Feykir - 05.01.2012, Blaðsíða 2
2 Feykir 01/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Ár óvissunnar
Þegar Gunnar Sigurðsson
bóndi á Stóru- Ökrum í
Blönduhlíð í Skagafirði
mætti í fjárhúsin þann 30.
desember sl. gekk hann
fram á tvö nýfædd hrútlömb.
Ekki nóg með að það sé
sérstakt að lömb fæðist á
þessum árstíma því einnig
bar ærin tveimur lömbum
síðasta vor.
Gunnar segist ekki hafa
neina skýringu á þessari
tímasetningu sauðburðar þar
sem ærin gekk með tvö lömb
í sumar og skilaði þeim af
fjalli í haust en líklegt er að
hún hafi fengið um 10 ágúst.
/PF
Skagafjörður
Óvenju
frjósöm kind
Gleðilegt nýtt ár kæru lesendur Feykis. Á áramótum er
gjarnan litið um öxl og menn velta fyrir sér árangur liðins
árs jafnframt því sem spáð er í framtíðina. Mér sýnist hvort
tveggja jafn erfitt. Árangur ársins á Norðurlandi vestra
finnst mér sá að vegna mikillar baráttu og bjartsýni íbúa
varð mannlífið gott og í flestum tilfellum tókst að halda í
horfinu þótt rimman hafi stundum verið hörð og ekki alltaf
sanngjörn við landsstjórnina. Ekki hef ég enn séð
„Skjaldborg heimilanna“ heimsækja Norðurland vestra,
heldur sýnist mér að álögur á heimilin hafi frekast aukist og
á eftir að gera enn á nýju ári. Af einhverjum óskiljanlegum
ástæðum þá hækka íbúðalánin okkar þegar áfengi og tóbak
hækkar í verði.
Mér sýnist svona í upphafi ársins að 2012 verði ár óvissunnar.
Óvissan um það hvort Ólafur Ragnar bjóði sig fram til
forseta enn og aftur, óvissa um hvort Steingrímur J. sé á leið
í ESB eða ekki, hvort flogið verði á Krókinn á ný eða hvort
ríkisstjórnin haldi velli eða ekki. Breytist fiskveiðikerfið eða
var þetta bara svona smá hugmynd. Hvernig sem fer erum
við á uppleið segir Jóhanna Sigurðardóttir forsætisráðherra
og ég trúi henni. Eða er það ekki?
Páll Friðriksson
ritstjóri
Flugfélagið Ernir
Hættir áætlunarflugi
til Sauðárkróks
Áætlunarflug til Sauðár-
króks lagðist af frá og með
sunnudeginum 1. janúar
2012 og hefur öllu starfs-
fólki á Alexandersflugvelli
sem telur fimm manns verið
sagt upp störfum. Sorglegt
og dapurlegt voru þau orð
sem heyrðust þegar síðustu
farþegarnir fóru um flug-
stöðina.
Ásta Pálmadóttir sveitar-
stjóri Svf. Skagafjarðar sagðist
ekki vera búna að gefa upp
alla von að áfram verði flogið
á Krókinn því enn eigi eftir að
fá frekari upplýsingar frá
stjórnvöldum varðandi opin-
beran stuðning.
Fram kom í fréttum fyrr í
vetur að flugfélagið Ernir
þyrfti tæpar 20 milljónir á ári
til að halda flugi áfram á
Krókinn og fé til þess verkefnis
hafi fengist við þriðju umræðu
fjárlaga á Alþingi en sam-
kvæmt heimildum Feykis
hefur þessi tala breyst, hækkað
nokkuð, og setur því málið í
erfiðari farveg sem ekki er enn
búið að leysa. Þangað til verð-
ur ekki flogið á Krókinn. /PF
Starfshópur um endurreisn svartfuglastofna
Leggja til friðun á
fimm tegundum
Starfshópur sem Svandís
Svavarsdóttir umhverfis-
ráðherra skipaði í septem-
ber sl. um verndun og
endurreisn svartfuglastofna
leggur m.a. til að fimm
tegundir sjófugla af
svartfuglaætt verði friðaðar
fyrir öllum veiðum og
nýtingu næstu fimm árin.
Þetta kemur fram í skýrslu
sem hópurinn hefur skilað
af sér.
Starfshópnum var falið að
gera tillögur um aukna
verndun svartfugla og aðgerðir
sem stuðlað geti að endurreisn
stofnanna, þ.m.t. um eggja-
tínslu. Fjallaði hann um fimm
tegundir sjófugla af ætt
svartfugla, þ.e. álku, langvíu,
stuttnefju, lunda og teistu. Í
skýrslu sinni leggur starfshóp-
urinn áherslu á að hér við land
sé einn stofn af hverri þessara
tegunda þannig að staðbundin
áhrif og breytingar hafa áhrif á
um allt land og á viðkomandi
stofn hér við land.
Á vef umhverfisstofnunar
kemur fram að mælingar sýni
að árleg fækkun álku er um
20%, fækkun langvíu um 7% á
ári og stuttnefju um 24%.
Viðvarandi viðkomubrestur
hefur verið hjá um 75% af
lundastofninum í nokkur ár og
algjört hrun var í varpi hans
árið 2011 nema á Norðurlandi
hjá um 20% af stofninum, þar
sem varp var viðunandi.
Starfshópurinn telur helstu
orsakir hnignunar stofnanna
vera fæðuskort en telur að
tímabundið bann við veiðum
og nýtingu muni flýta fyrir
endurreisn þeirra. /PF
Tveir bílar enduðu utan vegar í
umdæmi lögreglunnar á
Blönduósi á mánudag. Mikil
umferð var í suðurátt allan
daginn og hálka mikil á
vegum.
Á vef Ríkisútvarpsins segir
að annar bíllinn hafi farið út af
í Langadal en hinn sunnan við
Blönduós. Engin meiðsl urðu
á fólki við óhöppin. /PF
Blönduós
Enduðu
utan vegar
Blönduósbær
Fjárhagsáætlun
2012 samþykkt
Bæjarráð Blönduósbæjar
samþykkti fjárhagsáætlun
bæjarins fyrir árið 2012 en
síðari umræða um
fjárhagsáætlunina fór fram
á fundi bæjarstjórnar þann
21. desember sl.
Samkvæmt áætluninni
munu tekjur bæjarins vaxa
um rúmar 50 milljónir frá
endurskoðaðri fjárhagsáætlun
2011 en gjöld um 32 milljón-
ir. Rekstrarniðurstaðan er
áætluð jákvæð um 14 milljónir
að frádregnum afskriftum
samanborið við 9 milljóna
króna neikvæða niðurstöðu í
áætlun 2011.
Í fundargerðinni má finna
eftirfarandi bókun sem forseti
bæjarstjórnar lagði fram:
„Fjárhagsáætlun Blönduós-
bæjar 2012 var unnin af
bæjarráði í góðri samvinnu
meiri- og minnihluta. Tekjur
vaxa um rúmar 50 milljónir
frá endurskoðaðri fjárhags-
áætlun 2011 en gjöld um 32
milljónir. Niðurstaða fyrir
fjármagnsliði er jákvæð um
rúmar 38 milljónir sem er
mikil breyting frá neikvæðri
niðurstöðu í ársreikningi
2010. Framlegð frá rekstri er
áætluð 13,18% sem sýnir að
reksturinn er í ásættanlegu
horfi og veltufé frá rekstri verði
8,3% og stendur að mestu
undir afborgunum langtíma-
lána. Samkvæmt áætlun er gert
ráð fyrir að skuldir samstæð-
unnar lækki. /BÞ
Flugbjörgunarsveitin í Varmahlíð
Fyrstu aðstoðar-
beiðnirnar á árinu
Um eitt leytið á þriðjudag
var óskað eftir aðstoð
Flugbjörgunarsveitarinnar í
Varmahlíð sem brást skjótt
við og var farið á vélsleðum
fram í Lýtó. Höfðu nautgripir
frá bónda nokkrum sloppið
og þurfti að koma haldi á þá
aftur.
Á vef Flugbjörgunarsveitar-
innar segir að fjórir sleðakappar
hafi farið í leiðangurinn og
leyst verkefnið með mikilli
prýði ásamt fólki á bænum.
Þá barst aðstoðarbeiðni
sama dag um að verka snjó og
ís ofan af þaki íbúðarhúss í
Varmahlíðarhverfinu en farið
var að leka inn í það. /PF
-Allt er óbreytt hjá okkur
frá því fjárlög voru sam-
þykkt og vitum við ekki
annað en að við þurfum að
skera niður um ca. 40 millj.
kr., segir Hafsteinn
Sæmundsson fram-
kvæmdastóri Heilbrigðis-
stofnunarinnar á Sauðár-
króki aðspurður um málefni
hennar eftir að fjárlög voru
samþykkt á Alþingi.
-Nú eru nokkrar nefndir
að störfum á vegum
velferðarráðuneytisins og er
einni nefndinni ætlað að fjalla
um öldrunarmál og skiptingu
hjúkrunarrýma milli
landssvæða. Okkar hlutur í
hjúkrunarrýmum er mjög rýr
og bind ég vonir við að við
þessa vinnu nefndarinnar
komi fram tillaga um að fjölga
hér rýmum. Því mundi þá
væntanlega fylgja aukið
fjármagn, segir Hafsteinn. /PF
Heilbrigðismál
Hvað
tekur við?