Víkurfréttir - 25.11.2004, Qupperneq 33
VÍKURFRÉTTIR I 48. TÖLUBLAÐ 2004 I FIMMTUDAGURINN 25. NÓVEMBER 2004 I 33
Gott tækifæri
Einar Haraldsson, formaður Keflavíkur, Íþrótta- og Ung-
mennafélags, segir Íþróttaakademíuna vera mikið og
gott tækifæri fyrir íþróttir á svæðinu jafnvel þótt nem-
endur hennar staldri ekki við í bænum til langs tíma
„Við fögnum Akademíunni og þetta er til mikils fram-
dráttar fyrir íþróttirnar. Hugsanlega getum við fengið
hæfileikafólk til að þjálfa en ég veit ekki hvort það fólk
stoppar hér í bænum. Fólk kemur hingað og útskrifast
héðan, en maður veit ekki hvort það stoppi hér, en á
meðan það er við nám verður það hjá félögunum hér
og það eykur á möguleikana að það verði hér áfram.”
Einar telur að árangur geti verið áþreifanlegur áður en
langt um líður. Það er ekki víst að fólkið verði hér eftir
en við munum standa fyrir ráðstefnum og öðru þvílíku
og þjálfunarnámskeið sem hafa verið hér suður frá yrðu
alfarið hér. Þannig sér maður það í þessu að við erum
að skapa tækifæri til að mennta okkar fólk meira og búa
til meira af hæfileikaríku fólki. Það verður svo vonandi
eftir hjá okkur og nýtist okkur þannig.”
Möguleikarnir sem Akademían býður uppá liggja meðal
annars í aukinni fjölbreytni íþróttagreina sem stundaðar
eru á svæðinu. Einar telur hins vegar að stærð bæjarins
geti hamlað slíku.
„Það er spurning hvað eitt bæjarfélag getur hýst margar
greinar vegna húsnæðis og annars, en ég er ekki frá því
að ef framboð á húsnæði eykst væri hægt að bjóða upp
á fleiri greinar. Framtíðin í íþróttum á svæðinu er alla-
veganna mjög björt ef að allt fer að óskum.”
Mikil lyftistöng
Kristbjörn Albertsson formaður Ungmennafélags Njarð-
víkur, telur Íþróttaakademíuna geta verið mikla lyfti-
stöng fyrir íþróttalífið á svæðinu.
„Það ætti að gera það, en það er erfitt að spá. Þetta gæti
orðið eins og Laugarvatn er núna nema það væri nær
mannfjöldanum. Ég held að sé ekki vafi að Akademían
mun auka framboð á lærðum þjálfurum í bænum. Nem-
endur komast líka að því hvað er gott að búa hér og á ég
von á því að hluti af fólkinu verði hér áfram. Ég er mjög
bjartsýnn á þetta og vona að þetta verði íþróttahreyfing-
unni til góðs.”
Kristbjörn setur hins vegar spurningarmerki við það
hvort jarðvegur sé fyrir fleiri greinar miðað við fólks-
fjölda á svæðinu.
„Ég er svolítið hræddur við það. Ég held að markaður-
inn hjá okkur beri ekki miklu meira. Þær deildir sem
hafa lagt af stað í aðrar greinar hafa alltaf endað í skulda-
súpu því að það er bara ekki markaður fyrir slíku. Við
erum að keyra körfu, sund og fótbolta og fleiri íþrótta-
greinar myndu dreifa fjármagni meira og veikja grunn-
stoðir þessara íþrótta, en að er aldrei að segja aldrei.
Ég hef auðvitað ekkert á móti nýjum íþróttafreinum,
heldur er spurningin bara hvort að þær beri sig yfir
höfuð miðað við mannfjöldann hér.”
Líst ekki á akademíuna
Ólafur Proppé, rektor Kennaraháskóla Íslands, sem
rekur Íþróttafræðisetrið að Laugarvatni sagði í samtali
við Víkurfréttir að sér litist ekki á fyrirhugaða Íþrótta-
akademíu.
„Mér líst ekkert á þær. Mér finnst við þurfa að gera
okkur grein fyrir því hvað við búum í stóru landi. Ég
hef látið þá skoðun í ljós að mér finnst nærri að nýta
þá aðstöðu sem fyrir er í stað þess að koma á íþróttaaka-
demíu þarna suðurfrá. Annars veit ég voða lítið hvað
meiningin er að gera, það hefur ekki verið upplýst um
það.”
Ólafur telur þó ekki að Akademían muni stefan rekstr-
inum á Laugarvatni í hættu.
„Ég held það ekki, en með þessu er verið að dreifa
kröftunum og væri nær að leggja allan kraftinn í betra
starf og er hræddur um að þetta verði ekki nógu gott.
En ég get ekki tjáð mig um þetta í rauninni því ég veit
ekki hvað Íþróttaakademían í Reykjanesbæ ætlar sér að
gera.”
Aðsókn að KHÍ hefur verið langt umfram það sem skól-
inn getur annað. Hefur skólinn vísað fjölda manns frá
í öllum deildum, þar á meðal Íþróttakennaranámi, en
Ólafur telur það ekki skipta höfuðmáli.
„Sjálfsagt er hægt að fá einhverja til að sækja um nám
en það þarf að hugsa málið í svolítið stærra samhengi.
Það er líka spurning um hverjum er verið að vísa frá
og annað. Mér finnst þetta svolítið fljótræði og van-
hugsað.”
Líflegar umræður varð-andi mál efni Íþrótta-akademíunnar voru á
Al þingi í morg un í kjöl far
fyrirspurnar Kolbrúnar Harð-
ardóttur, þingmanns Vinstri
Grænna.
Gagnrýndi hún hvernig aðdrag-
andi stofnunarinnar var og
sagði ámælisvert að Alþingi hafi
ekki fjallað um málið.
„Ég er hlynnt því að íslensk
ungmenni um allt land hafi fjöl-
breytt námstækifæri og er tals-
maður eflingar háskólastigsins.
En ég gagnrýni hvernig ákvörð-
unin er tekin og gerð tortryggi-
leg því hún er ekki fyrir opnum
tjöldum og um hana hefur ekki
farið fram nein fagleg umræða.”
Hún taldi einnig að með stofnun
Íþróttaakademíu í Reykjanesbæ
væri rekstri Íþróttafræðaseturs
Kennaraháskóla Íslands að Laug-
arvatni ógnað stórlega. Væri full-
víst að KHÍ myndi bregðast við
samkeppninni með því að flytja
þá starfsemi til Reykjavíkur.
Íþróttaakademía
fagnaðarefni
Mennta mála ráð herra, Þor-
gerður Katrín Gunnarsdóttir,
sagði tilkomu Íþróttaakademíu
mikið fagnaðarefni. Ríkið hafi
þá ekki komið að málinu með
beinum hætti heldur hafi ríkið
samið við Háskólann í Reykja-
vík og þeir síðan samið við Aka-
demíuna. Henni þótti undarlegt
að þingmenn skulu mótmæla
því að háskólar á höfuðborg-
arsvæðinu færi út kvíarnar og
dreifi sinni starfsemi. „Það er
jákvætt að háskólar hér á höfð-
urborgarsvæðinu sjái kosti sem
önnur svæði hafi fram að færa
og reyni að styðja þá uppbygg-
ingu sem hið öfluga sveitarfélag
Reykjanesbær stendur fyrir með
Íþróttaakademíunni.”
Hún bætti því við að samkeppni
á sviði menntamála væri alltaf
af hinu góða. „Við eigum að
vera að fagna í þessum sal, en
ekki að vera með úrtöluraddir.”
Aðrir þingmenn stigu í pontu
og samglöddust flestir Suður-
nesjamönnum með að þar skuli
rísa háskólastofnun en ekki voru
allir á eitt sáttir með aðdragand-
ann og hvort Akademían ógnaði
starfseminni á Laugarvatni.
Hvergi fleiri Íslands- og
bikarmeistarar
Hjálmar Árnason sagðist ekki
skilja þá tortryggni sem fram
væri komin um málið. Hann
benti á þá staðreynd að hvergi á
landinu væri hlutfallsleg þáttaka
ungmenna í íþróttum hærri
en einmitt á Suðurnesjum og
að miðað við íbúafjölda væru
líklega hvergi eins mikið af Ís-
lands- og bikarmeisturum í
hinum ýmsu íþróttagreinum.
Hjálmar hafði engar áhyggjur af
starfseminni á Laugarvatni þar
sem starfsemin þar væri kröftug
og benti á þá staðreynd að Laug-
arvatn hafi einungis getað tekið
á móti um helmingi umsækj-
enda og að yfirleitt þegar nýir
skólar koma fram fjölgi umsækj-
endum.
Missir ekki svefn
Umræðan var þverpólitísk þar
sem sumir þingmenn úr röðum
stjórnarandstöðu mæltu gegn
orðum Kolbrúnar. Magnús Þór
Hafsteinsson, Frjálslynda flokki,
spurði m.a. hvort samkeppni
í menntamálum væri af hinu
vonda. Hann taldi ekki svo vera
og dæmi um slíkt töluðu sínu
máli. „Ég missi ekki svefn út
af þessu máli, hvorki varðandi
Íþróttaskólann á Laugarvatni,
né varðandi framtíð Íþróttaaka-
demíunnar í Reykjanesbæ.
Staðbundið háskólanám
á Suðurnesjum í fyrsta
sinn
Jón Gunnarsson, Samfylkingu,
fagnaði einnig þeirri staðreynd
að nú, i fyrsta skipti, stæði til
að bjóða upp á staðbundið há-
skólanám á Suðurnesjum. „Það
á ekki að koma nokkrum Al-
þingismanni á óvart að það sé
verið að stofna Íþróttaakademíu
í Reykjanesbæ því þær fréttir
hafa verið uppi nokkuð lengi.
Sveitarfélög á Suðurnesjum hafa
tekið þessari hugmynd fagn-
andi. Og Suðurnesjamenn eru
einróma yfir því að taka vel á
móti þessari stofnun og að þetta
verði stofnun sem við getum
verið stolt af.”
Hann skyldi áhyggjur af málum
skólans á Laugarvatni en taldi
sannað að nemendum muni
fjölga, eftirspurn aukist sem og
gæði náms oft og tíðum. „Ég
hef hins vegar engar áhyggjur
af því og fagna því að þessi hug-
mynd skuli loks vera orðin að
veruleika.”
MÁLEFNI ÍÞRÓTTAAKADEMÍU RÆDD Á ALÞINGI
Hvað segja þeir um Íþróttaakademíu í Reykjanesbæ?
-Einar Haraldsson, formaður Keflavíkur, Íþrótta-og ungmennfélags. -Kristbjörn Albertsson formaður Ungmennafélags Njarðvíkur. -Ólafur Proppé rektor Kennaraháskóla Íslands.