Morgunblaðið - 08.12.2017, Blaðsíða 10
10 FRÉTTIRInnlent
MORGUNBLAÐIÐ FÖSTUDAGUR 8. DESEMBER 2017
56 10 000
TAXI
BSR
Góð þjónusta
yfir 90 ár10%
afsláttur
fyrir 67 ára
og eldri
Erna Ýr Öldudóttir
ernayr@mbl.is
Dvalarheimili aldraðra sjómanna,
Hrafnista í Hafnarfirði, er nú farið
að nota vinsæla smáforritið Snap-
chat.
„Við byrjuðum í dag, ægilega
gaman hjá okkur! Við erum búin að
gera snapp og setja inn í „Story“,“
segir Árdís Hulda Eiríksdóttir, for-
stöðumaður Hrafnistu í Hafnarfirði,
í samtali við Morgunblaðið í vik-
unni.
Áhugasamir geta sótt um að ger-
ast áskrifendur að snappinu hjá
Hrafnistu á Snapchat sem notast
við nafnið Hrafnista DAS.
Dugleg að taka upp nýjungar
„Við keyptum sérstakan síma í
þetta og látum hann bara ganga á
milli deilda og starfsmannahópa,
þannig að hver hópur er með
snappið í viku. Við erum með regl-
uramma upp á að virða einkalíf og
hafa samþykki fólks. En hugmyndin
er að sýna og kynna starfið og við-
burði og það sem er í gangi hverju
sinni. Okkur langar svolítið til að
fólk fái innsýn í, hvað er verið að
gera á hjúkrunarheimilum. Margir
hafa e.t.v. ekki alveg rétta mynd af
því. Við erum með heimasíðu og
Facebook-síðu, en við viljum vita
hvað virkar hverju sinni. Við erum
dugleg að taka inn nýjungar,“ segir
Árdís Hulda.
Hún segir marga vistmenn vera
með snjallsíma og tölvur og að einn
og einn vistmaður noti Snapchat.
Hún bætir við að tólf hundruð
starfsmenn séu hjá Hrafnistu á sex
stöðum og til stendur að síminn
flakki á milli heimilanna og þau
skiptist á að vera með snappið, m.a.
til að fá innsýn í starf og hugmyndir
hvert hjá öðru.
„Þetta fer vel af stað og við-
brögðin hafa verið góð fram að
þessu.“
Snappað á
Hrafnistu
Hrafnista DAS er komin á Snapchat
Snapp Hrafnista í Hafnarfirði.
Sigurður Bogi Sævarsson
sbs@mbl.is
„Skilningur á mikilvægi sálgæslu og
andlegs stuðnings þegar fólk verður
fyrir áföllum er í dag orðinn almenn-
ur. Nú þykir sjálfsagt og eðlilegt að
leita sér stuðnings ef maki eða barn
deyr eða annar sem stendur hjartanu
nærri,“ segir K. Hulda Guðmunds-
dóttir formaður
Nýrrar dögunar –
samtaka um sorg
og sorg-
arviðbrögð.
Í kvöld, föstu-
dag kl. 20:00,
verður opið hús í
safnaðarheimili
Háteigskirkju í
tilefni af 30 ára af-
mæli samtakanna.
Starfsemi Nýrrar
dögunar felst einkum í því að vera
með stuðningshópa fyrir fólk sem
misst hefur sér nákomna og að
standa fyrir fræðsluerindum um sorg
og viðbrögð við henni. Starfandi eru
hópar sem styðja við þá sem hafa til
dæmis misst maka, börn eða foreldra
ótímabært. Er hátturinn sá að fólk
sem er að ganga í gegnum erfiða
reynslu fær stuðning frá fólki sem
hefur kynnst svipuðum aðstæðum.
Frá stofnun samtakanna hefur þessi
aðstoð á grundvelli jafningja reynst
mjög dýrmæt.
Tala og leita sér hjálpar
„Á þessum þrjátíu árum hafa
margir notið þjónustu Nýrrar dög-
unar og fundist það hjálpa sér mikið.
Við höfum notið velvildar Háteigs-
kirkju og verið með starfsemina þar
um árabil okkur að kostnaðarlausu og
reyndar á fleiri stöðum. Við finnum
að samfélagið hefur gjörbreyst. Sú
var tíðin að réttast þótti að fólk bæri
harm sinn í hljóði. Nú þykir sjálfsagt
og eðlilegt að fólk sem missir ástvini
sína þurfi að tala um sorgina og leita
sér hjálpar við að finna henni farveg.
Í sumum tilfellum getur aðstoð verið
forsenda þess að fólk komist aftur út í
samfélagið sem virkir þátttakendur,“
segir Hulda sem telur mikilvægt að
ræða þessi mál sem lýðheilsu.
„Vandinn í dag er sá að það fer
mikið eftir því hvernig dauðann ber
að, hversu markvissa aðhlynningu að-
standandi fær. Þau sem missa
skyndilega eru ekki jafnsett þeim þar
sem aðdragandi er að andláti.“
Lenda í einangraðri stöðu
Hulda nefnir að ef andlát ber að
inni á sjúkrastofnun, eftir til dæmis
langvarandi krabbameinsmeðferð, þá
fá aðstandendur góðan stuðning frá
viðkomandi sjúkrahúsi og geta leitað
ráðgjafar og stuðnings hjá velferðar-
og líknarfélögum alveg frá því að
veikindi koma upp og eftir að sjúk-
lingur deyr.
„Ef andlát verður skyndilega, til
dæmis af slysförum, er ekkert stuðn-
ingsnet sem sinnir aðstandendum.
Þeir geti því lent í einangraðri stöðu,
án allrar aðstoðar. Þetta á ekki síst
við um fólk sem kærir sig ekki um
trúarlega aðkomu, en prestar eru sú
stétt sem hefðin sýnir að kallaðir eru
til, þegar dauðsföll verða.“
En hvernig verður best komið til
móts við fólk sem hefur misst ástvini
sína – og þarf hjálp sem það getur
hugsanlega ekki nálgast sjálft? Til að
byrja með, segir Hulda, er mikilvægt
að sími Rauða krossins 1717 hafi upp-
lýsingar um úrræði svo aðstandendur
viti að þar fáist svör við því hvert
hægt er að fá stuðning.
Samhæfa krafta
„Í náinni framtíð þarf að skoða
hvort hægt er að samhæfa betur þá
krafta sem í dag eru dálítið á tvist og
bast þegar kemur að stuðningi í sorg.
Við viljum sjá þá sem sinna syrgj-
endum sameinast með miðstöð fyrir
starfsemi sína. Þar verði hlúð að fólki
eftir smærri og stærri áföll. Gild rök
eru fyrir því að góður stuðningur geti
dregið úr alvarlegum afleiðingum
sorgar og áfalla sem upp geta komið.
Það væri ekki úr vegi að hefja um-
ræðu um þetta lýðheilsumál við nýjan
heilbrigðisráðherra, Svandísi Svav-
arsdóttur, áður en afmælisárið er lið-
ið,“ segir Hulda að síðustu.
Stuðningur dregur
úr afleiðingum sorgar
Ný dögun er 30 ára Stuðningshópar og sálgæslustarf
Morgunblaðið/Sigurður Bogi
Trú Starfsemi á vegum Nýrrar dögununar er jafnan í Háteigskirkju.K. Hulda
Guðmundsdóttir
Borgarráð hefur samþykkt að veita
fyrirtækinu Spor í sandinn ehf. vil-
yrði fyrir lóð fyrir byggingu gróð-
urhvelfinga, Aldin BioDome, við
Stekkjarbakka í Breiðholti. Lóðin
liggur að Elliðaárdal og er á þróun-
arsvæði samkvæmt aðalskipulagi.
Lóðin er um 12.500 fermetrar að
stærð og þar má reisa byggingar allt
að 3.800 fermetra að grunnfleti. Fyr-
ir rúmu ári veitti borgarráð fyrirtæk-
inu vilyrði fyrir talsvert minni lóð á
þessu svæði og fellur það loforð nú
niður.
Embættismenn borgarinnar upp-
lýstu borgarráð í gær um að hug-
myndin hefði þróast í skipulagsvinnu
síðasta árs og viðskiptamódelið kall-
aði á stærri lóð. Jafnframt hafi verið
fengnir að verkefninu innlendir og
erlendir fagaðilar.
Nýting á jarðvarma
Aldin BioDome á að verða nýr
samkomustaður fyrir íbúa borgarinn-
ar og ferðamenn. Með nýtingu jarð-
varma og gróðurlýsingu verður veitt-
ur aðgangur að gróðursælu umhverfi
í því sem aðstandendur verkefnisins
segja að geti orðið einskonar lífhvolf.
Byggð verða þrjár háar hvelfingar
og önnur mannvirki, talsvert niður-
grafin, og þar verður margháttuð
starfsemi. Nefnd er sala á vörum
beint frá býli, úrvals veitingastaðir
og verslun. Í trópískri hvelfingu
verður boðið upp á fræðslu og hvíld-
arsvæði og í ræktunarhvelfingu verð-
ur hægt að taka þátt í ræktun og til-
raunum í matjurtarækt. Inn í
starfsemina verður fléttað aðstöðu
fyrir jóga og hugleiðslu en einnig
verður hægt að halda viðburði hvers-
konar og veislur.
helgi@mbl.is
Stærri lóð undir
gróðurhvelfingar
Undirbúningur að
Aldin BioDome við
Stekkjarbakka
Tölvuteikning úr greinargerð Spors í sandi ehf.
Aldin BioDome Hugmynd að útliti
gróðurhvelfinga við Stekkjarbakka.
Styrkur svifryks mældist mikill á
götum borgarinnar í gær. Hálf-
tímagildi svifryks mældist 140
míkrógrömm á rúmmetra við fasta
mælistöð við Grensásveg klukkan
15:30 skv. tilkynningu frá heil-
brigðiseftirliti borgarinnar. Ákveð-
ið hefur verið að rykbinda Miklu-
braut og vestur Hringbraut svo og
Grensásveg til að draga úr svifryki.
Sólarhrings heilsuverndarmörk
fyrir svifryk eru 50 míkrógrömm á
rúmmetra og búist er við að styrk-
ur svifryks verði líklega yfir mörk-
unum í nágrenni við miklar um-
ferðargötur. Næstu daga er búist
við svipuðum veðurfarsaðstæðum
og voru í gærdag.
Mikil svifryksmengun mælist í borginni