Ljósið - 13.03.1908, Qupperneq 7

LJÓSIÐ
55
Það vel skilji þjóðirnar,
þess mannvinur biður:
Bölvuð heiðin blóðfórn var
barbariskur siður.
Dýrðarríkur drottinn einn
dó víst aldrei forðum.
Mentaður ekki maður neinn
minum hrindir orðum.
Oss ei gagnar saga sú,
sem að hneixlar anda.
Þrárri, vondri, þræla-trú
þarf ljósið að granda.
Frelsið góða stríðs á storð
starfar í frjálsum löndum.
Óþörf, gömul, urðar-orð
eru í presta höndum.
Stað úr aldrei færast fjöll,
fróni á köldu ísa.
Allir skilji orð mín snjöll:
einn Krist ber oss prísa.
Einn er Kristur alheimssljós,
andi hans er góður.
Enn þá felur undir rós
orð sín heimur fróður.
Eilif verður trú góð trú,
trúarbrögðin svíkja.
Alla drottinn náðar nú,
náðin á að ríkja.
Bræður gangið stórt í stríð,
stríðsmenn herrans eiga vaka.
Kalið mál eg kveð um níð,
kreddurnar á burt að taka.