Feykir - 02.10.2014, Blaðsíða 5
37/2014 5
ÍÞRÓTTAFRÉTTIR
KR-ingar sigruðu
Tindastól í úrslitaleik
Silfurverðlaun í Lengjubikarnum
Tindastólsmenn gerðu
þokkalega ferð suður um
helgina en þar lék liðið fyrst í
undanúrslitum Lengjubikars-
ins gegn Fjölni og hafði betur.
Í úrslitaleiknum á laugardag
voru það Íslandsmeistararnir
úr Vesturbænum sem
reyndust sterkari og silfrið því
hlutskipti Stólanna að þessu
sinni.
TINDASTÓLL - FJÖLNIR 92-73
Stólarnir skröltu suður í snjón-
um á föstudaginn en það var
enginn skjálfti í köppunum
þegar þeir áttu við Grafarvogs-
piltana í Fjölni í undanúrslitum.
Tindastóll náði yfirhöndinni
fyrir lok fyrsta fjórðungs og hélt
forystunni allt til loka. Fjölnir
hékk í Stólunum fram að hléi en
þá var staðan 43-36. Eftir tvær
og hálfa mínútu í síðari hálfleik
var munurinn orðinn 15 stig og
ljóst að það var á brattann fyrir
Fjölni. Enda fór svo á endanum
Stólarnir unnu öruggan sigur,
92-73, og tryggðu sér sæti í
úrslitum Lengjubikarsins.
Dempsey (25) og Lewis (24)
voru stigahæstir Stólanna og
Dempsey var að auki með 14
fráköst. Pétur Birgis var með 7
stoðsendingar og 10 stig og þá
setti Helgi Margeirs í fjóra þrista.
TINDASTÓLL - KR 83-75
Í úrslitaleiknum mættu Stólarnir
liði KR sem sigraði Hauka 93-83
í síðari undanúrslitaleiknum á
föstudagskvöld. Því miður náðu
Stólarnir sér ekki almennilega á
strik í leiknum og voru KR-
ingar yfir frá fyrstu til síðustu
mínútu. Þeir komust yfir 14-4
eftir tæpar fimm mínútur en
Stólarnir klóruðu í bakkann og
eftir fyrsta leikhluta var staðan
26-17. Í öðrum leikhluta var
hittni Tindastóls ekki til
eftirbreytni en sem betur fer
gekk KR-ingum ekki mikið
betur að finna körfu Stólanna. Í
hálfleik var staðan 41-26 fyrir
KR.
Tindastólsmenn komu kraft-
meiri til leiks í þriðja leikhluta.
KR gerði reyndar fyrstu fjögur
stigin og náði 19 stiga forystu en
þá hrukku Stólarnir í gírinn og
söxuðu hægt og sígandi á forskot
KR. Ingvi Rafn náði síðan að
sökkva 3ja stiga skoti þegar um
ein og hálf mínúta var eftir af
þriðjungnum og minnka
muninn í þrjú stig, 50-53.
Breiddin í liði Íslandsmeistar-
anna sagði til sín og þeir juku
muninn og héldu öruggu
forskoti út fjórða leikhluta en
lokatölur urðu 83-75.
Lewis (23stig/8stoð) og
Dempsey (21stig/11stoð) voru
enn á ný atkvæðamestir en Pétur
var með 13 stig. Það var skarð
fyrir skyldi að Helgi Rafn og
Flake voru ekki að finna sig í
leiknum og þá fann Helgi
Margeirs ekki fjölina aftur frá
því á föstudag.
Niðurstaðan – silfurverðlaun
í Lengjubikarnum – er fín
byrjun á keppnistímabilinu og
vonandi að lið Tindastóls eigi
eftir að vaxa enn frekar þegar
Íslandsmótið hefst nú í október.
/ÓAB
Hittast við Grettislaug
Skíðaiðkendur hjá Skíðadeild Tindastóls
Sunnudaginn 12. október
kl. 14 er boðað til samveru-
stundar hjá skíðaiðkendum
hjá Tindastóls. Boðið verður
upp á grillaðar pylsur og
vetrarstarfið kynnt. Æfingar
hefjast svo um áramót.
Meðal þess sem er fyrirhugað
í vetur er að stofna brettadeild.
Til að skrá sig í vetrarstarfið er
hægt að senda tölvupóst á sbr@
simnet.is sem fyrst. Áhugasamir
eru svo hvattir til að mæta við
Grettislaug og hafa gaman
saman, segir í tilkynningu frá
stjórn skíðadeildar UMFT. /KSE
Stólarnir hafa
styrkt sig
Tindastóll :: Meistaraflokkur karla 2014-2015
Tindastólsmenn mæta til leiks í Dominos-
deildinni í vetur með sterkt lið. Þá hefur nýr
þjálfari tekið við liðinu af Bárði Eyþórssyni,
Portúgalinn Israel Martin Concepción.
Antoine Proctor hefur yfirgefið lið Tinda-
stóls en í stað hans eru komnir Darrel Lewis, 193
sm bakvörður/framherji, og Myron Dempsey,
198 sm framherji/miðherji. Darrel Flake er
áfram í herbúðum Tindastóls en hann og Lewis
eru báðir íslenskir ríkisborgarar.
Fyrsti leikur Tindastóls er gegn Stjörnunni í
Garðabæ 9. október. Fyrsti heimaleikurinn
verður gegn Þór Þorlákshöfn 16. október kl.
19:15. Stuðningsmenn Tindastóls eru hvattir til
að styðja við bakið á liðinu en þeir sem ekki
komast geta fylgst með á TindastóllTV. /ÓAB & BÞ
Helgi Freyr Margeirsson
fæddur 1982
190 sm bakvörður
Finnbogi Bjarnason
fæddur 1996
182 sm bakvörður
Helgi Rafn Viggósson
fæddur 1983
195 sm miðherji/framherji
Pétur Rúnar Birgisson
fæddur 1996
186 sm bakvörður
Darrel Flake
fæddur 1980
194 sm framherji/miðherji
Friðrik Hrafn Jóhannsson
fæddur 1996
170 sm leikstjórnandi
Ingvi Rafn Ingvarsson
fæddur 1994
188 sm bakvörður
Darrel Keith Lewis
fæddur 1976
193 sm bakvörður/framherji
Hannes Ingi Másson
fæddur 1996
193 sm bakvörður
Myron Dempsey
fæddur 1991
198 sm framherji/miðherji
Sigurður Páll Stefánsson
fæddur 1995
194 sm bakvörður
Viðar Ágústsson
fæddur 1996
193 sm bakvörður/framherji
Kári Marísson
Aðstoðarþjálfari og
leikstjórnandi
Israel Martín Concepción
Þjálfari
TímOn-félagarnir sigra enn
Íslandsmeistarar sigra síðustu rallýkeppni tímabilsins
Laugardaginn 27. september
fór fram síðasta umferð
Íslandsmótsins í rallý. Ekið
var um uppsveitir Rangár-
vallasýslu, nánar tiltekið
Landmannaleið og Tungnaá,
alls sex sérleiðir sem
spönnuðu samtals 119 km.
Samkvæmt fréttatilkynningu
reyndist keppnin bílum og
mönnum erfið en 15 áhafnir
hófu leik.
„Þegar yfir lauk skiluðu
einungis 8 bílar sér í endamark,
rétt tæplega helmingur þátttak-
enda féll því úr leik enda voru
aðstæður nokkuð krefjandi þar
sem ekið var um mjög ójafna og
erfiða vegi. Var algengast að
fjöðrunarbúnaður eða drifbún-
aður gæfi sig og gerði kepp-
endum ómögulegt að halda
áfram,“ segir í tilkynningunni.
Engar bilanir eða aðrar uppá-
komur hrjáðu þá TímOn-félaga,
Baldur og Aðalstein á Subaru
Impreza Sti, en þeir höfðu fyrir
keppnina þegar tryggt sér
Íslandsmeistaratitilinn í ár.
Náðu þeir strax á fyrstu leiðinni
besta tímanum, héldu síðan
öruggu forskoti allt til enda og
sigruðu í keppninni með
tæplega fjögurra mínútna for-
skoti á næstu áhöfn, Íslands-
meistarana frá í fyrra, Henning
og Árna sem einnig óku Subaru
Impreza. Samkvæmt tilkynning-
unni náðu Baldur og Aðalsteinn
þeim árangri að vera með besta
tímann á hverri einustu sérleið í
keppninni sem er afar sjaldgæft
að gerist í rallý. /BÞ