leikenda, Friðrik
Gýgja.
NORÐURSLÓÐ - 5