Feykir - 19.10.2016, Blaðsíða 12

Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
39
TBL
19. október 2016 36. árgangur
Frétta- og dægurmálablað á Norðurlandi vestra : Stofnað 1981
Ekki heimild til að
manna afleysingar
Lögreglumál á Norðurlandi vestra
Byggðarráð Húnaþings vestra tók á fundi sínum í
síðustu viku undir áhyggju lögreglumanna á lands-
hlutanum af stöðu löggæslumála í umdæminu.
Fram kom að samkvæmt upplýsingum frá Pétri
Björnssyni, formanni Lögreglufélags Norðurlands vestra,
eru framundan námskeið hjá lögreglumönnum sem
haldin eru í Reykjavík. Vegna fjárhagsstöðu eru menn
settir á námskeiðin á þeim tíma sem þeir eiga að vera að
vinna svo ekki þurfi að greiða þeim yfirvinnu. Þar af
leiðandi er látið vanta á vaktirnar á meðan.
Á fundinum kom fram að beðið væri svara frá Páli
Björnssyni lögreglustjóra á Norðurlandi vestra við
fyrirspurn sveitarstjóra sem beðið er um upplýsingar um
hvaða daga er að ræða varðandi námskeið starfsmanna
embættisins í Reykjavík á vinnutíma og hvernig löggæsla
verður skipulögð þá daga.
Á fundinum sagði oddviti frá samskiptum sínum við
Tómas Gíslason aðstoðarframkvæmdastjóra 112 en
byggðarráð hefur bent á að að aðeins eitt neyðarnúmer sé
á landinu og því mikilvægt að góð samhæfing sé a milli
starfsmanna 112, fjarskiptamiðstöðvar og læknavaktar-
innar, eins og segir í fundargerðinni. /KSE
Einmuna haustblíða á Norðurlandi
Himinninn skartar mikilli fegurð
Haustið hefur farið vel með
Norðlendinga hingað til og
veðurblíðan verið einstök.
Hitatölurnar um og yfir 10
gráður og ekki skemma fyrir
fallegir litir í náttúrunni.
Feykir auglýsti á Fésbókarsíðu
sinni eftir sólarlagsmyndum
og voru þrír sem svöruðu
kallinu eins og sjá má hér á
síðunni.
Samkvæmt Veðurstofu Íslands
fáum við einhvern blástur og pínu
bleytu í vikunni en hitinn heldur
áfram að leika við okkur eða rokka
í kringum 10 stigin.
Feykir þakkar þeim Guðríði
Magnúsdóttur í Viðvík í Skagafirði,
Laufeyju Hörpu Halldórsdóttur á
Sauðárkróki og Ólöfu Kristínu
Einarsdóttur, Syðri Grund í Húna-
vatnshreppi fyrir sendingarnar. /PF MYND: GUÐRÍÐUR MAGNÚSDÓTTIR
MYND: LAUFEY HARPA HALLDÓRSDÓTTIR MYND: ÓLÖF KRISTÍN EINARSDÓTTIR