Feykir - 22.03.2012, Blaðsíða 4
4 Feykir 12/2012
Er eitthvað að frétta?
Hafðu samband - Síminn er 455 7176
Rán á Skagaströnd 1686
– sögufundur á laugardaginn
Sögufélagið Húnvetningur á
sterk tengsl í byggðinni við
austanverðan Húnaflóa, þar
sem Magnús fræðimaður á
Syðra-Hóli var einn af
stofnendum félagsins og
ritaði marga snjalla þætti úr
þeim sveitum. Síðar kom að
félaginu öflugur formaður af
Skagaströnd, Elínborg
Jónsdóttir, á árunum sem
unnið var að útgáfu á Ættum
Austur-Húnvetninga.
Nú verður næsti fundur
félagsins á Skagaströnd
laugardaginn 24. mars kl. 15
og þar mun Þorlákur Axel
Jónsson sagnfræðingur segja
frá ráni Hollendinga á
Skagaströnd 1686. Grafist er
fyrir um ástæður þessa
atburðar, farið yfir samskipti
Hollendinga og Íslendinga á
17. öld og skoðað hvernig
verslunarstaður á borð við
Höfðakaupstað birtist í
tiltækum hollenskum
heimildum. Fjallað verður
einnig um hvernig verslun-
arstaður Höfði var og þýðing
hans fyrir íbúa svæðisins
verður krufin. Sýndar verða
myndir með skjávarpa og
gestum gefst tækifæri til þess
að bera fram fyrirspurnir.
Fyrirlesarinn, Þorlákur
Axel, er kennari við Mennta-
skólann á Akureyri. Hann er
stúdent frá MA 1983, tók BA-
próf við HÍ 1987 og lauk cand.
mag. prófi frá Kaupmanna-
hafnarháskóla 1994. Ritgerð
hans heitir: Statsmagt og
byutvikling í Reykjavík 1750-
1850. Fræðasvið Þorláks Axels
er Íslandssaga, bæjasaga og
saga ríkisvalds.
Þessi fundur sögufélagsins
verður á Skagaströnd eins og
áður sagði, hjá Rannsóknar-
setri Háskóla Íslands að
Einbúastíg 2.
Fyrirlestur Þorláks Axels
hefst kl. 15, síðar verður kaffi í
boði og aðalfundur félagsins
að því loknu. Athuga seinkun
á fundartíma.
Sögufélagið Húnvetningur
AÐSENT FRÁ SÖGUFÉLAGINU HÚNVETNINGI
Starfsmenntun – hvert skal stefna?
Menntamálaráðuneytið
boðaði til fundar í tengslum
við innleiðingu nýrra laga um
menntun og stefnumótun um
starfsmenntun til framtíðar
þann 8. mars sl. Fundurinn
var haldinn í Félagsheimilinu
Blönduósi en hann sátu
fulltrúar framhaldsskóla,
grunnskóla, fræðslunefnda,
foreldra, atvinnulífs,
framhaldsfræðsluaðila,
atvinnuþróunarfélaga,
nemenda, sveitarstjórna,
fræðslustjórar og náms- og
starfsráðgjafar.
Markmið fundarins var m.a. að
ræða framtíðarsýn starfs-
menntunar með tilliti til upp-
byggingar hennar og hvernig
gera má starfsmenntun sýni-
legri og eftirsóknarverðari fyrir
nemendur óháð aldri, kyni,
búsetu og uppruna og þarfir
landshlutans fyrir starfs-
menntun.
Fundurinn var haldinn í
framhaldi af setningu nýrra
laga um leikskóla, grunnskóla
og framhaldsskóla og hefur
verið unnið að innleiðingu
þeirrar menntastefnu sem þar
er mörkuð. Undirstöðuatriði í
þeirri vinnu er gerð aðal-
námskrár fyrir skólastigin þrjú.
Stærsta breytingin varðar
framhaldsskólana og fela í sér
veigamiklar umbætur á skipu-
lagi námsins. Lögin er afrakstur
af vinnu sem unnin hefur verið
á undanförnum árum og lýtur
að því að endurskoða
lögbundna skipan framhalds-
skólastigsins og leggja drög að
breytingum á henni, þar sem
náið tillit er tekið til endur-
skoðunar laga sem varða önnur
skólastig.
-Þetta er auðvitað mjög
mikilvægt fyrir FNV enda um
bók- og verknámsskóla að
ræða. Við höfum einnig verið
að skapa okkur sérstöðu á þessu
sviði, m.a. með stofnun
Hátæknimenntaseturs FNV,
segir Ingileif Oddsdóttir skóla-
meistari FNV en hún var ein af
þeim sem sátu áðurnefndan
fund. -Við teljum okkur vel í
stakk búin til að auka enn við
verknámið hjá okkur og erum
auðvitað að vinna að því þessa
dagana. Undirbúningur fyrir
nám í plastiðnum er í fullum
gangi, þá stefnum við að námi í
hársnyrtiiðn en einnig höfum
við verið að horfa til hönn-
unarnáms í náinni framtíð. Í
nýju námskránni er framhalds-
skólum veitt frelsi til að þróa
sérstakar námsbrautir sem
byggja á sérstöðu þeirra og
styrkleika og spurn eftir sér-
hæfðum námsleiðum og úr-
ræðum. Þetta er auðvitað mjög
mikilvægt fyrir skóla eins og
FNV.
Ingileif segir það skipta
miklu máli fyrir skólann að
geta unnið náið með atvinnu-
lífinu og boðið upp á nám sem
atvinnulífið kallar eftir. -Við
höfum verið í mjög góðu
samstarfi við atvinnulífið og
nýja námskráin gefur okkur
möguleika á því að þróa
samstarfið enn frekar. Nú hefur
verið opnað fyrir möguleika á
því að þróa nýtt nám sem
hentar fyrir atvinnulífið á
hverjum stað.
Að mati Ingileifar var
fundurinn á Blönduósi mjög
gagnlegur þar sem vettvangur
skapaðist fyrir atvinnulífið og
skólana að ræða saman. Þá
komu fram ákveðnar óskir frá
atvinnulífinu sem FNV er
þegar farin að skoða.
Fundur um skólamál
Frá fundi Menntamálaráðuneytis á Blönduósi.
Hvar er Ísland í þeim hug
sem allt með græðgi tekur,
þar sem ágirnd argvítug
ærleg viðmið hrekur ?
Hvar má Ísland sjá í sál
sem að full af hroka
heimtar sérhvert mannlífs mál
markaðssett af Loka ?
Hvar fær Ísland gildi glætt
gegnum þætti hreina,
ef hér verður engin sætt,
aðeins framhald meina ?
Hvar mun Ísland eiga spor
inn í góða framtíð,
ef að kafþykk kerfis for
kæfir allt í samtíð ?
Hvar á Ísland vonar veg,
virka braut til dáða,
Ef að spilling ógeðsleg
áfram fær að ráða ?
Rúnar Kristjánsson
?