Feykir - 13.02.2014, Blaðsíða 10

10 Feykir 06/2014
Heltekinn af því að
fanga augnablikið
Davíð Már Sigurðsson
sigraði Ljósmynda-
keppni sjómanna á
Norðurlöndum á
dögunum sem fór fram í
Johannesborg
sjómannaklúbbnum í
Norköping í Svíþjóð en
þar var ljósmynd hans
valin besta myndin af 75
sem voru í úrslitum. Feykir
hafði samband við þrítuga
sjómanninn frá Sauðárkróki sem er
mjög áhugasamur „ljósmyndari“,
eins og hann lýsir sér sjálfur.

„Ég geri mikið af því að taka myndir útá
sjó, en ég er háseti á Klakk SK5. Ef trollið
er híft fljótlega eftir vaktaskiptið fer ég
oftar en ekki með strákunum á hinni
vaktinni upp á dekk og mynda hama-
ganginn,“ segir Davíð. Áhugi Davíðs á
ljósmyndun kviknaði þegar hann var
gutti og vann við vefsmíðar hjá Pétri Inga
Björnssyni ljósmyndara og Óla Arnari
Brynjarssyni þúsundþjalasmið. Þar
segist hann líklega hafa smitast af þessum
líka brennandi áhuga fyrir ljósmyndun.
„Það var svo frændi minn, hann Sveinn
Brynjar Pálmason sem prangaði upp á
mig Canon EOS 350D myndavél árið
2007. Þá var ekki aftur snúið,“ segir
hann. Í kjölfarið sótti hann vefnámskeið
hjá Scott Kelby, Phlearn, Karl Taylor,
lynda.com og fleiri. „Í dag, þó nokkrum
klukkutímum fyrir framan kennsluefni
og nokkrum myndavélum seinna, er ég
alveg heltekinn. Bæði af því að fanga
augnablikið og því að búa til augnablik til
þess að fanga.“
Minnir mig á að taka þátt ár hvert
Davíð Már tekur þátt í Ljósmyndakeppni
sjómannablaðsins Víkings á hverju ári en
það var þaðan sem sigurmyndin rataði í
Ljósmyndakeppni sjómanna á Norður-
löndum. „Hilmar Snorrason skólastjóri
Slysavarnarskóla Sjómanna hafði sam-
band við mig árið 2011 og kynnti mig
fyrir keppninni. Hann reyndar sendir
mér skeyti á hverju ári og minnir mig á
að taka þátt.“ Tvennar myndir frá Davíð
höfðu áður lent í verðlaunasæti hjá
Ljósmyndakeppni Víkings, og einhverjar
fleiri verið birtar í blaðinu, en aldrei hafði
hann áður verið valinn í eitt af þremur
efstu sætunum á Norðurlöndunum.
„Keppnin hérna heima er reyndar
þannig að hver aðili má senda 15 myndir
inn og frá Íslandi fara svo sigurmynd-
irnar úr heimakeppninni og tólf aðrar
áfram í Norðurlandakeppnina. Myndin
sem lenti í 2. sæti hjá Sjómannablaðinu
Víking var ekki sú sem vann Norður-
landakeppnina en þar átti ég þrjár af 15
myndum í þetta skiptið,“ útskýrir hann.
Í úrslitum voru 75 myndir frá Íslandi,
Noregi, Danmörk, Svíþjóð og Finnlandi.
„Ég hef ekki séð tölur frá þessu ári en árið
2012 tóku 165 ljósmyndarar þátt og
Davíð Már Sigurðsson sigrar Ljósmyndakeppni sjómanna á Norðurlöndum
Verðlaunamynd Davíðs af Bjarna Jóhannessyni um borð í Klakki.
sendu inn meira en 1000 myndir,“ tekur
hann fram.
Aðspurður um tilurð sigurmyndar-
innar segir hann að hún hafi einmitt
verið tekin í eitt af þeim skiptum þegar
Davíð var að mynda hamaganginn á
dekki Klakks SK5 þann 18. september
2013. Hún er af Bjarna Jóhannessyni þar
sem hann stendur uppá trollinu og bíður
eftir því að slakað sé í gils sem hann þarf
að koma aftur til hleramannana. Myndin
er tekin á Canon EOS 7D & Canon ES
70-200 f2,8L IS USM Linsu. Þess má geta
að af fimm verðlaunum komu þrír
vinningar í hlut íslenskra sjómanna en
aldrei áður hafa svo margar myndir
íslenskra sjómanna unnið til verðlauna í
keppninni.
Þeir sem vilja skoða fleiri ljósmyndir frá Davíð
Má geta heimsótt síður hans vefslóðunum:
www.flickr.com/davidmarsigurdsson, www.
facebook.com/davidmarsigurdsson og
www.facebook.com/davidmar.net
VIÐTAL
berglind@feykir.is
Davíð Már Sigurðsson.
Blótað vítt
og breitt
Síðasta helgi var sú þriðja og næst
síðasta í þorra. Meðal þorrablóta á
Norðurlandi vestra voru
Króksblótið á Sauðárkróki,
þorrablót fyrrum Hóla-og
Viðvíkurhrepps var haldið á Hofsós
og þorrablót á Skagaströnd.

Að þessu sinni birtum við fáeinar myndir
frá Skagaströnd, en þær eru teknar af
James Kennedy./KSE
Þriðja helgin í þorra