Feykir - 26.07.2012, Blaðsíða 6

6 Feykir 29/2012
Hrund Jóhannsdóttir er frá
Gauksmýri í Línakradal og
Hildur Kristjánsdóttir úr
Reykjavík en hefur verið
starfandi á Gauksmýri í mörg
ár, þannig að hún þekkir
svæðið ágætlega. Eins hafa þær
stöllur verið saman í
Háskólanámi. En hvernig
skyldi það hafa komið til þær
urðu verkefnisstjórar Elds í
Húnaþingi?
-Það var haft samband við
mig upphaflega, segir Hrund.
-Ég er mikið að vinna á
Gauksmýri á sumrin og ég
treysti mér ekki til að taka þetta
verkefni að mér ein vegna
vinnu þannig að ég fékk Hildi
til að vera með mér, segir
Hrund og bætir við að þær hafi
verið saman í ferðamáafræði
við HÍ.
- Svo var ég að læra við-
burðastjórnun á Hólum þannig
að þetta hentaði ágætlega. Fá
smá reynslu út úr þessu, segir
Hildur.
Þær vinkonur segja að vel
hafi gengið að fá fólk til að taka
þátt í verkefninu og allir boðnir
og búnir til að leggja hönd á
plóg.
-Það gekk bara mjög vel.
Þetta er í níunda skiptið sem
hátíðin fer fram svo það er
komin hefð á hana og hún
skipar mjög stóran sess hér í
samfélaginu og allir bíða
spenntir eftir henni. Það er
ekkert mál að fá fyrirtæki og
fólk á svæðinu til að taka þátt
og fyrirtækin styrkja myndar-
lega við hátíðina. Það leggjast
allir á eitt að gera þetta að
veruleika og það hefur bara
gengið mjög vel. Mörg fyrirtæki
sem hafa styrkt hátíðina vilja
halda sínu áfram. Til dæmis
bakaríið hefur gefið pylsubrauð
eða eitthvað álíka og þau vilja
bara halda því áfram þannig að
það er ekkert mál að halda
sömu styrkjum áfram, segir
Hrund og að hennar mati gefur
þessi hátíð svæðinu mikinn lit á
þessum tíma.
Hátíðin hefur verið kölluð
unglistarhátíð og kemur það til
vegna upprunans en hátíðin
hófst upphaflega með því að
ungt fólk tók sig saman og vildi
gera eitthvað skemmtilegt og
þemað varð listviðburðir. Fólk í
Húnaþingi vestra kemur fram í
mörgum atriðum sérstaklega
tónlistaratriðum. -Það verða
„Pop up“ tónleikar sem við
köllum svo en þá eru nemendur
tónlistarskólans að poppa
óvænt upp í ýmsum fyrir-
tækjum og viðburðum í
bænum. Við erum líka með
listasýningu þar sem bara
Húnvetningar eða þeir sem
tengjast svæðinu á einhvern
hátt taka þátt. Og ekkert
endilega ungt fólk en allt tengist
þetta listsköpun, segir Hrund.
Hildur tekur undir og segir
hátíðina hafa þróast í gegnum
árin þannig að stærri hljóm-
sveitir koma og spila og alltaf
listayfirbragð yfir þessu. – Á Jet
Black Joe tónleikunum verður
upphitunarband héðan frá
Hvammstanga og í Borgarvirki
hitar Ásgeir Trausti upp fyrir
hljómsveitina Ylju en hann
hefur verið að slá í gegn á
tónlistarsviðinu. Hann er héðan
af svæðinu og leikur í hljóm-
sveitinni Lovely Lion sem mun
hita upp fyrir skagfirsku hipp-
hopp hljómsveitina Úlfur Úlfur
sem leikur á fimmtudagskvöld,
segir Hildur og bendir á að oft
sé svona tenging við svæðið.
-Það er mikið af hæfileika-
ríku fólki á svæðinu og gaman
að sjá hvað allir eru ófeimnir
við að koma fram og koma sér á
framfæri. Það eru margir sem
eru að stíga sín fyrstu skref og
prófa að syngja eða gera hvað
sem er. -Þá eru á fimmtu-
dagskvöld tónleikar í Félags-
heimilinu og kallast Melló
músika en þar verður kósý
stemning, róleg tónlist og
kertaljós og er aðgangur
ókeypis.
Tónleikar í Borgarvirki
Dagskrá Eldsins er fjölbreytt og
glæsileg en óhætt má segja að sá
viðburður sem vekur hvað
mesta athygli hverju sinni eru
tónleikarnir í Borgarvirki sem
haldnir eru á föstudagskvöldinu.
–Já, það bíða allir spenntir eftir
VIÐTAL Páll Friðriksson
Eldur í Húnaþingi
Nú þegar Feykir er kominn út hefur Hvammstangi klætt sig í sparifötin
og bærinn skreyttur hátt og lágt eins og tíðkast á bæjarhátíðum
landsins. Tilefnið er Eldur í Húnaþingi. Hátíðin hófst formlega í
gær miðvikudag er hinn eini sanni eldur var tendraður en hann
er mark þess að hátíðin sé hafin. Hrund Jóhannsdóttir og Hildur
Kristjánsdóttir eru verkefnisstjórar hátíðarinnar og settust þær
hjá blaðamanni Feykis og ræddu um hvað búast má við
á Eldinum að þessu sinni.
Mikið fjör
framundan
Þær Hrund og Hildur voru spenntar fyrir hátíðinni Eldur í Húnaþingi og voru bjartsýnar á að veðurguðirnir yrðu þeim hliðhollir enda mikið fjör í Húnaþingi þessa dagana.