Morgunblaðið - 25.05.2018, Qupperneq 14

14 MORGUNBLAÐIÐ FÖSTUDAGUR 25. MAÍ 2018
Elínrós Líndal
elinros@mbl.is
S
teinunn Reynisdóttir er deild-
arstjóri garðyrkjudeildar
Garðheima. Það eru fáir eins
vel að sér um garðblóm og
hún en Steinunn er menntaður garð-
yrkjufræðingur frá Garðyrkjuskóla
ríkisins. Hún vann lengi hjá Skóg-
ræktarfélagi Reykjavíkur og segist
hafa mikinn áhuga á útivist, trjárækt
og garðyrkju almennt.
Blómstrandi sumargarðar
„Ég eyði frítímum mínum í hesthús-
inu, í löngum göngum um Mosfells-
dalinn eða að moldvarpast í garðinum
mínum,“ segir Steinunn.
Aðspurð hvað sé vinsælast þessa
dagana segir Steinunn: „Það er mjög
vinsælt að hafa blómstrandi sum-
arblóm í garðinum og hafa til að
mynda hortensíur, lyngrósir og sí-
grænar plöntur í bland við sumar-
blóm. Það hefur verið mjög vinsælt
síðustu ár.“
Steinunn segir að matjurtaræktin
standi alltaf fyrir sínu. „Það hefur
verið að færast mikið í aukana að fólk
sé að prófa sig áfram með ýmiss kon-
ar ávaxtatré og berjaræktun. Enda
mjög gaman og gefandi fyrir alla fjöl-
skylduna að rækta sér til ætis.“
Gaman að vera smart
í garðvinnunni
Þegar kemur að úrvalinu í Garð-
heimum segir Steinunn þau reyna að
bjóða upp á breitt úrval af blómstr-
andi og sígrænum plöntum. „Það eiga
allir að geta fundið eitthvað við sitt
hæfi. Einnig erum við farin að bjóða
upp á gott úrval af fallegum auka-
hlutum fyrir garðyrkjukonuna/
karlinn, þannig að það sé hægt að
vera smart í garðvinnunni.
Þá erum við farin að leggja meiri
áherslu á plöntur við hæfi hverrar
árstíðar, hvort sem það er inni eða
úti, þannig að við getum alltaf haft
eitthvað lifandi og fallegt í kringum
okkur.“
Steinunn segir garðyrkju vera að
sækja í sig veðrið. „Íslendingar hafa
mikinn áhuga á því að reyna að rækta
ýmislegt. Þá er fólk orðið mun dug-
legra að prófa sig áfram með alls-
konar spennandi plöntur sem sáust
varla fyrir nokkrum árum. Einnig er
ungt fólk mjög áhugasamt um rækt-
un innplantna og er það að þróast út í
að það vill hafa fínt fyrir utan hjá sér.
Til dæmis á svölunum eða við úti-
dyrnar hjá þeim sem eiga ekki garð.“
Plöntur næra fólk á sál og líkama
Steinunn er fullviss um að plöntur
geri meira en margir halda. „Plöntur
næra fólk á sál og líkama og gefa
manni orku til að takast á við leik og
starf.“
Steinunn mælir með því að fólk
prófi sig áfram og sé óhrætt við að
gera tilraunir. „Ekki gefast upp þótt
örlítið á móti blási, heldur haldið
áfram ótrauð og lærið af reynslunni.
Eins er mjög dýrmætt þegar kyn-
slóðir ná að miðla af þekkingu sinni til
þeirra sem koma á eftir.“
Útrás á illgresinu
Aðspurð hvers konar fólk hafi áhuga
á garðyrkju segir hún: „Það er alls
kyns fólk sem hefur áhuga á garð-
yrkju og flestir hafa gaman af því að
hafa huggulegt í kringum sig. Garðar
eru eins misjafnir og þeir eru margir
og getur fólk valið að hafa garðinn
mjög viðhaldslítinn ef það vill, en fyr-
ir þá sem hafa mikinn áhuga er hægt
að eyða miklum tíma í alls kyns dúll-
erí og hlúa að viðkvæmum plöntum.
Þeir sem eyða miklum tíma í garð-
inum sínum eru almennt hresst og
skemmtilegt fólk sem fær nægt súr-
efni og útrás á illgresinu í garðinum,“
segir hún að lokum.
Garðyrkjufólk er hresst og skemmtilegt!
Útiprýði Blóm á pallinn setja fallegan
og gróinn svip á umhverfið.
Sígildar Fallegar fjólur í Garðheimum, blóm sem eru óháð tískusveiflum.. Ljómandi Gulur er tískulitur sumarsins í blómum og veitir ekki af í sólarleysinu.
Morgunblaðið/Árni Sæberg
Gróðursæla Steinunn umkringd fallegu úrvali af blómum í Garðheimum. „Íslendingar hafa mikinn áhuga á því að reyna að rækta ýmislegt. Þá er fólk orðið mun dug-
legra að prófa sig áfram með allskonar spennandi plöntur sem sáust varla fyrir nokkrum árum. Einnig er ungt fólk mjög áhugasamt um ræktun inniplantna,“ segir hún.
„Plöntur næra fólk á sál
og líkama og gefa manni
orku til að takast á við leik
og starf.“