Skátablaðið Faxi - 01.12.1989, Blaðsíða 4

Vinaflokkamót í
Vestmannaeyjum
dagana 9.10. og 11. júní 1989
• Nokkrir duglegir skátar við uppvaskið.
• Gengið frá að afloknum snæðingi.
Um haustið 1988 var ákveðið að
halda skátamót í Eyjum á n.k. sumri.
Eftir miklar vangaveltur var ákveðið að
á þetta mót kæmust eingöngu flokkar
sem ættu vinaflokk í Eyjum. Fengu
Eyjaflokkarnir nú nokkra mánuði til að
finna sér vinaflokk af fastalandinu, og
gekk það misvel. Þegar líða tók að
sumri hófst verklegi undirbúningur
mótsins.
Hver sveit hafði sér svæði, sem svo
var skipt niður á fiokkana. Og nú tók
við mikil vinna, því veita átti verðlaun
fyrir ýmislegt s.s. frumlegasta sveitar-
hliðið, frumlegasta flokkshliðið, snyrti-
legasta svæðið og margt fleira. Auðvit-
að vildu allir fá einhver verðlaun.
Fyrr en varði rann hin stóra stund
upp. Á föstudeginum 9. júní streymdu
að skátar allsstaðar af landinu. Þarna
voru saman komnir skátar frá Selfossi,
Sauðárkróki, Vík, Reykjavíkog Garða-
bæ, svo eitthvað sé nefnt.
Mótið var sett í blíðskaparveðri með
fánaathöfn. Eftir nokkra létta og
skemmtilega dagskrárliði varð kyrr og
ró.... Þangað til að veðurguðirnir fóru
að skeyta skapi sínu á okkur og feyktu
nokkrum tjöldum um koll. Ekki dóum
við ráðalaus, því komið var upp bæki-
stöð fyrir heimilislausa skáta í gamla
Golfskálanum.
Laugardagurinn rann upp og ekki
brostu veðurguðirnir við okkur þann
daginn. Dagurinn hófst með hinum
ýmsu póstum s.s. sigi, sprangi, sundi,
landsmótspósti og ýmsum fleiri. Upp
úr hádeginu lögðu flokkarnir svo af
stað hver af öðrum í „hike“ (göngu).
Hægt var að velja um tvenns konar
hike. Annarsvegar „litla hike“ sem var
ætlað 12 ára og yngri og hinsvegar
„stóra hike“ fyrir 12 ára og eldri og þá
allra hörðustu af yngri kynslóðinni.
Þegar flokkarnir komu til baka blasti
við fremur ófögur sjón. „Skátamótið
var fokið". En eins og sönnum skáta
sæmir tókum við saman föggur okkar
og fluttum mótið (gáfumst ekki upp).
Fenginn var að láni hluti Framhalds-
skólans í Vestmannaeyjum. Þar voru
grillaðar gómsætar pylsur, og um
kvöldið var haldinn bráðsmellin kvöld-
vaka. Það voru þreyttir skátar sem
lögðust í pokana sína þetta laugar-
dagskvöld í júní. Enda mikill eltingar-
leikur við tjöld, potta og prímusa af-
staðinn.
Sunnudagurinn rann upp og ég bara
spur: Hvaö gerðum við ykkur, veður-
guðir???? Veðrið var snarbrjálað. Nú
fóru skátarnir að tínast til síns heima.
Vegna veðurs þurftu allir að taka
Herjólf, þeim til mikillar gleði og
ánægju (hmmmmm???)
Nú var ekkert eftir nema að ganga
frá í Dalnum. Á mánudeginum fóru
Vestmannaeyjaskátarnir inn í Dal
ásamt vörubíl og ýmsum skaðlegum
tækjum og tólum. Og eftir örskamma
stund var ekki að sjá nein ummerki um
„Skátamótið sem fauk“.
Viljum við nota tækifærið til að
þakka öllum þeim sem komu okkur til
hjálpar og gerðu okkur kleift að halda
þetta mót.
Fyrir hönd Skátafélagsins Faxa,
Erla B. og Björg B.
4