Feykir - 07.11.2013, Síða 8
8 Feykir 42/2013
Með gæðingum á góðviðrisdegi.
Fyrsti reiðhesturinn hét
Gneisti og var besti hestur
allra tíma í augum hins
nýja eiganda. Svona eins
og vera ber þegar maður
er 14 ára og hefur loksins
eignast sinn eigin reiðhest.
Þarf ekki lengur að suða
í öðrum um að fá að fara
á bak. Gneisti var keyptur
í óþökk foreldranna, fyrir
allt sparifé undirritaðrar,
af Einari Höskuldssyni á
Mosfelli, sumarið 1974 á
Landsmóti hestamanna á
Vindheimamelum.
Afi, Sverrir Thóroddsen,
var ekki eins sjokkeraður
yfir uppátækinu eins og
foreldrarnir enda hafði hann
Helga Thoroddsen á Þingeyrum í A-Hún skrifar
Gneistavísur frá afa og langömmu
ÁSKORENDAPENNINN
UMSJÓN kristin@feykir.is
lúmskt gaman af hestum þó
að hann hafi ekki stundað
hestamennsku að staðaldri
eftir að hann komst um og yfir
miðjan aldur. Hann hafði þó,
sem ungur maður, átt jarpan
hest sem hét Gneisti og um
hann höfðu afi og Theódóra
Thóroddsen langamma ort
fínar nafnavísur. Þegar ég
hafði svo eignast jarpan hest
með svo dramatískum hætti
sem raun bar vitni þá hét afi
vísunum á mig ef ég léti hann
heita Gneista.
Að sjálfsögðu var jarpi
gæðingurinn nefndur
Gneisti og eftirfarandi eru
nafnavísurnar sem afi gaf.
Fyrstu tvær línurnar í hverri
vísu eru ortar af langömmu en
afi botnaði.
Skín af hreysti ólmur ör,
eins og neisti snarpur.
Höfuðreistur hefur fjör
heitir Gneisti, jarpur.
Ríður geyst um ruddan stig,
rekkurinn hreystilegi.
Þegar Gneisti glennir sig
glóir neisti á teigi.
Gata er þeyst og grjót er leyst,
glæddur neisti á teigi.
Hlaupið geyst með höfuð reist,
hér er Gneisti á vegi
Þú skalt freistast að fara á bak,
folanum treyst þú getur.
Hýrt er Gneista hófatak,
hefur ei breyst í vetur.
Fákum reistum renna í hlað,
eða ríða geyst um hauður.
Engin freisting finnst mér það,
fyrst að Gneisti er dauður.
(Sverrir og Theodóra
Thóroddsen)
5. nóvember 2013,
Helga Thoroddsen
- - - - -
Ekki var ljóst þegar blaðið fór í
prentun á hvern Helga skorar
til að taka við pennanum.
Samstarfssamningur um dreifnám í Austur-Húnavatnssýslu
„Við erum komin til að vera!“
Fjölmenni mætti til að taka
þátt í hátíðarhöldunum og flutt
voru stutt erindi ásamt tón-
listaratriði en Hanna Lísa
Hafliðadóttir, nemandi í
dreifnáminu í A-Hún spilaði
lagið Vegbúinn eftir KK á
klarinett en Hanna Lísa er einn
af fjórum nemendum dreif-
námsins sem einnig stunda
nám í Tónlistarskóla A-Hún.
Erindi fluttu Ingileif Odds-
dóttir, skólameistari FNV,
Ásdís Ýr Arnardóttir, umsjónar-
maður dreifnáms í A-Hún,
Arinbjörn Egill Fossdal
nemandi í dreifnáminu og
Selma Svavarsdóttir, foreldri og
einn af hvatamönnum dreif-
námsins. Ingileif lagði áherslu á
það í erindi sínu að stjórnvöld
litu á menntun landsbyggðar
sem hluta af byggðarstefnu en
verkefnið er að mestu
fjármagnað af Sóknaráætlun
landsluta sem ætlað er að
styrkja landsbyggðina. Ásdís Ýr
benti á hversu jákvæð sam-
félagsleg áhrif dreifnámshóp-
urinn hefði og benti máli sínu
til stuðnings á fyrirhugaða
leiksýningu í samstarfi við
Leikfélag Blönduós sem hlotið
hefur ríflegan styrk frá Menn-
ingarráði Norðurlands vestra.
Jafnframt benti hún á mikilvægi
Frá undirritun samnings. F.v. Magnús B. Jónsson sveitarstjóri á Skagaströnd, Ingileif Oddsdóttir skólameistari FNV
og Katrín María Andrésdóttir framkvæmdastjóri SSNV.
þess að nemendur undir 18 ára
aldri eig kost á því að búa í
foreldrahúsum samhliða því að
stunda framhaldsskólanám. Í
því samhengi ræddi hún meðal
annars minnkandi líkur á
áhættuhegðun, bætt náms-
gengi og síðast en ekki síðast
mikilvægi foreldraábyrgðar.
Arinbjörn Egill sagði frá
reynslu sinni sem nemanda í
dreifnáminu og lagði mikla
áherslu á það að smæð hópsins
gerði það að verkum að auðvelt
væri að fá aðstoð í kennslu-
stundum ef þess væri þörf og
hversu notalegt það væri að fá
að vera áfram heima en samt
vera kominn í framhaldsskóla.
Selma Svavarsdóttir tók í sama
streng og lýsti yfir ánægju sinni
með að dreifnámið skyldi
komið til að vera. Arnar Þór
Sævarsson bæjarstjóri Blöndu-
ós tók einnig til máls og ítrekaði
mikilvægi dreifnámsins fyrir
byggðirnar í A-Hún og færði
dreifnáminu peningagjöf frá
Blönduósbæ. Hörður Ríkharðs-
son tók einnig til máls og flutti
kveðju samstarfsmanna hans
úr Samfylkingunni.
Undirritaður var samstarfs-
samingur til 4ra ára og er þess
beðið að Illugi Gunnarsson,
mennta- og menningarmála-
ráðherra staðfesti samninginn
með undirskrift sinni. Að
lokinni undirritun var við-
stöddum boðið að kynna sér
húsnæðið og þiggja léttar
veitingar. Voru menn sammála
um að um glæsilega aðstöðu
væri að ræða og mikil jákvæðni
einkenndi hópinn.
Nemendur dreifnámsins í
A-Hún eru þrettán talsins og
mun þeim að öllum líkindum
fjölga strax á nýju ári. Mikill
metnaður er lagður í starfið og
leggja A-Húnvetningar mikið
traust til starfsins. Ásdís Ýr lauk
erindi sínu á orðunum „Við
erum komin til að vera!“ /KSE
„Ég vona að við verðum áfram því þetta er bara snilld!“ sagði Arinbjörn Egill Fossdal þann
30. október s.l. þar sem hann var ásamt öðrum nemendum FNV, foreldrum og sveitastjórnar-
mönnum á opnunarhátíð dreifnámsins í A-Hún. Tilefni hátíðarinnar var undirritun samstarfs-
samnings á milli Fjölbrautaskóla Norðurlands vestra og Félags- og skólaþjónustunnar í A-Hún
um samstarf og rekstur dreifnáms í A-Hún, staðsett á Blönduósi.
Ásdís Ýr Arnardóttir umsjónarmaður dreifnáms.