Víkurfréttir - 18.04.2018, Blaðsíða 6

6 FRÉTTIR Á SUÐURNESJUM miðvikudagur 18. apríl 2018 // 16. tbl. // 39. árg.
Páll Valur
varaformaður
Barnaheilla
Grindvíkingurinn og fyrrum þing-
maðurinn, Páll Valur Björnsson, var
kjörinn varaformaður Barnaheilla
á aðalfundi samtakanna þann 10.
apríl sl. Páll Valur sagði á Facebook
síðu sinni að hann hlakki mikið til
að starfa með því fólki sem skipi
stjórnina á næstu misserum.
Páll fékk Barnaréttindaverðlaun ung-
mennaráða UNICEF á Íslandi árið
2016 en þau verðlaun hlýtur sá þing-
maður sem hefur verið ötulastur við
að berjast fyrir réttindum barna og
vekja athygli fyrir á þeim, þá sat Páll
Valur á þingi fyrir Bjarta framtíð.
Leikskólinn að Skógarbraut 932 á Ásbrú mun
heita Skógarás. Þetta var tilkynnt á kynningar-
fundi í heilsuleikskólanum Háaleiti sem fram
fór á miðvikudag í síðustu viku.
Valið á nafninu fór þannig fram að foreldrum,
starfsmönnum og börnum gafst kostur á að koma
með tilögur. Það var síðan bæjarráð og kjörnir
fulltrúar í fræðsluráði sem kusu um nafn og
niðurstaðan var Skógarás.
Heilsuleikskólinn Háaleiti verður fluttur síðar
á árinu að Skógarbraut 932 og fær um leið nýtt
nafn. Hann mun þá heita heilsuleikskólinn Skóg-
arás sem skýrskotar bæði til götunnar sem hann
stendur við og hverfisins, Ásbrúar.
Helga Hildur
ráðin skólastjóri
Holtaskóla
Helga Hildur Snorradóttir hefur
verið ráðin skólastjóri Holtaskóla.
Helga Hildur lauk kennaranámi með
B.Ed. gráðu árið 2005 frá Kennara-
háskóla Íslands. Hún hefur starfað
við Holtaskóla frá árinu 1997 við
góðan orðstír og verið í stjórnunar-
teymi skólans frá árinu 2008. Hún
hefur gegnt starfi aðstoðarskóla-
stjóra frá árinu 2012 en leysti af sem
skólastjóri skólaárið 2013-2014.
Helga Hildur tekur við skólastjóra-
starfinu af Eðvarði Þór Eðvarðssyni.
Grindvíkingurinn og fyrrum þingmaðurinn,
Páll Valur Björnsson, var kjörinn
varaformaður Barnaheilla á aðalfundi
samtakanna þann 10. apríl sl.
Leikskólinn á Ásbrú mun heita Skógarás
Leikskólinn að Skógarbraut 932 á Ásbrú mun heita Skógarás. Víkurfréttamynd: Hilmar Bragi Bárðarson
ÖLVAÐUR ÓK Á LJÓSASTAUR
Fimmtán ökumenn hafa verið kærðir fyrir of hraðan akstur í umdæmi
lögreglunnar á Suðurnesjum á síðustu dögum. Sá sem hraðast ók mældist
á 151 km hraða þar sem hámarkshraði er 90 km á klukkustund. Þá voru
fáeinir ökumenn teknir úr umferð vegna gruns um að þeir ækju undir
áhrifum fíkniefna eða áfengis. Einn þeirra hafði ekið á ljósastaur og
viðurkenndi hann ölvunarakstur.
Lögregla fjarlægði svo skráningarnúmer á fáeinum bifreiðum sem ýmist
voru óskoðaðar eða ótryggðar í umferðinni.
HLUPU UPPI ÖLVAÐAN ÖKUMANN
Lögreglumenn á Suðurnesjum hlupu í nótt uppi ökumann sem hafði ekið
á grindverk og var grunaður um ölvunarakstur. Ökumaðurinn hafði tekið
bifreiðina ófrjálsri hendi en ekki komist langt því hann ók á grindverk
skammt frá. Þegar hann sá lögreglumenn nálgast tók hann til fótanna.
Hann sinnti í engu tilmælum um að nema staðar en var þá hlaupinn uppi,
færður í handjárn og á lögreglustöð. Þar kom í ljós að hann hefur aldrei
öðlast ökuréttindi og hann viðurkenndi áfengisneyslu.
Fjarlægja þurfti bifreiðina með dráttarbifreið og urðu talsverðar skemmdir
á grindverkinu.
Öll tölublöð frá
upphafi á timarit.is
ENDURBIRT AUGLÝSING
Um skipulag í Sveitarfélaginu Vogum.
Tillaga að breytingu á deiliskipulagi
Frístundabyggð í Hvassahrauni.
Athygli er vakin á því að frestur til að skila athugasemdum við tillöguna hefur
verið framlengdur til og með 2. maí 2018 frá áður birtri auglýsingu.
Bæjarstjórn Sveitarfélagsins Voga samþykkti þann 28. febrúar 2018 að auglýsa
tillögu að breytingu á deiliskipulagi frístundabyggðar í Hvassahrauni, skv. 1.
mgr. 43. gr. skipulagslaga nr. 123/2010.
Breytingin felst í eftirfarandi:
• Lóð númer 22 skiptist í tvær lóðir. Lóðin var áður
8.340 m2 og innan hennar byggingarreitur fyrir
eitt frístundahús, verkfærahús og bátaskýli. Að-
koma akandi umferðar og bílastæði er frá að-
komuvegi austan lóðarinnar. Eftir breytingu
verða til tvær lóðir og fá þær númerin 22A og
22B.
• Lóð 22A er 4.181 m2 og er aðkoma að henni og
bílastæði frá aðkomuvegi vestan lóðarinnar.
• Lóð 22B er 4.163 m2 og er aðkoma að henni og
bílastæði frá aðkomuvegi austan lóðarinnar, á
sama stað og gert var ráð fyrir aðkomu og bíla-
stæðum áður en lóðinni var skipt í tvær lóðir.
• Ástæða þess að samanlögð stærð lóða 22A og
22B er 4 m2 meiri en lóð 22 var áður er óná-
kvæmni í uppgefinni stærð á uppdrætti gild-
andi deiliskipulags.
• Innan beggja lóða er byggingarreitur fyrir frí-
stundahús, verkfærageymslu og bátaskýli.
• Hámarks grunnflötur frístunahúsa innan bygg-
ingarreita á lóðum á skipulagssvæðinu fer úr
120 m2 í 190 m2.
• Hámarks grunnflötur verkfærageymsla innan
byggingarreita á lóðum á skipulagssvæðinu fer
úr 10 m2 í 50 m2.
• Hámarks grunnflötur bátaskýla innan bygg-
ingarreita á lóðum á skipulagssvæðinu fer úr 15
m2 í 30 m2.
• Heimilt er að hafa verkfærageymslu og báta-
skýli sem eitt hús og ef svo er má stærð bygg-
ingar vera að hámarki samanlögð stærð þeirra
beggja, þ.e. 80 m2.
• Breytingar eru gerðar á texta á þann hátt að
fellt er út að frístundahús á skipulagssvæðinu
séu 1 hæð og svefnloft og þess í stað verður að-
eins gert ráð fyrir hámarkshæð bygginga, sem
hækkar úr 5,0 m í 6,5 m. Vegghæð skal vera að
hámarki 5,0 m.
• Heimilt verður að hafa gististarfsemi í frístunda-
húsum á skipulagssvæðinu skv. flokki I (heima-
gisting) og flokki II (gististaður án veitinga) í
samræmi við reglugerð nr. 1277/2016 um veit-
ingastaði, gististaði og skemmtanahald. Sækja
þarf um rekstrarleyfi til sýslumanns vegna starf-
semi í flokki II, gististaður án veitinga, í samræmi
við 25. gr. áðurnefndrar reglugerðar.
Tillagan er sett fram á uppdráttum ásamt greinargerð og vísast til þeirra um nánari upplýsingar.
Tillagan verður til sýnis á skrifstofu Sveitarfélagsins Voga, Iðndal 2, 190 Vogar frá og með miðvikudeg-
inum 7. mars 2018 til og með miðvikudagsins 2. maí 2018. Tillagan er einnig aðgengileg á vef Sveitar-
félagsins Voga, www.vogar.is/Skipulag/Skipulag_i_kynningu/.
Þeim sem telja sig eiga hagsmuna að gæta er gefinn kostur á að gera athugasemdir við tillöguna. Skila
skal skriflegum athugasemdum til skrifstofu Sveitarfélagsins Voga, Iðndal 2, 190 Vogar eða á netfangið
skrifstofa@vogar.is eigi síðar en miðvikudaginn 2. maí 2018.
Vogum, 12. apríl 2018
f.h. bæjarstjórnar,
Ásgeir Eiríksson, bæjarstjóri