Morgunblaðið - 18.12.2017, Qupperneq 32

MÁNUDAGUR 18. DESEMBER 352. DAGUR ÁRSINS 2017
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 581 KR. ÁSKRIFT 6.307 KR. HELGARÁSKRIFT 3.938 KR. PDF Á MBL.IS 5.594 KR. I-PAD ÁSKRIFT 5.594 KR.
1. Kvörtunum rignir yfir Icelandair
2. „Feginn að þú ert ekki forstjóri“
3. Aldrei grátið það að hafa eignast hana
4. Verkfall flugvirkja hafið
»MEST LESIÐ Á mbl.is
FÓLK Í FRÉTTUM
 Kammerhópurinn Camerarctica
heldur sína árlegu kertaljósatónleika
í kirkjum nú rétt fyrir jólin. Hópurinn
hefur leikið ljúfa tónlist eftir Mozart
við kertaljós í 24 ár og verður þetta
því í 25. skiptið sem þessi tónleika-
röð er haldin og þykir mörgum
ómissandi að koma úr miðri jólaös-
inni inn í kyrrðina og kertaljósin í
rökkrinu. Hópinn skipa að þessu sinni
Ármann Helgason á klarínett, Hildi-
gunnur Halldórsdóttir og Bryndís
Pálsdóttir á fiðlur, Svava Bernharðs-
dóttir á víólu og Sigurður Halldórs-
son á selló en sérstakur gestur er
Emelía Rós Sigfúsdóttir á flautu. Á
efnisskránni eru tvær af perlum
Mozarts, kvintett fyrir klarínett og
strengi og kvartett fyrir flautu og
strengi. Fyrstu tónleikar þessa árs
verða í Hafnarfjarðarkirkju annað
kvöld, í Kópavogskirkju á miðviku-
dag, í Garðakirkju á fimmtudag og
loks í Dómkirkjunni í Reykjavík á
föstudag. Allir tónleikar hefjast kl. 21
og standa í um klukkustund.
Leika Mozart við
kertaljós í 25. sinn
 Með fiðrildi í maganum er yfir-
skrift Kúnstpásu-tónleika Íslensku
óperunnar sem fram fara í Norður-
ljósum Hörpu á morgun, þriðjudag,
kl. 12.15. Þar flytja Hrafnhildur
Árnadóttir sópran og Ingileif Bryn-
dís Þórsdóttir á píanó
aríur og ljóð eftir
m.a. Fauré, Schu-
bert, Poulenc og
Adam. Aðgangur
er ókeypis og
standa tónleikarnir
í um 30
mín-
útur.
Með fiðrildi í mag-
anum á Kúnstpásu
Á þriðjudag Suðvestan 10-15 m/s með éljagangi, en yfirleitt bjart-
viðri eystra. Kólnandi veður. Á miðvikudag Allhvöss eða hvöss
suðvestanátt og él, en léttskýjað austanlands. Frost 0 til 7 stig.
SPÁ KL. 12.00 Í DAG Suðlæg átt, 2-16 m/s. Byrjar að rigna um
hádegi, jafnvel talsverð eða mikil rigning, einkum syðra í kvöld.
Hægari suðvestlæg átt vestanlands síðdegis. Hiti 3 til 10 stig.
VEÐUR
Ekkert lát er á sigurgöngu
Manchester City í ensku úr-
valsdeildinni í knattspyrnu.
City vann 16. leik sinn í röð
þegar liðið kjöldró Totten-
ham, 4:0. Í gær fögnuðu
Manchester United og Liv-
erpool sigrum á útivelli.
United marði WBA, 2:1, en
Liverpool var í stuði og
burstaði Bournemouth, 4:0,
þar sem Egyptinn Mohamed
Salah skoraði eitt af mörk-
um Liverpool. »2
Sextándi sigur
City í röð
„Þetta var geggjað og ekki amaleg
jólagjöf sem ég gaf sjálfum mér,“
sagði Alfreð Finnbogason í samtali
við Morgunblaðið en hann gerði sér
lítið fyrir og skoraði þrennu í 3:3-
jafntefli gegn Freiburg í
þýsku 1. deildinni í knatt-
spyrnu um helgina. Alfreð
hefur þar með skorað 11
mörk í deildinni. »1
Önnur þrenna Alfreðs
á tímabilinu
Þórir Hergeirsson og stelpurnar
hans í norska kvennalandsliðinu í
handbolta urðu að sjá á bak
heimsmeistaratitlinum í gær.
Norðmenn, sem áttu titil að verja,
biðu lægri hlut fyrir Frökkum í afar
spennandi úrslitaleik í Hamborg í
Þýskalandi og Frakkar fögnuðu
sigri á heimsmeistaramótinu í
annað skipti í sögunni. »1
Frakkar urðu
heimsmeistarar
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Sigurður Bogi Sævarsson
sbs@mbl.is
Athygli vakti þegar tvö dönsk varð-
skip lágu í síðustu viku nokkra daga
samtímis við Ægisgarð í Reykjavík-
urhöfn. Þetta voru Hvidbjørnen og
Vædderen; en þau skip og önnur tvö
til viðbótar, það er Thetis og Triton,
eru gerð út á norðurhöf þar sem
áhafnirnar sinna strandgæslu og
ýmsum þjónustuverkefnum við
Færeyjar og Grænland, sem eru
hluti af danska konungdæminu. En
hvernig er ferðum skipanna háttað?
Treysti sterku skipi
„Auðvitað eru norðurhöfin úfin.
Ég hins vegar treysti mínu sterk-
byggða skipi og áhöfn; mönnum sem
eru vel þjálfaðir, hafa jákvætt hug-
arfar og styrk til þess að takast á við
ögrandi verkefni sem þeir standa
andspænis,“ sagði Niels Markussen
skipherra. Morgunblaðið ræddi við
hann fyrir helgina þegar hann stóð í
brúnni á Hvidbjørnen en skipherr-
arnir og áhafnir þeirra færast ann-
ars reglulega milli skipa. „Sjálfur er
ég búinn að vera á þessum skipum
síðan ég var sautján ára, frá árinu
1984. Það er talsverður tími, en
þetta er það sem ég kann best,“ seg-
ir Niels sem nú er með áhöfn sinni á
Hvidbjørnen á Grænlandsmiðum.
Þar verða þeir fram yfir nýár.
Hvert úthald varðskipsins er um
það bil tveir mánuðir með nokkurra
daga stoppi til dæmis í Reykjavík
eins og nú var tekið. Svo verða
áhafnaskipti um miðjan janúar og þá
fljúga skipverjar heim til Danmerk-
ur. Eiginleg heimahöfn danska hers-
ins er í Fredrikshavn á Jótlandi, en
það er tilfallandi að skipin fari þang-
að og þá helst til viðgerða eða slíks.
„Það skapar aðhald að varðskip
séu til staðar hér á hafinu og áhafnir
hafi getu til þess að koma til hjálpar
ef eitthvað út af bregður. Þörfin á
slíku er mikil, sérstaklega þegar
siglingar skemmtiferðaskipa nærri
Grænlandi eru að aukast. Nei, við
höfum ekki þurft að fara í hern-
aðarátök eða -aðgerðir á þessu skipi.
Við erum vissulega til þess búin, en
verkefnin á þessu svæði hafa alltaf
verið annars eðlis,“ segir Niels.
Hann bætir við að Hvidbjørnen, sem
var smíðaður árið 1992, sé í alla staði
vel búið skip og hafi reynst vel í tím-
ans rás. Til bóta sé nú, eins og sagði
frá í Morgunblaðinu um helgina, að
þyrla af gerðinni Seahawk er komin
á skipið, en í inniverunni í Reykjavík
á dögunum var henni lent á skipinu í
fyrsta sinn og verður hún hluti af
föstum búnaði þess.
Skipherrann á Triton
sem elti Polar Nanoq
„Já, við erum alltaf í talsverðum
samskiptum við Íslendinga; þá eink-
um Landhelgisgæsluna þegar kem-
ur að t.a.m. þyrluæfingum og öðrum
verkefnum. Einnig eigum við sam-
starf við lögregluna, eins og var síð-
asta vetur þegar stúlka var myrt hér
í Reykjavík,“ segir Niels sem var
skipherra á Triton sem veitti græn-
lenska togaranum Polar Nanoq eft-
irför langt vestur í haf eftir að ljóst
var að menn í áhöfn hans tengdust
hvarfi Birnu Brjánsdóttur.
„Það var ánægjulegt að geta lagt
lið í þessum aðgerðum, en vissulega
var þetta krefjandi því þegar við fór-
um á eftir togaranum var slæmt veð-
ur og aðstæður erfiðar. En þetta
verkefni varð bara að leysa og þetta
snerti mig sjálfan talsvert, enda á ég
dóttur á svipuðum aldri og íslenska
stúlkan sem var fórnarlambið í
þessu hörmulega máli. Við hér á
skipinu áttum svo eftir að fylgjast
talsvert með þessu máli, en áttuðum
okkur þó ekki fyrr en um síðir á því
hve stórt það var í öllum fréttum hér
og hreyfði mikið við þeirri friðsömu
þjóð sem Íslendingar eru,“ segir
Niels Ole Markussen.
Skipherrann í norðurhöfum
 Hvidbjørnen,
Vædderen og tvö
önnur varðskip
Morgunblaðið/Sigurður Bogi
Sjómaður Hafið er úfið en verkefnin verður að leysa, segir Niels sem hefur verið á dönsku varðskipunum í áratugi.
Hvidbjørnen (F360) er 112,3
metra langt skip og 14,4 metrar
á breidd. Alls eru 50 í áhöfn og í
yfirstandandi úthaldi eru karl-
arnir 48 en konurnar tvær. Skip-
ið er 3.500 tonn að stærð og
gengur 22 hnúta. Það er búið 76
mm fallbyssu í stefni og svo
nokkrum Stinger-eldflaugum
auk vélbyssna.
50 í áhöfn
3.500 TONNA SKIP