Víkurfréttir - 20.11.2014, Blaðsíða 12

12 fimmtudagurinn 20. nóvember 2014 • VÍKURFRÉTTIR
AUÐLINDIN GRINDAVÍK
TÆKIFÆRI Í NÝSKÖPUN
Ráðstefna um nýsköpun í sjávarútvegi, ferðaþjónustu og orkumálum
í Grindavík, í tilefni 40 ára kaupstaðarafmælis Grindavíkurbæjar,
fimmtudaginn 27. nóvember kl. 12:00-14:00 í fundarsal Bláa Lónsins.
Ráðstefnan er samstarfsverkefni Grindavíkurbæjar og Bláa Lónsins í tilefni 40 ára kaupstaðar­
afmælis Grindavíkurbæjar.
Fyrirtæki og stofnanir í Grindavík kynna, í formi örfyrirlestra, nýsköpun í ólíkum greinum og varpa
ljósi á hvernig þær vinna saman í nýjustu tækni, viðskiptatækifærum og markaðs setn ingu. Þannig
eflir nýsköpunin atvinnulíf í Grindavík og nágrenni og treystir undirstöðuatvinnugreinararnar
og skapar ný og spennandi tækifæri á ýmsum sviðum.
Dagskrá:
• Ávarp iðnaðar- og viðskiptaráðherra Ragnheiður Elín Árnadóttir
• Auðlindastefna Grindavíkurbæjar Róbert Ragnarsson, bæjarstjóri Grindavíkurbæjar
• Auðlindagarður og fjöldþætt auðlindanýting Albert Albertsson, aðstoðarforstjóri HS Orku
• Codland og fullvinnsla Erla Pétursdóttir, framkvæmdastjóri Codland
• Bláa Lónið. Rannsókna- og þróunarstarf Ása Brynjólfsdóttir, rannsókna og þróunarstjóri
• Stefnumótun Grindavíkurhafnar Sigurður A. Kristmundsson, hafnarstjóri
• Tækifæri og samstarf í ferðaþjónustu Sigurður Hilmarsson, formaður Grindavík-Experience
• Möguleikar auðlindarinnar Ari Trausti Guðmundsson, jarðfræðingur
Ráðstefnustjóri: Þorsteinn Gunnarsson, sviðsstjóri hjá Grindavíkurbæ.
Allir velkomnir.
Léttar veitingar í boði Bláa Lónsins.
-aðsent pósturX vf@vf.is
Í síðasta tölu-blaði Víkurf-
r é t t a v a r b i r t
grein sem ég ritaði
undir fyrirsögn-
inni „Gott nafn á
glataðri áætlun“.
Greinin var sú
fyrsta í ritröð um
skuldavanda Reykjanesbæjar.
Við skrifin er stuðst við skýrslu
Haraldar Líndal „Úttekt á rekstri
Reykjanesbæjar og tilllögur“ og
ársreikninga Reykjanesbæjar sem
birtir eru á heimasíðu sveitar-
félagsins.
Blandaða leiðin
Síðasta helgi var ekki liðin þegar
ég hafði eignast tvo pennavini á vef
Víkurfrétta (www.vf.is). Við þá hef
ég þetta að segja:
Ég er hjartanlega sammála ykkur.
Ef hlustað hefði verið á viðvörunar-
orð Guðbrands Einarssonar þegar
hann sat í minnihluta í bæjarstjórn
Reykjanesbæjar, þá væri staðan
betri en hún er í dag. Ef meiri-
hlutinn hefði líka hlustað á Ólaf
Thordersen, þá væri staðan líklega
ennþá betri. Það var ekki hlustað
og það er miður. Nú er nýr meiri-
hluti er við völd. Meirihluti sem þið
styðjið. Nýi meirihlutinn eins og
sá gamli verður að þola gagnrýni.
Jafnvel þó hún komi frá Reykja-
vík. Ég vona innilega að hinn nýji
meirihluti sem lofaði nýrri sýn í
síðustu kosningum geri betur en sá
gamli. Sérstaklega að hann hlusti
betur á viðvörunarorð annarra.
Ykkur er velkomið að persónu-
gera skrif ykkar en samhliða því
skín í gegn að þið hafið ekkert til
málanna að leggja. Blindað hatur
á íhaldinu eða að níða af mér skó-
inn mun ekki gera neitt til að bæta
skuldastöðu Reykjanesbæjar. Slík
skrif segja meira um ykkur en mig.
Það er lyginni líkast að fá á sama
árinu að fylgjast með einum og
sama manninum standa í forsvari
fyrir verkfallsaðgerðum til að knýja
á um launahækkanir og lesa svo
greinaskrif þar sem hann réttlætir
launalækkanir. Það hlýtur að flokk-
ast undir að vera á blandaðri leið.
Beina leiðin
Reykjanesbær væri á góðu róli ef
ekki væri fyrir tvo ofurþunga bagga
sem á bænum hvíla. Reykjanes-
hafnir og Eignarhaldsfélagið Fast-
eign. Í skýrslu Haraldar Líndal er
ekki fjallað beint um Reykjanes-
hafnir að öðru leyti en því að lagt
er til að rekstur svokallaðra B-hluta
stofnana verði gerður sjálfbær.
Reykjaneshafnir höfðu á árinu 2013
alls 220 mkr. í tekjur. Skuldirnar
voru hinsvegar 7,3 milljarðar. Þar
af 2,5 við aðalsjóð Reykjanesbæjar.
Með því að losna við Reykjanes-
hafnir myndi skuldastaða Reykja-
nesbæjar lagast til mikilla muna.
Í þessari einu B-hluta stofnun er
að finna nærri þriðjung langtíma-
skulda Reykjanesbæjar við lána-
stofnanir. Meðan skuldahlutfall
Reykjanesbæjar er 273%, er skulda-
hlutfall Reykjaneshafna 3.318%
(lesist: þrjúþúsund þrjúhundruð og
átján prósent).
Fyrsta tillaga í skýrslu Haraldar
Líndal er sú að kannað verði
hversu raunhæfar kröfur aðalsjóðs
á B-hluta stofnanir séu í raun. Þær
kröfur sem ekki eru taldar inn-
heimtanlegar, verði afskrifaðar.
Fara þarf með Reykjaneshafnir í
nauðasamninga eða gjaldþrot. Sá
aðili sem tilbúinn er að yfirtaka
Reykjaneshafnir mun njóta ávöxt-
unar þegar atvinnulíf í Helguvík
fer í fullan gang. Því miður hefur
Reykjanesbær ekki efni á að halda
þessu bákni úti nema til komi stór-
felld niðurfærsla skulda.
Í skýrslu Haraldar Líndal segir
orðrétt í umfjöllun um Eignar-
haldsfélagið Fasteign: „Það hefur
verið skoðun skýrsluhöfundar að
gerð hafi verið mikil mistök með
leigusamningum sem Eignar-
haldsfélagið Fasteign hefur gert í
nokkrum tilfella. Jafnframt verði
að gera kröfu til þess þegar slík
mistök eru gerð beri lánveitendur
ekki síður ábyrgð en lántakendur.
Í þessum orðum Haraldar Líndal
er mergurinn málsins. Þeir sem
munu og eiga að blæða fyrir bága
skuldastöðu Reykjanesbæjar eru
lánveitendurnir sem öðru nafni
eru nefndir kröfuhafar. Hver sá
sem lánar næstum gjaldþrota að-
ilum peninga á alltaf að gera sér
fulla grein fyrir því að í því felst
sú áhætta að geta ekki endurheimt
skuldina að fullu.
Bein leið er að Reykjanesbær taki á
kröfuhöfum sínum af fullri hörku
til að ná fram þeirri leiðréttingu
skulda sem þarf til að koma sveitar-
félaginu í rekstrarhæft ástand. Þar
verða stóru sigrarnir unnir en ekki
með því að þvinga launalækkunum
á starfsfólk undir dulnefninu,
Blönduð leið.
Í næstu grein mun ég fjalla um
Eignarhaldsfélagið Fasteign og
gera grein fyrir bestu leiðinni
fyrir Reykjanesbæ að mínu mati.
Í milltíðinni hvet ég meirihluta
hinnar nýju sýnar að hlusta betur
en gamli meirihlutinn gerði. Fara
beinu leiðina og falla frá fyrir-
hugðum launaskerðingum á hluta
bæjarstarfsmanna.
Áfram Keflavík,
Margeir Vilhjálmsson
Klappstýra
■■ Margeir Vilhjálmsson Klappstýra skrifar:
Bein eða blönduð leið?
■■ Svölurnar á Suðurnesjum skrifa:
Svölurnar með jólakortasölu
Eins og mörg undanfarin ár munu Svölurnar selja jóla-
kort um allt land og þar eru
Suðurnesin ekki undanskilin.
Svölurnar eru félag flugfreyja
og þjóna sem hittast og styrkja
gömul vinabönd. Samtökin er
líka styrktarfélag og hafa verið að
styrkja bæði samtök og einstakl-
inga. Undanfarið hafa Svölurnar
styrkt MND félagið, MS félagið
og Ljósið. Þá hafa þær styrkt börn
með sjaldgæfa sjúkdóma en þá
fer styrkurinn til þeirra sem eru
að leita að lækningu við þessum
sjúkdómum.
Jólakortin eru með veglegra móti í
ár vegna þess að þetta er 40 ára af-
mælisár Svalanna. Þau eru þrenns
konar og eru 6 í búnti og kostar
búntið 1000 krónur. Sölustaðir á
Suðurnesjum eru HSS, Álnabær,
Ásjá Nesvöllum, Lyfja Njarðvík og
Lyfja Grindavík.
„Það er gaman að segja frá því að
þegar Oddný Björgólfsdóttir byrj-
aði að fljúga árið 1968, var hún
eina flugfreyjan á Suðurnesjum.
Auk hennar voru á svæðinu einn
flugstjóri, einn flugmaður og einn
flugvélstjóri og bjuggu þau öll í
Háholtinu og Langholtinu. Núna
eru u.þ.b. 80 flugliðar búsettir á
svæðinu. Við viljum nota tækifærið
og benda öllum sem hafa einhver-
tímann verið í fluginu að koma
með okkur í Svölurnar. Skiptir þá
engu hversu langt er síðan það var
eða hversu lengi þú varst í háloft-
unum. Spurningin er að vera með
í skemmtilegum félagsskap á sama
tíma og við erum að láta gott af
okkur leiða.
Suðurnesjafólki færum við hjartans
þakkir fyrir frábæran stuðning tvö
undanfarin ár og vonum að okkur
verði vel tekið þetta árið.“
Fyrir hönd Svalanna
á Suðurnesjum
Oddný Björgúlfsdóttir, Sig-
ríður Jóna Jónsdóttir, Guð-
rún Hildur Jóhannsdóttir
og Anna Lóa Ólafsdóttir.
Albert B. Hjálmarsson, Brynja Kjartansdóttir,
Lísbet Hjálmarsdóttir, Gunnar I. Kristinsson,
Guðmundur Hjálmarsson, Sveindís Skúladóttir,
Sigrún Albertsdóttir, Eðvald Bóasson,
barnabörn og barnabarnabörn.
Innilegar þakkir til allra sem sýndu okkur samúð og vináttu
vegna andláts og útfarar móður okkar, tengdamóður, systur,
mágkonu, ömmu og langömmu.
Helgu Erlu Albertsdóttur,
Njarðarvöllum 2, Njarðvík,
Sérstakar þakkir til starfsfólks á hjúkrunarheimilinu
Hrafnistu í Reykjanesbæ fyrir frábæra umönnun.
Útför Jóns William
Magnússonar frá
Keflavíkurkirkju
■XÚtför Jóns William Magnússonar at-
hafnamanns í Keflavík fór fram frá Kefla-
víkurkirkju á þriðjudag. Séra Skúli Ólafs-
son sóknarprestur í Keflavíkurkirkju
annaðist útförina en Einar Valgeir Ara-
son flutti minningarorð um Jón William.
Það voru svo synir, tengdasynir og barna-
börn sem báru kistuna úr kirkjunni.
VF-mynd: Hilmar Bragi