Morgunblaðið - 22.05.2018, Blaðsíða 4

4 | MORGUNBLAÐIÐ
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Kraftvélar buðu nýverið til hittings í
húsakynnum sínum við Dalveg í
Kópavogi þar sem tilefnið var frum-
sýning og um leið formleg afhending
á fyrsta eintakinu af Iveco Daily
Electric, fyrsta 100% rafmagns-
bílnum í flokki stærri sendibíla. Við
sama tækifæri kynnti fyrirtækið til
leiks sendibíl ársins, Iveco Daily
Blue Power en línan inniheldur þrjá
aflgjafa framtíðarinnar, eins og þeir
eru kynntir til sögunnar; Daily er
sem fyrr segir 100% rafmagnsbíll,
Daily Hi-Matic er metanbíll og Daily
dísil Euro 6 RDE Ready er díselbíll.
Hugsaður fyrir þéttbýlið
„Þessi vörulína er fyrst og fremst
hugsuð til notkunar í þéttbýli til að
draga þar úr mengun,“ útskýrir Ívar
Þór Sigþórsson, sölustjóri atvinnu-
bifreiða hjá Kraftvélum. „Víða í stór-
borgum erlendis hafa nú þegar verið
settar takmarkanir á notkun at-
vinnubíla innan borgarmarkanna til
að stemma stigu við útblást-
ursmengun og hér er komin vörulína
sem nýtist fullkomlega í hvaða þétt-
býli sem vera skal því bílarnir
menga ekki eins og aðrir atvinnubíl-
ar sem brenna hefðbundnu jarð-
efnaeldsneyti.“ Ívar bætir því við að
markmiðið hjá Iveco með nýju lín-
unni hafi verið að bjóða upp á at-
vinnubíla sem standast allar kröfur
fyrirtækja til bíla sinna, en koma um
leið til móts við ströngustu umhverf-
isviðmið.
„Það er ennfremur gaman að geta
þess að árið 2015 var Iveco Daily
valinn sendibíll ársins, og þá með
þessu sama útliti, og nú þremur ár-
um seinna hreppir hann aftur sömu
verðlaunin. Það má því halda því
fram með góðu móti að þeir séu að
gera eitthvað rétt,“ bætir Ívar við.
Umrædd verðlaun eru á alþjóðavísu
kosin af dómnefnd bílablaðamanna
frá 25 löndum.
Svara kalli nútímans
Aðspurður segir Ívar að Daily raf-
magnsbíllinn sé með allt að 200 km.
raundrægni og 2 tíma hrað-
hleðslumöguleika. Koltvísýrings-
útblásturinn er vitaskuld 0%.
„Daily Blue Power metan er svo
með allt að 400 kílómetra drægni
með HI-Matic 8 gíra sjálfskiptingu
og gefur dísilvélum ekkert eftir
varðandi afl ásamt því að vera hljóð-
látari heldur en hefðbundin dísilvél
og það sem meira er, metan losar
95% minna af CO2 heldur en dís-
ilbíll,“segir Ívar.
Loks eru Daily dísil Euro6 RDE
Ready dísilbílarnir tilbúnir fyrir
LCV mengunarstaðla þá er taka
gildi í Evrópu árið 2020. „Þeir eru
með allt að 7% lægri eldsneyt-
iseyðslu en núverandi dísilbílar og
leggja línurnar fyrir komandi fram-
tíð,“ bendir Ívar á.
Það var Veitur ohf sem tóku á
móti fyrsta Daily Blue Power Elect-
ric 100% rafmagnsbílnum. „Veitur
ohf er dótturfélag Orkuveitu
Reykjavíkur sem hafa sýnt frum-
kvæði meðal íslenskra fyrirtækja í
að taka í notkun umhverfisvæna at-
vinnubíla,“ bendir Ívar á að lokum.
jonagnar@mbl.is
Kraftvélar kynna orkugjafa framtíðar frá Iveco
Umhverfisvænir
fyrir þéttbýlisakstur
Morgunblaðið/Árni Sæberg
Iveco Daily Blue Power en línan inniheldur þrjá aflgjafa framtíðarinnar, eins og þeir eru kynntir; Daily er sem
fyrr segir 100% rafmagnsbíll, Daily Hi-Matic er metanbíll og Daily dísil Euro 6 RDE Ready er díselbíll.
Fjölmenni var við frumsýninguna hjá Kraftvélum enda verður umræðan
um vistvæna atvinnubíla og útblástursmengun í þéttbýli sífellt háværari.
„Þessi vörulína er fyrst og fremst hugsuð til notkunar í þéttbýli til að
draga þar úr mengun,“ útskýrir Ívar Þór, sölustjóri hjá Kraftvélum.
Markmiðið hjá Iveco með nýju línunni er að bjóða upp á umhverfisvæna
valkost sem standast um leið allar kröfur fyrirtækja til atvinnubíla sinna.
Það vakti athygli í Moskvu að Vla-
dímír Pútín mætti á nýrri og býsna
stórri límúsínu til athafnarinnar þar
sem hann sór embættiseið við upp-
haf nýs sex ára kjörtímabils sem for-
seti Rússlands.
Það markaði nýja tíma í Rússlandi
er kubbslaga kolsvarta glæsi-
bifreiðin leið yfir Rauða torgið og
skilaði Pútín til athafnarinnar í
Kremlín. Bíllinn er af gerðinni Cor-
tege og leysir af hólmi þýskan bíl af
gerðinni Mercedes Maybach sem
Pútín hefur notað hingað til.
Það er afturhvarf til fyrri tíma er
sovéskir og rússneskir leiðtogar
brúkuðu ZIL-límúsínur til ferða-
laga. Lægra settum leiðtogum var
ekið um á Chaikas-bílum eða mávum
með öðrum orðum.
„Hann er svalari en bíll Trumps“
hafði rússneska fréttastofan No-
vosty eftir gesti við hátíðarathöfn-
ina, en Donald Trump Bandaríkja-
forseti ekur um á sérsmíðaðri og
skotheldri Cadillac-bifreið.
„Þetta er forvitnilegasta bílafrétt
fimm síðustu ára,“ sagði fréttamað-
ur Rossiya 24-sjónvarpsins og hrós-
aði bílnum hástöfum. „Hann er
smíðaður í Rússlandi, úr rúss-
neskum íhlutum og handverki rúss-
neskra sérfræðinga,“ bætti hann við.
Ekki er Cortege-bíllinn alveg al-
rússneskur því vél hans var þróuð
með aðstoð verkfræðinga frá þýska
sportbílasmiðnum Porsche.
Forsetalímúsína Pútíns hefur ver-
ið í þróun frá árinu 2013 að sögn
TASS-fréttastofunnar. Þróun-
arverkefnið hefur kostað 12,4 millj-
arða rúblna, jafnvirði um 20 millj-
arða króna. Sjálf smíði bílsins hófst
svo í fyrra, en hann er rúmlega sex
metra langur. Hann er hluti af nýrri
16 bíla lúxuslínu til afnota fyrir fyr-
irmenni sem verður í umsjá rúss-
nesku leyniþjónustunnar.
Segjast geta keppt við þá bestu
Forsetalímúsínan ber undirheitið
Aurus og í línunni þeirri verða t.d.
stallbakur að nafninu Senate og
margnotabíll að nafni Arsenal. Eru
nöfnin sótt í turna Kremlarm-
úranna, að sögn sjónvarpsins.
Þá er ætlunin að markaðssetja
hina nýju línu lúxusbíla og bjóða
hverjum sem er til kaups. Þannig
hyggjast Rússar sýna að þeir geti
keppt við framleiðendur á borð við
Mercedes-Maybach, Bentley og
Rolls-Royce að gæðum og kaupverði
og þurfi ekki að vera háðir innflutn-
ingi á bílum.
Rússneskir leiðtogar hefur
löngum líkað að slá um sig á flottum
bílum. Bolsjevíkaleiðtoginn Vladímír
Lenín lagði hald á bílaflota keis-
arans sem hann steypti af stóli og
fór vart hænufet öðruvísi en á Rolls-
Royce Silver Ghost. Uppáhaldsbíll
Jósefs Stalín var aftur á móti Pack-
ard.
Brynvarðar ZIL-límúsínur komu
til skjalanna á sjötta áratugnum og
brúkaðar fram undir aldamót, en þá
viku þær fyrir aðallega fyrir Merce-
desbílum. Tsjhaíka-límúsínan var
einnig þróuð á sjötta áratugnum.
Spurningin sem eftir á að fá svör
við snýst svo um það hvort rúss-
neskir ólígarkar og milljónamær-
ingar muni hætta að kaupa Merce-
des, Rolls-Royce, Bentley, Porsche
og önnur vestræn lúxusmerki. Slíkir
bílar voru í miklum meirihluta á bíla-
stæðum Kremlínar er Pútín sór eið
sinn.
agas@mbl.is
Rússlandsforseti velur rússneskt
Hin nýja og veglega forsetalímúsína Vladímírs Pútín af gerðinni Cortege
á leið til innsetningarathafnarinnar í Kreml 7. maí síðastliðinn.
Pútín fær nýja
volduga for-
setalímúsínu