Feykir - 03.03.2011, Side 5

09/2011 Feykir 5
Íþróttafréttir Feykis ( MITT LIÐ )
Nafn: Guðbjartur Haraldsson
Heimili: Goðasalir 11, Kópavogur
Starf: Bankasúludansari hjá Arion banka
hljómar spennandi en ég er titlaður sérfræð-
ingur á Upplýsinga- og tæknisviði Arion
banka.
Hvert er uppáhaldsliðið þitt í enska bolt-
anum og af hverju? -Nottingham Forest
engin spurning, ég held að það sé blanda
af því að Hrói Höttur var einn af leikmönnum
liðsins á sínum tíma. Síðan fóru afi og
amma til Englands 1979 þegar Nottingham
Forest voru nýbúnir að vinna ensku deildina
ásamt því að vera ríkjandi bikarmeistarar og
Evrópumeistarar og auðvitað voru keyptar
vörur fyrir lítinn boltastrák á Íslandi.
Hefur þú einhvern tímann lent í deilum
vegna aðdáunar þinnar á umræddu liði?
-Nei, aldrei – það er einhvern veginn þannig
að það stendur engum ógn af Nottingham
Forest, öllum er sama og ég get drukkið bjór
með hverjum sem er.
Hver er uppáhaldsleikmaðurinn fyrr og
síðar? - Það er ekki erfitt, það er Trevor
Francis sem er fyrsti milljón punda maður
Bretlands, hann er af mörgum talinn besti
leikmaðurinn sem hefur spilað í ensku
deildinni það segir m.a. Fabio Capello og
ekki lýgur hann. Peter Shilton var búinn að
spila í 40 ár þegar ég fór að halda með
Forest og spilaði 30 ár eftir það. Ég hafði
líka gaman að sjómanninum með akkerið
á hendinni Stuart Pearce en hann klikkaði
reyndar svolítið oft á vítaspyrnum þegar það
skipti máli – en hann var sterkur karakter og
prófaði alltaf aftur.
Síðan var ungur og efnilegur Íri sem mér
fannst virkilega skemmtilegur leikmaður og
ég var sannfærður um að hann ætti eftir
að ná langt, Roy Keane, ég hætti bara að
fylgjast með honum þegar hann yfirgaf Forest
1993.
Hefur þú farið á leik með liðinu þínu? -Nei,
í eina skiptið sem það stóð til þá var leiknum
frestað á City Ground, þetta var árið 1999.
Sá í staðinn Chelsea – Man Utd á Stamford
Bridge – mér er þetta alltaf minnisstætt því í
hálfleik fór ég á klósettið og þar var gamall
maður sem var þar í sömu erindagjörðum
og hann var eiginlega hágrátandi. Við
spurðum hann hvort ekki væri allt í lagi og
hann svaraði. „ég er búinn að koma hérna á
völlinn í 50 ár, í dag er besti dagur ævinnar“
þá var Chelsea yfir 2-0 og voru miklu
betri. Leikurinn endaði síðan 5-0
og Taibi fór á kostum í marki
Man jún.
Áttu einhvern hlut sem
tengist liðinu?
Já, ég hef keypt mér eina
og eina treyju sem ég er í
á hátíðisdögum, síðan á
ég enn þá fána og trefil
frá 1979.
Hvernig gengur að ala
aðra fjölskyldumeðlimi upp í stuðningi við
liðið? -Ég er rólegur í því – það er rosalega
erfitt fyrir litla krakka að segja Nottingham
Forest. En það halda allir á heimilinu með
Forest. Þær eiga bara eftir að átta sig á því.
Frændi þeirra hefur reyndar verið ágengari en
ég í að ala stelpurnar mínar upp hvað þetta
varðar og hefur meðal annars gefið þeim
treyjur og dót frá Man jún ... en það er ekkert
að virka.
Hefur þú einhvern tímann skipt um uppá-
halds félag? -Nei það hef ég ekki gert – en
ég verð að viðurkenna að þegar einhverjir
Íslendingar voru keyptir til félagsins þá var ég
nálægt því. Það var næsta ávísun á að við
féllum um deild.
Uppáhalds málsháttur? -Lofa skal mey að
morgni en dag að kveldi.
Einhver góð saga úr boltanum? -Við
vorum einu sinni að fara að keppa á Höfn
í Hornafirði – þetta var eftir að ég flutti úr
Skagafirðinum. Við stoppuðum á Klaustri til
að fá okkur hamborgara og einn liðsfélaginn
týndi sér í að skoða kort af Íslandi sem hékk
á vegg fyrir ofan okkur. Hann horfði á kortið
í góðan tíma og spurði svo „Bjartur, hvenær
komum við á afleggjarann á Siglufjörð?“
Ef Arsenal væri að falla niður um deild,
hvað myndir þú gera? -Það myndi ekki
breyta deginum hjá mér nema að það væri
Forest sem tæki sæti Arsenal í efstu deild.
En þá væri ég sjálfsagt fyrst í vandræðum,
Óli Arnar frændi minn myndi ekki tala við
mig og ég yrði að gera skattaskýrsluna mína
sjálfur. ☺
En ég fagna aldrei óförum annarra – bara
góðum sigrum.
Einhver góður hrekkur sem þú hefur
framkvæmt eða orðið fyrir? -Einhvern tím-
ann komust strákarnir að því að hún Jóna
mín tæki alltaf upp úr töskunni minni eftir
æfingar. Það ætluðu strákarnir að nýta sér og
pökkuðu snyrtilega kvenmanns nærbuxum í
æfingatöskuna mína. Ég tók ekki eftir neinu
og mæti með töskuna heim. Hún tók þessu
með mikilli ró og spurði bara -Hvað ertu að
gera með buxurnar hans Sverris í töskunni?
Spurning frá Hilmari Hilmars. – Hefurðu
trú á að Nottingham Forest eigi eftir að
spila í efstu deildinni í Englandi? -Svar...
Ekki spurning, þeir eru bara að bíða eftir
rétta tækifærinu. Það kemur og ég hef engar
áhyggjur.
Hvern viltu sjá svara þessum spurn-
ingum? -Stuðarann minn, mág
og stórveiðimanninn Stefán
Árnason.
Hvaða spurningu viltu
lauma að viðkomandi?
-Hvernig var það, gat Roy
Keane eitthvað eftir að
hann fór frá Nottingham
Forest?
Bíð eftir næsta stórleik
MÍ 11-14 í frjálsum
Skagfirðingar komu
heim með 12 verðlaun
Meistaramót Íslands í frjálsíþróttum
innanhúss, fyrir 11-14 ára, fór fram í
Laugardalshöllinni í Reykjavík helgina
26. og 27. febrúar.
Skagfirðingarnir unnu til 12
verðlauna á mótinu, 2 gull-, 6 silfur- og
4 bronsverðlauna. ÍR-ingar sigruðu í
samanlagðri stigakeppni mótsins með
500,5 stig, í 2. sæti varð FH með 470
stig, 3. HSK 352, 4. Breiðablik 341, 5.
UMSE 172 og í 6. sæti varð UMSS með
170 stig, en alls kepptu lið 18 félaga og
sambanda á mótinu
ÍR og FH sigruðu, hvort lið, í
stigakeppni þriggja flokka af átta sem
keppt var í, en UMSS og HSK sigruðu í
einum flokki hvort lið. Það voru 13 ára
stúlkurnar úr Skagafirði, sem sigruðu í
stigakeppni síns flokks með 79 stig,
Breiðablik varð í 2. sæti með 75 stig og
UFA í 3. sæti með 53 stig.
Keppendur voru 337, sem er töluverð
fjölgun frá fyrri árum, og sýnir mikla
grósku í frjálsíþróttunum víða um land,
einkum á Norðurlandi og á svæði
Skarphéðins á Suðurlandi. Skagfirðingar
í hópnum voru 25 talsins, ungt og efnilegt
íþróttafólk, sem stóð sig mjög vel og á
sannanlega möguleika á bjartri framtíð í
íþróttunum, ef þau halda áfram að æfa af
sama áhuga og dugnaði.
Skagfirðingar sem unnu til verðlauna voru:
Sæþór Hinriksson (11) sigraði í 2 greinum lang-
stökki og hástökki, og varð í 2. sæti í 60m hlaupi.
Fríða Ísabel Friðriksdóttir (13) varð í 2. sæti í 60m
grindahlaupi og 800m hlaupi, og í 3. sæti í 60m og
hástökki.
Gunnhildur Dís Gunnarsdóttir (13) varð í 2. sæti í
langstökki.
Sylvía Sif Halldórsdóttir (12) varð í 2. sæti í 800m
hlaupi.
Stúlknasveit UMSS (13) varð í 2. sæti í 4x200m
boðhlaupi. Í sveitinni voru Valdís Valbjörnsdóttir,
Hrafnhildur Gunnarsdóttir, Gunnhildur Dís
Gunnarsdóttir, Fríða Ísabel Friðriksdóttir..
Stúlknasveit UMSS (12) varð í 3. sæti í 4x200m
boðhlaupi. Í sveitinni voru Sigríður Vaka Víkings-
dóttir, Hafdís Lind Sigurjónsdóttir, Vala Rún
Stefánsdóttir, Sylvía Sif Halldórsdóttir.
Piltasveit UMSS (13) varð í 3. sæti í 4x200m
boðhlaupi. Í sveitinni voru Pálmi Þórsson, Ragnar
Yngvi Marinósson, Bjarni Páll Ingvarsson, Sigfinnur
Andri Marinósson.
/tindastoll.is
Körfubolti
Kynning í Varmahlíð
Síðastliðinn fimmtudag
fór Borce Ilievski
körfuboltaþjálfari
Tindastóls ásamt
erlendu leikmönnunum
þremur í Varmahlíð þar
sem þeir hittu á krakka
í 7.-10. bekk. 21
krakki mætti og
skemmtu allir sér
konunglega.
Byrjaði Borce á að
kynna sig og leikmenn-
ina fyrir krökkunum og
segja frá Körfuboltaskóla
Tindastóls og áhuga á að
innvinkla Varmahlíð í
starfið. Því næst var
krökkunum skipt í tvo
hópa og stjórnuðu Borce
og leikmennirnir æfing-
um og virtist gleði skína
úr augum þeirra eftir að
sviðsskrekkurinn rann af
þeim.
Í lokin var svo öllum
hóað saman í hóp en
Hayward Fain hafi lofað
að troða fyrir einn úr
hópnum. Fékk Hayward
svo krakkana til að kalla
nafn sitt og klappa og tróð
hann tvisvar glæsilega
fyrir þau við mikinn
fögnuð.
Vetrarleikar í Tindastóli
Vel heppnaðir Vetrarleikar
Vetrarleikar Tindastóls fóru fram um
helgina en á heimasíðu Tindastóls
segir að leikarnir hafi tekist
frábærlega
Á laugardagskvöld var heilmikil kvöld-
vaka í Svaðastaðahöllinni þar sem var
mikil og góð stemning.
Hópur skíðabarna úr Hafnafirði kom
á leikana auk þess sem heimamenn létu
sig ekki vanta í brekkurnar. /tindastoll.is