Feykir - 09.07.2015, Page 10

10 26/2015
Barokkhátíðin á Hólum í
Hjaltadal var haldin í
sjöunda skipti dagana 25.
–28. júní. Vel tókst til og
stemningin var frábær.
Hitinn fór yfir 20 stig alla
dagana, svo ekki spillti
veðrið fyrir. Feykir náði tali
af Pétri Halldórssyni
framkvæmdastjóra
Barokksmiðjunnar.
„Fyrsta hátíðin var haldin 2009
svo að þetta var sjöunda
Barokkhátíðin á Hólum. Smám
saman spyrst þetta út. Við höf-
um viljað láta þetta vaxa í
rólegheitum en finnum fyrir
vaxandi áhuga fólks á að koma
og taka þátt í þessu með okkur,“
segir Pétur aðspurður hversu oft
hátíðin hefur verið haldin.
En hvað er barokk? „Hugtakið
barokk er notað yfir lista- og
menningarstefnu í Evrópu frá
því um aldamótin 1600 og fram
til um 1750. Tónlistin á barokk-
tímanum einkennist sannarlega
af miklu flúri, trillum og marg-
slungnu tónamáli en á barokk-
tímanum eru allar listirnar í
einni sæng, tónlist, myndlist,
byggingarlist, bókmenntir, dans
o.s.frv. Barokkið markaði þó
nokkrar breytingar frá endur-
reisnartímanum. Fram komu
tónskáld sem báru með sér nýjan
hljóm og oft er talað um að
barokkið sé nokkurs konar
dögun nútímans. Þá fóru ýmsir
hlutir að gerast sem þróuðust að
því samfélagi sem við búum í nú,
bæði í menningu, vísindum og
tækni.“ Það er Barokksmiðja
Hólastiftis sem stendur fyrir
hátíðinni, en það er sjálfs-
eignarstofnun sem hefur það að
markmiði að kynna barokktíma-
bilið og auka áhuga Íslendinga á
því. Mesta áherslan er lögð á
tónlistina en þó er reynt að horfa
til allra hliða barokksins.
„Barokksmiðjan er áhuga-
mannafélag og allt forsvarsfólk
hennar vinnur að þessu í
sjálfboðavinnu. Þá vinnu er hægt
að reikna til margra ársverka,
ekki síst ef talið er með framlag
tónlistarfólks og annarra þátt-
takenda sem langflestir gefa
vinnu sína og leggja þannig sitt
að mörkum til þess að gefa
Íslendingum svolítið meira
barokk.“
Aðsóknin hefur
farið vaxandi
Aðsóknin á Barokkhátíðina
hefur farið vaxandi ár frá ári, og
eftir því sem hún festir sig í sessi
leggja fleiri og fleiri leið sína að
Hólum til að njóta hennar. „Nú
komu til dæmis yfir 60 manns á
fyrstu tónleika hátíðarinnar
fimmtudagskvöldið 25. júní,
sem var frábært. Þar var á
ferðinni hinn norsk-íslenski
Björgvinjar gítarkvartett sem
fékk mjög góðar viðtökur.
Barokksveit Hólastiftis lék stórt
hlutverk á hátíðinni í ár. Í þetta
sinn var sveitin eingöngu skipuð
strengjahljóðfærum auk sem-
bals. Halla Steinunn Stefáns-
dóttir, fiðluleikari og útvarps-
kona með meiru, stýrði æfingum
hljómsveitarinnar meðan á
hátíðinni stóð og leiddi hana á
hátíðartónleikum í Hóladóm-
kirkju sunnudaginn 28. júní.
Halla Steinunn er einn fremsti
barokksérfræðingur landsins og
mikill fengur að fá hana að
hátíðinni. Eins og venjulega kom
Ingibjörg Björnsdóttir listdans-
ari og kenndi barokkdansa á
hátíðinni og á hátíðarsamkomu
laugardagskvöldið 27. júní stýrði
hún barokkballi þar sem bæði
voru dansaðir fjöldadansar og
paradansar. Það er ástæða til að
hvetja alla til að koma og dansa
með á Hólum því þetta er
bráðskemmtilegt og alls ekki svo
erfitt. Þrír fyrirlestrar voru
haldnir á hátíðinni, fyrirlestur
um dansk-þýska tónskáldið
Dieterich Buxtehude, um lækn-
ingar og heilsu á barokktímanum
eins og fyrr segir og þýski
víóluleikarinn og fiðlusmiður-
inn Annegret Mayer-Linden-
berg hélt fyrirlestur um muninn
á barokkhljóðfærum og klassísk-
um hljóðfærum. Haldnir voru
tvennir hádegistónleikar, Jón
Þorsteinsson söngkennari hélt
söngnámskeið, gengið var í
Gvendarskál og fleira. Mark-
miðið með Barokkhátíðinni á
Hólum er ekki síst að fólk kynnis
og skemmti sér saman, fræðist
og njóti.“
Barokkhátíð á Hólum í Hjaltadal
„Hóladómkirkja er frábær
vettvangur fyrir starfsemi okkar“
Barokksveit Hólastiftis 2015. Frá vinstri: Halla Steinunn Stefánsdóttir,
Agnes Eyja Gunnarsdóttir, Móeiður Una Ingimarsdóttir, Sólrún Ylfa
Ingimarsdóttir, Lára Sóley Jóhannsdóttir, Ólöf Sigursveinsdóttir, Annegret
Mayer-Lindenberg, Diljá Sigursveinsdóttir, Anna Hugadóttir, Sigríður Kristjana
Ingimarsdóttir, Helena Guðlaug Bjarnadóttir og Aðalheiður Matthíasdóttir.
MYND: ??
Þegar hugmyndin að Barokk-
smiðju Hólastiftis var í deiglunni
frétti Pétur af því að Jón Aðal-
steinn Baldvinsson, þáverandi
vígslubiskup á Hólum, hefði
mikinn hug á því að auka
tónlistarlíf á Hólum og setti
hann sig því í samband við hann.
Af því spratt hugmyndin um
árlega barokkhátíð á Hólum.
„Íslendingar eiga ekki mörg
gömul hús og þaðan af síður
ósvikin barokkhús en Hóladóm-
kirkja er hönnuð á barokk-
tímanum og frábær vettvangur
fyrir starfsemi okkar. Auðunar-
stofa hentar líka vel til smærri
viðburða, til dæmis fyrirlestra. Á
Hólum er allt þrungið þeirri
miklu sögu sem staðurinn á.
Barokktíminn var merkur tími á
Hólum og svo er þetta líka svo
magnaður staður, skólinn fallegi,
fjöllin, dalurinn, náttúrufegurðin
og veðursældin,“ segir Pétur að
lokum.
Björgvin gítarkvartett á tónleikunum í Hóladómkirkju. MYND: ÚR EINKASAFNI
Haldið af stað í kvöldgöngu upp í Gvendarskál í einmunablíðu. MYND: ÚR EINKASAFNI
VIÐTAL
Þóra Kristín Þórarinsdóttir