Feykir - 05.01.2012, Blaðsíða 7

01/2012 Feykir 7
Strákarnir okkar í handboltanum munu standa sig vel í Serbíu á EM
nú í byrjun árs og verða þeir, sýnist okkur, í fjórða til sjötta sæti.
Ólympíuleikarnir fara fram með pomp og prakt, þó einhver atburður
muni varpa skugga á þá. Íslensku þátttakendurnir verða þjóðinni til
sóma þó trauðla fari þeir á verðlaunapall. Landslið kvenna í fótbolta
mun standa sig mjög vel á árinu, sýnu betur en karlalandsliðið sem
virðist vera í mikilli lægð.
Eurovision keppnin mun heldur ekki skila miklu í ár þó alltaf séu
væntingarnar fyrir hendi.
Íþróttir / Eurovision
Evrópusambandið er að
gliðna í sundur og evran
fer niður á við. Áfram
verður þó haldið með
viðræður um aðild að
sambandinu og þjóðin
fær að lokum að kjósa,
ekki þó á þessu né
næsta ári, og verður þá
orðin mikil breyting á
Ev rópusambandinu .
Icesave málið sem enn
og aftur hefur dúkkað
upp hjá okkur mun
verða nokkuð í umræðu
á árinu en samt ekki
eins mikið og undanfarin
ár enda allir búnir að fá
alveg yfir sig nóg af
Icesave. Farsæll endir
mun að lokum nást um
þetta umdeilda mál er
líða fer að næstu
áramótum.
Evrópusamband/ Icesave
Þjóðin er enn í mótbyr og þörf á staðfestu og
hugrekki. Framundan eru betri tímar og við
munum smám saman fara að njóta
viðurkenningar annarra og endurvekja
traust. Nú þarf að gæta hófsemi í hvívetna
svo við lendum ekki aftur í sama farinu. Við
þurfum að takast á við fórnir og mikla vinnu
og eftir þrengingar liðins tíma munum við sjá
ljósið í enda ársins 2012.
Lifið heil – og megi árið 2012 færa ykkur
öllum gæfu og gleði.
Hnípin þjóð
í vanda?
Alþingi mun ekki samþykkja
tillögu til þingsályktunar sem
taka á fyrir á þingi nú í janúar
um að falla frá málshöfðun á
hendur Geir H. Haarde, fyrir
landsdómi. Málarekstur gegn
Geir mun dragast fram á árið
en hann verður ekki sakfeldur.
Sérstakur saksóknari hefur
áfram nóg að gera, en þau eru
fá málin sem sér fyrir endann á
þetta árið.
Landsdómur/ Sérstakur saksóknari
Biskup Íslands lætur af störfum, sem við spáðum á liðnu ári, og
mun kona koma sterklega inn í biskupskjör. Ólafur Ragnar
verður kjörinn forseti eitt kjörtímabil enn. Hann mun þurfa að
takast á við ný mál og nýja tíma, sem reynist honum stundum
erfitt. Oft mun hann líta til fortíðar og jafnvel óska þess að hann
hefði hætt í embætti.
Biskupskjör/Forsetakosningar