Feykir - 19.01.2012, Blaðsíða 8
8 Feykir 03/2012
Þann 22. janúar nk. verður
Dagur snjósins haldinn
hátíðlegur um víða veröld og
verður skíðasvæði Tindastóls
þar ekki undanskilið.
Tilgangurinn er að hvetja
foreldra til að koma með
börnin í fjöllin og njóta þar
hollrar útivistar í hreinleika
fjallanna.
Skíðasamband Íslands
SKÍ ákvað að svara kalli
Alþjóðaskíðasambandsins
– FIS með því að efna til
sameiginlegs
átaks allra
aðildarfélaga
sambandsins
og skíða-
s v æ ð a n n a .
Þessir aðilar
hafa allir
sameiginlega hagsmuni af
því að fjölga börnum og
unglingum sem heimsækja
fjöllin. Á skíðasvæði
Tindastóls verður frítt fyrir
alla og því tilvalið að drífa
fjölskylduna í fjallið. Sigurður
Bjarni Rafnsson formaður
skíðadeildar Tindastóls var
króaður af á skíðasvæðinu
og spurður út í starfsemi
deildarinnar.
-Starfsemin hjá okkur er í
miklum blóma og hefur vaxið
undanfarin ár og virðist sem
iðkendum fjölgi einnig í ár.
Við tókum það skref núna að
ráða nýjan skíðaþjálfara en
það er hinn reynslumikli kappi
Björgvin Björgvinsson fyrrum
sk íða lands-
liðsmaður og
ég held að það
verði mikið
g æ f u s p o r
fyrir okkur en
hann verður
með föstudags
og laugardagsæfingarnar. Að
mínu mati var kominn tími
til að setja þjálfunina á aðeins
hærri stall án þess að gert sé
lítið úr öðrum þjálfurum, segir
Snjór um víða veröld
Allir á skíði
Sigurður sem telur þá hafa
unnið mjög gott starf bæði
við þjálfun og uppbyggingu
á svæðinu. Nú um helgina
verður Dagur snjósins haldinn
hátíðlegur eins og fram kom
í formála og í framhaldi af
honum verða hinir árlegu
Vetrarleikar í lok febrúar. –
Svo er stefnan tekin á nokkrar
keppnir, Jónsmót á Dalvík
sem verður haldið fyrstu
helgina í mars og Andrésar
Andar leika á Akureyri um
páskana auk þess verðum
við með innanfélagsmót og
væntanlega Bakarísmótið en
reyndar á eftir að ganga frá því
við Róbert bakara. Sigurður
segir að í fyrsta skiptið í sögu
félagsins eigi það keppendur
í flokki 15 ára og eldri á
Íslandsmóti en svo undarlega
vill til að eftir Andrésar
leikana hætta krakkarnir
að keppa. Nú horfir til betri
vegar enda eignaðist félagið
Andrésar Andar meistara
á síðustu leikum og tveir til
viðbótar komust á pall og
framtíðin því björt. Sigurður
segir að mikil vakning sé
hjá nágrannasveitarfélögum
Skagafjarðar á skíðaiðkun
en hann telur að um
Mikil aukning skíðaiðkenda hefur verið í Stólnum undanfarin ár.
helmingur iðkenda á vegum
skíðadeildarinnar komi
frá Skagaströnd en þaðan
kemur rúta tvisvar í viku
með skíðaiðkendur. Einnig
eru nokkrir sem koma frá
Blönduósi og þá eru krakkar
úr Varmahlíð dugleg að mæta.
Af eigin reynslu undir-
ritaðs, sem ekki hefur farið
á skíði síðan farið var í
skíðaferðalag til Akureyrar í 9.
bekk fyrir örfáum áratugum,
og ekki hefur komið sér í
brekkuna síðan, er Sigurður
spurður hvert fólk eigi að snúa
sér vilji það prófa að renna
sér í Stólnum og einhverjir
hugsanlega í fyrsta sinn. –
Fólk getur annað hvort haft
samband við starfsmenn
skíðasvæðisins eða senda
okkur tölvupóst en allar
upplýsingar eru á heimasíðu
Tindastóls. /PF
Heilir og sælir lesendur góðir.
Það er Árni Daníelsson á Sjávarborg sem
á fyrstu vísuna að þessu sinni. Mun þessi
ágæta hringhenda vera ort eftir heitar
umræður á fundi.
Hér var inni heitt í kveld
heldur minna um næði.
Stál og tinna auka eld
ef þau finnast bæði.
Það mun hafa verið í sláturtíð fyrir voða
mörgum árum að Kaupfélag Skagafirðinga
auglýsti að það tæki haus af bændum. Man
ekki fyrir víst hver er höfundur vísunnar.
Væri gaman að fá upplýsingar þar um.
Skuldir vaxa skefjalaust
skjót eru ráð í vændum.
Kaupfélagið hyggst í haust
höfuð taka af bændum.
Um svipað leyti kom auglýsing frá KEA sem
varð tilefni næstu vísu.
Kaupfélagið trútt um traust
telur nú í vændum.
Að sauðarhausa svíði í haust
sem það taki af bændum.
Á þeim árum sem hvað mestur fólksflótti
var til Vesturheims, bjó á Syðri- Löngumýri
í Blöndudal maður að nafni Sölvi Sölvason.
Var hann sem barn óskaplega áhugasamur
um vísnagerð og byrjaði mjög snemma að
setja saman vísur. Dóttur átti Sölvi er Ólöf
hét, skrifaði reyndar Sigurður Norðdal þá
um lífshlaup hennar sem er trúlega mörgum
kunnur af þeim sem eldri eru. Um hana orti
Sölvi.
Engan finn ég á þér brest
Ólöf kinna rjóða.
Þú ert minna barna best
blessunin mín góða.
Til eru frásagnir um heljarmenni sem
komist hafa yfir jökulána Blöndu þrátt fyrir
að hún væri í foráttu vexti. Svo mun hafa
skeð í tíð Sölva er hraustmenni úr dalnum
lét sig hafa það að fara yfir Blöndu er hún var
að ryðja sig. Segir sagan að sumir jakar sem
hann hafði viðkomu á hafi risið upp á rönd.
Eftir að þessi tíðindi spurðust orti Sölvi þessa
mögnuðu vísu.
Meiðir branda, mennt sem ann
mátti ei Blanda saka.
Milli landa, hana hann
hljóp á randajaka.
Á seinni hluta átjándu aldar voru kjör
almennings óblíð eins og oft hefur komið
fram. Á þeim árum var Sölvi eins og flestir
aðrir að glíma við sára fátækt. Þá munu
þessar vísur hafa orðið til.
Vísnaþáttur 562
Mig á kalda mörg og stinn
mótgangsalda skellur.
Svona aldur endist minn
uns lífstjaldið fellur.
Mörg vill þjaka meingjörð hér
mínu baki ó-linu.
Meðan aka fæti ég fer
fram að takmarkinu.
Svo fór að Sölvi gafst upp á búskapnum
á Löngumýri og ákvað að flytja til
Vesturheims. Eftir að hafa tekið þá ákvörðun
varð þessi fallega vísa til.
Meðan ekki eyðast klárt
ævistundir rýrar.
Það veit guð, ég sakna sárt
Syðri- Löngumýrar.
Eftir að hafa stigið á skipsfjöl og séð ástkæra
Íslandið fjarlægjast orti Sölvi þessa síðustu
kveðju til fósturlandsins.
Á er fallinn bráður byr,
bíða hljóðir vinir.
Veriði allir alsælir
Íslands góðu synir.
Það er Jakob Thorarensen sem yrkir svo
fallega vetrarvísu.
Syngið ekki svona hátt
sólskins – vonir mínar.
Naumast þessi norðanátt
nokkurntíman hlýnar.
Gaman að heyra næst frá okkar góða Gísla
Ólafs héðan frá Eiríksstöðum.
Úti þó að oft sé kalt
á ég nóg af vonum.
Leysir snjóinn, lifnar allt,
líður að gróindonum.
Ef ég man rétt mun sá snjalli hagyrðingur Jón
Pétursson áður bóndi í Valadal á Skörðum
hafa ort þessa mögnuðu hringhendur.
Yndi banna ýmisleg
öfl, það sannast hefur.
Margt á annan veltur veg
en vilji manna krefur.
Ýmsum þrengir ólánið
er sannfenginn grunur.
Að þar hafi lengi loðað við
lífsins gengismunur.
Kannski er það í anda þessa andstyggilega
vetrar, að enda þennan ágæta þátt með
þessari fallegu hringhendu Páls Ólafssonar.
Standa þakin björgin blá
bindur klaki völlinn.
Sandi vaka öldur á
undir taka fjöllin.
Verið þar með sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON )