Víkurfréttir - 23.04.2014, Blaðsíða 18
miðvikudagurinn 23. apríl 2014 • VÍKURFRÉTTIR18
LAGNAÞJÓNUSTA
SUÐURNESJA EHF
Óskar eftir að ráða pípulagningarmeistara,
svein eða mann vanan pípulögnum sem fyrst.
Vinsamlega sendið umsóknir á netfangið:
lagnaths@simnet.is
Grindvíkingurinn Alma Rut Garðarsdóttir hefur undan-
farin ár haldið sig vestanhafs í
Bandaríkjunum en þar stundar
hún nám og leikur knattspyrnu.
Hún útskrifast nú í sumar en
ætlunin er að hefja meistaranám
við skólann sem heitir Kennesaw
State University og er staðsettur í
Georgíu fylki. Alma sem er á sínu
fjórða ári hefur átt góðu gengi að
fagna með liði skólans en hún er
sem stendur fyrirliði liðsins sem
leikur í fyrstu deild NCAA há-
skólaboltans. Hún hefur þurft að
glíma við erfið meiðsli á sínum
ferli en er nú líklega í sínu besta
formi.
Alma sem er 24 ára gömul stundar
nám í sálfræði með tölfræði sem
aukafag. Hún segist kunna ákaf-
lega vel við lífið í háskólabænum
Kennesaw en bærinn sá telur um
29 þúsund íbúa og er staðsettur
aðeins 30 km frá stórborginni Atl-
anta. Alma segir að það hafi alltaf
verið draumur sinn síðan hún var
lítil að fara út og spila fótbolta í há-
skóla. „Núna er maður bara að lifa
drauminn, þetta verður bara betra
og betra með hverju árinu,“ segir
Alma sem fékk boð um að koma á
fullum fótboltastyrk án þess að vita
hvað hún væri að fara út í. Skólinn
er þekktur fyrir afbragðsaðstöðu í
kvennafótbolta og Ölmu leist afar
vel á það sem henni var kynnt. Hún
ákvað því að slá til og leggja upp í
ævintýri. „Það eru ekki allir sem
fá svona tækifæri. Það mætti segja
að ég hafi algerlega dottið í lukku-
pottinn,“ segir Grindvíkingurinn í
samtali við Víkurfréttir.
Líður eins og heima hjá sér
„Ég elska umhverfið hérna, samt
sem áður er allt miklu stærra en ég
er vön, þar sem ég hef alltaf búið í
Grindavík. Það er allt til alls hérna
og ég finn mig mjög vel og mér
líður vel.“
Alma segir að vissulega hafi verið
erfitt að yfirgefa heimahagana en
hún á fjóra bræður og foreldra
heima í Grindavík sem hún saknar
sárlega. Hún er í góðu sambandi
við fjölskyldu og vini og undan-
farin ár hefur hún komið heim á
sumrin og leikið með Grindavíkur-
liðinu.
Í Kennesaw hefur Alma eignast
marga góða vini og lítur nú nánast
á bæinn sem sinn heimabæ eftir
ánægjulega dvöl þar ytra. „Hér er
allt mitt líf eftir frábær fjögur ár.
Eftir þennan tíma veit ég ekki hve-
nær eða hvort ég flytji aftur til Ís-
lands,“ segir Grindavíkurmærin
en hún ætlar að leyfa því bara að
ráðast en framundan er meistara-
nám í Bandaríkjunum.
Einhverjir hefðu gefist
upp og farið heim
Heima í Grindavík var Alma ekki
einungis frambærileg í fótbolt-
anum en hún þótti liðtæk í körfu-
boltanum einnig og var í unglinga-
landsliðum í báðum greinum á sín-
um yngri árum. Alma hefur ekki
leikið körfubolta í Kennesaw þar
sem hún ákvað að einbeita sér að
fótboltanum af fullum krafti. Fyrsta
árið gekk vonum framar. Alma
varð markahæst í liðinu þrátt fyrir
að spila oftast sem aftasti varnar-
maður. Hún var einnig valin í lið
ársins og lið ársins hjá nýliðum.
Á sínu öðru ári varð Alma fyrir því
óláni að slíta krossband í hné og
var hún því nánast ekkert með það
árið í fótboltanum. „Að slíta kross-
bandið var auðvitað mjög leiðin-
legt. Margir höfðu ekki trú á því
að ég gæti komið eins sterk tilbaka.
Sjálfsagt hefðu einhverjir gefist upp
og farið heim en ég einbeitti mér
bara að skólanum og náði góðum
árangri þar á meðan ég glímdi við
meiðslin. Þetta styrkti mig mikið
en ég tók þessu sem áskorun og tel
mig hafa komið enn sterkari aftur
til leiks,“ en þetta var í annað sinn
sem Alma sleit krossbönd á sama
hné en slík meiðsli eru afar erfið
við að eiga. „Ég var heima í jólafríi
þegar þetta gerðist og þau hjá skól-
anum voru ekkert alltof sátt,“ rifjar
hún upp. Hnéð er í toppstandi
núna og Alma segist vera nánast í
sínu besta formi. Í fyrra var Alma
svo valin í úrvalslið deildarinnar
aftur en hún setur markið hátt fyrir
komandi tímabil þar sem hún leiðir
liðið sem fyrirliði, en ætlunin er að
komast í úrslitakeppni á landsvísu.
Grindavíkurstúlkur eltast
við drauma sína
Stúlkurnar í Grindavík hafa verið
nokkuð duglegar að sækja háskóla
í Bandaríkjunum ásamt því að leika
þar fótbolta. Alma segir að nokkrar
vinkonur hennar í Grindavíkur-
liðinu séu þessa stundina í námi
þar í landi en hún segist ekki vita
hvers vegna það sé eins algengt
og raun ber vitni. „Nokkrar eldri
stelpur fóru út hér áður fyrr. Þær
hafa eflaust verið fyrirmyndir fyrir
okkur hinar og áhuginn smitast
til okkar. Það var áhugavert að sjá
þær njóta lífsins og spila íþróttina
sem þær elska við þessar aðstæður.
Fyrir mér var þetta draumur frá
því að ég var lítil stúlka. Ætli við
Grindavíkurstelpur séum ekki bara
duglegar að elta drauma okkar,“
segir Alma hress að lokum.
Datt í lukkupottinn
- Grindvíkingurinn Alma Rut gerir það gott í háskólaboltanum. Hefur þurft að
yfirstíga erfið meiðsli í tvígang en er nú fyrirliði skólaliðs síns í Georgíufylki.
-íþróttir pósturu eythor@vf.is
Alma Rut er fyrirliði liðsins en hún er afar marksækinn varnarmaður sem
hefur tvisvar verið valin í lið ársins í fylkinu og einu sinni markahæsti
leikmaður liðsins.
■■ Grindvíkingar gera það gott:
Valdir í júdólandsliðið
Tveir ungir og efnilegir Grindvíkingar hafa verið valdir til að fara með landsliðinu í júdó á Norðurlandamótið í Finnlandi
í sumar, þetta eru þeir Guðjón Sveinsson og Björn Lúkas Haralds-
son. Á myndinni eru Björn Lúkas og Guðjón, ásamt Jóhannesi
Haraldssyni júdófrumkvöðuls í Grindavík.
Reykjanesmótið í hjólreiðum fer fram sunnudaginn 27.
apríl en þetta er sjötta árið í
röð sem mótið er haldið. Mótið
markar alltaf upphaf keppnis-
tímabilsins á árinu.
Haraldur Hreggviðsson og Ingi
Þór Einarsson voru frumkvöðlar
þess að koma þessu móti á, og
sáu um það fyrstu þrjú árin.
Þríþrautardeild UMFN hefur
nú tekið að sér móthaldið með
Harald sem mótstjóra, en honum
hefur tekist afar vel að gera mótið
að einu skemmtilegasta hjól-
reiðamóti ársins. Með frábærri
mótsumgjörð, fjölda verðlauna,
veitingum og fjölmörgum veg-
legum útdráttarverðlaunum.
Sandgerðisbær hefur verið afar
liðlegur í að skaffa aðstöðu fyrir
mótshaldara og keppendur. Verð-
launaafhending fer fram í íþrótta-
húsinu í Sandgerði og einnig gefst
keppendum færi á að nota heitu
pottana og búningsaðstöðuna
þeim að kostnaðarlausu.
Öll skráning í mótið fer fram á
hjolamot.is, en skráningarfrestur
er til 24. apríl. Mæting og mót-
taka keppnisgagna er við Sund-
laugina í Sandgerði og ræst verður
frá Hvalsnesvegi.
Keppt verður í tveimur flokkum:
Keppnisflokki sem hjólar 64km
þar sem snúið er við hjá Reykja-
nesvirkjun og Byrjendaflokki sem
hjólar 32km þar sem snúið er við
á gatnamótum Ósabotna og Hafn-
arvegs.
Reykjanesmótið í götuhjólreiðum
KR leiðir einvígið 1-0
- Næsti leikur í Röstinni
Með hækkandi sól fer senn að líða að lokum körfu-
boltavertíðarinnar á Íslandi.
Eitt Suðurnesjalið stendur efti
í baráttunni um titilinn en það
er karlalið Grindvíkinga sem
sækist eftir sínum þriðja Íslands-
meistaratitli í röð. Grindvíkingar
mæta deildarmeisturum KR í
lokaúrslitum en þeir röndóttu
náðu að krækja sér í sigur í fyrsta
leik þar sem Grindvíkingar eltu
frá upphafi og náði aldrei í skottið
á heimamönnum. Þeir Jóhann
Árni og Lewis Clinch léku vel í
leiknum sóknarmegin en aðrir
áttu ekki eins góðan dag. Gegn
liði með jafnmikla breidd og
KR býr yfir þarf meira til. Næsti
leikur fer fram fyrir fullu húsi í
Röstinni á föstudaginn, 25. apríl.
Þar munu meistararnir væntan-
lega sína úr hverju þeir eru gerðir
og freista þess að jafna einvígið.
Grindvíkingum hefur tekist að
sigra KR áður á þessu tímabili og
í einvíginu gegn Njarðvík í und-
anúrslitum sýndu þeir gulklæddu
að þeir geta verið illviðráðanlegir
þegar sá gállinn er á þeim.
Hin ungi Jón og félagar hans taka á móti Kr-ingum
í öðrum leik liðana í Röstinni föstudaginn, 25. apríl.