Víkurfréttir - 30.03.2017, Blaðsíða 12

12 fimmtudagur 30. mars 2017VÍKURFRÉTTIR
Dagný Hulda Erlendsdóttir
dagnyhulda@vf.is
Líf Kamillu Ingibergsdóttur tók
u-beygju árið 2012 þegar hún veiktist
á ferðalagi í Taílandi. Veikindin komu
til vegna ofsaþreytu og vegna þess
að hún hafði „brunnið út“ í störfum
sínum í tónlistarbransanum sem hún
hafði sinnt af mikilli ástríðu í mörg
ár. Eftir þetta setti Kamilla heilsuna,
bæði andlega og líkamlega, í fyrsta
sætið. Hún fór að stunda jóga og hug-
leiðslu af enn meiri krafti en áður og
síðar á þessu ári mun hún ljúka jóga-
kennaranámi. Undanfarið hefur hún
boðið upp á kakóhugleiðsluathafnir
í Jógastúdíói í Vesturbæ Reykjavíkur
og hélt sína fyrstu í Reykjanesbæ á
dögunum og var uppselt.
Kamilla ólst upp í Keflavík og hefur
alltaf haft mikla ástríðu fyrir tón-
list. Hún var kynningarstjóri Iceland
Airwaves í fjögur ár, verkefnastjóri
hjá Útón og starfaði fyrir hljóm-
sveitina Of Monsters and Men í tæp
þrjú ár og ferðaðist með þeim víða
um heim. „Þegar ég veiktist hafði ég
verið í tveimur störfum, hjá Iceland
Airwaves og Útón. Ég er þannig að
þegar ég tek eitthvað að mér þá geri
ég það með stæl og dýfu. Ég var að
vinna í tónlistarbransanum sem er líka
mín helsta ástríða þannig að stundum
átti ég erfitt með að draga línuna á
milli vinnu og frítíma. Það var alltaf
gaman í vinnunni en þegar hún tekur
yfir lífið þá er ekki eins gaman,“ segir
hún. Eftir Iceland Airwaves árið 2012
fór Kamilla til Taílands en hún hafði
það fyrir reglu að fara alltaf í gott frí á
hverju ári eftir að hafa unnið að undir-
búningi tónlistarhátíðarinnar. Ferða-
lagið til Taílands tók 24 tíma. „Ég fór
að finna fyrir svima þegar ég kom til
Taílands og hann stóð yfir í marga
daga. Ég endaði á spítala með saltvatn
í æð og algjörlega búin á því. Ástæðan
var ofsaþreyta og kulnun í starfi.“
Kynntist töfrum
kakósins í Guatemala
Fram að þessu hafði Kamilla hugsað
vel um mataræðið og farið reglulega
í jóga. Hún hafði þó ekki hugað sér-
staklega að andlegu hliðinni. „Eftir
veikindin tók ég jóga fastari tökum
og byrjaði að stunda hugleiðslu og hef
gert mikið af því síðustu ár. Frá árinu
2014 vann ég með hljómsveitinni Of
Monsters and Men og ferðaðist með
þeim víða um heiminn. Svo fann ég að
mig langaði að fara að huga enn meira
að jóga og hugleiðslu.“ Kamilla er nú
að læra að verða jógakennari og lýkur
náminu í ágúst. Í maí í fyrra prófaði
Kamilla í fyrsta sinn kakó frá Guate-
mala og fékk að upplifa hvaða áhrif
hreint lífrænt kakó hefur á líkama og
ekki síður á sálina. Síðan hefur hún
farið tvisvar sinnum til Guatemala að
kynna sér krafta kakósins. „Eftir að
ég kynntist kakóinu mundi ég aftur
hvernig það er að hafa ástríðu fyrir
einhverju,“ segir hún.
Töluverð vakning hefur verið um
mikilvægi andlegrar heilsu undan-
farin ár og segir Kamilla hana kær-
komna. „Flest fólk hugsar vel um
líkamann og fer í ræktina og borðar
hollan mat. En hversu mikið er fólk
almennt að huga að andlegu hliðinni?
Mér finnst að við ættum öll að gera
það daglega.“ Kamilla segir hugleiðslu
góða aðferð til að hlúa að andlegu
hliðinni og bendir á að hugleiðsla geti
verið margs konar. Mikilvægt sé að
fólk finni út hvað henti því best. „Í
heimildarmyndinni Innsæi sáum við
góð dæmi um það hvernig sumt fólk
er búið að tapa tengingunni við innsæi
sitt. Það að stunda hugleiðslu svo lítið
sem fimm mínútur hvern dag getur
verið ferðalag inn á við. Innsæið er
eins og hvísl innra með manni. Þegar
hraðinn í lífinu er mikill og maður
gefur sér aldrei tíma til að vera einn
með sjálfum sér hættir maður að
heyra þetta hvísl.“ Kamilla bendir á
að íslensku samfélagi sé mikil áhersla
á að brjálað sé að gera hjá fólki. „Þegar
fólk hittist þá spyr það gjarna: „Og er
ekki brjálað að gera?“ Hvað er svona
eftirsóknarvert við það að hafa brjálað
að gera?“ spyr Kamilla. „Við vinnum
og vinnum til að eignast meiri pening
til að kaupa meira drasl. Ég beygði af
þeirri leið og hef reynt að einfalda lífið
og hugsa um það hvað það er sem ég
virkilega þarf.“
Löngum hefur því verið haldið á lofti
að vinnan göfgi manninn og að mati
Kamillu er of mikið einblínt á þá
speki. „Á sama tíma hefur streita á
vinnustöðum aukist til muna, sífellt
fleiri kulna í starfi og fólk almennt
er með samviskubit yfir því að verja
ekki nægum tíma með fjölskyldunni.
Almennt þá held ég að við vinnum of
mikið en hugum ekki nógu vel að til-
finningunum.“
Telur að allir ættu
að stunda hugleiðslu
Kakóið sem Kamilla býður upp í kakó-
hugleiðsluathöfnum er 100% hrein
fæða. „Það er ekki búið að erfðabreyta
kakóinu og það er stútfullt af magn-
esíum sem er róandi fyrir líkamann.
Magnið af andoxunarefnum er tífalt á
við villt, íslensk bláber. Í kakóinu eru
auk þess þeobrómín sem eykur hjart-
slátt og blóðflæði til heilans, Ananda-
mide og PEA sem eru efni sem við
framleiðum í líkamanum þegar við
erum glöð og ástfangin.“
Kakóhugleiðslur hjá Kamillu snúast
um að fólk upplifi ró og fari inn á við.
„Ég er mjög hrifin af hugleiðslu og
finnst að allir í heiminum ættu að hug-
leiða reglulega,“ segir Kamilla. Hún
notar kakóathafnirnar til að kynna
mismunandi hugleiðsluaðferðir fyrir
fólki og lætur tónlistina alltaf leika
stórt hlutverk. Hugleiðsluathafnirnar
eru jafnt fyrir byrjendur sem lengra
komna í hugleiðslu og kveðst Kamilla
hafa fengið til sín fólk sem varla getur
hugleitt í fimm mínútur dagsdaglega
en getur hugleitt í þrjá klukkutíma
í kakóathöfn. Í hverri hugleiðslu er
þema og verður næsta hugleiðsluat-
höfn Kamillu í Om-setrinu, sunnu-
daginn 9. apríl, undir yfirskriftinni
fyrirgefning.
TÓK NÝJA STEFNU
EFTIR KULNUN Í STARFI
●● Kamilla●Ingibergsdóttir●setti●heilsuna●í●fyrsta●sæti●eftir●ofsaþreytu●og●kulnun●í●starfi.
Kamilla leiðir hugleiðsluathafnir þar sem hreint kakó frá Guatemala leikur stórt hlutverk. Töfrum kakósins kynntist hún í Guatemala í fyrra. Mynd/úr einkasafni
Kamilla ásamt Greg Clough í bænum San Marcos í Guatemala.
Kamilla fór að stunda jóga og hugleiðslu af meiri krafti en áður eftir veikindin.
Á myndinni er hún í bænum San Marcos við Atitlan-vatnið í Guatemala.
Mynd/Greg Clough
„Eftir að ég kynntist
kakóinu mundi ég aftur
hvernig það er að hafa
ástríðu fyrir einhverju“