Feykir - 13.08.2015, Blaðsíða 6
6 30/2015
María Björk er dóttir þeirra
Ingva Rafns Jóhannssonar
og Sólveigar Jónsdóttur. „Ég
er fjórða í röð sex systra og
tveggja bræðra. Það eru ákveðin
forréttindi að fá að alast upp í
svona stórum hópi því við lærum
að taka tillit hvert til annars,
hlusta og að gera málamiðlanir.
Heimilið mitt var alltaf opið
öllum, stórum sem smáum
og oft var glatt á hjalla enda
tónlistin alls ráðandi á heimilinu
og mikið hlegið, talað og skipst
á skoðunum og málin rökrædd.
Eftir að ég kynntist Ítölum þá er
ég alveg viss um að við hefðum
hæglega getað átt heima þar
og smellpassað inn í ítalska
stórfjölskyldu. Reyndar er ein
af mínum bernskuminningum
tengd Ítalíu en einn besti vinur
pabba var Ítalinn og söngvarinn
Sigurður Demetz og það var sko
ekki leiðinlegt að fá heimboð
til þeirra hjóna, Eyju og
Demetz, og fá að borða ítalskan
mat, hlusta á ítalska tónlist
og hlæja að sögunum hans.
Fyrsta utanlandsferð mín með
foreldrum mínum var einmitt til
Ítalíu og ef það er eitthvert land
annað en Ísland sem mig langar
til að búa í, þá er það Ítalía.
Samstarfsmaður minn hér á
Króknum til margra ára, Ítalinn
Ivano Tasin, sagði mér stundum
að ég væri miklu ítalskari í fasi
heldur en hann. Mér fannst það
mikið hrós.“
María Björk er fædd og
uppalin á Akureyri en þar segist
hún hafa unað sér afskaplega vel
sem barn og unglingur og átt
góða æsku. Hún lærði á píanó,
Rætt við Garðar Jónsson á Melstað í Óslandshlíð
um raforkuverð í dreifbýli
VIÐTAL
Þóra Kristín Þórarinsdóttir
„Síðustu tvö ár
hafa verið ótrúleg“
N4 er norðlensk sjónvarpsstöð sem mörgum finnst ómissandi. Nú á
dögunum voru ráðnir nýir framkvæmdastjórar við stöðina og önnur þeirra
er Skagfirðingum að góðu kunn. Hún heitir María Björk Ingvadóttir og
blaðamaður Feykis fékk innsýn inn í líf Maríu og nýja starfið hennar.
var í skátunum, söng í kórum,
æfði ballett og handbolta, bar út
blöð, vann í búðinni hjá pabba
sínum frá því hún var tíu ára og
hafði í nógu að snúast. „Þannig
leið mér vel og þannig hef ég alltaf
verið. Við systurnar komum oft
fram á skemmtunum þar sem
við sungum saman en einhver
gaf okkur nafnið Sex syngjandi
systur og festist það við okkur.
Það er stutt á milli okkar í aldri
og við erum mjög samrýmdar,
hlæjum frekar hátt og tölum
mikið. Þetta var eiginlega oft
eins og fuglabjarg og er reyndar
enn þegar við hittumst.“
Ætlaði sér strax að
verða félagsráðgjafi
„Eftir stúdentspróf úr Mennta-
skólanum á Akureyri fór ég að
safna mér reynslu í að vinna með
fólki því ég ætlaði strax 16 ára að
verða félagsráðgjafi. Það nám var
hinsvegar ekki í boði hér á landi,
þá þurfti að sækja um til nefndar
sem mat hæfni umsækjenda og
svo voru að mig minnir fjórir
valdir til að fara í jafnmarga
norska háskóla í þetta nám. Ég
komst inn í fyrstu tilraun en þá
kom Sauðkrækingurinn Ómar
Bragi inn í líf mitt, ég sá hann á
skemmtistaðnum H-100 og féll
alveg fyrir honum.“
Ómar Bragi Stefánsson er
eiginmaður Maríu Bjarkar til
margra ára. Saman eiga þau þrjú
börn; þau Stefán Arnar, Ingva
Hrannar og Ásthildi. „Ég fór
bara til hans, kynnti mig og bað
hann að dansa. Hann sagði já og
ég setti námið í bið í eitt ár, flutti
til Sauðárkróks og fékk starf, þá
tvítug, sem kennari í tónmennt
og dönsku. Ómar var þá þegar
farinn að kenna íþróttir í sínum
heimabæ og var því ekki alveg á
förum neitt annað.“
„Þetta var alveg dásamlegur
vetur, ég kenndi öllum börnum
hér fæddum 1968 - 1973 og á
margar góðar minningar um
þennan vetur og fólkinu öllu
sem ég kynntist. Ég hitti á
dögunum einn nemanda minn
sem var alveg viss um að ég
hefði kennt sér að minnsta kosti
þrjú ár. Ég ákvað að trúa því að
henni hafi bara þótt þetta svona
skemmtilegt ekki síður en mér.
Mér finnast börn og unglingar
svo áhugaverð og hafa góða
nærveru sem nærir mig, þess
vegna sækist ég alltaf í að vinna
með þeim.“
María Björk Ingvadóttir framkvæmdastjóri N4