Fréttablaðið - 24.02.2017, Blaðsíða 22

„Það hlýtur að mega rekja
flestar góðar og jákvæð­
ar umsagnir í erlendum miðlum
um íslenska matargerð, um hvað
Reyjavík er æðisleg og veitinga­
staðirnir smart og flottir og kokk­
arnir klárir, til Food and Fun.
Allavega að talsverðu leyti,“ segir
Siggi Hall, matreiðslumeistari og
framkvæmdastjóri matarhátíðar­
innar Food and Fun, en hún brest­
ur á með látum í Reykjavík mið­
vikudaginn 1. mars.
Hátíðin var sett á laggirnar árið
2002 og fer hún nú fram í sextánda
sinn.
„Food and Fun var sameiginlegt
átak sem farið var í af Iceland­
air, Iceland Naturally, íslenskum
landbúnaði og Reykjavíkurborg en
markaðssetning á íslenska lamba­
kjötinu stóð þá sem hæst í Banda­
ríkjunum og með góðum árangri.
Okkur fannst að það mætti kynna
Ísland á fjölbreyttari hátt, ekki
bara sem fjöll og firnindi heldur
kynna íslenskan mat, tónlist og
lífsstíl. Við ákváðum því að gera
matarfestival á Íslandi á svipuðum
nótum og verið var að gera með ís­
lenska tónlist á Iceland Airwaves.
Ég var fenginn til að búa þennan
viðburð til ásamt Baldvini Jóns­
syni og Magnúsi Stephensen frá
Icelandair, ég varð framkvæmda­
stjóri árið 2004 og hef verið það
síðan,“ segir Siggi.
„Fyrst voru fengnir jafnmarg­
ir kokkar frá Bandaríkjunum og
Evrópu til að fara í samstarf með
íslenskum veitingastöðum. Kokk­
arnir unnu með íslenskt hráefni
og bjuggu til matseðla og allt var
á einu verði. Planið var að gera úr
þessu skemmtilega viku og það
tókst. Hátíðin sló í gegn og hefur
í raun slegið í gegn á hverju ein­
asta ári. Hún hefur að sjálfsögðu
þróast gegnum árin en heldur þó
nokkuð sama formi. Hún hefur
stækkað en fjöldi veitingastaða í
Reykjavík hefur aukist gríðarlega
á síðustu árum. Þegar við vorum
að byrja vorum við í vandræðum
með að fylla í öll pláss en nú verð­
um við að vísa frá. Food and Fun
er orðið að föstum lið í þjóðlífinu,
bara eins og þjóðhátíð og Þorláks­
messa,“ segir Siggi.
Laðar gesti að
Food and Fun hefur frá upphafi
farið fram í byrjun mars. Til­
gangur tímasetningarinnar var
að teygja úr ferðamannatímanum
og fá fólk til að heimsækja landið
þó kuldalegt geti verið um að lit­
ast á þessum tíma árs. Í dag er þó
varla hægt að tala um jaðartíma
í ferðamannaiðnaðinum, túristar
streyma til Íslands allan ársins
hring. Siggi segir Food and Fun
eiga að hluta til heiðurinn af því.
Ekki bara vegna umfjöllunar um
hátíðina í Reykjavík í erlendum
miðlum, Food and Fun hefur einn­
ig farið í víking út.
„Við höfum ekki bara verið með
Food and Fun hér heima held­
ur höfum við sett upp viðburða­
kynningar undir merkjum Food
and Fun og Íslands víða um heim,
meðal annars í stórborgum eins og
New York og Washington, Boston,
St. Pétursborg og París. Við höfum
einnig slegið upp Food and Fun
undir íslenskum merkjum í Finn­
landi, á Spáni og víðar. Þá fara ís­
lenskir kokkar út og vinna með
veitingahúsum á þessum stöðum.
Þetta hefur tekist afar vel. Food
and Fun í Finnlandi er til dæmis
að verða ein vinsælasta matarhá­
tíð Finnlands,“ segir Siggi.
engir hrútspungar
í sparifötum
„Íslensk matargerð er fyrst og
fremst nútímaleg. Það er ekki
verið að tala um að færa hrúts­
punga og þennan gamla íslenska
mat í nútímabúning, heldur er
verið að búa til fína og flotta rétti
úr þessu frábæra hráefni sem Ís­
land hefur alið af sér,“ útskýrir
Siggi inntur eftir því hvað sé sér­
stakt við íslenska matargerð.
„Ísland er fyrst og fremst
matvælaframleiðsluland, ein af
stærri fiskveiðiþjóðum í heimi
og með landbúnað sem er engu
líkur. Lambakjötið okkar, þó það
hljómi eins og klisja, er mjög sér­
stakt kjöt fyrir það hvernig féð
er alið og hvernig það fóðrar sig
sjálft og frjálst. Fiskurinn er
ferskur og svo held ég að marg­
ir átti sig hreinlega ekki á hversu
vönduð grænmetisframleiðsla
fer hér fram. Hér er komin fram
fjórða kynslóð af tómatræktend­
um, bara eins og vínframleiðend­
ur í Frakklandi. Hér er ræktað
við hreint vatn í hreinu lofti sem
skilar sér í matinn. Svo eigum
við alla þessa frábæru kokka
sem hafa lært um allan heim og
færa kunnáttuna heim svo veit­
ingastaðirnir blómstra. Íslensk
matreiðsla er að svo mörgu leyti
öðruvísi en til dæmis dönsk eða
sænsk matreiðsla. Það er einhver
sérstakur tónn í henni, bara eins
og við þekkjum í íslenskri tón­
list.“
frægð á food and fun
Siggi segir Food and Fun hafa
skotið mörgum matreiðslumönnum
upp á stjörnuhimininn í bransan­
um. Hann nefnir hinn danska René
Redzepi, eiganda veitingastaðarins
Noma, en hann státar af tveimur
Michelin­stjörnum.
„René kom óþekktur og tók þátt
í Food and Fun á sínum tíma, sló
í gegn og fór í sín fyrstu blaða­
viðtöl í framhaldi af því. Gunnar
Karl Gíslason, kenndur við Dill,
er nú þekktasti kokkur okkar Ís­
lendinga með nýfengna Michelin­
stjörnu upp á vasann. Hann opnaði
veitingastað í New York og verð ég
ekki að leyfa mér að segja að sam­
bönd hans og kynni gegnum Food
and Fun hafi örugglega hjálpað
til,“ segir Siggi Hall glettinn.
Hann lofar glæsilegri matar­
hátíð sem enginn megi missa af.
„Það hefur aldrei verið sterkara
teymi af kokkum á Food and Fun
en í ár. Þetta verður stórkostlegt.“
Planið var að gera
úr þessu
skemmtilega viku og það
tókst. Hátíðin sló í gegn
og hefur í raun slegið í
gegn á hverju einasta ári.
Hún hefur að sjálfsögðu
þróast gegnum árin en
heldur þó nokkuð sama
formi. Hún hefur stækk-
að en fjöldi veitingastaða
í Reykjavík hefur aukist
gríðarlega á síðustu
árum. Siggi Hall
Siggi Hall lofar frábærri skemmtun og matarupplifun á Food and Fun.
„Lambakjötið okkar, þó það hljómi eins og klisja, er mjög sérstakt kjöt fyrir það hvernig féð er alið og hvernig það fóðrar sig
sjálft og frjálst.“ myndir /Sigurjón ragnar
Íslensk matreiðsla er að svo mörgu leyti öðruvísi en til dæmis dönsk eða sænsk.
ragnheiður
Tryggvadóttir
heida@365.is
Íslensk matargerð
er fyrst og fremst
nútímaleg. Það er ekki
verið að tala um að færa
hrútspunga og þennan
gamla íslenska mat í
nútímabúning, heldur er
verið búa til fína og flotta
rétti úr þessu frábæra
hráefni sem Ísland hefur
alið af sér. Siggi Hall

Rauðagerði 25 · 108 Reykjavík · Sími 440 1800 · kaelitaekni.is
Okkar þekking nýtist þér i i
Veitingastaðir, kaffi hús
ísbúðir & booztbarir velja
Vitamix blandara
2 4 . f e b r ú a r 2 0 1 7 f Ö S T U D a G U r2 f ó l k ∙ k y n n i n G a r b l a ð ∙ X X X X X X X Xf ó l k ∙ i ∙ l í f S S T í l l
1
3
-0
6
-2
0
1
7

1
0
:4
6
F
B
0
6
4
s
_
P
0
4
3
K
.p
1
.p
d
f
F
B
0
6
4
s
_
P
0
3
8
K
.p
1
.p
d
f
F
B
0
6
4
s
_
P
0
2
2
K
.p
1
.p
d
f
F
B
0
6
4
s
_
P
0
2
7
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
D
1
3
-6
9
5
4
1
D
1
3
-6
8
1
8
1
D
1
3
-6
6
D
C
1
D
1
3
-6
5
A
0
2
7
5
X
4
0
0
.0
0
1
6
B

F
B
0
6
4
s
_
2
3
2
2
0
1
7
C
M
Y
K