Víkurfréttir - 23.04.2014, Blaðsíða 16
miðvikudagurinn 23. apríl 2014 • VÍKURFRÉTTIR16
„Margar af þessum konum hafa búið við kröpp kjör, ófrið og mikla erfiðleika. Okkur langaði
að koma skilaboðum þeirra á framfæri. Við erum búin að vera að hugsa um umbúðir í þrjú
ár og þetta var pínu flókið því umbúðirnar eru í raun miklu meira vörumerki en vörumerkið
sjálft,“ segir Aðalheiður Héðinsdóttir, eigandi Kaffitárs. Nýjar umbúðir frá fyrirtækinu líta
dagsins ljós í vikunni í verslunum og samhliða því verður óvenjuleg auglýsingaherferð.
Hver mynd með mikla þýðingu
Hópur sem heitir Söguhringur
kvenna var upphaflega stofnaður
til þess að tengja konur af erlendum
uppruna við íslenskar konur. Þær
hittast á Borgarbókasafninu í
Reykjavík einu sinni í mánuði og
gera ýmislegt skapandi saman og
styrkja hver aðra. „Ein í hópnum
er myndlistarkennari og hún hafði
stungið upp á því að gera kort af
Reykjavíkurborg sem þær gáfu
borginni. Þegar þau hjá auglýsinga-
stofunni Hvíta húsinu sáu það verk
lögðu þau til að þessi hópur færi í
samstarf við okkur hjá Kaffitári,“
segir Aðalheiður. Ákveðið var að
gera Íslandskort og hver og ein
kona teiknaði mynd sem hafði ein-
hverja þýðingu fyrir hana sjálfa.
Svo segja konurnar hvers vegna
þær völdu að teikna hverja mynd
og textana verður hægt að lesa með
hverri mynd á sýningu sem sett
verður upp í öllum kaffihúsum
Kaffitárs. Einnig verða gerð póst-
kort með sömu myndum með sögu
verkanna á bakhliðinni á íslensku
og móðurmáli hverrar konu.
Aðferðin frá frumbyggjum
Ástralíu
Myndin af Íslandi er máluð með
svokallaðri punktaaðferð sem er
upprunin frá frumbyggjum Ástr-
alíu. 34 konur og voru sex vikur
að mála verkið í fyrrasumar. Þær
hittumst um helgar og svo ein-
hver kvöld. Þetta er mjög sein-
legt því fyrst þurfti fyrst að mála
mynd af Íslandskortinu, mála svo
hverja mynd fyrir sig og máta hana
með heildinni. Þetta er algjörlega
þeirra verk,“ segir Aðalheiður og
bætir við að tengingin við Ísland
sé svo frábær því konurnar séu
al lar fæddar er-
lendis en búi núna
á Íslandi. Flestar séu
frá Evrópu en einn-
ig frá Ameríku og
Rússlandi. „Eitt af
gildum Kaffitárs er
fjölmenning og hún
endurspeglast svo vel
í þessu. Þessi vinna
hefur verið okkur
mikil vakning um það
hversu gott við höfum
það og hversu gagn-
rýnin við getum verið
á land og þjóð.“
Samfélagsleg
ábyrgð mikilvæg
Haldin var athöfn í Þjóðminja-
safninu í nóvember þar sem Vígdís
Finnbogadóttir, verndari hópsins,
afhjúpaði verkið. Konurnar voru
þar viðstaddar og hafa fylgst
spenntar með ferlinu síðan. Svo
var tekin mynd af verkinu sem
notuð var á umbúðirnar. Einn-
ig var gerð sjónvarpsauglýsing
sem þær leika sjálfar í. „Ég held
að samfélagsleg ábyrgð fyritækja
skipti okkur neytendur æ meira
máli. Þess vegna ákváðum við að
segja sögu kvennanna,“ segir Aðal-
heiður að lokum.
Quote: „Eitt af gildum Kaffitárs er
fjölmenning og hún endurspeglast
svo vel í þessu“
34 konur í
sex vikur
að klára
verkið
■■ Mikil saga að baki nýjum umbúðum hjá Kaffitári:
Póstkort sem sýna hluta verksins.
Eitt af
gildum Kaffi-
társ er fjöl-
menning og
hún endur-
speglast svo
vel í þessu
Aðalheiður Héðinsdóttir í
höfuðstöðvum Kaffitárs.
Íslandsmyndin sem h
ópur-
inn gerði á sex vikum
.
■■ Annríki hjá eldri borgurum í Vogum:
Heimsóttu forsetann og kepptu í boccia
Frístunda- og menningar-nefnd Voga bauð nýlega eldri
borgurum til boccia-keppni í
íþróttamiðstöðinni. Keppt var
um forláta bikar, þó að keppnin
hafi aðallega verið til gamans. Lið
frístunda- og menningarnefndar
hafði sigur eftir skemmtilega og
spennandi keppni. Að lokinni
keppni var haldið í Álfagerði þar
sem nefndarfólk bauð eldri borg-
urum til kjötsúpuveislu. Hafði
nefndarfólk lagt mikla vinnu og
alúð í eldamennskuna og skilaði
það sér á diskana. Allir nutu
matarins og mæltist þetta uppá-
tæki afar vel fyrir. Líklegt má telja
að þessi viðburður sé kominn til
að vera.
Þá heimsóttu einnig nýverið eldri
borgarar í Vogum félaga sína á
Álftanesi. Heimsóknin hófst með
móttöku hjá forseta Íslands á
Bessastöðum og tóku forsetahjónin
ásamt starfsliði á móti gestunum.
Að því loknu gafst fólki kostur á
að skoða Bessastaði og þiggja
veitingar. Var heimsóknin afar vel
heppnuð og mikil ánægja var meðal
gestanna með gestrisni og móttöku
forsetahjónanna. Frá Bessastöðum
var síðan haldið í Álftaneslaug
þar sem fólk fékk kynnisferð um
mannvirkið. Að endingu var haldið
í Litlakot sem er félagsaðstaða eldri
borgara á Álftanesi. Þar þáðu gestir
kræsingar, spjölluðu og skemmtu
sér. Mikil ánægja var með ferðina
í heild sinni og höfðinglegar mót-
tökur Álftnesinga.
-mannlíf pósturu vf@vf.is