Morgunblaðið - 12.01.2018, Page 2

ÍS
L
E
N
S
K
A
S
IA
.I
S
S
F
G
42
04
0
04
.2
00
8
EM í handbolta karla 2018
MORGUNBLAÐIÐ FÖSTUDAGUR 12. JANÚAR 2018
2
EM 2018
Víðir Sigurðsson
vs@mbl.is
Annað árið í röð fer íslenska karlalandsliðið í
handknattleik á stórmót þar sem vænting-
arnar eru í lágmarki. Fæstir bjuggust við því
að liðið færi langt á heimsmeistaramótinu í
Frakklandi í janúar 2017 og raunin varð sú að
það féll út fyrir heimamönnum í sextán liða úr-
slitum. Landsliðsmennirnir gátu eftir sem áð-
ur borið höfuðið þokkalega hátt þegar þeir
héldu heimleiðis.
Sennilega er enn síður reiknað með stór-
kostlegum árangri á Evrópumótinu í Króatíu
sem hefst í dag. Takist íslenska liðinu að forð-
ast að lenda í neðsta sæti A-riðilsins, þar sem
það mætir Svíþjóð, Króatíu og Serbíu, og kom-
ist með því í milliriðil mótsins er það þegar bú-
ið að ná lengra en væntingar flestra standa til.
Þá verður framhaldið skemmtilegur bónus,
leikir við Frakkland og Noreg, og annaðhvort
Hvíta-Rússland eða austurrísku strákana hans
Patreks Jóhannessonar, svo framarlega sem
B-riðillinn spilast samkvæmt „bókinni“.
Fyrir HM í Frakklandi var talað um að ver-
ið væri að hefja uppbyggingu til framtíðar og
það er áfram á dagskránni. Tveir í hópnum
hafa aldrei spilað á stórmóti og fjórir til við-
bótar hafa ekki áður tekið þátt í lokakeppni
EM. Það er umtalsverð breyting frá fyrri ár-
um þegar Ísland var komið með eitt reyndasta
landslið heims og hafði innbyrt silfur- og
bronsverðlaun á stórmótum. Leikmenn sem
hafa komið inní hópinn á síðustu tveimur til
þremur árum eru komnir í stærri hlutverk og
fá í Króatíu tækifæri til að þróast og þroskast
enn frekar í sínum hlutverkum. Þeir fá
ómetanlega reynslu.
En metnaður leikmanna og þjálfara nær
vafalítið lengra en bara til þess að vera með og
kannski nær liðið að koma á óvart, nýta sér að
fáir skuli hafa trú á því og enda ofar á töflunni
en því er spáð. Hver veit.
Á síðustu árum hafa íslensk landslið í fleiri
íþróttagreinum en handknattleik komist í
lokakeppni stórmóta. Áhuginn og athyglin
hafa beinst í aðrar áttir en þegar handbolta-
strákarnir áttu sviðið, og handboltastúlkurnar
komust líka tvisvar í lokakeppni. Þetta er ekki
auðvelt hlutskipti. Það er hinsvegar til marks
um þann glæsilega árangur sem handbolta-
landsliðið hefur náð, með því að vera framar-
lega í flokki í Evrópu og í heiminum allt frá
sínu fyrsta stórmóti árið 1958, að það þyki eng-
ar fréttir að það skuli vera á meðal þátttöku-
liða á EM í Króatíu. Þó var leiðin þangað löng
og ströng og með naumindum að Ísland náði
að tryggja sér keppnisréttinn á mótinu.
Það er til marks um sterka stöðu íslensks
handbolta í heiminum að nítján prósent þátt-
tökuliða á EM eru með íslenska þjálfara. Fyrir
utan Geir Sveinsson er Patrekur mættur með
lið Austurríkis og Kristján Andrésson með lið
Svíþjóðar. Kristján er einmitt andstæðingur í
fyrsta leiknum í kvöld. Þýskaland varð Evr-
ópumeistari 2016 undir stjórn Dags Sigurðs-
sonar. Reyndasti leikmaður Dana er ættaður
frá Íslandi. Á Asíumótið síðar í þessum mánuði
mæta tvö lið með íslenska þjálfara við stjórn-
völinn. Dagur stýrir liði Japans og Guðmundur
Þ. Guðmundsson er landsliðsþjálfari Barein.
Þetta er ekkert annað en magnað. „Sturluð
staðreynd“ eins og einhver myndi orða það!
Morgunblaðið og mbl.is fjalla að vanda ít-
arlega um EM. Kristján Jónsson íþrótta-
fréttamaður er kominn til Split og flytur frétt-
ir af mótinu á báðum miðlum. Á mbl.is er
sérstakur EM-vefur með öllum fréttum frá
Króatíu. Segja má að keppnin hefjist með
þessu EM-blaði þar sem handknattleiks-
áhugamenn fá allar helstu upplýsingar um
keppnina, liðin og eitt og annað sem tengist ís-
lenska liðinu og sögu þess á fyrri mótum. Ís-
land mætir Svíþjóð í fyrsta leiknum í Split
klukkan 17.15 í dag. Góða skemmtun.
Morgunblaðið/Árni Sæberg
Ungur Janus Daði Smárason er í fararbroddi
hjá ungu kynslóðinni í landsliði Íslands og er
þegar kominn í stórt hlutverk í liðinu.
Næsta skref uppbyggingarinnar
ÞJÁLFARINN
Kristján Jónsson
Split
„Ég er enginn Gaui,“ sagði Geir
Sveinsson landsliðsþjálfari og hló
þegar Morgunblaðið innti hann eftir
því hversu oft hann hefði verið
fulltrúi Íslands á stórmótum sem
leikmaður og þjálfari. Átti hann þar
vitaskuld við fyrirliðann Guðjón Val
Sigurðsson sem keppt hefur fyrir
A-landsliðið á stórmótum síðan alda-
mótaárið 2000.
Þegar Guðjón fékk tækifæri á EM
í Króatíu árið 2000 var Geir einmitt
nýbúinn að láta staðar numið sem
leikmaður eftir flottan landsliðsferil.
„Stórmótin hjá mér eru líklega komin
á annan tuginn en það sem vantar hjá
mér eru Evrópumótin. Það var varla
búið að finna þá keppni upp þegar ég
var að spila. Ísland fór í fyrsta skipti á
EM árið eftir að ég hætti í landslið-
inu,“ sagði Geir.
Spurður um hver munurinn sé að
vera á stórmóti sem leikmaður eða
þjálfari segir Geir þjálfarana hafa
mun fleiri verkefni á sinni könnu eins
og gefur að skilja.
„Munurinn er auðvitað gríðarlega
mikill. Sem leikmaður er maður hluti
af hópnum og maður einbeitir sér þar
töluvert að því að vera sjálfur í lagi. Á
mörgum stórmótum var ég reyndar
fyrirliði og þá hafði ég fleiri skyldum
að gegna. Sem þjálfari er þetta allt
önnur vinna. Ég hef oft sagt í gríni að
það sé djók að vera leikmaður miðað
við það að vera þjálfari en öllu gríni
fylgir þó einhver alvara. Sem þjálfari
þarf maður að vera skrefinu á undan.
Skipuleggja þarf allar æfingar og
hvað skal ræða á öllum fundum. Ég
kvarta ekki því þjálfarastarfið er
skemmtilegt þótt það sé öðruvísi en
hlutverk leikmannsins.“
Fólki þykir gaman að horfa
Handboltalandsliðið á sérstakan
stað í hjörtum Íslendinga og þannig
hefur það verið um langa hríð. Kann
Geir einhverja skýringu á því?
„Lengi vel var þetta nánast eina
íþróttin þar sem við gátum virkilega
látið ljós okkar skína á alþjóðavett-
vangi. Kannski hafði það sitt að segja.
Hvað boltagreinarnar varðar þá hafa
fleiri greinar komið sterkar inn á Ís-
landi og samkeppnin því aukist. Ég
held að handboltinn hafi hins vegar
alltaf hentað okkur Íslendingum vel.
Bæði sem stemningsíþrótt en einnig
skemmtileg fyrir leikmennina. Í
gegnum tíðina hefur okkur tekist að
skapa okkur þennan sess að fólki
þykir gaman að horfa á landsliðið.
Það væri kannski svolítið tómlegt ef
ekki væri stórmót á dagskrá hjá Ís-
lendingum í janúar,“ benti Geir á.
Gaman að spila við Svía
Varðandi riðil Íslands á EM sem
fram fer í Split þá segir Geir ljóst að
hann sé mjög erfiður en þar leika auk
Íslendinga: Króatar, Serbar og Svíar
eins og rækilega kemur fram hér í
EM-blaðinu.
„Auðvitað er riðillinn mjög erfiður
en ég get líka sagt það um annan
riðil í mótinu þar sem eru Spánn,
Danmörk, Ungverjaland og Tékk-
land. Þetta er niðurstaðan og hún
hefði getað verið betri en einnig
verri. Það verður gaman að spila við
Svía enda grannþjóð og svo er
heimaþjóðin í okkar riðli. Serbar eru
auk þess nánast heimaþjóð enda er
Serbía næsti bær við. Ég held að
verkefnið sé skemmtilegt, bæði ef
maður horfir á liðin og staðsetn-
inguna. Ég gæti trúað að við værum
á einum skemmtilegasta staðnum
hvað stemninguna varðar. Eftir því
sem ég kemst næst er þetta mikil
íþróttaborg og höllin stór og góð. Ég
hlakka því bara til.“
Í hvern leik til að vinna
Spurður um hvaða væntingar hann
fari með inn í EM segist Geir vera
þannig gerður að hann vilji vinna alla
leiki. „Ég er alinn upp við að vænting-
arnar eru alltaf þær að fara í hvern
einasta leik til að vinna. Það tekst
ekki alltaf og þar af leiðandi fylgja
vonbrigði sumum leikjum. Á móti liði
eins og Þjóðverjum á dögunum verð-
ur maður raunsærri enda er það gríð-
arlega öflugt lið að eiga við. Þýska-
land er klárlega lið sem getur orðið
Evrópumeistari að mínu mati og það
kæmi gríðarlega á óvart ef Þjóð-
verjar yrðu ekki í undanúrslitunum.
Ég vil sjá okkur standa okkur vel og á
móti eins og EM vil ég auðvitað ná
sem lengst,“ sagði Geir Sveinsson í
samtali við Morgunblaðið. kris@mbl.is
Væri svolítið tómlegt
 Ófá stórmótin að baki hjá þjálfaranum Geir Sveinssyni  Er þó á leið á EM í fyrsta skipti  Telur
handboltaíþróttina henta Íslendingum vel  Á von á góðri stemningu hjá heimamönnum í Split
Morgunblaðið/Árni Sæberg
Stjórnandi Geir lék sjálfur 340 landsleiki á sínum tíma og er þetta annað stórmótið hans sem landsliðsþjálfari.