Morgunblaðið - 05.01.2018, Blaðsíða 21

A
f nýjum námskeiðum dettur
mér helst í hug að nefna að
í febrúar verðum við með
námskeið í því að búa til ra-
men-núðlur, segir Sigríður Björk,
eða Sirrý, þegar við tökum tal sam-
an um allt það lystaukandi námsefni
sem í boði er hjá Salt eldhúsi á vor-
önn. „Kennarinn á námskeiðinu er
frá Tíbet, heitir Kunsang Tsering
og hann nam listina að búa til ra-
men í Osaka í Japan. Þess má einn-
ig geta að hann rekur hinn vinsæla
veitingastað Ramen Momo í miðbæ
Reykjavíkur. Við hlökkum mikið til
að sjá námskeiðin frá honum og auk
ramen-núðlanna ætlar hann að vera
með annað þar sem þátttakendur
læra að búa til „dumplings“ alveg
frá grunni, gera deigið og allt. Það
námskeið verður í mars.“
Ekki verður hjá því komist að
spyrja Sirrý hvort komin sé fram á
sjónarsviðið nothæf þýðing á enska
heitinu dumplings en hún segist
ekki vita til þess, enda sé enska orð-
ið í almennri notkun. Áhugasömum
má þó benda á til útskýringar að
um er að ræða lítil deig-umslög með
einhvers konar fyllingu, sem eru
ýmist steikt, gufusoðin eða djúp-
steikt. Hvert slíkt umslag er yf-
irleitt munnbiti að stærð.
Gagn og gaman fyrir alla
Sirrý heldur áfram: „Svo verðum
við með ostagerðarnámskeið og
brauðgerðarnámskeið í vor. Við er-
um búin að vera með námskeið í
súrdeigsbrauðgerð lengi og það er
mjög vinsælt og nú bætum við
framangreindum námskeiðum við.“
Aðspurð hvaða ostategundir séu
þarna á döfinni segir hún að kennt
verði að búa til ricotta, halloumi og
mozzarella.
„Einnig gerum við heimagert
smjör og sitthvað fleira spennandi.“
Hér kann ef til vill einhverjum
lesendum að þykja verkefnin
hljóma helst til krefjandi og hætta
sér þar af leiðandi ekki á námskeið
en Sirrý segir slíkar áhyggjur
óþarfar.
„Þetta er allt saman matvara sem
hver sem er getur tileinkað sér að
búa til og maður þarf alls ekki að
vera neitt undrabarn í matargerð til
að ráða við þessi námskeið. Þau eru
hugsuð og hönnuð til að allir geti
haft gagn og gaman af. Við kennum
alltaf í hópum og leggjum metnað
okkar í að allir geti lært eitthvað og
taki einhvern fróðleik og kunnáttu
með sér af námskeiðinu. Það skiptir
okkur máli að fólk læri eitthvert
handbragð á öllum námskeiðunum
sem við erum með þannig að það sé
eitthvað sem þátttakendur taka
með sér heim í viðbót við uppskrift-
irnar. Það er atriði sem við höfum
alltaf lagt mikla áherslu á.“
Vinsældir ganga í bylgjum
Námskeiðin hjá Salt eldhúsi ættu
ekki að setja ýkja mikið strik í
reikninginn hjá fólki sem telur tíma
sinn takmarkaðan til tómstunda.
Flest námskeiðin taka bara eitt
kvöld og fer kennslan alla jafna
fram frá klukkan 17:00 til 21:00.
„Svo höfum við verið að bæta við
námskeiðum á laugardögum og það
hefur verið vinsælt. Þá hefjast nám-
skeiðin klukkan 11:00.“
Salt eldhús hefur verið starfandi í
um fimm ár og þegar Sirrý lítur um
öxl – eins og gjarna er við hæfi um
áramót – og rifjar upp vinsælustu
námskeiðin í starfseminni þarf hún
að hugsa sig um í stutta stund.
„Það eru náttúrlega alltaf ein-
hverjar dellur í gangi frá einu tíma-
bili til annars. Einu sinni var varla
hægt að halda nógu mörg sushi-
námskeið, slíkar voru vinsældirnar,
svo var bjórgerð í heimahúsum
mjög vinsæl. Þetta gengur í bylgj-
um sem gefa síðan eftir. Súrdeigið
er búið að vera vinsælt mjög lengi
og franskar makrónur, það er aldrei
nógu mikið af þeim,“ bætir Sirrý við
og brosir. „Svo er það indverska
námskeiðið hjá okkur, það hefur
alltaf verið ofsalega vinsælt.“
Aðspurð hvers vegna hún telji
indverskan mat eiga svo greiða leið
að hjörtum okkar Íslendinga segir
hún hann yfirleitt bragðmikinn,
kjarngóðan og yljandi.
Það eru lýsingarorð sem falla Ís-
lendingum í geð, ekki síst yfir vetr-
armánuðina!
„Svo er indverskur matur bara
svo hollur og næringarríkur enda
mikið í honum af grænmeti og
baunum.“
Steik elduð eins og best verður
á kosið – og sósan með
Kjötæturnar fá svo nokkuð fyrir
snúð sinn í vor en þá verður tvívegis
haldið námskeið sem ber hið efni-
lega nafn „Hin fullkomna steik“ í
viðbót við sous-vide námskeiðin sem
hafa notið mikilla vinsælda upp á
síðkastið. Það er Matthías Þór-
arinsson matreiðslumaður sem
kennir á námskeiðinu og þar er
reynslubolti á ferð sem kann sitt fag
enda búinn að vera kokkur meðal
annars á veitingastaðnum í Perlunni
í mörg ár.
„Hágæða steik er ekki ódýrt hrá-
efni og því vel þess virði að læra
handtökin við matreiðsluna svo út-
koman verði eins góð og hráefni
býður frekast upp á. Matthías kenn-
ir þátttakendum líka að búa til ljúf-
fenga sósu sem fer vel með kjötinu.
Þá fer hann vel í öll undirstöðuatriði
hvað varðar mismunandi vöðva af
nautinu og hvaða matreiðsla hentar
hverjum hluta best. Það taka allir
heilmikla þekkingu með sér af
þessu námskeiði.“
Að læra að elda frá grunni
Þó námskeiðin séu fjölbreytt að
innihaldi og umfjöllunarhráefni þá
segir Sirrý það gegnumgangandi
hugsun námskeiðshaldara og kenn-
ara að kenna fólki að elda sjálft og
þó einkum að elda frá grunni.
„Við leggjum á það áherslu að
fólk læri að elda frá grunni án auka-
efna svo það geti nært sjálft sig,
kunni að umgangast hráefnið sem
það kaupir og geti nýtt það eins og
best verður á kosið.“
Að læra að
elda frá grunni
Sem fyrr eiga fróðleiksfúsir sælkerar sér heima-
höfn hjá Salt eldhúsi. Þar verða margvísleg mat-
reiðslunámskeið í boði á vorönn, sívinsælir góð-
kunningjar í bland við nýtt efni og spennandi,
eins og Sigríður Björk Bragadóttir, matreiðslu-
maður og eigandi, segir frá.
Morgunblaðið/Kristinn Magnússon
Hagnýtt „Við kennum alltaf í hópum og leggjum metnað okkar í að allir geti lært eitthvað og taki einhvern fróðleik og kunn-
áttu með sér af námskeiðinu. Það skiptir okkur máli að fólk læri eitthvert handbragð,“ segir Sirrý um námskeið Salt eldhúss.
Vinnubrögð „Við leggjum á það áherslu að fólk læri að elda frá grunni án aukefna
svo það geti nært sjálft sig, kunni að umgangast hráefnið sem það kaupir og geti
nýtt það eins og best verður á kosið.“
FÖSTUDAGUR 5. JANÚAR 2018 MORGUNBLAÐIÐ 21
SÖNGSKÓLINN ÍREYKJAVÍK
SÖNGUR LÉTTIR LUND
SÖNGLÖG - ÓPERA - SÖNGLEIKIR - ÞJÓÐLÖG - DÆGURLÖG
EINSÖNGUR - SAMSÖNGUR - KÓRSÖNGUR
Í boði: Fullt nám, hálft nám og námskeið
Sími: 552-7366
www.songskolinn.is