Morgunblaðið - 08.12.2017, Blaðsíða 41

MENNING 41
MORGUNBLAÐIÐ FÖSTUDAGUR 8. DESEMBER 2017
Magnús Heimir Jónasson
mhj@mbl.is
Tónlistar- og dagskrárgerðarmað-
urinn Jón Ólafsson hlaut heið-
ursverðlaunin „Lítill fugl“ á degi ís-
lenskrar tónlistar í gær. Verðlaunin
voru veitt fyrir framlag hans til tón-
listar á ljósvakamiðlum landsins
gegnum árin.
Jón hefur síðan í framhaldsskóla
fjallað um íslenska tónlist, fyrst í
blaðamennsku, síðan í útvarpi og svo í
sjónvarpi, m.a. í þáttunum Af fingrum
fram. „Mér leið svolítið þannig eins og
ég væri orðin hundrað ára gamall
þegar ég veitti fuglinum viðtöku,“
segir Jón og hlær við. Spurður segir
hann að margt hefur breyst frá því að
hann hóf feril sinn í dagskrárgerð á
Rás 2 árið 1983. „Það er svo mikið af
upplýsingum núna. Það var ekkert
internet þá. Hluti af ástæðunni fyrir
því að ég fékk vinnu í útvarpi var að
ég var vel að mér í tónlist. Á þeim
tíma var ekki hægt að opna Wikipedia
ef ég þurfti að vita eitthvað, ég þurfti
bara að vita það,“ segir Jón en hann
hafði safnað að sér mikilli tónlist-
arþekkingu þrátt fyrir ungan aldur.
„Ég var búinn að vera plötusafnari al-
veg frá því ég var unglingur og var
búinn að gleypa allt í mig. Ég las utan
á plötuumslög, keypti mér bækur um
tónlist og bækur með gömlum
vinsældalistum“. Í þakkarræðu sinni í
Hörpunni skoraði Jón á aðra dag-
skrárgerðarmenn að láta meiri upp-
lýsingar fylgja með músíkinni sem
þeir spila en með tilkomu miðla eins
og Spotify segir Jón slíka þekkingu
vera á undanhaldi. „Hér áður fyrr var
maður alltaf með plötu í höndunum,
vinýl til að byrja með og svo geisla-
disk. Þar voru upplýsingar um hver
samdi textann og lagið og maður lét
það yfirleitt fylgja með, sérstaklega ef
það var verið að spila íslenska músík“.
Hann segist hafa notið sín vel á Rás
2 og minnist þess frelsis sem honum
var veitt í dagskrárgerð. „Það var
enginn lagalisti á rás 2. Ég gat valið
hvert og eitt einasta lag sjálfur“.
Frelsi Jóns í dagskrárgerð fór þó ekki
alltaf vel í allar hlustendur. „Ég lét
öllum illum látum á sínum tíma. Þetta
var kannski upphaf galgopa-útvarps.
Ég var rétt rúmlega tvítugur, ný-
skriðinn úr framhaldsskóla og með
þetta frelsi,“ segir Jón sem minnist
þess að hafa haldið grettukeppni og
tískusýningu í útvarpi hlustendum til
mikillar undrunar. „Ég spilaði líka
eitt lag fimm sinum í röð. Maður var
alltaf að reyna að ganga fram af fólki.
Þetta var aðallega framan af og svo
þroskaðist maður,“ segir Jón og bætir
við að músíkin hafi samt alltaf verið
aðalmálið hjá honum í útvarpinu.
Jón segir að á þeim tíma hafi út-
varpsmenn fljótt orðið landsþekktir
enda birtust þeir daglega í blöðunum.
Þetta olli því að þegar hann spilaði á
sveitaböllum víðvegar um landið kom
það fólki á óvart að hann væri einnig
tónlistarmaður. „Ég fór í píanónám til
Hollands til að hrista þetta aðeins af
mér. Mig langaði að fólk myndi taka
mig alvarlega sem músikant og tók
mér nokkurra ára frí frá útvarpinu.
Þegar því var lokið þá fannst mér allt
í lagi að snúa aftur og gera sjónvarps-
þætti. Þá vissu allir að ég væri tónlist-
armaður“.
Jón snéri aftur á ljósvakamiðlana
með sjónvarpsþættina Af fingrum
fram og komu vinsældir þeirra hon-
um verulega á óvart. Upphaflega stóð
til að gera einungis 6 þætti en þeir eru
nú orðnir 70 talsins. „Þeir urðu bara
ótrúlega vinsælir. Ég hélt að enginn
myndi hafa áhuga á því að sjá tvo tón-
listarmenn spjalla í þrjú korter“.
Þættirnir hafa nú fært sig yfir á sviðið
og hefur hann í rúm níu ár fengið
listamenn til sín í Salinn í Kópavogi til
að ræða um tónlist í tvo til þrjá tíma.
Jón segir að lokum að hann sé
þakklátur fyrir að hafa getað unnið
við tónlist í öll þessi ár og segir tón-
listin hafa haldið honum ung-
um.„Maður er alltaf að kynnast nýj-
um og nýjum listamönnum og fá
einhverja yngri og yngri inn sem eru
að gera góða hluti. Það heldur manni
bara ungum í anda að vera í þessu
fagi, maður er oft að vinna með fólki
sem er miklu yngri en maður sjálfur.
Í músíkinni er ekkert aldurs-
takmark“.
Leikið af fingrum fram
á ljósvakamiðlunum
 Jón Ólafsson hlaut heiðursverðlaunin „Lítill fugl“ í Hörpu
Morgunblaðið/Hari
Verðlaunaður Jón Ólafsson veitti heiðursverðlaununum viðtöku við athöfn í
Hörpu í tilefni af degi íslenskrar tónlistar sem var haldinn hátíðlegur í gær.
Sungið saman Íslensk tónlist fékk að njóta sín í Hörpu g kom fjöldi tónlist-
armanna fram. Börn voru meðal gesta athafnarinnar og nutu vel.
Í fullu fjöri Tónlistarmaðurinn Jón Jónsson var meðal þeirra sem komu
fram í gær. Skemmti hann gestum athafnarinnar með líflegu gítarspili.
Málverkið Salvator Mundi, eða
Bjargvættur heimsins, sem eignað
er Leonardo da Vinci og keypt var
fyrir metfé, 450,3 milljónir dollara,
um miðjan síðasta mánuð, verður
sýnt í safni Louvre í Abú Dabí, höf-
uðborg Sameinuðu arabísku fursta-
dæmanna. Uppboðshúsið Christie’s
seldi verkið fyrir jafnvirði nær 47
milljarða íslenskra króna en hæsta
verð sem greitt hafði verið fram að
því fyrir verk eins gömlu meist-
aranna, þ.e. myndlistarmanna sem
störfuðu fyrir tíma impressjónist-
anna, var greitt fyrir „Fjöldamorð
á hinum saklausu“ eftir Rubens fyr-
ir 15 árum, 102 milljónir dollara á
verðlagi dagsins í dag eða um 15,5
milljarða króna. Ekki er vitað
hvenær verkið verður sýnt í safni
Louvre í Abú Dabí en dagblaðið
New York Times segir kaupanda
verksins sádi-arabískan prins,
Bader bin Abdullah bin Mohammed
bin Farhan al-Saud.
Bjargvættur
heimsins í Abú Dabí
AFP
Verkið Salvator Mundi eftir da Vinci,
frelsarinn myndaður með síma.
SÝND KL. 6 SÝND KL. 3.30 SÝND KL. 3.30
SÝND KL. 8SÝND KL. 10.30
SÝND KL. 5.30, 8, 10.25 SÝND KL. 3.30, 5.30, 8, 10.15
Miðasala og nánari upplýsingar
5%
ICQC 2018-20
/////////////////////////////////////////////////////////////////////////////////////////////////////////////////////////////////////////////////////////////////