Morgunblaðið - 13.11.2017, Qupperneq 10

SKÁK
Helgi Ólafsson
helol@simnet.is
Hannes Hlífar Stefánsson og Björn
Þorfinnsson voru í hópi fimm efstu
manna á Norðurljósamótinu,
„Reykjavik Northern lights open
2017“ sem Skáksambands Íslands
stendur fyrir í samvinnu við Tafl-
félag Reykjavikur en mótið fer fram
í húsakynnum þessa elsta starfandi
skákfélags landsins. Tengingin við
Norðurljósin er við hæfi þar sem
maðurinn sem „seldi“ norðurljósin,
skáldið Einar Benediktsson, var
einn af stofnendum TR aldamótaárið
1900. Tefldar verða níu umferðir og
dagskrá þess er stíf þar sem tefld
var tvöföld umferð um helgina en úr-
slit fimmtu umferðar sem lauk seint í
gærkvöldi lágu ekki fyrir þegar
þetta var ritað. Þá mættust m.a.
Hannes og Björn. Staða efstu manna
eftir fjórar umferðir var þessi.: 1. –
5. Xi Yingu (Kína), Aloyzas Kveinys
(Litháen), Xu Yi (Kína),Hannes Hlíf-
ar Stefánsson og Björn Þorfinnsson
3 v. ( af 4) 6.-10. Nihal Sarin (Ind-
land), Mark Hebden (England), Tor-
björn Ringdal (Danmörk), Hjörvar
Steinn Grétarsson og Vignir Vatnar
Stefánsson 2½ v.
Keppendur eru 22. talsins en SÍ
réðst í framkvæmdina til að mæta
óskum margra af bestu skákmönn-
um þjóðarinnar sem hafa bent á að
hið mikla styrkleika/elo-stigabil sem
er á keppendum hins árlega Reykja-
víkurskákmóts, geri sókn að titil-
áföngum torsótta. Ekki verður betur
séð en að Björn og Vignir Vatnar
ætli sér að nýta tækifærið vel.
Hjörvar Steinn Grétarsson er
stigahæsti keppandinn en hann tap-
aði í fyrstu umferð fyrir Einar Hjalta
Jenssyni. Mesta athygli allra kepp-
enda vekur hinn 13 ára Indverji, Ni-
hal Sarin, sem hefur teflt víða um
heim á undanförnum mánuðum og er
talinn eitt mesta efni sem Indverjar
eiga í dag. Sarin hefur lent í basli í
nokkrum skákum og var með tapað
tafl gegn Hjörvari Steini í 2. umferð
en slapp með jafntefli.
Hannes Hlífar og Hjörvar Steinn
er þrátt fyrir allt líklegastir okkar
manna til að keppa um efsta sætið og
sá fyrrnefndi virðist í góðu formi ef
marka má sigur hans yfir Englend-
ingnum Hebden á laugardaginn:
Norðurljósamótið 2018; 3. um-
ferð:
Hannes Hlífar Stefánsson – Mark
Hebden
Ítalskur leikur
1. e4 e5 2. Rf3 Rc6 3. Bc4
Ítalski leikurinn er sennilega vin-
sælli í dag meðal toppskákmanna en
spænski leikurinn sem kemur upp
eftir 3. Bb5.
3. … Rf6 4. d3 Be7 5. 0-0 0-0 6.
He1 d6 7. a4 Be6 8. Bxe6 fxe6 9. c3
Dd7 10. Db3 b6 11. d4 Rh5 12. Be3
exd4 13. cxd4 d5 14. Rc3 Had8 15.
Hac1
Hótar 16. exd5 exd5 17. Rxd5 með
peðsvinningi. Stöðuuppbygging
svarts er ekki góð og riddarinn á c6
verður að skreppa frá en þá lendir
h5-riddarinn í vanda.
15. … Ra5 16. Dd1 c6 17. Re5 De8
18. Dg4 Bd6 19. Rf3 Dg6 20. Dxg6
hxg6 21. Rg5 Hde8 22. e5 Bb4 23.
g3!
Afhjúpar mislukkaða byrjun, ridd-
arinn á h5 á engan reit! Í næstu leikj-
um reynir svartur að leysa um hann.
23. … c5 24. He2 Rb3 25. Hd1
cxd4 26. Bxd4 Hf5 27. h4 Rf4?!
Hebden mat það svo að besta
tækifærið til a losa um riddarann
væri að fórna honum akkúrat núna.
Mannsfórnin gefur viss færi en
Hannes er vandanum vaxinn.
28. gxf4 Hxf4 29. Be3 Hxh4 30.
Rb5 Bc5 31. Rc7! d4 32. Rxe8 dxe3
33. Hd8 Hg4+ 34. Kf1 Hxg5
35. Rd6+!
Snjall lokaleikur sem gerir út um
allar vonir svarts, 35. … Kh7 er
svarað með 36. Rf7! sem hótar
hróknum og máti á h8. Hebden gafst
því upp.
Hannes Hlífar og Björn Þor-
finnsson meðal efstu manna
Morgunblaðið/Árni Sæberg
Norðurljósamót Hannes Hlífar og Björn takast á við upphaf 5. umferðar.
10 FRÉTTIRInnlent
MORGUNBLAÐIÐ MÁNUDAGUR 13. NÓVEMBER 2017
Hraðþrif
á meðan þú bíður
Hraðþrif opin virka daga frá 8-18,
um helgar frá 10-17. Engar tímapantanir.
Bæjarlind 2, 201 Kópavogur | SÍMI 577-4700 | bilalindin.is
Verð frá 4.300,-
(fólksbíll)
Bíllinn er þrifinn létt
að innan á u.þ.b.
10 mínútum.
Sigtryggur Sigtryggsson
sisi@mbl.is
Borgarráð hefur samþykkt tillögu
þess efnis að Reykjavíkurborg taki
þátt í verkefninu „Reinventing Ci-
ties“ á vegum C40 og leggi fram
þrjár lóðir þar sem kallað verði eft-
ir framúrskarandi uppbyggingar-
verkefnum, bæði frá sjónarmiði
borgarþróunar og loftslags- og um-
hverfismála. Lóðirnar sem um ræð-
ir eru við Frakkstíg/Skúlagötu, á
Ártúnshöfða og við Lágmúla 2/-
Suðurlandsbraut.
Í greinargerð með tillögunni
kemur fram að C40 séu samtök yfir
90 stórborga sem vinna saman í
baráttunni gegn loftslagsbreyting-
um. Í þessum borgum búa yfir 650
milljónir manns og þær standi fyrir
fjórðung alls fjármagns heims.
Fyrr á þessu ári hafði Anne Hi-
dalgo, borgarstjóri Parísar, sem er
í forsæti C40, frumkvæði að því að
halda uppbyggingarsamkeppni,
Reinventing Cities, undir merkjum
C40. Markmiðið með samkeppninni
er að kalla fram lausnir og leita
leiða til uppbyggingar á umhverf-
isvænum byggingum/verkefnum
sem sýna bestu lausnir á sviði sjálf-
bærni, umhverfisgæða og minna
kolefnisfótspors, ásamt því að
styðja við góða borgarþróun. Fyrir-
myndin er vel heppnað verkefni
Reinventing Paris sem hleypt var
af stokkunum 2015.
„Þátttökuborgirnar bjóða fram
lóðir eða svæði sem þarfnast endur-
hugsunar og C40 setur saman þver-
fagleg teymi sem styður við borg-
irnar í að kynna svæðin og velja
verkefni sem endurlífgar og fjár-
festir í grænni uppbyggingu,“ segir
í greinargerðinni.
C40 aðstoðar borgirnar við það
að velja besta verkefnið fyrir
hverja lóð m.t.t. bestu lausna í um-
hverfismálum, m.a. orkunýtingu,
aðlögunarhæfni, sorphirðu, líffræði-
legum fjölbreytileika o.s.frv. Einnig
er horft til þess sem boðið er sem
greiðsla fyrir lóðina/byggingarrétt-
inn. Að lokum fær vinningsteymið
leyfi til að fjárfesta í lóðinni og
framkvæma verkefnið. Það er á
endanum í valdi viðkomandi borgar
hvort af þeim samningi/sölu verði.
Skipulagsleg staða svæðanna er
ólík. Frakkastígur/Skúlagata er í
auglýsingarferli, og hafa nágrannar
við Skúlagötu mótmælt þessum
áformum harðlega. Unnið er að
deiliskipulagi fyrir Höfðasvæðið en
Lágmúli 2/Suðurlandsbraut er á
frumstigi. Gert er ráð fyrir að
Reykjavík greiði um 11.000 evrur,
jafnvirði 1,3 milljóna, fyrir aðild að
verkefninu fyrir hverja lóð.
Borgin tekur þátt í
alþjóðlegu verkefni
 Lóðir undir umhverfisvænar byggingar
Frakkastígur/Skúlagata Lóð undir hvítu bygginguna er í athugasemdaferli.
Biskup Íslands, frú Agnes M. Sig-
urðardóttir, vígði tvo guðfræðinga
til prestsþjónustu í gær. Athöfnin
fór fram í Dómkirkjunni í Reykja-
vík.
Dís Gylfadóttir var vígð til prests-
þjónustu í Lindaprestakalli í
Reykjavíkurprófastsdæmi eystra og
Þuríður Björg Wiium Árnadóttir var
vígð til sóknarprestsþjónustu í Hofs-
prestakalli í Austurlandsprófasts-
dæmi.
Vígsluvottar voru, samkvæmt
upplýsingum á vef þjóðkirkjunnar,
séra Solveig Lára Guðmundsdóttir,
séra Toshiki Toma, séra Guðmundur
Karl Brynjarsson, séra Stefán Már
Gunnlaugsson, séra Gísli Jónasson
sem lýsti vígslu og séra Sveinn Val-
geirsson sem þjónaði fyrir altari.
Morgunblaðið/Árni Sæberg
Konur saman Þuríður Björg Wiium Árnadóttir, Solveig Lára Guðmunds-
dóttir, Agnes M. Sigurðardóttir og Dís Gylfadóttir.
Tveir guðfræðingar
vígðir til þjónustu