Morgunblaðið - 22.05.2018, Qupperneq 13

löngum verið sölupunktur Cayenne
og helsti styrkleiki að blanda saman
með trúverðugum hætti sportlegum
aksturseiginleikum og svo jeppaleg-
um þægindum. Aðbúnaður öku-
manns er hreint frábær, allt til alls er
til staðar og innan þægilegrar seil-
ingar. Einna mesta athygli vekur
12,3 tommu upplýsingaskjár sem
kemur feikivel út í innréttingunni og
upplýsir ökumann um hvað sem vera
skal – allt sem hann fýsir að vita og
aukinheldur ýmislegt sem hann hafði
ekki rænu á að velta fyrir sér.
Porsche Cayenne e-Hybrid er há-
tæknibíll, svo það sé ítrekað, og þó
allt of langt mál sé að telja upp allan
staðalbúnaðinn þá má benda á eitt og
annað nýstárlegt. Einstaklings-
bundin loftgæðastýring er stað-
albúnaður og það sem meira er, með
aðstoð sérstaks smáforrits sem hlaða
má í snjallsíma eigandans, er hægt
að hita eða kæla loftið innandyra
með fyrirvara, án þess að ræsa
sprengihreyfilinn; hér er það ný og
öflugri tengirafhlaða sem kemur til
skjalanna. Þessi nýja rafhlaða lætur
ennfremur til sín taka þegar ekið er
af stað, en við komum betur að því í
næstu málsgrein.
Áðurnefnt smáforrit, eða app, mun
innan tíðar einnig gera ökumanni
kleift að leggja bílnum fjarstýrt. Það
nýtist til að mynda þegar leggja þarf
á svo þröngu svæði að vart er mögu-
legt að opna dyrnar til að stíga út. Þá
má einfaldlega stíga út úr bílnum
fyrir lagninguna, og stýra honum
með aðstoð símans inn í stæðið.
Staðalbúnaðurinn er ríkulegur og
meðal fáanlegs aukabúnaðar er til að
mynda ítarlegur „head-up“ upplýs-
ingaflötur sem varpað er á fram-
rúðuna í sjónlínu ökumanns, nudd í
sætum með 5 mismunandi still-
ingum, upphituð framrúða, lofkæld
aftursæti og margt fleira. Sem fyrr
segir, lengi getur gott batnað.
Eruði ekki að djóka í mér?!
Og þá að kjarna málsins – hvernig
er svo að aka hinum nýja Porsche
Cayenne e-Hybrid? Það er hreint
lygilegt. þessi bíll er einfaldlega nýtt
viðmið í akstri sportjeppa. Eins og
fyrrverandi landbúnaðarráðherra úr
Framsóknarflokknum hefði orðað
það: „Þar sem 340 hestafla bensín-
mótor og 110 kw rafhlaða koma sam-
an, þar er gaman.“ Og það er engin
lygi; það er hreint sprúðlandi gaman
að aka þessum bíl. Samanlagt afl er
462 hestöfl sem skila 700 Nm togi til
hjólanna og það veit hamingjan að
hann togar. Vélbúnaðurinn í Ca-
yenne (sem og í nýrri Panameru e-
Hybrid) er fenginn frá ofur-
sportbílnum Porsche 918 Spyder
(ekki leiðum að líkjast þar!) og
vinnslan slík að mann setur hljóðan.
Að bíll sem vigtar 2,3 tonn sé fimm
sekúndur í hundraðið er vitaskuld
einhvers konar verkfræðigaldur. Illu
heilli þá rigndi mestan part þess tíma
sem ég var við prófanir í Suður-
Frakklandi svo ekki gafst með skyn-
samlegu móti tækifæri til að prófa
Sport eða Sport+ akstursstilling-
arnar, en bara Hybrid Auto stillingin
er nógu stórkostleg í akstri til að fá
ökumann til að skælbrosa, ef ekki
skríkja af kátínu. Og þetta á að heita
jeppi? Eruði ekki að djóka í mér?!
Sá jafnbesti sem ég hef prófað
Það þarf því ekki að orðlengja
frekar, að loknum reynsluakstri get
ég með sanni sagt að þessi jeppi er
að minnsta kosti jafngóður bestu lúx-
us-jeppum sem ég hef prófað hingað
til. Það er einfaldlega ekki snöggan
blett að finna, sér í lagi nú þegar
hönnunardeildin hefur gert aftur-
endann jafn vel úr garði og raun ber
vitni. Vitaskuld fellur útlit bíla undir
persónulegt mat en þar hafið þið all-
tént minn túkall hvað málið varðar.
Eini gallinn er vitaskuld sá að ekki
hafa allir kaupgetu til að fjárfesta í
tæplega 13 milljóna króna bíl, und-
irritaður þar með talinn, en þegar sú
tala er sett í samhengi við verðmiða á
ýmiskonar öðrum jeppum sem selst
hafa hér á landi verður upphæðin
næsta hláleg. Þessi spottprís helgast
vitaskuld af því að Cayenne e-
Hybrid fellur í núllflokk hvað inn-
flutningsgjöld varðar og nú vona ég
innilega að stjórnvöld hér á landi
beri gæfu til að viðhalda þeim hvata
sem í þessum núllflokki felst. Bæði
umhverfisins vegna og ekki síður af
því ég óska yður öllum, lesendur góð-
ir, að eiga þess kost að fá að prófa
þennan stórkostlega bíl. Þegar haft
er í huga hve Cayenne er orðinn fal-
legur á að líta, um leið og hann er
hreint óargadýr í akstri, þá er við
hæfi að vitna í frasa úr eftirlæt-
isbíómynd undirritaðs, sem kom út
árið 1982: „Fríða og Dýrið? Þessi er
hvorttveggja!“
Ljósmynd/Porsche A.G.
+
Akstur, útlit, bún-
aður, sparneytni
–
Hreint rafmagns-
drægi ekki nema
44 km
3,0 lítra V6 turbo bensínvél
ásamt 100 kw rafmótor
462 hestöfl/700 Nm
8 þrepa Tiptronic-sjálfskipting
0-100 km/klst.: 5,0 sek.
Hámarkshr.: 253 km/klst.
Drif: AWD
22" álfelgur
Eigin þyngd: 2.295 kg
Farangursrými: 645/1.610 l
Mengunargildi: 75 g/km
Verð frá: 12.990.000 kr.
3,3 l í blönduðum akstri
Umboð: Bílabúð Benna
Porsche Cayenne
e-Hybrid
Jón Agnar Ólason
jonagnar@mbl.is
Reynsluakstur
Porsche Cayenne er að minnsta kosti jafngóður bestu lúxus-jeppum sem ég hef prófað hingað til. Það er einfaldlega ekki snöggan blett að finna, sér í
lagi nú þegar hönnunardeildin hefur gert afturendann jafn vel úr garði og raun ber vitni. Afl og aksturseiginleikar eru með ólíkindum.
Nærmynd af 22 tommu felgunum
sem bílinn prýddu við prófanir.
MORGUNBLAÐIÐ | 13
Síðumúli 9 - 108 Reykjavík | Dalshraun 13 - 220 Hafnarfjörður
Dalsbraut 1 - 600 Akureyri | 560-8888 • www.vfs.is
Þegar þig vantar
alvöru hörkutól