Feykir - 13.02.2014, Blaðsíða 8

8 Feykir 06/2014

Heilir og sælir lesendur góðir.
Þrátt fyrir að nú sé daginn sem betur fer
farið að lengja, langar mig að byrja þáttinn að
þessu sinni með skammdegisvísu, sem er vel
gerð hringhenda, eftir Jón Guðmundsson frá
Hólmakoti.
Svört nú hanga svipill ský
sól á vanga grætur.
Dapurt angur drýpur því
dimmar langar nætur.
Veðurútliti að vetri til lýsir Jón svo.
Vestan bylur grettinn, grár
galdra þylur sína.
Eftir skilur fanna fár
fólkið til að pína.
Ein hringhend vísa kemur hér í viðbót eftir
Jón og mun hann þar vera að ávarpa duglega
samferðakonu.
Jóna fljót í ferðum má
frá sér róta glaumnum.
Hyggin snót með hýra brá
heldur móti straumnum.
Þorsteinn Guðmundsson mun vera höfundur
að þessari.
Vísan hefur verið mér
vinur daga og nætur.
Stuðlafallið straumur ber
drengurinn hlær og grætur.
Mig minnir að það hafi verið Sveinbjörn
Beinteinsson sem orti svo til vinkonu.
Ef hún verður óskin mín
annað og meira en draumur,
burt frá sorgum beint til þín
ber mig hennar straumur.
Fullmikil hógværð finnst mér yfir
Allsherjargoðanum, þegar hann yrkir þessa.
Hversu langt sem leitað var
ljóðs að aflaföngum.
Ég að mínum brögum bar
bagga smáa löngum.
Alltaf finnst mér nú gaman að rifja upp vísur
eftir snillinginn Jón S. Bergmann. Hér koma
nokkrar sem ég held örugglega að séu eftir
hann.
Tíminn vinnur aldrei á
elstu kynningunni.
Ellin finnur ylinn frá
æsku-minningunni.
Þeim er lífið frétta fátt
frægð er létt til sagna,
sem að hafa aldrei átt
öðru en láni að fagna.
Það er skýr og sjálfráð sýn
sönnuð einkamálum,
Að ég lesi örlög mín
í annarra manna sálum.
Verkin huldu síðar sjást
sálarkulda sprottin.
Hver, sem duldi alla ást
er í skuld við drottinn.
Vísnaþáttur 611
Klónni slaka ég aldrei á
undan blaki af hrinu,
þótt mig hrakið hafi frá
hæðsta takmarkinu.
Nú er að koma sá tími er skattmann fer
að krefja fólk um svör við gróða eða tapi
síðasta árs. Held að það hafi verið Emil
Petersen sem þá bjó á Akureyri um 1930 sem
sendi eftirfarandi vísu með er hann skilaði
skattaskýrslu sinni.
Ef að það er fyrsta fremd
flestir að því keppi.
Það að skipta skattanefnd
Í Skuggabæjarhreppi.
Þeim mun verða þyngsta hefnd
þegar þeir deyja á Kleppi.
Hvernig skrattinn skattanefnd
skipar í sínum hreppi.
Held það hafi verið í kringum 1975 sem sá
kvittur komst á kreik að einn framfararflokks
þingmaður hefði gleymt smá skattagreiðslu.
Að því tilefni orti Jón Hansson svo.
Leyndar tekjur liggja flatt
lækka skyldugjöldin.
Líkt og Glitstrup greiða skatt
og glepja stjórnarvöldin.
Löngum brjóta lögin bert
lágt svo bera kattinn.
En betur hefði Glitstrup gert
að greiða tekjuskattinn.
Sá mikli meistari orðins listar Heine mun hafa
átt það til að yrkja vísur. Minnir að Magnús
Ásgeirsson hafi komið þessari ferskeytlu hans
á íslenska málið.
Freistinganna fári í heim
fékk ég oft og tíðum hnekkt.
En þegar féll ég fyrir þeim
fannst mér það líka skemmtilegt.
Finnst við hæfi að fá á eftir Heine vísur eftir
snillinginn Hofdala Jónas.
Aldrei var mér unnt að dá
óhlutkennda guði.
Snemma fékk ég óbeit á
öllu bæna suði.
Átti vors og vöku þrá
var þó efans sonur.
Þrennt ég trúði og treysti á
tóbak, vín og konur.
Stytti þessi þrenning mér
þrauta-langan vetur.
Rauna-bróðir, reyndist þér
róðan nokkuð betur.
Gott á eftir þessu ágæti að enda með vísu
Skagfirðingsins Bjarna Gíslasonar.
Ég hef kynnst við trega og tál
trúin finnst mér lygi.
Ljósblik innst í eigin sál
er mitt hinsta vígi.
Verið þar með sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON ) kristin@feykir.is
Mig langar að nota þetta
tækifæri og segja frá
því hvað Sauðárkrókur
þýðir fyrir mig. Bæði
mamma mín, Ólöf Ása
Þorbergsdóttir og pabbi,
Anton Ingimarsson, eru frá
Króknum og ég fæddist
þar en bjó samt ekki nema
mitt fyrsta aldursár þar.
Við bjuggum á Víðigrund
og þar stendur enn hvíti
pallurinn sem pabbi minn
smíðaði svo ég gæti sofið
þar í vagninum. Þessi
pallur hefur í dag ákveðið
tilfinningalegt gildi fyrir mig
jafnvel þó ég muni í raun
ekki eftir honum. Líklegast
er það vegna þess að
pabbi lést árið 2011 að
tilfinningagildið í pallinum
er meira en það hefur áður
verið, kannski furðulegt
en svona er það nú. Þeir
sem búa þar núna munu
vonandi ekki fjarlægja
pallinn í bráð því mig langar
virkilega að taka mynd af
mér á honum næst þegar
ég kem á Krókinn.
Ég var þó nokkuð á
Króknum sem barn, oftast í
styttri ferðum að heimsækja
ættingja en ég man vel
eftir einu skipti þar sem ég
dvaldi þar í einhverjar vikur
hjá pabba. Ég man eftir
Litla-skógi sem virkaði þá
eins og þvílíkur frumskógur
fyrir mig að leika í og ég
man eftir því að vera að
dorga á höfninni og leika
við frændsystkini mín.
Eitt sinn fann ég ásamt
bróður mínum dáinn fugl
og bjuggum við um hann
i kassa og grófum hann í
garðinum með athöfn.
Að koma á Krókinn vekur
Elva Rut Antonsdóttir, brottfluttur Skagfirðingur skrifar
Var staðráðin í að flytja aftur á Krókinn
ÁSKORENDAPENNINN
UMSJÓN kristin@feykir.is
upp ákveðnar tilfinningar hjá
mér, einhverja innri ró og
öryggi. Veit ekki hvernig ég get
lýst því betur en mér finnst ég
ná að endurhlaða batteríin í
hvert sinn sem ég kem.
Þegar ég var lítil var ég
staðráðin í því að flytja þangað
þegar ég yrði fullorðin og þegar
ég var spurð að því hvað ég
myndi gera ef maðurinn minn
vildi ekki flytja þangað, þá
svaraði ég að ég myndi skilja
við hann og finna annan sem
væri til í það.
Í dag er viðhorfið aðeins breytt
en ég nýt þess samt sem áður
í botn að koma þangað en
útiloka samt ekkert í ellinni.
- - - - -
Elva Rut skorar á bróðir sinn,
Ingimar Antonsson, að taka
við pennanum.
Elva Rut Antonsdóttir.
Húnvetnska liðakeppnin
2Good
efstir eftir
fyrsta mót
Fyrsta mót Húnvetnsku
liðakeppninnar fór fram í
reiðhöllinni Þytsheimum á
Hvammstanga sl. laugar-
dag en samkvæmt
heimasíðu hestamanna-
félagsins Þyts gekk mótið
vel. Nokkur missir var af
Skagfirðingum sem skráðir
voru til leiks en þeir
komust ekki yfir Vatns-
skarðið vegna veðurs.
Liðið 2Good er efst í
liðakeppninni að fyrsta móti
loknu með 46,73 stig,
Draumaliðið er annað með
40,36 stig, Víðidalurinn er
þriðji 38,76 stig og Lið Lísu
Sveins er í fjórða með 37,06
stig.
Nánari úrslit má sjá á
Feyki.is. /BÞ