Morgunblaðið - 02.05.2018, Page 36

MIÐVIKUDAGUR 2. MAÍ 122. DAGUR ÁRSINS 2018
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 608 KR. ÁSKRIFT 6.597 KR. HELGARÁSKRIFT 4.119 KR. PDF Á MBL.IS 5.851 KR. I-PAD ÁSKRIFT 5.851 KR.
1. Ásmundur svarar öllum
2. Segir Melaniu Trump ekki …
3. 10 þúsund miðar seldir á Guns …
4. Ótrúleg saga af íslensku …
»MEST LESIÐ Á mbl.is
FÓLK Í FRÉTTUM
 Harpa Björnsdóttir flytur
fyrirlesturinn „Bróderað landslag“ á
vegum Listfræðafélags Íslands í dag
kl. 12 í Safnahúsinu við Hverfisgötu.
Harpa mun fjalla um sérkennileg
myndverk frá árunum 1914-1956, þar
sem himinn og vatn er málað en
landslag saumað út með listsaumi og
kallast verkin á við þá landslags-
dýrkun sem kom fram hjá íslenskum
listmálurum á sama tíma og tengist
sjálfstæðisbaráttu og styrkingu á
sjálfsmynd þjóðar sem rís á þessum
árum til fullveldis og síðar til fulls
sjálfstæðis, að því er fram kemur í til-
kynningu, en sýning á nokkrum slík-
um verkum verður opnuð í Safna-
safninu um miðjan maí og er Harpa
sýningarstjóri hennar.
Harpa hefur starfað sem mynd-
listarmaður frá árinu 1983, var verk-
efnastjóri Menningarnætur í Reykja-
vík 1997 og 1998 og framkvæmda-
stjóri Listahátíðar í Reykjavík
1999-2000. Hún hefur einnig verið
sýningarstjóri fjölmargra sýninga.
Bróderað landslag
í Safnahúsinu
 Sýning á verkum þriggja meistara
íslenskrar abstraktmálunar, þeirra
Nínu Tryggvadóttur (1913-1968),
Guðmundu Andrésdóttur (1922-
2002) og Þorvalds
Skúlasonar (1906-
1984), verður opnuð
á morgun í i8 gall-
eríi við Tryggvagötu
sem jafnan sýnir
verk samtíma-
myndlist-
armanna.
Þrír meistarar ab-
straktsins í i8
Á fimmtudag Suðvestlæg átt, 8-15 m/s með rigningu eða slyddu,
en éljum sunnan- og vestanlands síðdegis. Úrkomulaust norðaust-
anlands. Hiti 1 til 8 stig að deginum, mildast austantil.
SPÁ KL. 12.00 Í DAG Suðaustan 5-10 m/s og slydda eða rigning
með köflum austantil en styttir upp í kvöld. Hiti 1 til 7 stig að deg-
inum, mildast suðaustanlands, en víða næturfrost inn til landsins.
VEÐUR
Tíu úrvalsdeildarlið tryggðu
sér sæti í 16 liða úrslitum
Mjólkurbikars karla í fót-
bolta í gær, en tvö féllu úr
leik. Valur sló nýliða Kefla-
víkur úr leik með 2:0-
heimasigri og Stjarnan hafði
betur á móti Fylki á heima-
velli, 2:1. Átta úrvalsdeildar-
lið höfðu betur gegn liðum í
deildunum fyrir neðan og
voru úrslitin samkvæmt bók-
inni. 2. deildar lið Kára er
einnig komið áfram. »2
Báðir nýliðarnir
úr leik í bikar
„Það er grafalvarlegt mál að saka
mann um að vera ofbeldismaður. Því
er ekki kastað fram í hálfkæringi eða
að gamni sínu til þess að koma höggi
á andstæðing sinn. Þetta eru þungar
og alvarlegar ásakanir,“ segir Magn-
ús Stefánsson, fyrirliði deildar- og
bikarmeistara ÍBV í handknattleik
karla, sem var fyrir helgina
úrskurðaður í tveggja
leikja keppnisbann af
aganefnd HSÍ. »1
Þetta eru þungar og
alvarlegar ásakanir
„Það var töluvert bras á KR-liðinu í
vetur. Það komu stundir þar sem
maður efaðist um liðið. Það var deyfð
yfir öllu saman og hungrið virtist
vera farið. Það var farið að örla á pirr-
ingi og samstaðan var lítil,“ skrifar
Benedikt Guðmundsson, körfubolta-
sérfræðingur Morgunblaðsins, sem
fjallar um Íslandsmeistara KR í karla-
flokki í blaðinu í dag. »4
Komu stundir þar sem
maður efaðist um liðið
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Þorgerður Anna Gunnarsdóttir
thorgerdur@mbl.is
„Þetta er náttúrlega ekki bara ég, við erum stórt
teymi á Rannsóknarstofu Háskólans og Landspít-
alans í öldrunarfræðum. Þetta er viðurkenning
fyrir okkur öll,“ segir Ólöf Guðný Geirsdóttir sem
stödd er í Ósló til þess að taka á móti verðlaunum,
en hún hefur verið valin efnilegasti vísindamaður í
öldrunarrannsóknum á Norðurlöndum. Af sama
tilefni var hún valin til þess að flytja heiðurs-
fyrirlestur á 24. norrænu ráðstefnu í öldrunar-
fræðum, sem nú stendur yfir í Noregi.
Ólöf Guðný er með doktorspróf í næringarfræði
og er verkefnastjóri á Rannsóknarstofu Háskóla
Íslands og Landspítala í öldrunarfræðum, auk
þess sem hún er dósent við Matvæla- og næring-
arfræðideild Háskólans.
Hún segir það mikinn heiður að hljóta þessi
verðlaun. „Með þeim er m.a. verið að horfa til
verkefnis sem við byrjuðum með 2008 og lauk árið
2010 en við erum enn að skrifa greinar úr því. Það
kallast IceProQualita, en við vorum með eldra
fólk í þjálfun í þrjá mánuði og skoðuðum áhrif pró-
teina á vöðvauppbyggingu. Það sem kom okkur
mjög á óvart, en hefði kannski ekki átt að gera
það, var að eina skýringin hjá þeim þátttakendum
sem náðu ekki árangri var að þeir borðuðu ekki
nóg.
Við köllum það megrun þegar við erum ung og
viljum komast í kjólinn fyrir jólin, en þetta er
mjög alvarlegt hjá eldra fólki þegar það fer að
missa vöðvana. Skilaboðin eru þau að hreyfing og
styrktarþjálfun er mjög mikilvæg, en við þurfum
samt að tryggja það að grunnþörf eins og að borða
nóg og rétt samsett sé í lagi. Við erum að hugsa
um annað en að komast í kjólinn fyrir jólin, við er-
um að hugsa um lífsgæði og að fólk geti búið leng-
ur heima hjá sér,“ segir Ólöf Guðný. Í kjölfarið er
rannsóknarstofan að skoða vannæringu aldraðra,
og er að byrja með risastórt verkefni þar sem far-
ið er heim til fólks og því gefinn matur sem mat-
vælafyrirtæki hafa verið að þróa sérstaklega fyrir
aldraða. „Við þurfum öll að borða, þó við séum 99
ára, og við þurfum öll að passa að fá nauðsynlega
næringu.“
Ólöf Guðný segir rannsóknarstarf á Íslandi
sambærilegt og í öðrum löndum, en að hér á landi
séum við allt að 15 til 20 árum á eftir þegar kemur
að umönnun og þjónustu við aldraða. „Við þurfum
að vera miklu duglegri að koma þeirri þekkingu
sem við höfum til þeirra sem þurfa að vinna með
hana.“
Ólöf Guðný tekur á móti verðlaununum í dag en
flytur heiðursfyrirlestur á föstudag. Hún kveðst
vera nokkuð kvíðin fyrir fyrirlestrinum. „Ég kann
að tala um vísindi en þetta er eitthvað sem ég hef
aldrei gert áður og er bara frekar mikið stressuð,“
segir hún og hlær.
Hún segir mjög ánægjulegt að hafa séð hversu
margir voru á leið á ráðstefnuna frá Íslandi. „Ég
veit ekki hversu margir eru eftir heima til þess að
vinna innan um aldraða því það var allavega hálf
flugvél af fólki í öldrunargeiranum á leiðinni á
ráðstefnuna. Það hafa allir áhuga á þessari þekk-
ingu og vilja gera betur, sem er mjög jákvætt.“
„Erum að hugsa um annað en
að komast í kjólinn fyrir jólin“
Ljósmynd/Landspítali
Efnileg Ólöf Guðný ásamt fleirum frá rannsóknarstofunni auk doktorsnema í næringarfræði.
 Ólöf Guðný er efnilegasti
vísindamaður í öldrunar-
fræðum á Norðurlöndum
Verðlaunin hlaut Ólöf í kjölfarið á tilnefningu
frá Félagi íslenskra öldrunarlækna og Öldr-
unarfræðafélagi Íslands í tilefni þess að Ís-
lendingar halda norrænu ráðstefnuna í öldr-
unarfræðum árið 2020. Íslenskar
öldrunarrannsóknir verða mjög áberandi á
öldrunarráðstefnunni í Ósló, en frá Rann-
sóknarstofu Háskóla Íslands og Landspít-
alans fara alls sjö manns og verða með erindi
eða veggspjöld sem tengjast verkefnum sem
þar er unnið að.
Öldrunarráðstefn-
an á Íslandi 2020
SJÖ ÍSLENDINGAR MEÐ ERINDI Í ÓSLÓ