Morgunblaðið - 25.01.2018, Page 15

MORGUNBLAÐIÐ FIMMTUDAGUR 25. JANÚAR 2018 15FÓLK
Þarftu skjóta afgreiðslu á ein-
blöðungum, bæklingum, vegg-
spjöldum, skýrslum, eða nafn-
spjöldum? Þá gæti stafræna
leiðin hentað þér. Sendu okkur
línu og fáðu verðtilboð.
STAFRÆNT
Fjármögnun íslenskra sprota var
með líflegra móti á síðasta ári en
þrátt fyrir að fjárfestingar í sprotum
hafi verið fleiri en nokkru sinni fyrr
þá var fjárfest fyrir lægri upphæðir.
Þetta kemur fram í árlegri úttekt vef-
síðunnar Northstack sem Kristinn
Árni Lár Hróbjartsson ritstýrir:
„Fjárfestingum fjölgar milli ára úr
20 í 22 en á sama tíma eru upphæðir-
nar að minnka og fara úr samtals 56,6
milljónum dala árið 2016 niður í rúm-
lega 35,3 milljónir dala árið 2017,“ út-
skýrir Kristinn. „Við undan-skiljum
þó tilvik eins og 240 milljóna dala
risafjáröflun WuXi-NextCode hjá
Sequoia og réttara að tala um það
sem kínverskt fyrirtæki enda var það
keypt af kínverskum aðilum á sínum
tíma og rekið þaðan þó svo að Next-
Code sé enn með starfsstöð á Ís-
landi.“
Að mati Kristins má m.a. skýra
þróunina með því að meira er um að
innlendir fjárfestar leggi fé í sprota
sem komnir eru styttra á veg og
þurfa því á minna fjármagni að halda.
Stærri og þroskaðri sprotar séu
margir vel fjármagnaðir og hafi ekki
þurft á meiri stuðningi að halda á síð-
asta ári.
Sveiflurnar á milli ára geta verið
miklar og strax stefnir í að sprotarnir
muni taka inn mikið fjármagn á
þessu ári. „Það eru ekki liðnar nema
fjórar vikur af árinu og þegar búið að
tilkynna að þrjú fyrirtæki hafi safnað
samtals tæplega 26 milljónum dala:
Kerecis sem fékk 3 milljónir dala í
byrjun janúar, leikjafyrirtækið Solid
Clouds sem fékk 2,5 milljónir dala hjá
Kili og Oculis sem aflaði 20,3 milljóna
dala í fjármögnunarlotu og mun í
kjölfarið flytja höfuðstöðvar sínar til
Sviss. Árið 2018 gæti verið ár þar
sem fjárfestingarnar verða færri en í
fyrra, en upphæðirnar hærri.“
Þegar tölurnar eru skoðaðar virð-
ist sem fjármögnunarumhverfi ís-
lenskra sprota sé orðið nokkuð
þroskað, og alltént ekki að sjá að
hörgull sé á fjármagni. Kristinn tek-
ur undir þetta og bendir á að úttekt
Northstack nái ekki yfir þá fjár-
mögnun og stuðning sem sprotar hér
á landi fá t.d. í gegnum sprotahraðla
og Tækniþróunarsjóð. „Það er aldrei
auðvelt að fá fjárfesta á sitt band, en
það virðist vera að þeir sem hafa góða
hugmynd og gott teymi geti nokkuð
örugglega tryggt sér 20-100 milljónir
króna til að búa til vöru og láta á það
reyna hvort hún á erindi við mark-
aðinn.“
Þarf að laða að erlent fjármagn
Jenný Ruth Hrafnsdóttir, einn af
þremur stofnendum og eigendum
Crowberry Capital, segir að þróunin
virðist vera í rétta átt. Hún telur að
þakka megi auknum framlögum til
Rannís að sprotafyrirtækin eru oft
betur undirbúin en áður þegar þau
hefja leitina að fjárfestum.
Jenný bendir á að enn séu ekki
margir sjóðir hér á landi sem fjár-
festa í sprotum, en með stofnun
Crowberry á síðasta ári urðu sjóðir-
nir fjórir talsins. Eru sjóðirnir þannig
byggðir upp að þeir fjárfesta í þrjú til
fjögur ár en einbeita sér síðan að því
að fylgja fjárfestingum sínum eftir og
ráðast ekki í nýfjárfestingar á meðan,
og fjármögnun nýrra sprota í leit að
fjármagni því háð þessum sveiflum.
Að mati Jennýjar er brýnt að
renna enn sterkari stoðum undir fjár-
mögnun íslenskra sprota með því að
laða að erlent fjármagn. „Það var
mikilvægt fyrir okkur hjá Crowberry
að hafa það inni í fjárfestingarstefnu
okkar að af þeim tíu til tólf félögum
sem við munum fjárfesta í er mögu-
legt að eitt til tvö verði útlend. Með
því að fjárfesta erlendis til hliðar við
aðra sjóði er mun auðveldara að fá þá
inn í fjárfestingar í íslenskri nýsköp-
un og tækni. Þannig getum við ýtt
fyrirtækjunum lengra áfram þar sem
baklandið verður sterkara og að-
gangur að þekkingu og reynslu
margfaldast.“
Ekki þarf að finna upp hjólið í
þessum efnum, segir Jenný, heldur
hægt að fylgja góðum fordæmum er-
lendis: „Finnski sjóðurinn Tesi, sem
er sambærilegur við Nýsköp-
unarsjóð, ákvað að fjárfesta ekki að-
eins í finnskum sjóðum sem styðja við
nýsköpun og sprota heldur líka í sjóð-
um víðsvegar um Evrópu, en það
fjármagn er skilyrt þannig að einhver
hluti þess þarf að fara til finnskra
nýsköpunarfyrirtækja. Það hefur
enda sýnt sig að þegar Finnar eru í
hópi bakhjarla sprotafjárfesting-
arsjóða, þá líta þeir meira til finnskra
fjárfestingartækifæra en þeir myndu
ella gera.“
Ísraelarnir gengu enn lengra og
buðu erlendum fjárfestum rausnar-
legt mótframlag gegn fjárfestingu í
sjóðum sem fjárfesta í nýsköpun.
„Það olli gífurlegri aukningu í er-
lendri fjárfestingu í ísraelskum ný-
sköpunarfyrirtækjum. Síðan minnk-
aði smám saman þörfin fyrir aðkomu
ríkisins, en áhugi erlendra fjárfesta
hélst óbreyttur enda búið að byggja
upp öflugt sjóðaumhverfi.“
Sprotar virðast vel fjármagnaðir
Ásgeir Ingvarsson
ai@mbl.is
Sprotar byrjuðu árið af
krafti og fengu þrjú fyrir-
tæki samtals 26 milljóna
dala fjármögnun í janúar.
Brýnt er að styrkja fjár-
mögnunarumhverfið hér á
landi með meiri þátttöku
erlendra sjóða.
Jenný Ruth
Hrafnsdóttir
Kristinn Árni Lár
Hróbjartsson
Morgunblaðið/Golli
Mynd úr safni af nemendum í nýsköpunaráfanga hjá FB. Fjármögnunar-
umhverfi sprota hér á landi hefur batnað mikið á undanförnum árum.
SPROTAR
Expectus Guðrún Eydís Jónsdóttir hefur verið ráðin
hugbúnaðarsérfræðingur hjá Expectus Software. Fyrir-
tækið, sem er dótturfélag Expectus, sérhæfir sig í þróun á
hugbúnaðarlausnum exMon og exTables.
Guðrún Eydís er með BS-gráðu í hugbúnaðarverkfræði
frá Háskóla Íslands og MS-gráðu frá Chalmers University of
Technology sem hún lauk á nýliðnu ári.
Í tilkynningu frá Expectus kemur fram að markaðurinn hér á landi hafi tek-
ið vel í hið íslenska exMon-rauntímaeftirlitskerfi en það er hluti af þeim
lausnum sem Expectus býður upp á og tengjast mælaborðum og stjórn-
endaupplýsingum.
Þá hefur Garðar Ingi Reynisson einnig gengið til liðs við
Expectus sem ráðgjafi og sérfræðingur í áætlanagerð og
rekstrarhagkvæmni. Lýtur starf hans meðal annars að verk-
efnum tengdum áætlanakerfinu Kepion.
Garðar er með BS-gráðu í hátækniverkfræði frá Háskól-
anum í Reykjavík og MS-gráðu í rekstrarverkfræði frá sama
skóla.
Expectus var fyrst íslenskra fyrirtækja til að uppfylla skilyrði sem
Microsoft Gold Partner á sviði viðskiptagreindar, að því er fram kemur í
tilkynningu, auk þess að vera eini aðilinn á Íslandi sem hefur vottun til
að veita þjónustu á sviði innleiðingar stefnu með 4DX-aðferðafræði
FranklinCovey.
Nýir sérfræðingar í ráðgjöf og upplýsingatækni
Landsbankinn Arn-
heiður Klausen Gísla-
dóttir hefur verið ráð-
in í starf forstöðu-
manns Fyrirtækja-
miðstöðvar Lands-
bankans. Miðstöðin, sem er staðsett
í Borgartúni, sinnir málefnum minni
og meðalstórra fyrirtækja á höfuð-
borgarsvæðinu. Þar eru starfsmenn
fyrirtækjaþjónustu bankans á höfuð-
borgarsvæðinu staðsettir. Arnheiður
er með BS-gráðu í viðskiptafræði frá
Háskóla Íslands. Við útskrift árið
2000 hóf hún störf sem sérfræðingur
í útlánamati fyrir útibú Landsbank-
ans. Hún varð útibússtjóri í Austur-
bæjarútibúi, síðar Borgartúnsútibúi,
árið 2007 og hefur gegnt starfi
svæðisstjóra í miðstöðinni frá 2014.
Nýr forstöðumaður
fyrirtækjamiðstöðvar
VISTASKIPTI