Víkurfréttir - 24.07.2014, Blaðsíða 7

VÍKURFRÉTTIR • fimmtudagurinn 24. júlí 2014 7
Sigldu á grjótgarðinn
við smábátahöfnina
Tveir menn köstuðust úr hraðbáti í Keflavík
Tveir menn lentu í sjávarháska þegar hraðbátur sem not-
aður er í svokallað Duus Rib-saf-
ari skall á grjótgarðinum við smá-
bátahöfnina í Keflavík. Menn-
irnir komust af sjálfsdáðum aftur
í land. Mennirnir voru blautir og
kaldir en sjúkralið og lögregla
voru kölluð á vettvang og flutti
mennina á Heilbrigðisstofnun
Suðurnesja. Annar mannanna er
rifbeinsbrotinn en hinn er örlítið
lemstraður. Meðfylgjandi myndir
eru af vettvangi en þar má sjá bát-
inn í grjótgarðinum og mennina
vafða inn í teppi.
Baldur og Björgvin sækjast eftir bæjarstjórastól í sitthvoru bæjarfélaginu
Feðgarnir Baldur Þórir Guð-
mundsson og Björgvin Ívar
Baldursson sækjast báðir eftir
sæti bæjarstjóra í sitthvoru bæjar-
félaginu. Baldur sóttist eftir stöðu
bæjarstjóra í Hafnarfirði á meðan
sonurinn Björgvin sækist eftir
stöðu í heimabæ þeirra feðga,
Reykjanesbæ. Björgvin segist
hafa sótt um stöðuna vegna þess
að auglýst hafi verið eftir fag-
legum bæjarstjóra. „Ég tel mig
vera mjög faglegan, vonandi
á þann hátt sem leitað er eftir,“
segir Björgvin sem undanfarin ár
hefur haldið um stjórnartaumana
í hljóðveri Geimsteins sem Rúnar
Júlíusson afi hans stofnaði á sín-
um tíma.
„Það var ekkert samráð í gangi hjá
okkur feðgum. Ég sótti bara um
strax og þetta var auglýst og bjóst
í raun við því að pabbi myndi gera
slíkt hið sama.“ Björgvin segir að
þeir feðgar hafi í raun ekkert rætt
þessi mál fyrr en í gær (sunnudag)
þegar Baldur bauð til vínsmökk-
unar fyrir fimmtugsafmæli sem
hann heldur á næstunni. „Það yrði
mjög hentugt ef við myndum báðir
fá þessar stöður. Þá myndum við
ráða yfir suðvesturhorninu,“ segir
Björgvin en hann telur góðar líkur
á að svo verði. „Ég held að stuðull-
inn sé svona í kringum 1,5 á okkur
báða en þegar maður leggur það
saman þá er það auðvitað þrír, sem
er ekki alveg eins góður stuðull.“
Björgvin segir að það sé margt líkt
með því að reka plötuútgáfu og
bæjarfélag og telur að sú reynsla
muni nýtast honum vel. „Mér
sýnist plötubransinn vera að fara
í hundana og það sama má segja
um bæjarstjórabransann. Þetta er
svipað hark.“ Björgvin nam list-
fræði og ritlist um stund í háskóla
en gafst fljótlega upp á því. „Ég
prófaði það í tvo mánuði. Skilaði
inn einni ritgerð sem ég fékk gott
fyrir. Eftir það kallaði ég þetta gott.
Ég er annars búinn með nokkrar
annir í skóla lífsins,“ sagði Björgvin
að lokum.
Feðgar ætla sér
yfirráð yfir suð-
vesturhorninu
SUMARLOKUN
Fjölsmiðjan á Suðurnesjum lokar 28/7 til 11/8.
Kompan nytjamarkaður
er einnig lokuð á sama tíma.
Fjölsmiðjan á Suðurnesjum // Smiðjuvellir 5 // Gamla Húsasmiðjuhúsið // Reykjanesbær // s. 421-1551
Allt á floti við Keflavíkurbryggju
XuSvokallað stórstreymi gerði
vart við sig í Keflavíkurhöfn fyrir
skömmu en úr varð skemmtilegt
sjónarspil þar sem víða flæddi
yfir bryggjuna. Dyggur lesandi
Víkurfrétta, Einar Guðberg tók
nokkrar glæsilegar ljósmyndir
þar sem ungviðið óð m.a. út í
kaldan sjóinn af bryggjunni.
Mikið líf var á bryggjunni en fjöl-
margir voru þar við makrílveiði,
bæði bátar og menn.
Göngugreining, innleggjagerð og alhliða fótaaðgerðir
Pöntun og upplýsingar í síma 860 6747