Víkurfréttir - 14.08.2014, Blaðsíða 6

fimmtudagurinn 14. ágúst 2014 • VÍKURFRÉTTIR6
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Jóhann Páll Kristbjörnsson, johann@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
SÍMI 421 0000
Kjartan Már Kjartansson er nýr bæjarstjóri Reykjanesbæjar. Hann segir að ráðningin hafi ekki komið honum á óvart og kveðst
spenntur fyrir því takast á við spennandi og krefjandi verkefni. Varð-
andi pólitíska fortíð sína þá segir Kjartan að hann hafi ekki verið við-
loðinn stjórnmál um allnokkurt skeið og vonast til þess að hann verði
ekki settur út af sakramentinu vegna starfa sinna fyrir Framsóknar-
flokkinn um 12 ára skeið.
Hér slær hjartað
Kom ráðningin þér í opna skjöldu?
„Nei í sjálfu sér ekki. Ég átti alveg
eins von á þessu. Ég uppfyllti öll
skilyrði sem sett voru fram varð-
andi menntun og reynslu auk þess
er ég innfæddur og þekki sveitar-
félagið mitt vel, ég tel því mig
hafa það sem þarf í starfið,“ segir
Kjartan.
„Mér þykir vænt um sveitarfélagið
mitt og hér slær hjarta mitt. Þetta
er spennandi og krefjandi verkefni
sem ég ætla að nálgast af virðingu
og með auðmýkt. Mér þykir vænt
um sveitarfélagið mitt. Hér ætla
ég mér að vera og gera eins vel og
ég mögulega get. Mér líst vel á allt
þetta góða fólk sem ég er að fara
að starfa með. Þarna er blanda af
reynsluboltum og nýju fólki. Fólk á
ölllum aldri, bæði karlar og konur
og tel ég þetta vera góðan þver-
skurð af okkar samfélagi. Þetta er
fólk sem vill bænum sínum vel og
það verður spennandi að vinna
með þeim,“ segir verðandi bæjar-
stjóri.
Mörg ár án afskipta af stjórn-
málum
Varðandi fortíð sína í pólitík þá
segir Kjartan að hann hafi sagt
sig úr Framsóknarflokknum fyrir
nokkrum árum. Ástæðuna segir
hann vera að hann hafi viljað vera
ópólitískur auk þess sem sumt í
starfi flokksins hafi ekki verið sam-
kvæmt hans sannfæringu. „Ég hef
ekki skipt mér af stjórnmálum í
nokkur ár en ég hef auðvitað mínar
skoðanir. Ég ætla mér ekkert að op-
inbera þær en ég gæti unað við eitt-
hvað í stefnuskrám allra flokka,“
segir Kjartan. Hann telur þó að
þetta séu ákveðin skilaboð til unga
fólksins sem er við störf hjá stjórn-
málaflokkum. „Þó svo að þú takir
þátt í stjórnmálastarfi á einhverjum
hluta ævinnar, eins og ég gerði í 12
ár, þá þýðir það ekki að þú verðir
settur út af sakramentinu af öllum
hinum það sem eftir er.“
Mun verða eins og fram-
kvæmdastjóri
En hver er nýr bæjarstjóri Reykja-
nesbæjar? „Hann er strákur af
Kirkjuteignum sem kann að spila
á fiðlu,“ segir Kjartan og hlær. „Ég
ætla bara að halda áfram að vera sá
sem ég er. Ég ætla ekkert að breyta
mér neitt. Ég mun nota þekkingu
mína til þess að gera gott og eiga
samskipti við alla þá góðu starfs-
menn sem að vinna hjá Reykja-
nesbæ,“ bætir hann við.
Hvaða málefni eru nýjum bæjar-
stjóra ofarlega í huga? „Ég held að
stóra málið séu fjármál sveitar-
félagsins. Ég held að það muni fara
mikil orka í þau mál fyrstu miss-
erin og árin jafnvel. Við þurfum þó
að sinna ýmsum góðum málum, ég
og allir bæjarfulltrúar. Þeir leggja
línurnar og ég sé svo um að fram-
kvæma verkin.“ Varðandi starfs-
svið sitt þá telur Kjartan að best
væri að líkja því saman við starf
framkvæmdastjóra í fyrirtæki. „Ég
mun starfa líkt og framkvæmda-
stjóri sem fer eftir stefnumörkun
stjórnar og hrindi henni í fram-
kvæmd. Þetta er í raun rekstur á
stóru fyrirtæki í samvinnu við allan
þann fjölda sem starfar hjá Reykja-
nesbæ og kemur að máli.“
Kjartan hefur síðustu sex ár gegnt
stöðu framkvæmdastjóra Securitas
á Suðurnesjum og er honum annt
um fyrirtækið. „Mér er ekki sama
hvernig ég skil við hér og hvernig
fyrirtækinu reiðir af. Hér vinna
núna 37 manns, en þau störf voru
ekki til fyrir. Ég vona að hér komi
góð manneskja í minn stað,“ segir
Kjartan að lokum.
Strákur af Kirkjuteignum
sem kann að spila á fiðlu
- Hjartað slær hér segir nýr bæjarstjóri RNB í viðtali við Víkurfréttir
-viðtal pósturu vf@vf.is
Knús Caffé
Til sölu vegna sérstakra ástæðna rekstur
Knús Caffé við Hafnargötu 90, Keflavík,
Reykjanesbæ.
Knús Caffé er lokað í dag en öll leyfi, tæki og
húsgögn til reksturs kaffihúss eru til staðar.
Reksturinn er með vínveitingaleyfi II
og má taka 100 manns í húsið.
Nánar upplýsingar á skrifstofu Eignasölunnar
Hafnargötu 90 (fyrir ofan Tölvulistann).
Eignasala
FASTEIGNASALA FYRIRTÆKJASALA LEIGUMIÐLUN BÍLASALA
Kannski er ég að ganga of langt með fyrirsögninni en þeir notuðu
þetta víst þegar þeir voru að tala um fótboltann fyrir vestan
fyrir skömmu. Það að liðið þitt komist í úrslitaleikinn í bikar-
keppninni í fótbolta er alls ekkert sjálfsagt. Þú getur ekki tekið
því sem gefnu. Keflvíkingar hafa reyndar í gegnum tíðina verið
fengsælir í bikarnum og leikið níu sinnum til úrslita frá því að
bikarkeppnin hófst árið 1960. Þeir eru því að komast í úrslit á
níu ára fresti ef stærðfræðin er ekki að svíkja mig, sem hún hefur
reyndar oft gert. Það eru margir þarna úti sem þykir fótbolti og
íþróttir vera leiðinleg fyrirbæri. Með þessum pistli ætlaði ég að
reyna að hvetja bæjarbúa Reykjanesbæjar og fótboltafíkla til þess
að mæta á völlinn og búa til stemningu og allar þær klisjur. Betur
væri að reyna að sannfæra þá sem eru á móti fótbolta og öðru
sprikli um að mæta á völlinn.
Væri ekki tilvalið að skella sér í 10 stiga hitanum og 12 metrum
á sekúndu (Norðanátt samkvæmt nýjustu spám) og sitja á rass-
gatinu í stúku í Laugardalnum í tæpa tvo klukkutíma? Þú getur
svo keypt þér popp og upphitaða pizzu á uppsprengdu verði
og hlustað á ókunnugt fólk öskra einhverja vitleysu. Nei, djók.
Þetta er í alvöru æðislega skemmtileg upplifun. Það er sérstakur
andi sem svífur yfir vötnum á svona leikjum, stundum er það nú
vínandi, sem fær fólk til þess að sleppa fram af sér beislinu. Þarna
er tilvalið tækifæri til þess að gefa söngröddinni lausan tauminn
og njóta þess að hegða sér eins og fífl. Ég hef orðið var við það að
á viðburðum sem þessum, þá mæta ansi oft einhverjir sem eru
ekkert að spá í leiknum, heldur eru þeir þarna til þess að sletta
úr klaufunum og taka þátt í stemningunni. Ég hef alltaf dáðst að
þessu fólki. Það væri virkilega gaman að sjá sem flesta á leiknum
og ég mæli eindregið með því að þið sem ætlið á leikinn dragið
með ykkur einhvern sem aldrei hefur farið á bikarúrslitaleik. Að
fara á bikarúrslitaleik í fótbolta er eitthvað sem allir ættu að prófa
á ævinni, vertu nú eitt af þessum skemmtilegu fíflum í stúkunni
á laugardaginn.
Með bikarkveðju
Eyþór Sæmundsson
Drullaðu þér í
Laugardalinn!
-ritstjórnarbréf
Eyþór Sæmundsson skrifar