Feykir - 05.01.2012, Blaðsíða 3
01/2012 Feykir 3
Nýárskveðja frá Skotfélaginu Markviss
Gott ár hjá félaginu
Stjórn skotfélagsins
Markviss óskar félags-
mönnum sínum sem og
landsmönnum öllum
gleðilegs nýs árs og
þakkar fyrir samstarf og
stuðning á árinu sem var
að líða. Árið 2011 var á
margan hátt gott ár í
starfsemi félagsins.
Markviss átti keppendur á
átta mótum og skutu þeir
til úrslita á þeim öllum.
Norðurlandsmeistara-
titillinn hélst innan
félagsins, en Bergþór
Pálsson vann Norðurlands-
mótið sem fram fór á
Akureyri þann 13. ágúst.
Tvö alþjóðleg mót voru
haldin hérlendis síðastliðið
sumar (SIH-OPEN og RVK-
OPEN) og náðu keppendur
Markviss verðlaunasæti á
þeim báðum. Guðmann
Jónasson hafnaði í 3. sæti á
SIH-OPEN í byrjum júlí og
Bergþór Pálsson í 3. sæti á
RVK-OPEN í lok ágúst. Þá
hafnaði Bergþór í 2. sæti á
Bikarmóti STÍ sem haldið var
samhliða RVK-OPEN.
Félagið hélt að venju
landsmót í júlí og var þar sett
nýtt Íslandsmet, er Sigurþór
Jóhannesson úr Skotíþrótta-
félagi Hafnarfjarðar bætti þar
sitt eigið met frá árinu 2009.
Félögum í Markviss
fjölgaði jafnt og þétt á liðnu
ári, og eru nú skráðir í það
rúmlega 60 félagar og fer þeim
fjölgandi. Er það von okkar að
sem flestir þeirra muni sjá sér
fært að mæta á skotsvæðið
þegar æfingar hefjast í vor,
bæði til að prófa íþróttina og
eins í spjall og kaffi. /Guðmann
Maður ársins á Norðurlandi vestra 2011
Einar Óli Fossdal fór
með sigur af hólmi
Eins og undanfarin ár völdu
lesendur Feykis og Feykis.is
mann ársins úr hópi þeirra
sem tilnefndir voru af íbúum
svæðisins.
Þau átta sem í kjöri voru
fengu öll atkvæði enda vel að
kjörinu komin en baráttan stóð á
milli þeirra Einars Óla Fossdal á
Blönduósi og Stefáns Pedersen á
Sauðárkróki en þeir tveir fengu
flest atkvæðin og var mjótt á
munum. Á hæla þeirra kom
Hvammstangabúinn Ómar V.
Karlsson.
Einar Óli Fossdal, fyrrum
formaður Rauða krossins í
A-Hún, sjúkraflutningamaður
og ráðsmaður á Heilbrigðis-
stofnuninni á Blönduósi fékk
tilnefningu fyrir óeigingjarnt
starf sem tekur málefni og
markmið annarra ofar eigin hag.
Auk þess að bjarga mannslífum í
vinnu sinni sem sjúkraflutn-
ingamaður eyðir hann mikið af
sínum frítíma í sjálfboðavinnu
með Rauða krossinum. Einnig
fer hann og hjálpar gamla
fólkinu á spítalanum ef þeim
finnst eitthvað að hjá sér án þess
að fá greitt fyrir það sérstaklega.
Fleiri tilmæli voru höfð um
Einar Óla en hann hefur verið
einn af forvígsmönnum holl-
vina Heilbrigðisstofnunarinnar
á Blönduósi og staðið í farar-
broddi þeirrar hreyfingar í stríði
hennar við ríkisstjórn landsins í
niðurskurðaratlögum á heil-
brigðissviðinu.
Feykir óskar Einari Óla til
hamingju með útnefninguna.
/PF
Einar Óli á Austurvelli fyrir rúmu ári síðan en þá fjölmennti fólk alls staðar að af landinu til að
mótmæla niðurskurði til heilbrigðismála.
www.skagafjordur.is
Álagning fasteignagjalda
í Sveitarfélaginu Skagafirði árið 2012
Fasteignagjaldakröfur Sveitarfélagsins Skagafjarðar er hægt að greiða í
heimabönkum. Fasteignaeigendum er jafnframt bent á að notfæra sér
beingreiðslur hjá öllum bankastofnunum eða boðgreiðslur af greiðslukortum.
Í Íbúagátt á heimasíðu sveitarfélagsins geta fasteignaeigendur:
• Skoðað álagningarseðil fasteignagjalda fyrir árið 2012, eftir að álagning hefur farið fram.
• Óskað eftir að fá sendan álagningarseðil.
• Óskað eftir að greiða fasteignagjöldin með boðgreiðslu.
• Óskað eftir að greiða öll fasteignagjöldin á einum gjalddaga þann 1. maí 2012.
• Tilkynnt um breytingar er varða greiðslur og greiðendur á fasteignagjöldum.
Álagning – breytingar – innheimta
Þess er óskað að ábendingar um breytingar og leiðréttingar á álagningu eða innheimtu berist til sveitar-
félagsins eftir einhverri eftirtalinna leiða; í gegnum Íbúagáttina, símleiðis í síma 455 6000
eða með tölvupósti á netfangið innheimta@skagafjordur.is
Álagningarseðlar
Álagningarseðlar fasteignagjalda verða sendir til allra sem eiga lögheimili utan sveitarfélagsins og
þeirra gjaldenda sem eru 65 ára og eldri. Þessir aðilar geta tilkynnt um ósk sína að fá rafræna útgáfu af
álagningarseðli í Íbúagátt sveitarfélagsins eða með símtali við afgreiðslu sveitarfélagsins. Vinsamlegast
tilkynnið það sem fyrst. Allir gjaldendur, lögaðilar og einstaklingar, geta nálgist rafræna útgáfu
álagningarseðilsins í Íbúagáttinni og á vefsíðu island.is “Á mínum síðum”.
Gjalddagar
Gjalddagar fasteignagjaldanna verða átta frá 1. febrúar til og með 1. september 2012. Hægt er að fá að
greiða öll gjöldin á einum gjalddaga 1. maí 2012 séu þau jöfn eða umfram 23.000 kr.
Sækja verður um það fyrir 23. janúar 2012.
Greiðslumátar
• Beingreiðslur
Innheimtur greiddar með beingreiðslum af bankareikningum greiðenda. Vinsamlegast hafið samband við þjónustufulltrúa í viðkomandi banka til að virkja þennan kost.
• Boðgreiðslur
Tilkynna þarf til sveitarfélagsins ef óskað er eftir að greiða fasteignagjöld með kreditkorti. Þetta á einungis
við þá sem eru í fyrsta sinn að óska eftir þessum greiðslumáta fasteignagjalda. Óska þarf eftir breytingu
á greiðslumáta fyrir 23. janúar 2012. Vinsamlegast notið VISA boðgreiðsluhnapp á heimasíðu sveitarfélagsins.
• Greiðsluseðlar
Innheimtur greiddar með heimsendum greiðsluseðlum. Hvatt er til þess að aðrir greiðslukostir séu notaðir.
Elli- og örorkulífeyrisþegar
Lækkun fasteignaskatts á íbúðum elli- og örorkulífeyrisþega eru reiknuð við álagningu til bráðabirgða og er
stuðst við tekjur samkvæmt skattframtölum 2011 vegna tekna ársins 2010. Endanlegur útreikningur fer fram
þegar álagningu 2012, vegna tekna ársins 2011 er lokið. Afslátturinn er hlutfallslegur að teknu tilliti til allra
skattskyldra tekna skv. skattframtali 2012. Ekki er þörf á að sæja um þennan afslátt.
Frekari upplýsingar
Frekari upplýsingar eru veittar á heimasíðu sveitarfélagsins www.skagafjordur.is. Einnig er hægt að senda fyrirspurn á netfangið innheimta@skagafjordur.is eða hringja í síma 455 6000.
Sauðárkróki, 10. janúar 2011
Sveitarstjóri
Matís óskar eftir að ráða drífandi og duglegan rannsóknamann
til starfa hjá fyrirtækinu á Sauðárkróki vegna aukinna verkefna.
Umsóknir ásamt upplýsingum um menntun og starfsreynslu, auk meðmæla eða nöfn og netföng með-
mælenda, skal senda til Matís ohf. á netfangið atvinna@matis.is , merkt „Rannsóknamaður – Sauðárkrókur“.
Frekari upplýsingar veitir Dr. Hörður G. Kristinsson, hordur@matis.is, og í síma 422 5000.
Matís ohf. Vínlandsleið 12
113 Reykjavík
422 5000
www.matis.is
Okkar rannsóknir
– allra hagur
Starfssvið
Starfið felst í rannsóknastörfum tengt lífvirkni-
mælingum á lífefnum ásamt aðstoð við aðrar
rannsóknir og vinnu sem á sér stað í starfsstöðinni.
Starfshlutfall er 50%, en möguleiki er á auknu
starfshlutfalli síðar meir eftir verkefnastöðu.
Viðkomandi mun starfa á nýrri rannsóknastofu
Matís í Verinu á Sauðárkróki og mun verða starfs-
maður Líftækni og lífefnasviðs.
Hæfniskröfur
• Æskilegt er að umsækjandi hafi M.Sc. gráðu á rann-
sóknasviði sem tengist viðfangsefnum starfsstöðvar
• Nauðsynlegt er að starfsmaður búi á svæðinu
• Frumkvæði og sjálfstæði í vinnubrögðum
• Lipurð í mannlegum samskiptum
• Metnaður til að ná árangri í starfi
• Möguleiki á að auka starfshlutfall með tímanum
Umsóknarfrestur er
til og með 10. janúar.