Víkurfréttir - 11.10.2007, Blaðsíða 30

30 VÍKURFRÉTTIR Á NETINU • www.vf.is • LESTU NÝJASTA SPORTIÐ DAGLEGA!VÍKURFRÉTTIR I ÍÞRÓTTASÍÐUR
Keflavíkurstúlkur unnu sinn annan titil í körfubolta á einni viku þegar þær lögðu Hauka að velli í keppni um meistara-
bikar KKÍ um síðustu helgi. Keflavík vann yfirburðasigur, 84-52.
Haukar léku án síns erlenda leikmanns Kieru Hardy sem er meidd.
Án hennar er liðið eins og höfuðlaus her og nýttu Keflvíkingar
sér það til hins ítrasta. Þær pressuðu stíft allan leikinn og töpuðu
Haukar fjölmörgum boltum.
Stigahæst hjá Keflavík var Kesha Watson með 19 stig og þær Pálína
Gunnlaugsdóttir og Bryndís Guðmundsdóttir skoruðu 14 stig ásamt
því að Bryndís tók 11 fráköst.
Hjá Haukum var Kristrún Sigurjónsdóttir stigahæst með 19 stig.
Ragna Margrét Brynjarsdóttir kom henni næst með 10 stig og hún
tók einnig 13 fráköst.
Ótrúlegir
yfirburðir
Kesha Watson lyftir
Meistarabikar KKÍ hátt á
loft. VF-mynd/Stefán
Tíu ára bikarafmæli
Keflavík lagði ÍBV að velli í Bikarkeppni KSÍ fyrir réttum tíu árum. Viðureignir
liðanna voru magnþrungnar af spennu og
réðust úrslitin ekki fyrr en í vítaspyrnukeppni
þar sem Bjarki Guðmundsson markvörður fór
á kostum.
Nokkrir leikmenn úr meistaraliðinu komu saman
um síðustu helgi til að minnast þessara tímamóta,
en skemmst er þess að minnast að Keflavík vann
bikarinn bæði í fyrra og árið 2004. í hópnum eru
nokkrir kappar sem hafa lyft bikarnum þrisvar, og
hver veit nema hann fari aftur á loft hjá þeim áður
en langt um líður.
VF-mynd/Þorgils
Landsbankinn í Keflavík og Körfuknattleiksdeild Keflavíkur hafa ákveðið að endurnýja samstarf sitt og verður Lands-
bankinn aðalstyrktaraðili körfuknattleiksdeildarinnar næstu
þrjú árin, eða fram á vor 2011. Það voru Almar Þór Sveinsson,
útibússtjóri Landsbankans í Keflavík, og Birgir Már Bragason,
formaður körfuknatttleiksdeildar Keflavíkur sem undirrituðu
samninginn.
Landsbankinn og Keflavík
endurnýja samstarfið
Fyrsta umferðin í Iceland Express-deild karla hefst í
kvöld með nokkrum leikjum
og þar á meðal er stórleikur
Njarðvíkur og Snæfells í
Ljónnagryfjunni.
Liðin eru á sitt hvorum end-
anum þegar kemur að stöð-
ugleika því að Snæfell er
með nokkurn vegnin sama
mannskap og í fyrra á meðan
Njarðvíkurliðið er gjörbreytt
frá fyrra ári. Fyrir utan þá leik-
menn sem eru farnir til ann-
arra liða eða hættir er útlit fyrir
að Friðrik Stefánson, fyrirliðið
gæti verið frá um óákveðinn
tíma sökum veikinda.
Hann var engu að síður bjart-
sýnn fyrir leik kvöldsins og
hefur trú á sínum mönnum.
„Mér líst vel á þetta þó Snæfell-
ingar gætu litið sterkari út en
við á pappírnum. Við misstum
marga leikmenn og erum með
nýjan þjálfara. en Við höfum
þá allt að vinna og sanna. Þetta
verður stál í stál.“
Friðrik telur að deildin verði
jöfn og að þó Njarðvíkingum
sé spáð í fjórða sæti sé markið
sett á gullið.
Snæfellingar mæta í Ljónagryfjuna
Á morgun mætast Keflavík og Grindavík í sönnum
grannaslag þar sem ekkert
verður gefið eftir. Leikurinn
fer fram í Sláturhúsinu við
Sunnubraut.
Magnús Þór Gunnarsson, fyrir-
liði Keflvíkinga, hlakkar til leiks-
ins. „Það er skemmtilegast að
spila á móti sterkum liðum og
það er bara flott að byrja tíma-
bilið á móti liði sem er sterkt og
vel mannað.“
Keflvíkingum var ekki spáð
góðu gengi í hinni árlegu
könnun sem fram fór í vikunni,
en Magnús segir það ekki breyta
þeirra stefnu í vetur.
„Væntingarnar eru alltaf þær
sömu í Keflavík. Við viljum
titla! Við höfum að vísu ekki
verið að leika vel á undirbún-
ingstímabilinu en við erum með
vel mannað lið og lendum ekki í
fimmta sæti... ég get lofað því!“
Friðrik Ragnarsson, þjálfari
UMFG, horfir fram á spennandi
vetur og skemmtilegan opnunar-
leik. „Það er dálítið óþægilegt að
koma inn í þennan leik því Kefl-
víkingar eru alveg óþekkt stærð.
Þeir eru nýbúnir að fá þrjá út-
lendinga sem ég hef ekki séð
en hef heyrt að séu góðir spil-
arar. Þeir eru samt með gott lið
og alltaf erfiðir heim að sækja.
Við spilum bara okkar leik og
þá eigum við eftir að fara langt
með að vinna þennan leik.“
Grannaslagur!
Jón Norðdal Hafsteinsson
á flugi í leik á
undirbúningstímabilinu.
Hvað gera hann og félagar
hans gegn Grindavík
annað kvöld?
VF-mynd/Þorgils
Knattspy rnu k appinn Jónas Guðni Sævars-
son, fyrirliði Keflavíkur, er
með eftirsóttari mönnum í
bransanum.
Mörg lið hafa augastað á
honum og hafa tvö lið úr
efstu deild, Fram og Íslands-
meistarar Vals, gert fyrir-
spurn um hann hjá stjórn
Keflavíkur.
Þetta staðfesti Jónas, sem
á eitt ár eftir af samningi
sínum, í samtali við Víkur-
fréttir. „Ég hef ekki heyrt frá
neinum, en Keflavík hefur
fengið fyrirspurnir frá Fram
og Val um að fá að ræða við
mig. Þeir hafa ekki fengið
leyfi til þess og stjórnin er að
hugsa sín mál og sömuleiðis
ég, þannig að þetta mál er al-
gjörlega á frumstigi.“
Jónas segist annars lítið vera
að hugsa um þetta mál, en
hann er líka að leita fyrir sér
erlendis. Hann tekur það ann-
ars fram að hann hafi ekki
haft samband við liðin að
fyrra bragði og sé sáttur við
stöðu sína hjá Keflavík.
Vilja bjóða í
Jónas