Norðurslóð - 26.06.2002, Blaðsíða 2
2 - Norðurslóð
Norðurslóð
Útgefandi: Rimar ehf.
Ritstjórar og ábyrgðarmenn: Hjörleifur Hjartarson, Lauga-
steini, 621 Dalvík, sími: 466 3370. Netfang: hjhj@ismennt.is
Jóhann Antonsson, Dalvík. Netfang: ja@radgjafar.is
Framkvæmdastjóri: Sigríður Hafstað, Tjörn. Sími: 466 1555.
Umbrot: Þröstur Haraldsson. Netfang: throsth@isholf.is
Heimasíða: www.Nordurslod.is
Prentvinnsla: Alprent, Glerárgötu 24, Akureyri, sími: 462 2844.
Að loknum
kosningum
Þennan mánuð bar það helst til tíðinda hér í Dalvíkurbyggð
að myndaður var nýr bæjarstjórnarmeirihluti í kjölfar kosn-
inganna og munu Framsóknarmenn og Sjálfstæðismenn fara
með völd hér næstu fjögur árin ef að líkum lætur. Norðurslóð
býður fyrir sitt leyti nýja bæjarstjórn velkomna til starfa og
þakkar þeirri gömlu gott starf á liðnu kjörtímabili.
Kosningar fóru hér tiltölulega friðsamlega fram og lítið
var um væringar með mönnum. Kosningaþátttaka var um
84% sem verður að teljast nokkuð gott.
Þegar kosningar standa fyrir dyrum fara hin pólitísku
framboð jafnan á stúfana í leit að pólitískum ágreiningsmál-
um og snöggum blettum hjá pólitískum andstæðingum. Oft
reynist það erfitt í litlu samfélagi sem okkar þar sem flestir
eru sammála um forgangsröð hlutanna í megindráttum og ná-
lægðin milli manna er svo mikil að erfitt er að berja frá sér án
þess að höggið komi á nákomna ættingja eða vini. Stundum
heyrast þær raddir að pólitískar kosningar séu hreinn skrípa-
leikur í okkar litla samfélagi og þeir sem lengst ganga segjast
hreinlega ekki taka þátt í svona vitleysu. Fyrir vikið er langt
frá því auðvelt að fá gott fólk til þátttöku í opinberum málum
og þarf oft mikla eftirgangsmuni til að menn gefi kost á sér á
framboðslistum flokkanna.
Menn skyldu þó ekki gleyma því að þetta er það sem við
köllum lýðræði. Lýðræði og tjáningarfrelsi eru mannréttindi
sem aðeins fáir jarðarbúar njóta. A hverjum degi heyrum við
fréttir af blóðugri baráttu manna og kvenna víðsvegar um heim
sem tilbúin eru að fórna lífinu fyrir þau réttindi sem við lítum á
sem sjálfgefin; réttinn til að ráða sjálf hverjir fara með stjórn
mála í landinu og réttinn til að tjá sig án afskipta yfirvalda.
Þeir eru jafnvel til hér sem finnst kosningarétturinn svo
fáfengilegur að þeir nenna ekki einu sinni að nota hann. Við
getum að vísu verið nokkuð ánægð með að enn skulu þó 84%
manna sjá ástæðu til að kjósa. Nýlega bárust fregnir Frakk-
landi þar sem pólitíski öfgamaðurinn Le Pen náði uggvænleg-
um árangri í kosningum einkum og sér í lagi fyrir þær sakir að
franskir kjósendur sátu heima og nýttu ekki kosningarétt
sinn. Slíkar féttir eru ekkert einsdæmi í Frakklandi og mjög
víða í lýðræðisríkjum Evrópu og Ameríku er pólitískt áhuga-
leysi almennings slíkt að til vandræða horfir.
Það eru gömul sannindi og ný að pólitískt vald spillir leið-
togum ef þeir sitja of lengi að völdum og fara að líta á það sem
sjálfgefið. Þess vegna er val á milli raunverulegra valkosta í lýð-
ræðislegum kosningum nauðsynlegt aðhald fyrir alla stjórn-
málamenn, hvort heldur ríkisstjórnir eða sveitarstjórnarmenn.
Og jafnvel í litlum sveitarfélögum eins og Dalvíkurbyggð þar
sem stjórnmálaágreiningur er ekki meiri en svo að menn geta
vart með góðu móti grafið upp eitt pólitískt ágreiningsmál til
að þrasa um vikuna fyrir kosningar er þetta aðhald á þá sem
með stjórnina fara lífsnauðsyn fyrir þá sem hér búa.
Þess vegna getum við hvort sem úrslit kosninganna voru
okkur að skapi eða ekki verið glöð og þakklát fyrir að hafa
haft tækifæri til að kjósa í síðasta mánuði og leggja okkar
veigamikla skerf að mörkum fyrir lýðræðislega stjórnarhætti
og gott og heilbrigt mannlíf í Dalvíkurbyggð. hjhj
Hestamannafélagið Hríngur 40 ára
Hestamannafélagið Hringur varð 40 ára 16. júní sl. og hélt upp á af-
mælið með glæsibrag sl. laugardag. Dagskráin hófst með hópreið um
götur Dalvíkur kl. 11 á laugardagsmorgun en kl. 2 hófst dagskrá á at-
hafnasvæði félagsins í Hringsholti. Var þar mikið um dýrðir, fánareið,
töltsýning, afkvæmasýningar svarfdælskra kynbótahrossa en há-
punktur hátíðarinnar var vígsla á nýju reiðgerði í norðurhluta hest-
hússinns í Hringsholti. Þar var m.a. frumfluttur nýr „Þjóðsöngur“
Hringsmanna sem þeir Þórarinn Hjartarson og Guðmundur Óli
Gunnarsson sömdu af þessu tilefni. Um kvöldið var svo hátíðar-
kvöldverður og ball í Víkurröst.
Samstarfssamningur
B- og D-lista í Dalvíkur-
byggð 2002-2006
Bæjarfulltrúar Framsóknar-
flokks og Sjálfstæðismanna og
óháðra hafa náð samkomulagi
um myndun meirihluta í bæjar-
stjórn Dalvíkurbyggðar kjör-
tímabilið 2002-2006. Samkomu-
lag þetta er byggt á stefnuskrám
framboðanna og þessum mál-
efnasamningi.
Bæjarstjóri verður frá B-lista.
Forseti bæjarstjórnar verður
frá D-lista og formennsku í
bæjarráði verður skipt jafnt milli
B- og D-lista.
Yfirstjórn
Ekki verði stofnað til aukinna
skulda nema um framtíðarfjár-
festingar sé að ræða. Stöðugt
verði unnið að endurbótum og
hagræðingu í stjórnun og rekstri
sveitarfélagsins. Gætt verði að
samkeppnisstöðu sveitarfélags-
ins við ákvörðun þjónustu-
gjalda. Unnin verði langtíma-
áætlun um framkvæmdir og
þeim forgangsraðað. Ábyrgð
forstöðumanna verði aukin í
rekstri sinna stofnana.
Atvinnumál
Hlutverk Dalvíkurbyggðar í at-
vinnumálum er að skapa at-
vinnulífinu aðstæður til vaxtar. í
því sambandi eru góðir skólar,
hagstætt orkuverð, góðar sam-
göngur, nútímalegt stjórnkerfi
og nægt framboð lóða forgangs-
mál.
Frumkvöðlum og fyrirtækjum
sem vilja hefja starfsemi í nýjum
atvinnurekstri sé veitt tíma-
bundin aðstoð með samningum
við bæjarsjóð um greiðslu lóðar-,
orku- og gatnagerðargjalda.
Dalvíkurbyggð vinni að því
með öðrum sveitarfélögum, ríki
og tjárfestum að koma á um-
hverfisvænum stóriðnaði (t.d.
vetnisframleiðslu) í sveitarfélag-
inu.
Fylgst verði grannt með til-
raunum í fiskeldi við Eyjafjörð
og sköpuð aðstaða til að laða að
fyrirtæki í rannsóknum og
áframeldi í sjó og einnig á landi
þar sem fyrir er góð aðstaða
með heitt vatn og landrými.
Lögð verði áhersla á aukið
samstarf ferðaþjónustuaðila í
byggðarlaginu. Állar tegundir
ferðamennsku séu samræmdar
með tilliti til ólíkra aðstæðna og
þarfa mismunandi hópa.
Unnið verði að merkingu
gönguleiða og sögufrægra staða.
Unnið verði að sameiningu
hafnarsamlaganna við Eyja-
fjörð. Ákveðinni upphæð verð-
ur varið árlega til markaðssetn-
ingar á sveitarfélaginu.
Fræðslumál
Reknir verði þrír grunnskólar í
sveitarfélaginu. Aukin áhersla
verði lögð á samvinnu skólanna
og leitað leiða til hagræðingar í
rekstri þeirra. Skipulag skóla-
mála verði unnið í samráði við
foreldra.
Lögð verði áhersla á faglega
samvinnu leik- og grunnskóla í
þeim tilgangi að tryggja sem best
samfellu í skólagöngu nemenda.
Aukin verði áhersla á verk-
og listgreinar í grunnskólum
sveitarfélagsins. Allir nemendur
eigi kost á málsverði í grunn-
skólunum. Tryggð verði dagvist-
arúrræði fyrir börn eftir að fæð-
ingarorlofi lýkur.
Skólarnir verði mannaðir vel
menntuðum kennurum. Áhersla
verði lögð á að efla gagnkvæm
tengsl kennaradeildar HA, KHÍ
og leik- og grunnskóla. Hlúð
verði að góðu starfi Tónlistar-
skólans.
íþrótta-, æskulýðs- og
menningarmál
Unnið verði eftir tillögu nefndar
um nýtingu íþrótta- og menning-
arhúsnæðis og hafnar fram-
kvæmdir við stækkun og breyt-
ingar á Víkurröst þar sem kæmi
stærra íþróttahús, leikhús/bíó og
æskulýðsmiðstöð.
Markvisst verði unnið eftir
vímuvarnaáætlun sveitarfélags-
ins.
Rammasamningar við íþrótta-
og æskulýðsfélög verði endur-
nýjaðir með það í huga að auka
fjárhagslegt sjálfstæði þeirra.
Skíðaaðstaðan í Böggvis-
staðafjalli verði bætt samkvæmt
langtímaáætlun.
Unnið verði eftir Menningar-
stefnu Dalvíkurbyggðar.
Umhverfismál
Staðardagskrá 21 sé höfð að
leiðarljósi við öll störf að um-
hverfismálum.
Unnið verði að aðalskipulagi
Dalvíkurbyggðar.
Haldið verði áfram jarðhita-
leit með það að markmiði að
flestir íbúar getið notið hita-
veitu. Kannaðir verði möguleik-
ar á aukinni samvinnu við önnur
sveitarfélög á sviði orkuvinnslu
og orkuöflunar.
Bætt verði úr lýsingu á þjóð-
vegi við þéttbýlisstaði sveitarfé-
lagsins og aðkoma þeirra fegruð.
Stuðlað verði að áframhald-
andi uppbyggingu reiðvega.
Unnið verði með hverfa- og
félagasamtökum að umhverfis-
málum og fegrun.
Byggður verði upp leikvöllur
í Hólahverfi á Dalvík.
Félagsmál
Rekstur og skipulag félagsmála-
sviðs verði endurskoðað með
hliðsjón af þjónustuþörf íbú-
anna og hagræðingu og skil-
virkni í þjónustunni.
Mótuð verði fjölskyldustefna
fyrir Dalvíkurbyggð.
Áfram verði unnið að því að
gera öldruðum og öryrkjum
kleift að búa sem lengst í heima-
húsum. I því sambandi verði
þeim gefinn kostur á heimsend-
um máltíðum, og heimahjúkrun
á vegum Heilsugæslunnar aukin.
Afsláttur af fasteignagjöldum
aldraðra verði tekinn til endur-
skoðunar.
Þrýst verði á ríkisvaldið um
gerð nýs þjónustusamnings við
Dalbæ til tryggingar rekstri
heimilisins. Áfram verði unnið
að sameiningu Dalbæjar og
Heilsugæslustöðvar.
Unnið verði eftir jafnréttis-
áætlun sveitarfélagsins.
Athugað verði með stofnun
eignarhalds- og rekstrarfélags
um leiguíbúðir.
Bæjarstjórn
Framhald af forsíðu
Kjaranefnd:
Aðalmenn: Jónas M. Pétursson,
Ingileif Ástvaldsdóttir.
Varamenn: Kristján Þorvalds-
son, Oskar Gunnarsson.
Starfsniatsnefnd:
Aðalmaður: Bjarnveig Ingva-
dóttir, varamaður: Elísabet
Eyjólfsdóttir.
Stjórn Hafnasamlags Eyjafjarð-
ar:
Aðalmenn: Sveinn Jónsson,
Snorri Snorrason, Kristján
Snorrason, Sigurjón Kristj-
ánsson.
Varamenn: Stefán Hilmarsson,
Ingibjörg Þorsteinsdóttir,
Bjarni Jónsson, Kristján
Rúnar Kristjánsson.
Skoðunarmenn bæjarsjóðs:
Aðalmenn: Sveinbjörn Sverris-
son, Helga Kr. Árnadóttir.
Varamenn: Guðbjörn Gíslason,
Valgerður M. Jóhannsdóttir.
Hússtjórn Rima:
Aðalmaður: Sölvi Hjaltason,
varamaður: Hildur Birna
Jónsdóttir.
Fulltrúar Dalvíkurbyggðar í
nefndum og ráðum
Héraðsnefnd Eyjafjarðar:
Aðalmenn: Valdimar Bragason,
Jónas M. Pétursson, Ingileif
Ástvaldsdóttir.
Varamenn: Katrín Sigurjóns-
dóttir, Dórothea Jóhanns-
dóttir, Oskar Gunnarsson.
Landsþing Sambands íslenska
sveitarfélaga:
Aðalmenn: Valdimar Bragason,
Svanhildur Árnadóttir.
Varamenn: Guðbjörg Ragnars-
dóttir, Jónas M. Pétursson.
Fulltrúaráð Eignahaldsfélags
BÍ:
Aðalmaður: Valdimar Bragason,
varamaður: Svanhildur
Árnadóttir.
Eyþing:
Aðalmenn: Kristján Olafsson,
Svanhildur Árnadóttir, Ósk-
ar Gunnarsson.
Varamenn: Guðbjörg Ragnars-
dóttir, Dórothea Jóhanns-
dóttir, Ingileif Ástvaldsdóttir.