Feykir - 26.07.2012, Blaðsíða 8

8 Feykir 29/2012
Yndislegir heilarar
og yndislegt fólk
Dýrðardagar verða haldnir
í annað sinn frá 14. til 19.
ágúst á Hótel Húnavöllum
en þeir eru settir upp fyrir
þá sem vilja hvílast, njóta
samveru og byggja sig upp
andlega og líkamlega í
fallegu og rólegu umhverfi.
Að sögn aðstandenda
Dýrðardaga er aðstaðan
frábær á Húnavöllum til að
slaka á og njóta.
Dagskráin er fjölbreytt en á
hverjum degi er boðið upp á
göngu eða sund fyrir
morgunmat, þá tekur við
hugleiðsla og svo einkatímar
eða frítími fyrir hádegisverð.
Eftir hádegi eru eitt til tvö stutt
námskeið og seinnipartinn eru
aftur einkatímar eða farið út að
njóta náttúrunnar. Náttúruvera
verður leitað í nágrenni hótels-
ins sem er mikil upplifun, farið
í Borgarvirki að hugleiða, og
einnig verða Vatnsdalshólar
heimsóttir þar sem fjallað
verður um sögu, jarðfræði og
náttúruvætti ásamt því að
hugleiða.
-Allir þátttakendur Dýrðar-
daga fara í heilunartíma sem er
innifalinn í verðinu, og svo er
fjöldi einkatíma í boði sem
greitt er sérstaklega fyrir. Í boði
er til dæmis nudd, kristalla-
heilun, svæðanudd, teiknimiðl-
un, spámiðlun, hjartaheilun,
hrifkjarna tími og fleira. Einnig
verða englaspil og orkusteinar
til sölu. Vinnuhópurinn saman-
stendur af frábærum og
reyndum einstaklingum, en
gaman er að segja frá því að við
höfum fengið heimafólk til liðs
við okkur og eigum von á að
fleiri bætist í hópinn á næstu
dögum. Stella Guðbjörnsdóttir
nuddari á Hvammstanga býður
upp á nudd, svæðanudd, höfuð-
beina og spjaldhryggsjöfnun,
orkusviðsmeðferð og blóma-
dropameðferð. Hrafnhildur Ýr
Víglundsdóttir verður einnig
með okkur og býður hún upp á
teiknimiðlun, heilun og heil-
unarmyndir, ásamt því að bjóða
námskeið í jurtatínslu, segir
Hrönn Friðriksdóttir spámiðill
en hún og Alma Hrönn
Hrannardóttir viðskiptafræð-
ingur, heilari og spámiðill
standa að Dýrðardögum.
Dýrðardagar byrja á
þriðjudagskvöldi og standa til
hádegis á sunnudegi. Þátttaka
kostar aðeins 35.000 krónur og
er gisting, morgunmatur, há-
degisverður og kvöldmatur,
dagskráin og heilunartími inni-
falinn í verðinu. Heimafólk
getur komið í styttri tíma eða
sótt sér einkatíma á Dýrðar-
dögum.
Hrönn hefur starfað sem
spámiðill frá árinu 2000 og
heldur ýmis konar námskeið
um andleg mál auk þess að
halda utan um þróunarhópa.
Alma hefur verkefnastjórnun
að aðalstarfi en heldur námskeið
með Hrönn og vinnur einnig
við heilun og spámiðlun. /PF
Nánari upplýsingar er að finna á
facebook.com/dyrdardagar, eða í
tölvupósti dyrdardagar@gmail.com
og hjá Hrönn í síma 861-2505
eða Ölmu í síma 695-5585.
Dýrðardagar á Húnavöllum

Heilir og sælir lesendur góðir.
Það er Stefán Haraldsson bóndi í Víðidal
í Skagafirði sem er höfundur að fyrstu
vísunum að þessu sinni. Þrátt fyrir að vera
kominn á elliár biðlar Stefán til dísar sem
hann þekkir vel og yrkir svo.
Andagiftin óðum þver
allt er hulið sjónum mínum.
Ljóðadísin ljáðu mér
lítinn neista úr glæðum þínum.
Í ferð sem eldriborgarar í Skagafirði fóru
nýlega í Norðurfjörð á Ströndum varð þessi
til hjá Stefáni.
Enn á ný er ýtt úr vör
ekkert flýja megum.
Golan hlýja greiðir för
geisli í skýjateygum.
Lagleg hringhenda þar á ferð hjá Stefáni.
Ljúkum þessu góða innleggi frá Stefáni með
annari snilldar hringhendu sem ort er á
vordögum.
Vorið bjarta vekur þrá
vermir hjarta rætur.
Sólin skartar öllu á
engar svartar nætur.
Aðeins hefur vantað upp á gleðskap líðandi
stundar í Víðidalnum er Bjarni frá Gröf orti
svo.
Öli hresstur ekki sést
eins og prestur breyti.
Nú er flest sem fannst mér best
farið að mestu leyti.
Stundum er talað um að skáld fái lítinn arð
af sinni framleiðslu. Sigurgeir Þorvaldsson í
Keflavík yrkir svo.
Margur græðir aldrei á
andans fræðum sínum.
Öðrum þræði aðrir fá
arð af kvæðum mínum.
Bragi Jónsson frá Hoftúnum hugsar til
æskustöðvanna og yrkir svo fallega.
Fjarlægðin þó finnist mér
fegurð mesta geyma.
Sannast það að ætíð er
allra fegurst heima.
Víða fósturfoldar mér
fegurð birtist sýnum.
Sveitin mín þó ávallt er
efst í huga mínum.
Kunnur er næsti höfundur okkur hér í
Svartárdalnum. Þórhildur Sveinsdóttir frá
Hóli yrkir svo.
Dagsins striti frá ég flý
fegin öllu að gleyma.
Ef að daglangt dvel ég í
dölunum mínum heima.
Adolf J. Petersen virðist ekki vera á sama
máli í næstu vísu.
Vísnaþáttur 575 Er í sjóði ei hjá mérunaðs hróður finna.Enga glóð af ást ég ber
til æskuslóða minna.
Freistast næst til að birta þessa kunnu
glæsilegu hringhendu Sigurðar Breiðfjörð.
Sólin klár á hveli heiða
hvarma gljár við baugunum.
Á sér hár hún er að greiða
upp úr bárulaugunum.
Sennilega hefur hin langþráða rigning verið
komin er, að mig minnir, Tryggvi Emilsson
orti svo laglega hringhendu.
Dynur á stræti dropaslag
dals og vætir kinnar.
Hreinsar nætur, heiðir dag
hugann bætir innar.
Í hugum margra sem eldri eru ljómar oft frá
liðnum dögum. Minnir að Halla Loftsdóttir
sé höfundur að þessum.
Er minn hugur horfinn stig
hvarflar leiðir sínar.
Vilja stundum verma mig
vonirnar brostnu mínar.
Þeim á brautum brosir margt
blikið helgra dóma.
Skinið er svo skírt og bjart
að skuggarnir sjálfir ljóma.
Held endilega að næsta vísa sé eftir hinn
kunna hagyrðing Teit Hartmann sem mun
hafa blótað Bakkus talsvert á lífsins leið og
ort margar snjallar vísur.
Allir tosa inn í heim
erfða synda poka.
Fortíð manna fylgir þeim
Fram til æviloka.
Fyrr en varir feigðagrip
fast að kverkum herðir.
Ónýtast í einum svip
allar ráðagerðir.
Áfram yrkir Teitur.
Margan eltir ærurán
uns hann liggur dáinn.
En bætt er fyrir brigsl og smán
með blómsveigum á náinn.
Gaman hefði verið að rifja upp fleiri góðar
vísur. Verðum samt að hætta og kveðja með
þessari ágætu vísu Jóns Rafnssonar sem ég
skil reyndar ekki fyrir víst og er þá að spá í
þær kenningar sem hann notar.
Vinarkveðja að vonum hér
verður blandin trega.
Menjaþöll og mækjager
minnast ákaflega.

Bið ykkur að vera sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON )