Morgunblaðið - 21.04.2017, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 21. APRÍL 2017
BAKSVIÐ
Baldur Arnarson
baldura@mbl.is
Hampiðjan í Ástralíu hefur náð
samningi um sölu á 120 rækjutroll-
um til Austral Fisheries, eins
stærsta útgerðafyrirtækis í Ástral-
íu. Útibú Hampiðjunnar í Ástralíu
var opnað í október 2015 og er félag-
ið þegar orðið leiðandi í sölu á veið-
arfærum í áströlskum sjávarútvegi.
Þorsteinn Benediktsson, fram-
kvæmdastjóri Hampidjan Australia,
eins og félagið heitir syðra, segir
Austral Fisheries kaupa trollin fyrir
12 skip. Hampiðjan í Ástralíu seldi
24 stór fiskitroll og 60 rækjutroll í
fyrra.
„Við seljum veiðarfæri um alla
Ástralíu. Allar stærstu útgerðirnar
versla eingöngu við okkur. Þetta eru
að jafnaði mun minni veiðarfæri en
heima á Íslandi, enda eru þetta ekki
stórir bátar. Við erum nú stærsta
fyrirtækið á markaði með fiskitroll
og rækjutroll og allt sem tengist
togveiðarfærum í Ástralíu. Við bjóð-
um mikil gæði og góða þjónustu.
Þótt vörurnar séu aðeins dýrari en
vörur samkeppnisaðila gengur okk-
ur vel að koma þeim á markað.“
Skilja frá smærri fisk
Þorsteinn, sem er netagerðar-
meistari, segir að netanálin hafi ver-
ið dregin fram að nýju eftir nokkura
ára hlé. Fiski- og rækjutroll hafi
verið framleidd sem og sérstakir
trollpokar sem skilja frá smærri fisk
og rækju. Þeir voru hannaðir af
Hermanni Guðmundssyni hjá
Fjarðaneti.
Hampiðjan í Ástralíu var sem fyrr
segir stofnuð í október 2015. Hafði
Þorsteinn þá starfað á veiðarfæra-
markaðnum í Ástralíu í um áratug,
eins og hér er rakið í rammagrein.
Starfsmenn Hampiðjunnar í Ástral-
íu eru nú fimm og eru höfuðstöðvar
félagsins á Gullströndinni, Gold
Coast, í Queensland á austurströnd
Ástralíu. Meðal viðskiptavina eru
Raptis, Australia Bay Seafoods og
Westmore Seafoods og eru félögin,
ásamt Austral fisheries, meðal
stærstu útgerða í Ástralíu.
Um 500 rækjubátar í Ástralíu
Þorsteinn segir aðspurður að
áströlsku útgerðirnar séu ekki jafn-
stórar og þær stærstu á Íslandi.
„Það eru eingöngu 40-50 fiskitroll-
arar hér. Hér er skortur á hvítfiski
og því þarf að flytja hann inn frá
Nýja-Sjálandi. Um 500 rækjubátar
eru gerðir út í Ástralíu, þar af um
300 í Queensland.
„Þetta eru því margir litlir bátar
með lítil veiðarfæri,“ segir Þor-
steinn. „Bátarnir draga þrjú til fjög-
ur troll í einu og eru með minnst
fjögur til vara. Þeir þurfa því tölu-
vert af veiðarfærum á hverju ári.“
Þorsteinn segir veltu Hampiðj-
unnar í Ástralíu hafa aukist í takt
við væntingar. „Það bætast við fjórir
til fimm nýir viðskiptavinir í hverri
viku og við erum stöðugt að kynna
nýjar vörur sem ég er sannfærður
um að muni seljast vel. Við erum
einnig að fá viðskiptavini sem eru
ekki í útgerð. Það munu skapast ný
tækifæri með réttri vöru og fyrir-
tækið mun halda áfram að dafna.
Þetta er aðeins byrjunin,“ segir Þor-
steinn.
Horfa til námu- og olíuiðnaðar
Hann segir Hampiðjuna þannig
meðal annars sjá tækifæri í námu-
og olíu- og gasiðnaðinum. Hampiðj-
an bjóði til dæmis ofurkaðla, Dy-
nIce, sem eru framleiddir úr Dy-
neema-efni, sem sé sterkara en stál.
Með slíkum köðlum megi til dæmis
draga hundruða tonna námutrukka í
áströlskum námum, í stað þess að
nota þungar stálkeðjur eða víra.
„Það er skynsamlegt að vera ekki
með öll eggin í sömu körfu. Þannig
að ef það gengur illa í útgerð er gott
að vera með viðskiptavini á öðrum
sviðum. Hér í Ástralíu er mikill
fjöldi skipa sem flytja gáma, kol, olíu
og gas og því er mikill markaður
fyrir til dæmis landfestar og drátt-
artaugar fyrir dráttarbáta. Hamp-
iðjan er einnig með góða sérhannaða
kaðla sem henta vel fyrir olíu- og
gasiðnað. Þessir kaðlar eru mun
verðmætari en veiðarfæri og við er-
um hægt og sígandi að komast inn á
þann markað,“ segir Þorsteinn.
Tækifæri í fiskeldinu
Hann segir einnig sóknarfæri í
áströlsku fiskeldi. „Hampiðjan ehf.
keypti í fyrra færeyska félagið Von
P/F. Við það tvöfaldaðist veltan í um
120 milljónir evra. Von hefur sér-
hæft sig í fiskeldi og með þeirra
þekkingu gætum við skapað sókn-
arfæri í Ástralíu fyrir Hampiðjuna.
Næstu skref eru að fara inn á þann
markað.“
Þorsteinn segir DynIce-troll-
taugar Hampiðjunnar geta gjör-
breytt útgerð syðra. Ástralar séu
margir hverjir nokkrum áratugum á
eftir Íslendingum hvað varðar tækni
og efni við notkun togveiðarfæra.
Aðeins 17% af þyngd víranna
„Trolltaugarnar eru kaðlar sem
Hjörtur Erlendsson, forstjóri
Hampiðjunnar, hannaði fyrir nokkr-
um árum. Þeir eru notaðir við tog-
veiðar í stað stálvíra. Þetta er að slá
í gegn hjá okkur í Ástralíu núna.
Það er enginn sem býður upp á ná-
kvæmlega þessa kaðla í heiminum
nema Hampiðjan. Þessir kaðlar
vigta eingöngu 17% af þyngd stál-
víra og létta því gríðarlegum þunga
af veiðarfærum og hlerum. Með því
má minnka hlerana og þannig
minnka mótstöðuna og olíueyðsluna.
Með því er hægt að toga hraðar,
fara yfir stærra svæði og fiska
meira. Kaðlarnir endast í sex til sjö
ár með réttri meðferð en vírarnir
ryðga og endast mun skemur. Kaðl-
arnir eru þegar komnir í 15 báta.
Einn viðskiptavinur okkar ákvað að
henda öllum vírum frá borði og fara
yfir í kaðlana. Ég var í Cairns [í
norðurhluta Queensland] um mán-
aðamótin að aðstoða útgerð við að
koma köðlunum fyrir í rækjutroll-
ara. Síðan hef ég fengið tvö skilaboð
frá skipstjóranum sem hefur verið
að fiska við Norður-Ástralíu og hann
er yfir sig hrifinn af nýju trolltaug-
unum,“ segir Þorsteinn.
Hampiðjan er jafnframt með
útibú á Nýja-Sjálandi, undir merkj-
um Hampiðjan New Zealand, og eru
höfuðstöðvarnar í hafnarborginni
Nelson.
Orðnir stærstir í Ástralíu
 Hampiðjan Australia hefur náð samningum við allar helstu útgerðir Ástralíu  Ein stærsta útgerð
Ástralíu hefur pantað 120 troll frá Hampiðjunni  Sóknarfæri í námu- og olíu- og gasiðnaði syðra
Höfuðstöðvarnar Hampiðjan í Ástralíu er í rúmgóðu húsnæði.
Morgunblaðið/Baldur
Á Gullströndinni Þorsteinn Benediktsson hefur áratuga reynslu af netagerð. Rekstur Hampiðjunnar í Ástralíu hefur vaxið hratt.
Lager Hluti af lagernum syðra.
Þorsteinn segir langa reynslu
af netagerð og sölu veiðarfæra
gagnast við að byggja upp
traust við ástralskar útgerðir.
Hann er fæddur og uppalinn í
Keflavík og byrjaði að læra
netagerð 17 ára. Árið 1981 flutti
hann ásamt konu sinni Kristínu
Björgvinsdóttur til Húsavíkur.
Þar setti hann upp netaverk-
stæði fyrir útgerðina Höfða og
Fiskiðjusamfélag Húsavíkur.
Hann segir að árin á Húsavík
hafi verið ómetanleg og besti
skólinn á lífsleiðinni, netagerð-
in hafi gengið mjög vel og vax-
ið frá einum starfsmanni til tíu
starfsmanna þegar best lét á
nokkrum árum.
Árið 1990 fluttust þau hjónin
til Hafnarfjarðar þegar Þor-
steinn tók við sem deildarstjóri
í veiðarfæradeild Kristjáns Ó.
Skagfjörð. Árið 1992 stofnaði
hann síðan veiðarfærafyrir-
tækið Icedan í Hafnarfirði, í
samstarfi við danska fyrirtækið
Brødrene Markussen, en fyrir-
tækið seldi vörur til útgerða og
netaverkstæða. Árið 2002
stofnaði Þorsteinn svo fyrir-
tækið TBEN ehf. í Hafnarfirði.
Tveimur árum síðar keypti
Hampiðjan 60% hlut í TBEN og
um leið tók TBEN við sölu á
netum og köðlum á Íslandi fyrir
Hampiðjuna.
Árið 2006 urðu aftur um-
skipti hjá Þorsteini þegar hann
fluttist til Ástralíu með fjöl-
skyldu sinni og keypti fyrir-
tækið Fisheries Supply. Fyrir-
tækið gekk vel og var meðal
annarra umboðsaðili fyrir Euro-
nete í Portúgal sem að lokum
varð 60% hluthafi. Þorsteinn
segir félagið hafa ráðist í stór-
tækar söluaðgerðir í Ástralíu.
Því skeiði hafi lokið 2012 þegar
Euronete var selt til bandaríska
fyrirtækisins Wireco og þar
með talið 60% hlutur í Fisher-
ies Supply. Þorsteinn undi sér
ekki þar og fór svo að leiðir
hans og Hampiðjunnar lágu
saman að nýju með fyrr-
greindum árangri.
Uppalinn
í Keflavík
FERILL ÞORSTEINS
Björgvin Björgvinsson, löggiltur fasteignasali
ÁRSALIR
FASTEIGNAMIÐLUN
533 4200
Ársalir ehf fasteignamiðlun
Sími: 533 4200 og 892 0667
Engjateigi 5, 105 Rvk, arsalir@arsalir.is
Framnesvegur sunnan
Hringbrautar.
Til sölu ágæt 3ja herbergja
íbúð á 3-hæð, með suður
svölum. Íbúðin skiptist í
forstofu, tvö svefnherbergi
með skápum. Eldhús með
ljósri/ Beyki innréttingu. Stofu
og borðstofu með vönduðu
parketi á gólfum. Flísalagt
baðherbergi með innréttigu.
Sér geymsla fylgir í kjallara.
Verð 42m.
Áhugasamir sem vilja bóka skoðun, hafi samband: Ársalir ehf – fasteignamiðlun