Feykir - 13.08.2015, Blaðsíða 8

8 30/2015
BÆJARHÁTÍÐ Á SKAGASTRÖND

Dagana 14.–16. ágúst
Dagskráin laugardaginn 15. ágúst (á dagskrá er m.a.)
10:30 – 23:00 Bjarmanes Café Myndlistarsýningin - Ljósmyndasýningin
10:30 – 11:30 Froðudiskó á Kaupfélagstúni
10:30 – 12:00 Björgunarsveitin Strönd sýnir bíla og búnað
10:00 – 11:00 Sjósund við Höfðann > mæting við sundlaug
12:00 – 13.00 Víðavangshlaup Umf. Fram við Höfðaskóla
12:00 – 12:30 Skógræktarfélagið gróðursetur bjarkir í skjóli Spákonuhofs
13:00 – 13:30 Söngvaborg – barna og fjölskylduskemmtun á útisviði á Hólanesi
13:00 – 18:00 Sveitamarkaður í tjaldi. Skráning; gudlaug.gretars@gmail.com, 893 2645.
13:30 – 14:30 Opið listaverk í Bjarmanesi - listamaður í Nes kemur af stað listaverki
14:00 – 17:00 Kaffihlaðborð í Bjarmanes Café, með gamaldags ívafi – Flaututónlist
14:00 – 16:00 Grímugerð og andlitsmálun (Bjarmanes Café, neðri hæð)
13:00 – 17:00 Árnes, elsta húsið á Skagaströnd. Sýningin „Alþýðuheimili 1900-1920“
13:00 – 18:00 Spákonuhof. Spáð í spil, bolla, rúnir og lófalestur
14:00 – 14:30 Spákonugjörningurinn „Rúnakast – spáð í framtíðina“
14:00 – 15:00 Snarfari – hópreið hestamanna og teymt undir börnum á öllum aldri
13:00 – 15:00 Minigolfmót við Bjarmanes Café „Hola í höggi“ á Hólanesi
13:30 – 17:00 Hoppukastali á Hólanesi
14:00 – 17:00 Loftbolti á sparkvellinum
15:00 – 18:00 Opin vinnustofa í Nes listamiðstöð. Heimatilbúnar myndavélar
21:00 – 23:00 Tónleikar á útisviði á Hólanesi
• Nokkrir ungir tónlistarmenn/ Guðmundur Egill
• Dansatriði frá Nes
• Gunnar S. Björnsson
• Gummi Jóns og Hjörtur
23:00 - 24.00 Varðeldur á Hólanesi. Varðeldasöngvar og kvöldstemning.
23:00 - 03:00 Ball á Borginni. Hljómsveitin Trukkarnir spila.
Ítarlega dagskrá má finna á
www. skagastrond.is
SKAGGINN 2015
„Stolt af því
að vera Skaggar“
Skagginn 2015 – Gleðidagar á Skagaströnd
Um helgina verður öllu
tjaldað til á Skagaströnd því
heimamenn efna til nýrrar
bæjarhátíðar sem hefur hlotið
nafngiftina Skagginn.
„Skagstrendingar voru oft
kallaðir Skaggarnir af öðrum
bæjarfélögum ... og ekki
endilega í jákvæðri merkingu.
Okkur fannst því tilvalið að
hátíðin okkar bæri þetta nafn
– að við komum saman,
gerum okkur glaðan dag,
stolt af því að vera Skaggar
og það hefur verið leiðarljós
okkar við skipulagninguna,“
sagði Sigurlaug Ingimundar-
dóttir, formaður Tómstunda-
og menningarmálanefndar
Svf. Skagastrandar, í samtali
við Feyki.
„Við ræddum um bæjarhátíð á
fyrsta fundi nefndarinnar og í
framhaldi af því buðum við
íbúum Skagastrandar á opinn
fund um bæjarhátíðir í
nóvember því við vildum heyra í
fólkinu okkar hvort áhugi væri á
því að halda slíka hátíð og með
hvaða hætti. Margar skemmti-
legar hugmyndir komu fram en
allir voru á því að hafa þetta í
smærri kantinum,“ sagði Sigur-
laug um kveikjuna að hugmynd-
inni um nýja bæjarhátíð. Hún
segir að til þess að virkja sem
flesta í að gera þennan dag sem
bestan þá leitaði nefndin til
félagasamtaka og fyrirtækja í
bænum og segir hún að það hafi
sannast að margt smátt gerir eitt
stórt.
Skagganum verður skotið af
stað kl. 18:00 á föstudaginn og
verður fjölbreytt og fjölskyldu-
væn dagskrá fram á sunnudag.
„Á föstudagskvöldið verður m.a.
Ljóðaganga þar sem gengið
verður um Höfðann og stoppað
við á hinum ýmsum stöðum og
lesin ljóð sem tengjast staðnum
eða umhverfinu. Lengri opnun
verður í sundlauginni, kósí
stemning, kertaljós og seríur og
sundlaugin hituð upp og verður
í líkingu við stóran heitan pott.
Rauði krossinn er með mjög
öfluga deild á svæðinu og á
föstudaginn ætla félagar að
halda tombólunámskeið. Við
verðum svo með sveitamarkað í
tjaldi við Árnes á laugardag, þá
ætlar m.a. Rauði krossinn að
vera með aðstöðu fyrir börn til
að vera með tombólu, auk fata-
markaðar,“ segir Sigurlaug þegar
hún er beðin um að nefna dæmi
um einstaka dagkrárliði.
„Við í sjósundfélaginu ætlum
að taka á móti nýliðum og fara
sjálf útí við Höfðann og leyfa
fólki að fylgjast með. Hesta-
mannafélagið Snarfari stendur
fyrir hópreið og verður teymt
undir á Hnappstaðatúni. Björg-
unarsveitin Strönd sýnir bíla og
búnað við Bjarnabúð en þeir er
að fara í hálendisferð á sunnudag
og ætla að leyfa fólki að fylgjast
með þeim taka sig til fyrir
ferðina. Þá ætlar slökkviliðið, og
þá sérstaklega slökkviliðsstjór-
inn okkar, Hafsteinn Pálsson, að
aðstoða okkur við froðudiskóið
á laugardagsmorgun sem verður
eftir víðavangshlaupið, svo fátt
eitt sé nefnt.“
„Allir leggjast á eitt að
gera þessa hátíð sem
skemmtilegasta“
Fjöldi alþjóðlegra listamanna
dvelja við Nes listamiðstöð ár
hvert og hafa nokkrir listamenn
verið fengnir til þess að taka þátt
í gleðinni. „Í Bjarmanesi verður
kaffihlaðborð með gamaldags
ívafi við undirleik Sibylle
flautuleikara sem dvelur við
listamiðstöðina. Þar hefur lista-
maðurinn Linda jafnframt
umsjón með opnu listaverki og
allir mega koma og gera eitthvað.
Í aðstöðu listamiðstöðvarinnar
verður síðan opin vinnustofa þar
sem kennt verður að búa til
myndavélar en umræddur
listamaður notar lífrænan fram-
köllunarvökva, úr kaffikorg og
fleiru - ég er allavega mjög
spennt að sjá það,“ segir Sigur-
laug.
Þá verður skemmtun með
lifandi tónlist á Borginni bæði
kvöldin. Frítt verður inn á
föstudagskvöldið og munu
trúbadorarnir Gummi Jóns og
Hjörtur Guðbjarts spila fram
eftir kvöldi. Á laugardagskvöldið
verður fjöldasöngur við varðeld
sem tendraður verður á Hólanesi
kl. 23 og kvöldinu lýkur svo með
balli á Borginni þar sem
Trukkarnir halda uppi fjörinu
fram á nótt.
„Þessi hátíð er tilvalin til að
sjá hvað við eigum mikið af
duglegu og hæfileikaríku fólki.
Hér er öflug björgunarsveit,
Rauða kross deild, ungmenna-
félag, skógræktarfélag, golf-
klúbbur, sjósundfélag, hesta-
mannafélag og þessi félög leggja
öll til atriði í dagskrána okkar
með einum eða öðrum hætti.
Fyrirtæki á staðnum styrkja
okkur með þátttöku sinni,
aðstoð við undirbúning eða
beinum fjárframlögum svo allir
leggjast á eitt að gera þessa hátíð
sem skemmtilegasta,“ segir hún.
Þá hefur Minningarsjóður
hjónanna frá Vindhæli og Garði
lagt fram rausnarlegan styrk til
þess að fá Söngvaborg á staðinn
til þess að skemmta yngsta
fólkinu og segir Sigurlaug þær
stöllur, Siggu Beinteins og Maríu
Björk, hafa komið áður við mikla
lukku.
Í auglýsingunni hér að neðan er
dagskrá laugardagsins en á heimasíðu
Skagastrandar má sjá ítarlegri dagskrá
Skaggans.
VIÐTAL
Berglind Þorsteinsdóttir
Tómstunda- og menningarmálanefndin hefur veg og vanda af skipulagninu Skaggans; Guðlaug Grétarsdóttir, Hrefna Dögg Þor-
steinsdóttir, Sigurlaug Ingimundardóttir formaður, og Sigrún Líndal Þrastardóttir en Róbert Freyr Gunnarsson var fjarverandi.