Morgunblaðið - 13.11.2017, Page 19

MINNINGAR 19
MORGUNBLAÐIÐ MÁNUDAGUR 13. NÓVEMBER 2017
Ástkær eiginkona mín, móðir okkar,
tengdamóðir og amma,
MARGRÉT SNORRADÓTTIR,
Þykkvabæ 14,
lést laugardaginn 4. nóvember 2017.
Útför hennar fer fram í dag, mánudag, frá
Árbæjarkirkju klukkan 15.
Jón Magngeirsson
Reynir Jónsson Þorgerður Ernudóttir
Birgir Jónsson Elsa Óskarsdóttir
Birna Jónsdóttir Sigfús Ásgeir Kárason
og barnabörn
Hjartans þakkir fyrir samúð, hlýhug og
fallegar kveðjur vegna andláts og útfarar
eiginmanns míns, föður okkar, tengdaföður,
sonar og bróður,
GUÐJÓNS GUNNARS
KRISTINSSONAR,
Markholti 5, Mosfellsbæ.
Þakkir til starfsfólks Landspítalans, Karitas hjúkrunarþjónustu
og heimahjúkrunar í Mosfellsbæ fyrir kærleiksríka umönnun í
veikindum hans.
Helga Björk Edvardsdóttir
Gunnar Guðjónsson Brynja Jónsdóttir
Kristinn Guðjónsson Katrín Inga Marteinsdóttir
Helgi Þór Guðjónsson Björk Bragadóttir
Sigríður Fanney Guðmundsdóttir
Unnur Kristinsdóttir Margrét Kristinsdóttir
Ástkær faðir minn, stjúpfaðir og
tengdafaðir,
HANS RAGNAR BERNDSEN,
Aflagranda 40, Reykjavík,
lést á Landspítalanum Fossvogi
laugardaginn 4. nóvember.
Útförin fer fram frá Neskirkju við Hagatorg þriðjudaginn
14. nóvember klukkan 15.
Regína Berndsen
Kristjana Albertsdóttir
Ragnhildur Albertsdóttir Rúnar Benjamínsson
Hrönn Albertsdóttir
Lilja Albertsdóttir
Ásgeir Albertsson Jarþrúður Jónsdóttir
Ástkær móðir okkar, tengdamóðir, amma
og langamma,
ÁSLAUG ÞÓRA EINARSDÓTTIR,
Höfn Hornafirði,
lést á hjúkrunarheimilinu Skjólgarði á Höfn í
Hornafirði miðvikudaginn 8. nóvember.
Útför Áslaugar Þóru fer fram frá Hafnarkirkju laugardaginn 18.
nóvember klukkan 11.
Blóm og kransar afþakkað en þeim sem vildu minnast Áslaugar
Þóru er bent á Gjafa- og Minningarsjóð Skjólgarðs.
Þórarinn Þorgeirsson Inga K. Sigurjónsdóttir
Kristján Olgeir Þorgeirsson Bára Sigurðardóttir
Þórhallur Dan Þorgeirsson Hafdís Hafsteinsdóttir
Harpa Dan Þorgeirsdóttir Björn Þórarinn Birgisson
Börkur Geir Þorgeirsson Ástbjörg Jónsdóttir
barnabörn og barnabarnabörn
✝ Friðrik Jen-sen fæddist
25. apríl 1936 á
Akureyri. Hann
lést 28. október
2017 á Hrafnistu,
Nesvöllum í
Reykjanesbæ.
Foreldrar hans
voru Aðalheiður
Friðriksdóttir
húsmóðir frá
Aðalvík og Frede
Jensen vefari, fæddur í Dan-
mörku.
Börn þeirra voru Brynja
Edda Jóhannesdóttir, sem Jen-
sen ættleiddi, fædd 4. október
1928, Laeila, fædd 18. maí
1933, lést 3. maí 1944, Níels,
fæddur 25. apríl 1936, lést 17.
júní 1971, og Engilbert, fædd-
3) Sigrún, f. 6. ágúst 1968, gift
Rudy Cornelis Van Doorn, f.
3. janúar 1960, hún á tvö
börn, Friðrik Jensen og Sig-
ríði Ósk úr fyrra hjónabandi.
4) Laeila Jensen, f. 17. júní
1974, hún fæddi andvana dótt-
ur, Sylvíu Lind, 14. júlí 1999.
Laeila er gift Vilmundi Hall-
dórssyni, f. 3. október 1976,
og á þrjú fósturbörn með hon-
um: Söru, Einar og Lilju.
Friðrik Jensen kom ungur
að árum til Keflavíkur með
tvíburabróður sínum Níels og
hófu þeir störf hjá varnarlið-
inu. Foreldrar þeirra fluttu
tveimur árum síðar til Kefla-
víkur. Hann starfaði lengi sem
yfirverkstjóri á þunga-
vinnuvéladeild hersins og síð-
ar sem leigubílstjóri á Öku-
leiðum í Keflavík.
Útför Friðriks fer fram frá
Keflavíkurkirkju í dag, 13.
nóvember 2017, klukkan 13.
ur 24. febrúar
1941.
Friðrik kvæntist
Sigríði Þórólfs-
dóttur 14. maí
1964, hún fæddist
9. september 1944.
Þau eignuðust
fjögur börn: 1)
Gunnar Þór skip-
stjóri í Vest-
mannaeyjum, f. 17.
mars 1964, kvænt-
ur Sigurbjörgu Jónsdóttir, f.
18. nóvember 1964. Þau eiga
þrjú börn: Guðlaugu, Ásgeir
og Kristberg og tvö barna-
börn. 2) Aðalheiður, f. 9. júní
1965, hún eignaðist fjórar
dætur: Lindu, Lilju, Guðnýju
og Victoríu, og fjögur barna-
börn. Hún lést 30. júní 2013.
Nú ert þú farinn á vit feðr-
anna og færð hvíldina í faðmi
foreldra þinna og tvíburabróð-
ur.
Líf þitt hefur aldrei verið
dans á rósum en þótt hressi-
lega hafi blásið á móti þá náðir
þú að standa það af þér með
aðstoð mömmu og koma sterk-
ari og endurbættur úr þeim
áföllum.
Ef ég hef eitthvað lært af
þér er það að gefast ekki upp
og þakka ég fyrir þá lexíu því
fátt nýtist nokkrum manni bet-
ur í lífsins ólgusjó. Húmorinn
var aldrei langt undan og hefur
hann einkennt þig í gegnum
ævina, barnabörnin minnast
glaðværs afa sem alltaf var til í
að sprella í þeim og voru kitl-
andi puttar aldrei langt undan.
Aldrei kvartaðir þú yfir heilsu-
farinu eða öðru sem aflaga fór í
lífinu og barst þig alltaf eins og
sigurvegari. Þín er og verður
sárt saknað af okkur fjölskyld-
unni en það er gott að þú skulir
hafa fengið hvíldina eftir ill-
vígan sjúkdóm sem rænir mann
reisninni.
Þegar þú hefur vind í fang,
þá haltu höfðinu hátt.
Hræðstu ei myrkrið,
það mun birta til.
Því að ljós heimsins
mun þér lýsa
í gegnum dauðans dimman dal.
Hann fer á undan
í gegnum storm og regn.
Þú munt aldrei ganga einn,
munt aldrei ganga einn.
(Sigurbjörn Þorkelsson)
Þinn sonur,
Gunnar Þór Friðriksson.
Nú er sá dagur runninn upp
að við þurfum að kveðja pabba
minn, tengdapabba og vin og
afa í síðasta sinn. Ég hef sem
dóttir hans mínar fyrstu minn-
ingar frá því að við bjuggum í
Hátúni 10 uppi hjá Heiðu
ömmu og Jensen afa. Þar leið
mér mjög vel, var oft niðri hjá
ömmu að spila og læra að lesa,
en sterkust er minningin af epl-
um og appelsínum sem pabbi
kom með heim úr vinnunni af
vellinum, það hef ég alltaf
tengt jólunum, en þá var ekki
mikið um epli og appelsínur á
þeim tíma.
Á sjöunda árinu mínu flutt-
um við í Smáratúnið og ég á
góðar minningar þaðan eins og
að fá að fara með pabba í vinn-
una á laugardögum, ég fékk
alltaf einhver pence, ég gat far-
ið í nammivélina og keypt mér
Big Red og fleira. Ég á ótelj-
andi minningar frá uppvextin-
um en ég notaði tækifærið og
þakkaði pabba sérstaklega fyr-
ir þær á 80 ára afmælinu hans
og hef enga þörf fyrir að end-
urtaka það hér. Ég flutti ung
að heiman og stofnaði mitt eig-
ið heimili, og á þeim tíma eign-
aðist ég mitt fyrsta barn, dreng
sem leit út alveg eins og pabbi
og það var aldrei spurning um
að hann fengi nafnið Friðrik
Jensen.
Af því var pabbi stoltur, eins
og öllum sínum barnabörnum.
Stuttu seinna kom litla systir
og fékk hún nafnið Sigríður
Ósk. 1993 þegar mamma og
pabbi voru erlendis flutti ég
heim í smá tíma á meðan ég
leitaði mér að íbúð fyrir mig og
krakkana, þetta vissu þau ekk-
ert um á þeim tíma. En þegar
þau voru erlendis kynntust þau
manni sem er jafn steinabrjál-
aður og stór partur af ættinni
er, tveimur árum seinna kom
hann svo í heimsókn til þeirra
og í stuttu máli get ég með
gleði sagt að sá maður er
maðurinn minn í dag og erum
við búin að ala upp börnin okk-
ar frá 1996.
Pabbi og Ruud voru einstak-
lega góðir vinir alla tíð og
höfðu alltaf eitthvað að tala um.
2001 fluttum við fjölskyldan til
Noregs og fyrstu árin var mik-
ill gestagangur og komu
mamma og pabbi oft til okkar,
ólsen ólsen var uppáhalds spilið
hans afa og spiluðu krakkarnir
mörgum sinnum það spil og
mun það tengja þau við afa alla
tíð.
Það var erfitt fyrir okkur í
fjarska að fylgjast með breyt-
ingunum sem urðu á pabba í
veikindum hans en alltaf stóð
elsku mamma vaktina, með ást
og umhyggju passaði hún upp á
hann.
Það tók mikið á okkur öll að
missa elskulega systur okkar
mjög óvænt, og þá tók mamma
að sér yngstu dóttir hennar,
Victoríu.
Ég vil að lokum segja að það
er ekkert hjónaband sem ég
álít fallegra en þeirra tveggja,
það var enginn dans á rósum
og þess þá heldur fallegt að sjá
þau vinna úr erfiðleikunum og
enda sem ástfangið fólk, fullt af
virðingu og umhyggju fyrir
hvort öðru. Með djúpri sorg
kveðjum við þig þó að á sama
tíma vissum við að þetta var
það sem þú vildir.
Þótt lát þitt góði faðir, nú leggist
þungt á mig
þá lengst af finn ég huggun við
minninguna um þig.
Hún stendur mér svo skýr, og hún er
svo helg og heit
og hreinni bæði og ástríkari en
nokkur maður veit.
(Jónas Gíslason vígslubiskup í Skál-
holti)
Saknaðarkveðjur,
Sigrún, Ruud, Friðrik
Jensen og Sigríður Ósk.
Mig langar að kveðja pabba
minn í fáum og fátæklegum
orðum.
Pabbi minn var yndislegur
maður sem átti sína galla, en í
augum barns er pabbi bestur
og getur allt miklu betur en all-
ir hinir.
Þú kenndir mér að spila ól-
sen ólsen eins og meistari, þú
kenndir mér að stokka spilin
eins og þér var einum lagið, og
þú kenndir mér að flauta eins
og enginn annar getur gert.
Hvað get ég beðið um meira?
Jú, ég get beðið um að mitt
hjónaband verði eins og þitt og
mömmu, þið báruð svo mikla
virðingu fyrir hvort öðru og
voruð svo miklir vinir. Þú vildir
aldrei láta snúast í kringum þig
eða láta hafa fyrir þér, eftir að
þú fluttir á Hrafnistu á Nes-
völlum hélstu áfram að reyna
að láta öllum líða sem best með
því að halda í húmorinn þinn og
stríðni en vildir ekki láta hafa
fyrir þér.
En eftir að heilsu þinni fór
að hraka og þú gast ekki leng-
ur rakað þig sjálfur mætti ég á
svæðið og gerði það fyrir þig,
það voru ansi oft skemmtilegar
umræður sem fóru fram á með-
an á rakstrinum stóð. Þegar ég
var búin að gera þig fínan og
flottan sagði ég alltaf elskjú
pabbi minn og þú sagðir það
alltaf til baka.
Með þessum fátæklegu orð-
um þar til við hittumst á ný,
elskjú pabbi minn.
Ég vil nota þetta tækifæri og
þakka starfsfólki Hrafnistu á
Nesvöllum fyrir frábæra
umönnun á pabba og umhyggju
fyrir okkur.
Guð gaf mér engil sem ég hef hér á
jörð.
Hann stendur mér hjá og heldur um
mig vörð.
Hann stýrir mér í gegnum lífið með
ljósi sínu.
Ég er svo þakklát að hafa hann í lífi
mínu.
Ég vona að hann viti að hann er mér
kær.
Allar mínar bestu hugsanir hann fær.
Hans gleði og viska við alla kemur.
Við flestalla honum vel semur.
Hann stendur mér hjá þegar illa ligg-
ur við.
Hann víkur ekki frá minni hlið.
Nema sé þess viss að allt sé í lagi.
Fer þá að vesenast í málarastússi af
ýmsu tagi.
Hann er vandvirkur og iðinn,
hann sinnir alltaf sínu vel.
Hann segir það aðalatriðin,
sem er rétt, það ég tel.
Hann hefur kennt mér að vera þolin-
móð og sterk,
hvetur mig áfram að stunda mín
dagsverk.
„Þú skalt alltaf standa á þínu“, hann
ávallt hefur sagt,
mikla áherslu á það lagt.
Þótt svo hann segi ekki við mann oft
mikið,
þá meinar hann alltaf margt.
Hann getur aldrei neinn svikið,
það getur hann ekki á neinn lagt.
Hann er bara þannig maður.
Hann er bara þannig sál.
Hann er aldrei með neitt þvaður.
Hann meinar allt sitt mál.
Hann sýnir mér svo mikla ást.
Hann vill aldrei sjá neinn þjást.
Hann er minn klettur og hann er mín
trú.
Hann er minn besti pabbi, stað-
reyndin er sú!
(Katrín Ruth)
Þín dóttir
Laeila.
Hvernig kveður maður besta
vin sinn og eiginmann til 55
ára?
Líf okkar er orðið svo saman
tvinnað að ég get ekki séð fyrir
mér hvernig það verður án þín,
elsku Frikki minn. Við kynnt-
umst á leigubílastöðinni þar
sem ég var að vinna, urðum
góðir vinir sem þróaðist í ást.
Fyrsta barnið okkar var Gunn-
ar Þór og fimmtán mánuðum
seinna fæddist Heiða okkar,
hún var pínu lítil og uppáhald
stóra bróður sem passaði upp á
hana meira að segja eftir að
þau urðu fullorðin, Síðan kom
Sigrún okkar, algjör gullmoli
eins og systkini hennar. Síðust
fæddist Laeila okkar á 17. júní,
þremur árum eftir fráfall tví-
burabróðir þíns hans Níels.
Þessi þrjú ár voru afskaplega
erfið, myrkrið skall yfir þig, þú
hafðir misst hinn helminginn af
sjálfum þér og áttir óskaplega
erfitt, en fæðing Laeilu okkar á
þessum degi breytti sorg í gleði
fyrir okkur öll. Svona lagði Guð
oft líkn með þraut hjá okkur
þegar sársaukinn og sorgin
nísti.
Þú hættir að keyra leigubíl
og fórst að vinna sem yfirverk-
stjóri á þungavinnudeild hers-
ins. Á þessum árum höfðum við
það mjög gott og keyptum okk-
ar fyrstu íbúð, en þá gerðist
það að þú hálsbrotnaðir og
varst frá vinnu í heilt ár. Þetta
endaði þannig að þú þurftir að
fara að keyra leigubílinn aftur
sem þú vannst á í nokkur ár en
varðst að hætta vegna heilsu-
brests.
Það eru komin sjö ár síðan
þú greindist með Lewy body-
sjúkdóminn, við tókum saman á
þessu fjölskyldan eins og öllu
öðru með æðruleysi, þú varst
ótrúlega sterkur og jákvæður
þegar þú fékkst þessa grein-
ingu.
Þú kvartaðir aldrei og tókst
á öllu með þinni skemmtilegu
kímni og jákvæðni, þú byrjaðir
í dagdvöl í Selinu og varst oftar
en ekki hrókur alls fagnaðar,
þú varst ánægður þar og hlakk-
aðir til að fara á hverjum degi
enda voru starfsstúlkurnar
yndislegar. Þá kom reiðar-
slagið, elsku Heiða okkar sem
var flutt til Keflavíkur með
yngstu dóttur sína lést skyndi-
lega. Þetta var hrikalegt áfall
fyrir okkur öll, ekki síst fyrir
Victoríu, en þá gaf Guð okkur
aftur líkn með þraut og ég fékk
forræðið yfir henni, sem hefur
hjálpað okkur báðum að vinna
bug á sorginni. Um þetta sama
leyti fór sjúkdómur þinn versn-
andi og þér bauðst pláss á Nes-
völlum.
Eins og oftar varstu mjög já-
kvæður gagnvart þessum
breytingum, þér leið vel þarna
og starfsfólkið var yndislegt við
þig.
En svo kom að endalokunum
hjá þér elsku Frikki minn, en
þau voru eins og þú afskaplega
ljúf og góð, þú misstir aldrei
niður húmorinn þinn og það
hjálpaði okkur líka. Ég vil ljúka
þessu með því að senda starfs-
fólki á Hrafnistu okkar innileg-
ustu þakkir.
Guð – gef mér æðruleysi
til að sætta mig við það sem ég fæ
ekki breytt,
kjark til að breyta því sem ég get
breytt
og visku til að greina þar á milli.
(Reinhold Niebuhr)
Þetta var bænin okkar sem
kom okkur í gegnum súrt og
sætt og hún verður bænin mín
þar til við hittumst á ný.
Sigríður Þórólfsdóttir.
Friðrik Jensen
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina
www.mbl.is/sendagrein
Skilafrestur | Ef óskað er eftir birtingu á útfarardegi verður greinin
að hafa borist eigi síðar en á hádegi tveimur virkum dögum fyrr (á
föstudegi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein ber-
ist áður en skilafrestur rennur út.
Lengd | Minningargreinar sem birtast í Morgunblaðinu séu ekki
lengri en 3.000 slög. Ekki er unnt að senda lengri grein. Lengri grein-
ar eru eingöngu birtar á vefnum. Hægt er að senda örstutta kveðju,
HINSTU KVEÐJU, 5-15 línur. Ekki er unnt að tengja viðhengi við
síðuna.
Formáli | Minningargreinum fylgir formáli sem nánustu aðstand-
endur senda inn. Þar koma fram upplýsingar um hvar og hvenær sá
sem fjallað er um fæddist, hvar og hvenær hann lést og loks hvaðan og
klukkan hvað útförin fer fram. Þar mega einnig koma fram upplýs-
ingar um foreldra, systkini, maka og börn.
Minningargreinar