Feykir - 17.03.2016, Side 4
4 11/2016
Hafðu samband!
Hafðu samband í síma 455 7176
eða sendu Feyki póst á feykir@feykir.is
Vikuna 6. – 12. mars var tæpum 60 tonnum landað á Skagaströnd, tæpum 265 tonnum á
Sauðárkróki og rúmum þremur tonnum á Hvammstanga. Engu var landað á Hofsósi. Alls
gera þetta um 328 tonn á Norðurlandi vestra. /KSE
Aflatölur 6.–12. mars á Norðurlandi vestra
Málmey með 160 tonn að landi
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HVAMMSTANGI
Harpa HU Dragnót 3.094
Alls á Hvammstanga 3.094
SKAGASTRÖND
Alda HU 112 Landb. lína 8.855
Blær HU 77 Landb. lína 537
Bogga í Vík HU 6 Landb. lína 1.429
Dagrún HU 121 Þorskanet 2.001
Húni HU 62 Þorskanet 932
Íslandsbersi HU 113 Landb.lína 6.499
Ólafur Magn. HU 54 Þorskanet 2.435
Sæfari HU 200 200 Landb. lína 4.314
Vestri BA 63 Rækjuvarpa 32.484
Alls á Skagaströnd 59.486
SAUÐÁRKRÓKUR
Klakkur SK 5 Botnvarpa 86.926
Málmey SK 1 Botnvarpa 160.135
Már SK 90 Rauðmaganet 1.485
Nökkvi ÞH 27 Rækjuvarpa 16.269
Alls á Sauðárkróki 264.815
Vilja efla grasrótina
Ársþing UMSS var haldið á sunnudaginn
Ársþing UMSS var haldið á
Sauðárkróki síðastliðinn
sunnudag, 13. mars. Auk
hefðbundinna þingstarfa og
stjórnarkjörs fóru fram ýmsar
umræður. Sylvía Magnúsdóttir
á Hlíðarenda var kjörin
formaður til árs í viðbót. Fyrir
þingið áttu tólf félög aðild að
sambandinu en þeim fækkaði í
tíu, með því að nýsameinað
hestamannafélag, Skagfirð-
ingur var tekið inn í stað
þriggja félaga sem fyrir voru;
Svaða, Léttfeta og Stíganda.
Sylvía sagði í samtali við
Feyki á þriðjudaginn að margt
væri spennandi að gerast í starfi
UMSS. Meðal annars væri
ákveðið að Landsmót UMFÍ
2018 yrði haldið á Sauðárkróki
og inn í það kæmi Landsmót
50+. Hún segist leggja áherslu á
að efla tengsl við grasrótina og
leggur áherslu á að fólk hafi
óhikað samband við sig, sím-
leiðis eða gegnum netfangið
sylvia@umss.is. „Eftir þetta
fyrsta ár sem formaður sé ég
ekki í hendi mér miklar
breytingar en það eitt að hafa
formannafundi aðildarfélag-
anna tvisvar á ári getur opnað á
ýmsar umræður um framtíðar-
sýn,“ sagði Sylvía meðal annars.
Ásamt Sylvíu, sem verið
hefur formaður síðastliðið ár,
voru kosnir áfram til árs
stjórnarsetu í viðbót þeir
Gunnar Þór Gestsson og
Þorvaldur Gröndal. Nýjar inn í
stjórn komu þær Þórunn
Eyjólfsdóttir og Arnþrúður
Heimisdóttir, sem báðar eru
kjörnar til tveggja ára. Til vara
voru kjörnir þeir Jón Dan,
Gunnar Traustason og Sigurjón
Þórðarson. Mun stjórnin skipta
með sér verkum á fyrsta
stjórnarfundi. /KSE
Kennsla hafin á nýrri slátrarabraut
Fjölbrautaskóli Norðurlands vestra
Kennsla í slátraraiðn hófst í Fjölbrautaskóla
Norðurlands vestra um helgina. Slátrara-
brautin er nýjung hjá skólanum en ekki hafa
slátrarar útskrifast úr skóla hérlendis síðan
upp úr 1990, hjá Iðnskólanum í Reykjavík. Að
sögn Páls Friðrikssonar, slátrara, kjötiðnaðar-
meistara og kennara við brautina, eru
nemendurnir átta talsins sem sækja kennslu-
stundir í byrjunaráföngum, þar af eru fimm í
staðarnámi og þrír í fjarnámi. Alls eru 18
nemendur skráðir til náms.
Námið sem um ræðir er 110 eining starfsnáms-
braut og er meðalnámstími tvö ár, þrjár til fjórar
annir, með vinnustaðasamningi. Bókleg kennsla
fer fram í lotunámi í FNV og verkleg kennsla (40
einingar) fer fram hjá sláturhúsum og
afurðastöðvum. Nemendur munu útskrifast sem
slátrarar.
„Það gekk mjög vel. Við byrjuðum á gæðakerfi
sem tekur á innra eftirliti hjá matvælafyrir-
tækjum,“ sagði Páll þegar hann var spurður
hvernig námið fór af stað.
Aðgangskröfur eru þær að nemendur þurfa að
vera orðnir 18 ára og hafa lokið grunnskólaprófi
eða sambærilegu prófi. Þá er starfsreynsla metin til
styttingar á námi samkvæmt raunfærnimati í
slátrun. Hluti nemendanna hóf nám sitt um
helgina en aðrir byrja sitt nám síðar.
Að sögn Páls nýttu margir starfandi kjötiðnaðar-
menn tækifærið og fóru í raunfærnimat hjá
Fræðslumiðstöð atvinnulífsins víða um landið.
„Sumir nemendurnir sleppa við einhverja áfanga
enda búnir að taka þá í öðru námi eða eru vel
kunnandi samkvæmt raunfærnimatinu. Einhverjir
kjötiðnaðarmenn hafa það mikla reynslu í slátrun
og geta því útskrifast fljótlega,“ sagði Páll að
endingu. /BÞ
Frekari upplýsinga beðið
Sparkvellir á Norðurlandi vestra
Á Norðurlandi vestra eru átta
sparkvellir með gervigrasi en
slíka velli er að finna á flestum
þéttbýlisstöðum landsins.
Fréttaflutningur af skaðsemi
dekkjakurls sem notað er sem
uppfyllingarefni í gervigrasið
hafa vakið marga til umhugs-
unar um hvernig við verði
brugðist varðandi þessa
sparkvelli. Feykir hafði því
samband við sveitarstjóra í
þeim sveitarfélögum þar sem
vellirnir eru staðsettir og
spurðist fyrir um áformuð
viðbrögð vegna þessara mála.
Í Húnaþingi vestra eru til að
mynda tveir sparkvellir, stað-
settir við Grunnskólann á
Hvammstanga og Grunnskól-
ann á Borðeyri. „Það liggur
fyrir að skipta um gúmmíkurl á
sparköllunum, leiði rannsókn í
ljós að kurlið innihaldi skaðsöm
efni, með tilliti til umhverfis- og
heilsu, yfir hættumörkum,“
sagði Guðný Hrund Karlsdóttir,
sveitarstjóri Húnaþings vestra, í
samtali við Feyki. „Ekkert
verður þó hafst við fyrr en
yfirvöld gefa út leyfilegt efna-
innihald þess efnis sem nota
skal í stað dekkjakurls,“ sagði
Guðný ennfremur.
Á Skagaströnd er einn
gervigrasvöllur. „Ákvörðun um
endurnýjun efnis í honum
hefur ekki verið tekin, enda
liggur ekkert fyrir um raunveru-
lega skaðsemi þess efnis sem á
hann var sett eða hvað má
yfirleitt nota í stað þess sem nú
er,“ sagði Magnús B. Jónsson,
sveitarstjóri á Skagaströnd,
þegar Feykir hafði samband við
hann.
Í Húnavatnshreppi er spark-
völlur staðsettur við Húnavalla-
skóla og var skipt um gúmmí-
kurl á þeim velli. „Ef rannsóknir
leiða það í ljós að það nýja kurl
innihaldi skaðsöm efni, m.t.t.
umhverfis- og heilsu, yfir
hættumörkum mun verða skipt
aftur um gúmmíkurl á vell-
inum,“ sagði Einar Kristján
Jónsson sveitarstjóri í Húna-
vatnshreppi í svari við fyrir-
spurn Feykis
Í Blönduósbæ er einn spark-
völlur, á skólalóð Blönduskóla.
Umræða hefur verið í byggða-
ráði Blönduósbæjar um að
fjarlægja dekkjakurlið af spark-
vellinum en frekari ráðstafanir
eða tímasetningar ekki verið
ákveðnar, að sögn Arnars Þórs
Sævarssonar, bæjarstjóra þar.
Í Sveitarfélaginu Skagafirði
eru fjórir sparkvellir; á Hofs-
ósi, Hólum, Sauðárkróki og í
Varmahlíð. „Það liggur fyrir að
skipta þarf um á völlunum leiði
rannsókn í ljós að kurlið
innihaldi skaðsöm efni og hvað
eigi að nota í staðinn. Ekki
hefur verið gefin út tímasett
áætlun um hvernig staðið verði
að því en verður gert um leið og
meiri upplýsingar liggja fyrir,“
sagði Ásta Pálmadóttir sveitar-
stjóri í samtali við Feyki. /KSE
Ráðherra settist við flygilinn
Karlakórinn Heimir söng við opnun ljósmyndasýningar í Hörpu
Hátíðlega athöfn var í Hörpu á
sunnudaginn, þegar opnuð
var ljósmyndasýning
Vesturfarasetursins á Hofsósi.
Karlakórinn Heimir í
Skagafirði söng við athöfnina
og athygli vakta þegar Illugi
Gunnarsson menntamála-
ráðherra settist við flygilinn
og lék undir með söng kórsins
og Þóru Einarsdóttur
óperusöngkonu í laginu
Ave Maria.
Ljósmyndasýningin sem um
ræðir, Þögul leiftur, er sett saman
af sagn- og ættfræðingnum
Nelson Gerrard og hefur verið
uppi í Vesturfarasetrinu á
Hofsósi í nokkur ár en var tekin
niður og flutt suður til að setja
upp í Hörpu í tilefni af 20 ára
afmæli Vesturfarasetursins. Á
sýningunni eru um 400
ljósmyndir af Íslendingum í
Vesturheimi í kringum 1900.
Við setningarathöfn sýning-
arinnar, sem er á 3. hæð í
norðurálmu Hörpu, söng
Karlakórinn Heimir nokkur lög.
Halldór Guðmundsson, forstjóri
Hörpu og Valgeir Þorvaldsson,
forstöðumaður Vesturfaraset-
ursins, fluttu ávörp og Illugi
Gunnarsson opnaði sýninguna
formlega. Áður en lokalag kórs-
ins var flutt reyndist undir-
leikarinn, Tómas Higgerson,
horfinn á braut. Benti stjórnandi
kórsins, Stefán Gíslason, þá á að
Illugi kynni að spila á píanó.
Eftir inngangstónana heyrð-
ist svo kvennrödd utan úr sal og
kom Þóra Einarsdóttir á svið og
söng Ave María með kórnum.
Segja má að þátttaka Heimis í
athöfninni í Hörpu hafi verið
nokkurs konar upphitun fyrir
tónleika þeirra í Hörpu og
söngferð til Vancouver í Kanada
á næsta ári, þar sem Þóra og
Kristinn Sigumundsson munu
syngja með Heimismönnum.
/KSE