Morgunblaðið - 08.12.2017, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 8. DESEMBER 2017
Agnes Bragadóttir
agnes@mbl.is
Tryggvi Páll Friðriksson, einn af
eigendum Gallerís Foldar við Rauð-
arárstíg, segir að ekki hafi öll verk
gömlu meistaranna selst á uppboði
Gallerís Foldar fyrr í vikunni, þar á
meðal hafi verið verk eftir Kjarval,
Gunnlaug Scheving og Jón Stef-
ánsson.
„Við vorum með uppboð núna, og
það voru þónokkuð margar myndir
sem ekki seldust og þar á meðal
einhverjar eftir þá sem við köllum
oft gömlu meistarana,“ sagði
Tryggvi Páll í samtali við Morg-
unblaðið í gær.
Aðspurður hvort hann teldi að
gömlu meistararnir væru ekki leng-
ur í tísku, sagði Tryggvi Páll: „Nei,
alls ekki. Það er ekkert nýtt að ein-
hverjar myndir eftir þá gömlu góðu
seljist ekki. Þetta fer óskaplega
mikið eftir myndum. Ef um er að
ræða málverk sem eru hreinrækt-
aðar landslagsmyndir, þá er um
þessar mundir dálítið þungt að selja
þau. En séu þetta verk sem eru af-
straksjónir, eða ekki þessar þungu
landslagsmyndir, heldur landslags-
myndir þar sem líka má sjá fólk, þá
gengur þetta miklu betur,“ sagði
Tryggvi Páll.
Hann segir að ýmsar ástæður
geti legið að baki þessari tregðu í
sölu á hreinum landslagsmyndum
gömlu meistaranna. Vera megi að
of mikið framboð sé á slíkum mynd-
um, auk þess sem smekkur manna
breytist.
„Ég held að unga fólkið sem er
að versla núna sé minna fyrir lands-
lagsmyndir en nýrri listform, eins
og afstraksjón. Það er stundum tal-
að um það að maður hrífist frekar
af verkum málara sem eru svona 15
árum eldri en maður sjálfur.
Kannski að þeir sem fæddir eru í
kringum 1970, hrífist frekar af mál-
verkum málara sem voru að mála á
árunum 1980 til 1985, en þeim sem
voru að mála um og uppúr 1930,“
sagði Tryggvi Páll.
Segir unga fólkið velja
fremur nýrri listform
Morgunblaðið/Kristinn Magnússon
Gallerí Fold Hér býður Tryggvi Páll Friðriksson upp Kjarvalsmálverk á uppboði Gallerís Foldar í september í
haust. Tryggvi Páll segir að þótt gömlu meistararnir eigi í hlut, sé það þungt að selja landslagsmyndir þeirra.
 Nokkur verk gömlu meistaranna seldust ekki á uppboði
Ingveldur Geirsdóttir
ingveldur@mbl.is
Sveitarfélög í örum vexti geta ekki
leitað til Jöfnunarsjóðs sveitarfélaga
eftir fjárstyrkjum meðan á uppbygg-
ingu vegna fólksfjölgunar stendur,
sveitarfélög sem glíma við fólksfækk-
un fá aftur á móti framlög úr sjóðn-
um.
„Það eru ákveðnir vaxtarverkir
sem fylgja örri íbúafjölgun en auðvit-
að er það fagnaðarefni fyrir hvert
sveitarfélag að íbúum fjölgi og að fólk
vilji búa þar. Svo nær þetta ákveðnu
jafnvægi en meðan á svona hraðri
uppbyggingu stendur geta sveitar-
félög hreinlega þurft að fá heimild til
að auka skuldir sínar umfram al-
mennar fjármálareglur sem eru ekki
hugsaðar gagnvart sveitarfélögum
sem eru í svona miklum vexti. Til
lengri tíma litið hægir á vextinum og
jafnvægi kemst á. Þá aukast verulega
tekjur sveitarfélaga sem njóta svona
mikillar fólksfjölgunar. Nýir skatt-
greiðendur og þeir sem fyrir voru
borga þá niður þær skuldir sem þarf
að taka til að byggja upp þjónustu
gagnvart þeim,“ segir Karl Björns-
son, framkvæmdastjóri Samtaka ís-
lenskra sveitarfélaga.
„Á sama tíma er vandi þeirra sveit-
arfélaga sem eru að missa fólk
kannski meiri því þá eru færri og
færri til að standa undir skuldbind-
ingum sveitarfélagsins. Það eru
svona sjónarmið sem vegast á þegar
menn eru að deila út jöfnunarfram-
lögum.“
Ásta Stefánsdóttir, framkvæmda-
stjóri Árborgar, gagnrýndi það í
Morgunblaðinu í gær að sveitarfélög í
örum vexti gætu ekki sótt um jöfn-
unarframlög líkt og þekkist í Noregi.
Í Árborg hefur íbúum fjölgað um
6,2% á einu ári sem hefur kallað á
mikla uppbyggingu. Ásta gagnrýndi
einnig að ekki væri stuðningur við
sveitarfélög með marga byggðar-
kjarna en þrír slíkir eru í Árborg;
Selfoss, Stokkseyri og Eyrarbakki.
„Það liggur fyrir skýrsla um endur-
skoðun á regluverki jöfnunarsjóðs
sem er núna til umfjöllunar. Í
tengslum við hana eru ræddar hugs-
anlegar breytingar á reglum jöfnun-
arsjóðs en það hafa engar ákvarðanir
verið teknar. Að margra mati er full
ástæða til að meta fjölkjarna sveit-
arfélög meira í framlögum jöfnunar-
sjóðs en nú er gert. Það næst ekki
fram sama hagræðið í rekstri þeirra
eins og í sveitarfélögum þar sem er
kannski bara einn kjarni,“ segir Karl.
Engar lausar lóðir í Hveragerði
Það er ekki aðeins í Árborg sem
íbúum hefur fjölgað skarpt á stuttum
tíma því í nágrannasveitarfélögunum
Hveragerði og Ölfusi hefur einnig
orðið mikil fjölgun. Á þessu ári hefur
íbúum í Hveragerði fjölgað um 3% og
eru þeir núna 2554. Þeim hefur fjölg-
að að meðaltali um 60 á ári síðustu
fjögur ár. Byggingaráform hafa verið
samþykkt fyrir 102 íbúðir í sveitarfé-
laginu að undanförnu og er reiknað
með að 77 til viðbótar verði samþykkt
fyrir árslok, á svokölluðum Edens-
reit. Engar lausar lóðir eru undir
íbúðarhús í Hveragerði núna en til
stendur að fara í deiluskipulag á
tveimur svæðum með um 500 íbúðum
samtals.
Búist er við mikilli fjölgun í Hvera-
gerði á næstu árum vegna fyrirhug-
aðrar fjölgunar á íbúðarhúsnæði. Ný-
verið var nýr leikskóli tekinn í notkun
með sex deildum þar sem börn eru
tekin inn frá tólf mánaða aldri. Sam-
kvæmt fjárhagsáætlun fyrir næsta ár
á að byggja við grunnskólann en þar
er farið að þrengja að nemendum.
Fjölskyldufólk í Þorlákshöfn
Í Ölfusi hefur íbúum fjölgað um
5,3% eða um 106 á þessu ári og eru
þeir nú 2111 talsins. Gunnsteinn R.
Ómarsson bæjarstjóri segir íbúa-
fjölgunina hafa verið drjúga síðustu
tvö ár, mest hafi hún verið í Þorláks-
höfn en einnig töluverð í dreifbýlinu.
„Íbúðarhúsnæði var til staðar en nú
er farið að hægja aðeins á fjölguninni
því það er farið að þrengjast um á
húsnæðismarkaðnum. Það er verið
að byggja hér og gera upp hús þannig
að það er innistæða fyrir meiri fjölg-
un á næstunni,“ segir Gunnsteinn.
Búið er að úthluta upp undir 100
íbúðaeiningum í Þorlákshöfn og er
unnið að deiliskipulagi fyrir á þriðja
hundrað íbúðir í viðbót.
Grunn- og leikskólar hafa annað
fjölguninni. „Við erum að byggja við
leikskólann og tökum tvær nýjar
deildir í notkun næsta vor. Grunn-
skólinn er það vel við vöxt að við get-
um enn bætt við töluverðum fjölda
nemenda, þeir eru nú 230 en hafa
mest verið um 300.“
Ungt fjölskyldufólk er í meirihluta
þeirra sem flytjast í sveitarfélagið að
sögn Gunnsteins. „Þetta er fólk all-
staðar að af landinu sem er annað
hvort að koma nær höfuðborgar-
svæðinu eða að flytja þaðan í ódýrara
húsnæði og að sækja í góða þjón-
ustu.“
Fagnaðarefni að íbúum fjölgi
 Sveitarfélög í örum vexti fá ekki úr Jöfnunarsjóði  Skattgreiðendur borga niður þær skuldir sem
þarf að efna til í uppbyggingunni  Íbúum hefur fjölgað um 3% í Hveragerði og 5,2% í Ölfusi á árinu
Morgunblaðið/Árni Sæberg
Þorlákshöfn Íbúum í sveitarfélaginu Ölfusi hefur fjölgað um 106 á árinu.
Rafport ehf • Auðbrekka 9-11 • 200 Kópavogur • Sími 580 1900 • rafport@rafport.is
Með free@home hefur aldrei verið auðveldara og
hagstæðara að stjórna heimilinu, sumarbústaðnum
eða fyrirtækinu.
Ertu að byggja, breyta eða bæta?
Endilega kynntu
þér málið.
Snjalllausnir – nútíma raflögn
Bæjarráð Kópa-
vogs samþykkti á
fundi sínum í gær
að leggja til við
bæjarstjórn að
gengið yrði til
samninga við
Stólpa ehf. vegna
sölu á fasteignun-
um að Fannborg
2,4, og 6 sem hýst
hafa skrifstofur
bæjarins. „Húseignir bæjarins að
Fannborg 2, 4 og 6 voru auglýstar til
sölu í ágústlok og var gefinn frestur
til að skila tilboðum til 12. október.
Fjögur tilboð bárust. Tilboð Stólpa
ehf. hljóðar upp á einn milljarð og 50
milljónir,“ segir ennfremur í frétta-
tilkynningu frá Kópavogsbæ.
„Tvö tilboð voru best, frá tveimur
sterkum aðilum vönum þróunar-
verkefnum og við berum fullt traust
til þeirra beggja. Eftir að bæði til-
boðin voru núvirt þá kom tilboð
Stólpa best út,“ segir Ármann Kr.
Ólafsson, bæjarstjóri Kópavogs.
„Nýja hús bæjarskrifstofanna er að
Digranesvegi 1, en það kostar 580
milljónir og verið er að horfa til þess
að byggja við það hús á lóðinni við
hliðina,“ segir Ármann, hæstánægð-
ur þar sem útlit er fyrir að talsverð
hagkvæmni náist út úr samningun-
um. „Bæjarskrifstofurnar eru því að
flytja í nýtt húsnæði með mun minni
kostnaði heldur en útlit var fyrir,
fyrir nokkrum misserum síðan. Ný
tækifæri munu síðan skapast fyrir
Hamraborgarsvæðið í tengslum við
áætlanir kaupendanna að Fannborg-
arhúsnæðinu.“ ernayr@mbl.is
Rúmur milljarður
þykir hæfilegur
 Vilja ganga til samninga við Stólpa
Fannborg Gæti
orðið lyftistöng.