Feykir - 24.04.2012, Page 10

10 Feykir 16/2012
VIÐTAL Berglind Þorsteinsdóttir
Heldur utan um
Lífsins gæði og gleði
Áskell Heiðar Ásgeirsson er í sýningarstjórn atvinnulífssýningarinnar
Atvinnulífssýningin Lífsins gæði og gleði verður nú haldin í annað sinn
helgina 28. – 29. apríl, í upphafi Sæluviku, í íþróttahúsinu á Sauðárkróki.
Atvinnulífssýning var síðast haldin fyrir tveimur árum við mjög góðar
undirtektir, en að baki sýningum af þessu tagi býr mikill undirbúningur.
Áskell Heiðar Ásgeirsson sviðsstjóri markaðs- og þróunarsviðs sveitar-
félagsins er að öðrum ólöstuðum sá sem borið hefur hitann og
þungann af því starfi, ásamt þeim Sigfúsi Inga Sigfússyni og Katrínu
Maríu Andrésdóttur, sem eru með honum í sýningarstjórn.
Feykir náði tali af Áskeli Heiðari á meðan undirbúningur
sýningarinnar stóð sem hæst.
„Það er búið að fylla upp í öll
pláss og ég er mjög ánægður
með það,“ segir Áskell Heiðar.
Hann viðurkennir að í fyrstu
hafi örlað á óvissu um þátttöku,
þar sem sýningin hefur
einungis verið haldin einu
sinni áður og ekki komin meiri
reynsla á hana. Fljótlega urðu
þær áhyggjur þó að engu og
allt stefnir í að sýningin verði
ekki síður glæsileg en hún var
árið 2010. Flestir þátttakendur
eru hinir sömu og síðast en
þó hafa 20 nýir aðilar bæst í
hópinn. Marga sýnendur segir
hann vera að stækka við sig og
sumar hafa óskað eftir að fá
sama bás og síðast, og jafnvel á
sama stað.
„Það sem mér þykir
skemmtilegast við sýninguna
í ár er hvað það er gríðarlega
fjölbreyttur hópur sýnenda,“
segir Áskell Heiðar og telur
upp að þarna verði einyrkjar,
stofnanir, félagsamtök og
fyrirtæki úr öllum geirum,
s.s. iðnaði, verslun, þjónustu,
handverki og menningarlífi.
Svo mun sveitarfélagið kynna
þá þjónustu sem það býður upp
á. „Það var lagt upp með það frá
upphafi að stilla verðskránni
í hóf svo allir gætu verið með
– sama lága verðið gildir fyrir
alla,“ segir hann en sýningin
er einmitt hugsuð til að hjálpa
fólki og fyrirtækjum að koma
sér á kortið. „Það kom upp
eitt einstaklega skemmtilegt
tilvik síðast. Einn sýnandi
hafði samband við okkur á
föstudeginum fyrir sýningu,
en hann hafði stofnað fyrirtæki
einungis nokkrum dögum fyrr.
Svo var viðkomandi mættur
á sýninguna til að kynna hið
nýja fyrirtæki,“ segir Áskell
Heiðar.
Blæbrigðarmunur getur
verið á sýningunum á milli ára
eftir tíðaranda, að sögn Áskels
Heiðars, líkt og síðast þá voru
allir stjórnmálaflokkarnir
með bása. Þá var að koma
að sveitarstjórnarkosningum
en það er ekki tilfellið nú og
þeir því ekki með í ár. „Nú
er hins vegar að koma að
forsetakosningum og þá verður
einn forsetaframbjóðandi á
staðnum til að kynna sig og það
mun vera Skagfirðingurinn
Hannes Bjarnason.“
Áhugaverð og
fjölbreytt málefni
„Svo þegar fólk er búið að rölta
um sýninguna getur það sest
niður og fengið sér kaffi í þeim
málstofum sem boðið verður
upp á í Árskóla, en innangegnt
verður á milli íþróttahússins og
skólans,“ segir Áskell Heiðar en
líkt og á atvinnulífssýningunni
kostar ekkert inn á málstof-
urnar. „Okkur langaði að nota
tækifærið, þegar svo margt fólk
kæmi saman í tengslum við
sýninguna, að skapa umræður
um fjölbreytt málefni sem
snerta íbúa Skagafjarðar.“ Hann
bætir við að málstofurnar hafi
verið vel heppnaðar síðast en
kynningin á þeim farið heldur
fyrir ofan garð og neðan, en
ákveðið var að gera bragarbót
þar á þetta árið.
Hver málstofa fjallar
um ákveðið málefni og
verða þar flutt fjögur til
fimm 12-15 mínútna löng
erindi. Fyrirlesarar eru bæði
heimafólk og aðkomnir,
þekktir og óþekktir, eins og
hann orðaði það. „Þetta verður
ósköp frjálslegt hjá okkur og
verður fólk að flytja erindi
nánast allan tímann sem sýn-
ingin er opin og við viljum
endilega að fólk líti við á ferð
sinni um sýningarsvæðið.“
Áskell Heiðar segir Lífsins
gæði og gleði ekki vera
túristaviðburð heldur fyrst
og fremst til að upplýsa íbúa,
og auðvitað líka gesti, um allt
sem í boði er í Skagafirði. Það
mikla framboð á þjónustu
og framleiðslu sem hér er og
kannski að efla sjálfsmynd
íbúa svæðisins í leiðinni. „Stór
hluti af mínu starfi er að kynna
fyrir utanaðkomandi aðilum
hvað Skagafjörður hefur upp
á að bjóða en nú langar okkur
að sýna heimafólki hvað
Skagfirðingar hafa upp á að
bjóða,“ útskýrir Áskell Heiðar.
„Mjög margir höfðu orð á því
við mig eftir síðustu sýningu
hve hissa þeir væru á því hve
margt væri í boði og gróskan
mikil.“ Þá segir hann að áætlað
sé að um 3000 manns hafi
heimsótt sýninguna árið 2010.
Hugmyndina að sýningunni
segir hann byggja á sambæri-
legum sýningum sem voru
haldnar hér víða um land á
níunda áratugnum, þá kallaðar
iðnsýningar. „Ég man eftir því
að mér fannst þessar sýningar
alltaf heillandi þegar ég var
strákur. Ég fór til dæmis á eina
slíka á Króknum á sínum tíma
og aðra á Egilsstöðum en á
þessum sýningum var boðið
upp á allt á milli himins og
jarðar,“ rifjar hann upp.
Fjölbreytt lista- og
menningarhátíð
Sæluvikan verður sett á
sunnudeginum á atvinnulífs-
sýningunni en Áskell Heiðar
segir meininguna allaf hafa
verið að tengja þessa viðburði
saman. Þannig styðja þeir
við bakið hvor á öðrum,
bæði hvað varðar aðsókn og
fjölmiðlaumfjöllun, en líkt og
síðast mun Rás 2 útvarpa beint
frá sýningunni. „Viðburðirnir
fara mjög vel saman. Á
sýningarsvæðinu verður svið
og mun setning Sæluvikunnar
fara þar fram. Einnig mun
fólk og félög sem taka þátt
í sýningunni stíga á svið og
vera með tónleika eða aðra
viðburði.“
Sæluvikuna segir Áskell
Heiðar standa á afskaplega
gömlum merg og ná rætur
hennar ein 130 ár aftur í
tímann, til gömlu sýslu-
nefndarfundanna, þó styttra
sé síðan fór að ganga undir
Sæluvikunafninu. „Á allra
síðustu árum hefur Sælu-
vikan þróast meira út í
að vera fjölbreytt lista- og
menningarhátíð þar sem félög
og einstaklingar bera á borð
það sem þau hafa fram að færa,
nokkurskonar uppskeruhátíð
menningarstarfsins,“ útskýrir
hann. „Mitt hlutverk er fyrst
og fremst að taka saman þessa
viðburði, leiðbeina og halda
utan um kynningarmálin.
Sæluvikan byggist að miklum
hluta á rótgrónum hefðum,
t.d. frumsýnir leikfélagið
að vanda leikrit á sunnu-
deginum, kirkjukvöldið er á
mánudeginum og svo fram-
vegis, auk þess sem nýjungar
bætast við á hverju ári.
Sæluvikan er í eðli sínu mun
meira eins og listahátíð en
hefðbundin bæjarhátíð,“ segir
hann í lokin.