Morgunblaðið - 18.12.2017, Qupperneq 2

Riðuveiki hefur
greinst í sýni úr
kind frá bænum
Urðum í Svarf-
aðardal, sem fór
til slátrunar í
haust. Fyrir ligg-
ur því að slátra
þarf öllu fé á
bænum, hreinsa
jarðveg útihúsa
og brenna innan-
stokksmuni úr þeim, en slíkur er
jafnan gangurinn í svona málum. Þá
eru viðkomandi bændum greiddar
bætur, en í nokkur ár eftir að riða
greinist þarf að vera fjárlaust á við-
komandi bæ. Síðast gerðist þetta á
Urðum árið 2013, en nokkur riðu-
veikitilvik komu upp í Svarfaðardal
fyrr á árum.
Frá Urðum, sem er innarlega í
Svarfaðardal, fóru um 130 fjár til
slátrunar í haust og í vetur eru þar á
fóðrum 90-100 fjár, sem fellt verður
fljótlega.
„Við fengum fyrstu fréttir um
þetta frá dýralækni núna á fimmtu-
daginn. Ég vænti þess að við fáum
svo einhverjar frekari upplýsingar
nú í vikunni. Þetta er mikið áfall, þá
frekar andlegt en peningalegt,“ seg-
ir Einar Hafliðason á Urðum í sam-
tali við Morgunblaðið. sbs@mbl.is
Riðuveiki í
Svarfaðar-
dalnum
 Fargað á Urðum
Kind Féð þarf
að fella.
2 FRÉTTIRInnlent
MORGUNBLAÐIÐ MÁNUDAGUR 18. DESEMBER 2017
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Um eitt hundrað manns komu í gær saman við Tjörnina í Reykjavík til að
minnast Klevis Sula, unga mannsins sem lést 8. desember sl. eftir hníf-
stunguárás á Austurvelli í Reykjavík. Kveikti fólk m.a. á kertum og lagði
þau á tjarnarbakkann. Árásarmaðurinn, sem er Íslendingur, var handtek-
inn skömmu eftir ódæðið. Hann er sagður hafa ráðist á Klevis og samlanda
hans, sem er útskrifaður af sjúkrahúsi, með eggvopni að ástæðulausu.
Minningarstund var haldin í miðbænum
Morgunblaðið/Hari
Minntust látins vinar við Tjörnina í Reykjavík
Guðni Einarsson
gudni@mbl.is
Tæplega helmingur hælisleitenda,
sem leituðu hér verndar frá árs-
byrjun 2015 og til loka nóvember
2017 og kváðust vera fylgdarlaus
ungmenni, reyndist vera yngri en
18 ára. Byggt var á aldursgrein-
ingum hér og erlendis eða viðkom-
andi gátu framvísað skilríkjum
aldri sínum til sönnunar. Þetta kom
fram í svörum Útlendingastofnunar
við spurningum Morgunblaðsins.
Frá ársbyrjun 2015 og til loka
nóvember síðastliðins höfðu borist
2.520 umsóknir um vernd hér á
landi. Af þeim kváðust samtals 59
vera fylgdarlaus ungmenni. Um-
sækjendur um vernd hér á landi
fyrstu ellefu mánuði ársins voru
orðnir 1.033 eða hundrað færri en
allt árið í fyrra. Í þessum hópi
kváðust 24 vera fylgdarlaus ung-
menni. Það eru fleiri ungmenni en
bæði árin 2015 og 2016. Gerðar
hafa verið 18 aldursgreiningar það
sem af er þessu ári og reyndust
fjórir hælisleitendur af þeim, eða
22%, vera yngri en 18 ára á grund-
velli aldursgreiningar. Fjórtán
voru því eldri en þeir kváðust vera.
Ef vafi leikur á aldri
Þórhildur Ósk Hagalín, upplýs-
ingafulltrúi Útlendingastofnunar,
sagði að ýmislegt gæti skýrt það
hvers vegna fleiri hefðu farið í ald-
ursgreiningu á þessu ári en t.d. í
fyrra. Til dæmis gætu færri hafa
verið með skilríki eða önnur gögn
til að gera grein fyrir því hverjir
þeir væru og aldri sínum. Umsækj-
endur eru einungis sendir í aldurs-
greiningu ef þeir geta ekki gert
grein fyrir sér og vafi leikur á um
aldur þeirra. Sé augljóslega um
barn að ræða þarf ekki að senda
það í aldursgreiningu.
Verklag Útlendingastofnunar
hvað aldursgreiningar varðar
byggist á útlendingalögum. Þar
segir m.a. að leiki vafi á aldri ein-
staklings, sem kveðst undir 18 ára
aldri, skuli framkvæmd aldurs-
greining. Við meðferð máls um al-
þjóðlega vernd umsækjanda sem
segist vera undir lögaldri er litið
svo á að viðkomandi umsækjandi
sé barn þar til annað kemur í ljós
með aldursgreiningu eða á annan
hátt.
Aldur er ákvarðaður á grundvelli
rannsóknar á tönnum. Tannfræði-
legar rannsóknir þykja áreiðanleg-
ar í samanburði við aðrar líkams-
rannsóknir og framkvæmd þeirra
hefur ekki í för með sér mikið inn-
grip fyrir þann sem rannsakaður
er, að sögn Þórhildar. Tanngrein-
ingarnar eru gerðar í samvinnu
tveggja réttartannlækna.
 Frá ársbyrjun 2015 og til loka nóvember sl. bárust 2.520 umsóknir um vernd hér á landi  Gerðar
hafa verið 18 aldursgreiningar það sem af er þessu ári og reyndust 14 vera eldri en þeir sögðust vera
Helmingur „ungmenna“ eldri en 18
Ungir hælisleitendur
Heimild: Útlendingastofnun
2015 2016
2017
jan.-nóv. Samtals
Umsóknir um vernd 354 1.133 1.033 2.520
Fjöldi sem kvaðst vera fylgdarlaus ungmenni 13 22 24 59
Fjöldi aldursgreininga 4 9 18 31
Fjöldi sem reyndist yngri en 18 ára á
grundvelli aldursgreiningar hér á landi
2 6 4 12
50% 67% 22% 39%
Heildarfjöldi sem reyndist yngri en 18 ára
(aldursgreining hér og erlendis + skilríki)
6 15 8 29
46% 68% 33% 49%
„Þetta er fallegasti fálki sem ég hef nokkru
sinni séð; vel haldinn og fallega hvítur. Var
greinilega frelsinu feginn þegar hann blakaði
vængjum og stefndi suður á Stórhöfða,“ segir
Árni Johnsen, fyrrverandi alþingismaður.
Honum var í gær fengið það hlutverk að
sleppa nafna sínum, Grænlandsfálka sem
Ágúst Halldórsson, vélstjóri á Álsey VG,
fangaði á hafi úti hinn 18. nóvember síðastlið-
inn. Þegar í land var komið fór Ágúst með
fuglinn heim og gaf honum nafnið Árni John-
sen. Í gær var svo farið heim til þingmannsins
fyrrverandi að Höfðabóli í Vestmannaeyjum
og þaðan tók fálkinn flugið.
Þann tæpa mánuð sem fálkinn Árni John-
sen var í fóstri Ágústs og fjölskyldu hans var
hann í geymslu í bílskúr og aðeins í búri yfir
blánóttina. „Fuglinn gat haldið sér í formi og
flogið þarna inni fáeina metra. Svo ól ég hann
vel með lamba- og nautakjöti og svo var eins
og villieðlið brytist fram þegar ég gaf Árna
lunda,“ segir Ágúst sem náði fuglinum þegar
Álsey VE var á miðunum djúpt vestur af
Reykjanesi. Hefur hann orð Ólafs K. Nielsens
fuglafræðings fyrir því að fálkinn sé frá
Grænlandi, svo greinilegur sé svipur hans.
Bætir við að fyrir fjölskylduna hafi verið
gaman að hafa þennan gest í heimili. Margir
hafi líka sýnt honum áhuga. „Frá Árna nafna
sínum flaug fálkinn alveg eins og herforingi
og ég á svo sannarlega eftir að sakna hans,“
segir Ágúst. sbs@mbl.is
Fálkinn flaug eins og
herforingi á Stórhöfða
 Árni Johnsen gaf fálkanum nafna sínum frelsi
Ljósmynd/Óskar Pétur Friðriksson
Vestmannaeyjar Nafnarnir á Höfðabóli í gær þar sem sá sem í búrinu var fékk frelsið að nýju.